Điện Biên: Luz tsêr cơưv tiv oz, cxênhx iz, cxênhx oz tưz uô tiêr

Côngz tsinhx Tsêr cơưv Phôv thôngz mênhx cxưx nội trú cxênhx iz thiêz cxênhx oz xã Thanh Nưa, tỉnh Điện Biên. Txix qơư cơưv ntơưr, tsêr nhoz, tsêr uô hâux lưv txos yar tiêx tsêr cơưv thiêz cxix luôs cxuô zav… ntâu hâux lưv tưz tâu kriz uô huv đros thiêz uô tiêr têx hâux lưv lơưr kaz ciês. Txos nhiv no, côngz trinhx tưz tax 100% ntâu chor hâux lưv tsuv uô. Zơưv Trần Minh Tuấn, Chỉ huy trưởng công trường puz pâuz, têx kror chênhr muôx: tsêr uô hâux lưv trâu cưk kriê, thư viện, chor lớp cơưv cxênhx iz thiêz cxênhx oz, tsêr cơưv bộ môn, tsêr đa năng, qơư nhoz trâu shux xênhz, tsêr uô hâux lưv trâu cưk kriê ntơưr, tsêr nox thiêz uô jâuz mor, têx kror txơưr đuô li lax caz their, trôngx vas, cêr lok muk hâur tsêr cơưv, yar tiêx hâur tsêr cơưv, trạm biến áp, cxix luôs phax cuz tuô cuz đrâuv tsêr cơưv thiêz tênhx qơư ... tưz uô tiêr: “Pêz tưz tsar ndê six hơưv uô hâux lưv, huiz tôngv 300 ntâu lênhx công nhân đros yênhx châuv luz yêz, meir cxuô zav uô 3 ca 4 kíp sik hlôngr txơưv yar ntux lok sik lok nas cux tsi so. Pêz uô lơưr têx tsưr ziv thêir vor, puô ntâuz tax chiê công nhân uô hâux lưv txơưv hâur hnuz ntux nas chiê uô tiêr tsưr ziv tso tơưv”.

Côngz tsinhx Tsêr cơưv Phôv thôngz mênhx cxưx nội trú cxênhx iz thiêz cxênhx oz xã Thanh Nưa kriz uô txix hli 11/2025 đros tas nro pênhr yưv uô zos 224 tiv đeiv ntâu, cxiv tsa sâuv thax tsav muôx 5 ha ntâu, tax tâu zoz qơưx cơưv ntơưr thiêz xênhz huôx trâu zuôr xar 1.050 lênhx shux xênhz. Tsêr cơưv muôx 30 qar cơưv vênhx huôv, 13 qar cơưv bộ môn, 99 qar nhoz trâu shux xênhz, 15 qar uô hâux lưv trâu cưk kriê ntơưr đros cxix luôk tsêr nox mor, tsêr uô jâuz mor, tsêr đa năng thiêz cxuô zav txơưr đuô. No zos tsêr cơưv phôv thôngz mênhx cxưx nội trú oz cấp tiv oz nhoz tỉnh Điện Biên tâu uô tiêr lơưr tsưr ziv cxiv tsa cxix luôs tsêr cơưv nội trú ntơưv thax tsav ntus đriv, lơưr kaz tsêr cơưv phôv thôngz mênhx cxưx nội trú oz cấp cxênhx iz thiêz cxênhx oz Si Pa Phìn. Zơưv Nguyễn Công Dũng, Giám sát viên Dự án Tsêr cơưv oz cấp Thanh Nưa, tỉnh Điện Biên pheiz kênh: “Chiê kriz uô hâur qiv hơưv cheix ntux nas mak tsưr yưv pênhr, lênhx nênhs seiz car thâuv tưs cux sik côngv đros canr bôv tsưr yưv pênhr kriz uô, qênhz shuôs têx chuôz zênhx uô ntêx chiê kriz uô taz por tsơưr lươngv côngz trinhx”.

Tỉnh Điện Biên tưz krêz côngz cxiv tsa 15 tsêr cơưv phổ thôngz mênhx cxưx nội trú oz cấp ntơưv têx xã ntus đriv, hâur co Tsêr cơưv oz cấp ntơưv xã Si Pa Phìn tưz uô tiêr thiêz chox lok sir zôngv; 9 dưv anr kriz uô shông 2025 thiêz 5 dưv anr kriz uô shông 2026 tsênhv tâu tror kriz uô; Trơưk li tsưr ziv, tas nro 9 tsêr cơưv kriz uô shông 2025 zuôr uô tiêr uô ntêx hnuz 30/8 chiê phưx vưv shông cơưv 2026 - 2027, jux juk uô tiêr cxiv luôs tsêr cơưv phổ thôngz mênhx cxưx nội trú oz cấp ntơưv thax tsav ntus đriv, paz muôx qơư cơưv ntơưr, xênhz huôx jông trâu yênhx cxênhz lênhx shux xênhz tox siêz. Niêv tix Lường Thị Thoa, tsôngv box xã Thanh Nưa, tỉnh Điện Biên puz pâuz: “Tâu Đảng thiêz têz qơưk paz trâu têx xã ntus đriv muôx tsêr cơưv oz cấp, pêz vav tiêk têx lênhx nênhs yưv pênhr, Đảng thiêz Têz qơưk tsov cưv nzor uô tiêr tsêr cơưv chiê cur têx mê nhuôv thiêz têx nhuôs nhoz xã ntus đriv nzor muôx tsêr cơưv cơưv ntơưr jông đuô”.

Tsêr cơưv Phôv thôngz mênhx cxưx nội trú cxênhx iz thiêz cxênhx oz xã Thanh Nưa tưz tâu choz zok thiêz chox lok sir zôngv, muôz cêr shir phaz, jông siêz trâu tsôngv box thiêz cưk kriê ntơưr. Tsêr cơưv jông, yiêz zuôr paz têx nhuôs muôx six hơưv cơưv ntơưr, xênhz huôx jông đuô, cxơưz paz trâu têx nhuôs hâur ntu nriêr pâuz txux chi, ndar txos luz nênhx jông đuô./.

Vũ Lợi- Txâur Vax cxeik nhênhv