Lai Châu: Muôz nghị quyết lok uô hâur luz nênhx, tuôr truôx ntus đriv

Qơư chênhr cơưv Nghị quyết ntơưv Tsênhv qơư Hội nghị-Vênhx huôv tỉnh Lai Châu muôx zuôr xar 340 lênhx đại biểu cxaz chuôz; iz chas co, 20 cxênhz ntâu lênhx đại biểu tưz cxaz chuôz ntơưv 582 qơư nhoz têx đảng ủy trực thuộc thiêz cấp cơ sở.

Têx tsênhv njiêz lok Tsưr ziv txiv ngaz têz qơưk tâu têx lênhx đại biểu moz siêz txos, viv đros thiêz Lai Châu zos tỉnh tox siêz, ntus đriv, hâux lưv tuôr truôx chinhr triv, truôx tuk xã hội, tsưx phưv thax tsav, ntus đriv têz qơưk zos hâux lưv zov chênhr; iz chas co zos qơư truôx chiê ntơưv qơư huôv tsar kinh têr - xã hội truôx vênhs. Đros trâu têx li heik co, tror uô tiêr tsưr tsix, cxiv luôs chinhr triv thiêz hâu nov 2 cấp ntơưv qơư hâux lưv tso tơưv zos zov chênhr. No cux zos hâux lưv jông, huv đros thax tsav lox đar, tsôngv box nhoz tsi uô cê, ntâu xã tox siêz đêz đrôngs, ntus đriv li Lai Châu. Zơưv Lý Vần Tải, Phưv tsar Ban, Ban Tuyên giáo thiêz Dân vận Tỉnh ủy Lai Châu puz pâuz: “Đhâu jiês cơưv, hêik pâuz tas nro têz qơưk, Ban Tuyên giáo thiêz Dân vận Tỉnh ủy zuôr nhênhz chơưv trâu Ban Thường vụ Tỉnh ủy cxiv tsa tsưr ziv cơưv thiêz fuô uô trơưk. Hâur co, tỉnh sir jos  uô tsênhz mênhx Trung ương li nghị quyết, suô luk yênhx tỉnh, cxuô cấp ủy tsưr ziv, tsaz yênhx uô hâux lưv, taz por tsênhz mênhx, huv đrosntơưv qơư”.

Txix nghị quyết txos trâu hâux lưv uô, tsưr ziv tso tơưv zos tsuv zênhx max uô tsênhz mênhx têx li heik sâuv txix têx hâux lưv uô tsênhv tsênhz huv đros yênhx thax tsav, yênhx ngênhx.. Đros trâu Lai Châu, co zos gra siêz cxiv luôs chinhr triv ntơưv qơư têx hâux lưv uô; tuôr truôx cán bộ, đảng viên cêr uô ntêx nyuôs hâur yax mông, vênhv tôngv tsôngv box; cxiv tsa truôx côx phax reik đros truôx tuk tsôngv box thiêz phax tir thêir têx tsi jông nhoz ntus đriv. Têx lênhx canr bôv, đảng viên zuôr zos lênhx nênhs chox Đảng  tsưr ziv, tsênhv chei txos trâu pêx xênhv, lar heik zos tsôngv box heir nênhs  tsơưs nhoz thax tsav ntus đriv, paz muôz cêr njênhs trâu pêx xênhv, đros cxiv tsa, tsưx phưv truôx chính trị, truôx tuk thax tsav qơư.

Ntơưv Đảng bộ Ban Chỉ huy Bôv đôiv Pênhz phax Lai Châu tsưr tsix 14 qơư cơưv, đros 500 ntâu lênhx canr bôv, đảng viên cxaz chuôz, Trung tá Nguyễn Hữu Kiển, Trợ lý Tuyên huấn, Phòng Chính trị, Ban Chỉ huy Bôv đôiv Pênhz phax tỉnh Lai Châu, pheiz kênh: “Zos iz lênhx canr bôv, đảng viên nhoz tỉnh ntus đriv, cur pâuz tsênhz txos zuk li txơưx jênhv, tsuv bax nhênhz chơưv trâu cấp ủy chi bộ; lok sâuv hâux lưv yax mông, mak vênhv tôngv pêx xênhv uô lơưr Đảng, têz qơưk tsưr ziv, têx chei fuô kriê . Yax mông, vênhv tôngv chuôz zis, nênhs cxênhz jê thiêz pêx xênhv ntơưv qơư đros tsưx phưv truôx thax tsav, ntus đriv têz qơưk”

Jiês cơưv tas nro têz qơưk nhênhz chơưv, cơưv shâuv, heik kriê thiêz fuô uô trơưk Nghị quyết jiês cơưv tiv 3 Ban Chấp hành Trung ương Đảng khóa XIV zos jiês xênhz huôx chinhr triv zov chênhr, muôz cêr thôngx ziv jênhv pâuz thiêz têx hâux lưv uô hâur tas nro Đảng. Đros Lai Châu, hâux lưv uô tsênhz mênhx nghị quyết reik đros tsênhv tsênhz ntơưv qơư zuôr paz cxiv tsa cxiv luôs chinhr triv truôx jông, lês uô tâu cxuô luôs hâux lưv tso tơưv; muôx cêr sik thôngx siêz, tsưx phưv truôx chinhr triv, truôx tuk xã hội thiêz ntus đriv têz qơưk. Txix ntơư, muôz qơư khov chiê Lai Châu huôv tsar têx muôx jông tâu sei thiêz truôx, paz cxiv tsa, tsưx phưv têz qơưk hâur ntu hlôngr yiêz./.

Khắc Kiên-Riê Lâux cxeik, nhênhv

Tsưr ziv uô siv hâux lưv cxiv tsa xã hlôngr yiêz jông.

Cuêz tênhv 51/2025/QĐ-TTg cui tênhv tsưr ziv uô siv hâux lưv cxiv tsa xã nôngx cxênhz yiêz jông ntu 2026 - 2030 muôx têx njiêz luv li đrav kaz:

1. Zos xã tax ploz tsênhr hlôngr yiêz (tax tâu cxix cxuô ploz tsênhr lơưr cui tênhv đros xã thax tsav 1 nhoz Bộ ploz tsênhr têz qơưk lok xã hlôngr yiêz ntu 2026 - 2030).

2. Xar li phênhv sâu fênhx pheiz lênhx nênhs nhoz ntu njuôk xav, côngz jênhv xar hlôngr yiêz jông tsuv siêz đuô txix 10% tror sâur pir đros phênhv sâu fênhx pheiz lênhx nênhs uô lơưr cui tênhv đros xã thax tsav 1 sâuv thax tsav tỉnh, thành phố nhoz đros six hơưv.

3. Tax têx ploz tsênhr xã hlôngr yiêz jông, zos Ủy ban tỉnh, thành phố cui tênhv tsênhz mênhx, tax tâu têx li đrav kaz:

a) Taz por hạ tầng số thiêz sir zôngv têx năng lượng yiêz lok sik năng lượng truôx tuk;

b) Muôx tsưr ziv uô kôngz nuv yiêz jông; huôv tsar cxix cxuô kinh tế, vênhx huôv, zoz zux, y tế lơưr khoa học công nghệ hlôngr yiêz xar tơưv thiêz hlôngr yiêz sôr;

c) Taz por nox nhoz xar hôiv; muôz siêz tsơưr lươngv lênhx nênhs nhoz nôngx cxênhz;

d) Tênhx qơư nhoz truôx tuk, taz por hur jông, muôx ntâu vênhx huôv jông;

đ) Thax tsav qơư, tênhx qơư hur si - njuôz jông – taz por;

e) Txiv ngaz tâu taz por; lưx lươngv Công an xã tâu cxiv tsa hur jông, truôx vênhs, chinhz yênhx jông, hlôngr yiêz.

Hâux lưv cui tênhv tsưr ziv uô siv cxiv tsa xã hlôngr yiêz jông ntu 2026 - 2030 zos kror yiêz pir li ntu 2021-2025, muôz tsưr ziv uô siv trâu trâur nuv hlôngr yiêz jông, reik đros huôv tsar niêv đrôngs đros hlôngr yiêz, lơưr saz phênhz pheiz trâu ntơưv qơư cxơưz cxiz uô siv nhoz têx qơư muôx theox chênhv (zos muôx), txar jav hâux lưv kriz uô cxuô qơư mak muôx tsik txâuk têx tsênhv tsênhz; zuôr chênhz zênhv hâur kaz ntu 2026-2030, uô qơư chiê nhênhz chơưv, cxiv tsa, kriz uô đêz đar hâur ntu đhâu shông 2030.

Cui tênhv no cux zos chiê phuôx huiz tâu ntâu tiv zix têx muôx jông ntơưv qơư, sir jos uô siv hâux lưv cxiv tsa xã nôngx cxênhz yiêz jông, tâu sir zôngv cơ sở cxuô zav thiêz jix vuv yiêz jông li niêv đrôngs, tuôr truôx cêr vênhx huôv chax chês jông; muôz siêz đuô pêx xênhv nôngx cxênhz luz nênhx nox nhoz thiêz chinhz yênhx, tênhx qơư nhoz uô nênhx./.

Tòng Đức Anh BT- Txâur Vax cxeik nhênhv