Lào Cai: Sir jos uô cov tiêr 4 luz tsêr cơưv nhoz thax tsav ntus đriv chiê ndar hnuz kriz shông cơưv yiêz

Côngz trênhx Tsêr cơưv Phôv thôngz mênhx cxưx niêv txir zus mor cxênhx iz thiêz cxênhx oz xar Pha Long, tỉnh Lào Cai têx hnuz no tuôr truôx six hơưv uô hâux lưv. Lơưr zơưv Trần An Ninh, Chi nhánh Trường Sơn 26, chỉ huy trưởng côngz tsinhx, tsưr côngz tsinhx tsênhv huiz tôngv 450 ntâu lênhx nênhs, đros cxuô zav meir, chuôz zênhx, uô tsưr ziv "3 ca, 4 kíp" chiê uô tiêr têx hâux lưv lơưr kaz ciês: “Tsưr yưv pênhr tsênhv truôx siêz cxơưz tiês uô têx luôs hâux lưv luôv thưx chiz hâur thiêz saz đrâuv, cxix luôs tênhv tênhz, đêx chiê chox côngz tsinhx lok huôx tôngv trơưk li tsưr ziv tso tơưv”.

Đros cxaz chuôz uô côngz tsinhx muôx ntâu lênhx nênhs lox tôngv zos tsôngv px mênhx cxưx tsơưs nênhs nhoz tiv phaz. Cê uô hâux lưv, lơưr cê bax chiê chox zuk têx tuz nhuôs muk cơưv ntơưr ciês ntơưv luz tsêr cơưv tsênhv cxiv uô. Tix lâus Tsaz A Củi, tsôngv box jok Sả Chải, xã Pha Long pheiz kênh: “Puz cur muk sâuv no cơưv ntơưv tsêr cơưv nội trú Pha Long zos jông tiv zix, tâu cưk kriê sêiz car, puz nox hâuk, uô li chas tsuv sir jos cơưv cov jông chiê tov kaz no yênhx cưk kriê ntơưr”.

Cxix luôk tsêr cơưv nội trú oz cấp thâuv uô tiêr zuôr car chêx tâu têx phiv liv hâur hâux lưv muk lok, paz tuôr truôx chor shux xênhz nhoz tox siêz muk cơưv ntơưr. Zơưv Phạm Tất Minh, Chủ tịch UBND xã Pha Long jênhv tênhv: “Đros tsêr cơưv nội trú li têx tsov cưv zuôr paz jông tiv zix  trâu chor shux xênhz hâur hâux lưv cơưv ntơưr, xênhz huôx, đros muôx 980 lênhx shux xênhz, tsav xar muôx 36% shux xênhz cxênhx iz thiêz cxênhx oz sâuv thax tsav, kror no ziv muôx ziz njiêz đuô thâuv Pha Long zos iz xã tsênhv lok six txov nhêv”.

Chiê taz por côngz tsinhx phuôx huiz chêx cuk txix ciês thâuv  choz zok, têx tiv phaz ntơưv Lào Cai heik kriê tsưr ziv: "Cxiv tsa hạ tầng txos tưs, bax bộ máy txos co". Nhiv no côngz xưv xeir zuôr cán bộ, viên chức thiêz xeir zuôr shux xênhz tsênhv tâu ciêr chênhr krêz uô. Zơưv Nguyễn Đình Thức, Phưv Chủ tịch UBND xã Mường Khương heik: “Đros thiêz têx cưk kriê thiêz nhân viên pêz tưz thôngz đhâu têx cuiz tênhv xeir zuôr canr bôv seiz car, cưk kriê ntơưr lok uô hâux lưv hâur tsêr cơưv nội trú; thôngx cxix, yênhx lix ban chox kriê xeir zuôr shux xênhz thiêz tsêr cơưv li hôiv đôngx xeir zuôr, nhiv no pêz tsênhv xeir zuôr shux xênhz đros 980 lênhx shux xênhz tsêr cơưv nội trú”.

Lok nganhx zaoz zux, têx tsêr cơưv cux tưz tso tơưv tsưr ziv tsưr tsix nội trú, seiz car shux xênhz thiêz kriz uô cơ sở cxuô zav yiêz. Nhiv kruôr jênhv hâux lưv ntơưv tsêr cơưv nhoz ntus đriv, cưk kriê Giàng Thủy, Phưv Hiệu trưởng Tsêr cơưv Phôv thôngz mênhx cxưx nội trú cxênhx iz thiêz cxênhx oz xã Pha Long puz pâuz: “Pêz pov lok six shir phaz, jông siêz, txưv haox viv no zos luz tsêr cơưv lox tiv zix mak txix thâuv ntêx txos nhiv no pêz tâu cxaz chuôz uô côngz xưv. Pêz cux xar njôngr txos kaz hli 9 zuôr tâu tos têx nhuôs shux xênhz tuôx cơưv ntơưr ntơưv luz tsêr cơưv yiêz”

Tsuôk yuôr iz hli ntâu thiêz tưz txos hnuz krêz cơưv shông cơưv yiêz. 4 luz tsêr cơưv nội trú oz cấp ntơưv Y Tý, Pha Long, A Mú Sung thiêz Mường Khương thâuv chox lok uô hâux lưv tsi taz muôz siêz tsơưr lươngv zaoz zux thax tsav txov nhêv, mak tsênhv zos qơư chiê tsôngv px tso siêz nhoz truôx têz truôx qơư, gôngr phênhv tuôr truôx txiv ngaz côx phax tas nro tsôngv box nhoz ntus đriv têz qơưk./.

VOVTB-Txâur Vax cxeik nhênhv

Phax tar caz moz vưv hâur chêix ntux kruôr

Moz vưv zos tiv têx caz moz uô cik moz trâu lênhx nênhs thiêz chor tsiêx cxu. Caz moz phênhv ntâu muôx txix chor đêr (tsav xar muôx 90%), đô li cux muôx nhoz chor mir thiez iz cxiê zav tsiêx kuk txơưr. Thâuv chor tsiêx cxu muôx moz vưv khơưz, tov trâu lênhx nênhs, chor caz moz zuôr gas tâu trâu hâur lênhx nênhs luz chêr, uô cik caz moz trâu lênhx nênhs thiêz uô trâu nênhs trâus cik caz moz co yênh, vưv thiêz trâus tuôs.

Ntu vâuv caz moz ntêr lok lur khov trâu ntâu kror li qơư tov co saz lok tsik saz, kror qơư tov co nhoz jê sâuv tâuz hâu lok tsik jê thiêz têx caz moz vưv gas tâu trâu hâur luz chêr ntâu lok tsơưs. Qơư tov ziv saz, ziv nhoz jê trâu tâuz hâu mak six hơưv huôv xênhz moz vưv hax zav sêi. Thâuv tưz trâus moz vưv lơưv mak nênhs moz xưk li zuôr trâus tuôs xưz.

Txơưv tiêk zos zav caz moz phiv liv, riêz nênhs, taz sik moz vưv cux zuôr phax tar tâu txix yuôx vắc xin. Chiê phax tar tâu moz vưv, sơưr đơưk tsuv uô jông têx tsưr ziv đrav kaz:

Sêiz car thiêz cxax yuôx phax moz vưv trâu chor tsiêx tu zus:

- Cxax yuôx phax moz cxix cxuô trâu chor đêr, mir thiêz tror cxax yuôx phax moz nzir yênhx shông lơưr nganhx thú y hêik kriê.

- Tsik tso chor đêr, mir tơưv ntâu đrâuv jôngr; thâuv tso chor đêr muk trâu têx qơư công côngv tsuv chox lôngx kror ndâux trâu đêr thiêz muôx nênhs chaz.

Phax tar đêr, mir tov:

- Tsik jêk chor đêr, mir lok sik uô trâu chor đêr, mir bâu tơưl.

Xưv lik huv zos thâuv trâus đêr, mir tov:

- Nzuôr ciês kror qơư trâus tov txix đêx hur thiêz xaz phongx, chor cuô yuôx muôx nhos 15 phênhz. Zos tsik muôx xaz phongx, tsuv nzuôr ntâu jiês txix đêx hur. Đhâu co muôz chor cồn 70 tưv lok sik cồn iod nzuôr cov hur si thiêz tsik krưr ntov kror qơư trâus tov. Đuô li, tsuv tuôx ciês trâu têx qơưk y têr jê tiv zix chiê tâu hêik kriê thiêz cxax yuôx phax moz co sêi; tsik zôngv yuôx đrox njuôz chiê krưr lok sik kho moz vưv.

Sêiz shuôk chor tsiêx zus đhâu tov nênhs tas:

- Chor đêr zus tưz tâu cxax yuôx phax moz vưv thiêz đăngk cir sêiz car, tsuv sêiz shuôk tuk tsiêx co hâur 14 hnuz.

- Chor đêr, mir tsik tâu cxax yuôx phax moz vưv đhâu tov nênhs tas tsuv muôz cơư thiêz sêiz shuôk jông hâur 90 hnuz lơưr cui tênhv, paz por vêv jông đas jos trâu zuk, chuôz zis thiêz côngv thôngx./.

Vừ Chu-Lik Thox cxêik nhênhv