Muôz oz pêz luz jok chox lok uô iz jok, tsuv kriz uô cov huv đros thax tsav tox siêz tỉnh Lào Cai

Xar tox siêz Phình Hồ, tỉnh Lào Cai, nhiv no muôx 15 jêx jok, đhâu txar lok uô cê yuôr muôx 9 jêx jok. Lok chor nênhs uô hâux lưv jêx jok, chor bí thư thiêz tsar jok puôr lênhx zos canr bôv hluôk, muôx txux chi uô hâux lưv, têx lênhx nênhs muôx txux chi đại học.

Zơưv Hoàng Anh Tuấn, Chủ tịch Ủy ban xarr tox siêz Phình Hồ, puz pâuz: Xar tưz cxiv tsa tiêr tsưr ziv thiêz kriz uô zuôr pêx xênhv ziv chênhv, uô ntêx 30/6/2026 tưz uô tiêr. Taz sik, muôx iz cxiê jêx jok tsik tâu txâuk chor ziv chuôz zis thiêz zos thax tsav muôx ntâu kror phiv liv: “Chor jok co mak tsik tâu txâuk lok thax tsav thiêz muôx tsik tâu txâuk 150 ziv chuôz zis. Trơưk cui tênhv zos 150 ziv chuôz zis, taz sik cux muôx têx jêx jok zos tsik tâu txâuk 150 ziv sik zos têx qơư nhoz đêz, phiv liv mak xar cux tưz muôx hêik pâuz thiêz txos nhiv no xar cux tưz thôngx ziv tsưr ziv li hêik sâur”.

Kho đuô bê chor jêx jok đhâu txar lok uô cê ntơưv Phình Hồ cux muôx têx zôngx ziv thâuv xar tsov bê jêx jok yiêz huv đros chor xar kuz, lok sik têx luz bê cik txó lịch sử ntêr shông. Li jok Tà Chử thiez jok Chí Lư lok uô cê yênhx iz luz jok yiêz zuôs hlôngr bê yênhx jok Phình Hồ; jok Mù Thấp tsik tsik txar đros luz jok tưs hlo taz sik zuôr hlôngr bê yênhx jok Bản Mù nhoz xar Bản Mù thâuv ntêx no: “Chor bí thư chi bôv, tsar jok cux li pêx xênhv hâur jok cux xar cov hlôngr li co thiêz pêz cux njuôk xav uô li. Zuôr txos no zos zuôr ziv chênhv tâu pêx xênhv thôngx ziv siêz li co mak xar zuôr hlôngr đuô bê trâu chor jok li ntơưr, trơưk pox nhuôs thiêz canr bôv côngz chức xar li siêz xar”.

Ntơưv xar tox siêz Trạm Tấu, đhâu qênhz shuôk tổng hợp, đhâu txar lok uô cê, xar grêk tsơưs txix 18 jêx jok txos yuôr 15 jêx jok. Xar tưz yênhx lix 18 tôv zuôr pêx xênhv ziv chênhv zos têx ủy viên Ban Thường vụ Đảng ủy xar sêiz car, sik côngv đros chor jêx jok chiê kriz uô cov txar chor jêx jok lok uô cê tâu uô huv li tsưr ziv tso tơưv, tuôx truôx tuk qênhx shênhx, pêx xênhv cux li chor canr bôv uô hâux lưv ntơưv jok li siêz xar.

Zơưv Bùi Hồng Anh, Phưv Chủ tịch Ủy ban xar Trạm Tấu puz pâuz, chor nênhs uô hâux lưv zuôr grêk tsơưs txos yuôr 3 lênhx nênhs zos: Bí thư chi bôv, Tsar jok thiêz Tsar ban Côngz xưv Mặt trận. Chor nênhs tsik chiê uô têx hâux lưv kuz mak zuôr tâu sêiz shuôk chiê uô têx hâux lưv đoàn thêv txơưr hâur jêx jok: “Chor nênhs muôx txux chi, muôx chôngz lênhx tsar jok nhiv no tsênhv muôx txux chi đại học. Viv li xar chiê chor nênhs co uô. Xuz thơưx mak njuôk xav li co chiê kriz uô tâu têx hâux lưv cik txos”.

Uô lơưr Thủ tướng Chinhr phuv Chỉ thị 21, zos tỉnh tox siêz muôx thax tsav phiv liv, hâux lưv kho đuô, txar lok uô cê chor jêx jok, tôv dân phố ntơưv Lào Cai tâu Tỉnh ủy chox kriê kriz uô jông, hâur co thôngx ziv tsưr ziv tsik zos uô cov muôx. Zơưv Bùi Hồng Anh, Phưv Chủ tịch Ủy ban xar Trạm Tấu hêik pâuz tiv zos thax tsav tox siêz, xar muôx iz cxiê jêx jok txơưv tsik tâu txâuk chor ziv chuôz zis (tsơưs đuô 150 ziv chuôz zis) taz sik ho nhoz kuôk đêz chor jêx jok txơưr, muk lok đêz thiêz thax tsav trâus cêv kuôk, viv li xar tưz muôx ntâuz ntơưr hêik trâu thênhv siêz pâuz cov tuôr truôx li kuz, tsik chiê chor jêx jok no lok uô cê đros chor jok txơưr: “Háng Gàng, luz jok co mak nhoz kuôk đêz, muôx 90 ziv chuôz zis, muk trâu luk jok co tas muôx 7 cêik cêr. Lok zos jok Làng Ninh, muôx 66 ziv chuôz zis xưz, taz sik hok muôx pêz kror qơư nhoz, muk txix qơư no trâu qơư tor tsuv muk đhâu iz luz trôngz, 10 cêik cêr tôx trôngz. Tuôr truôx li kuz viv zuôr txar tsik tâu lok uô cê đros luz jok tưs hlo. Zos chiê lok uô cê mak canr bôv jêx jok zuôr muk cơưv tsik tâu hâur iz hnuz, tsuv tas muôx 2-3 hnuz thiêx zuôr cơưv tas”.

Txos nhiv no, chor xar sâuv thax tsav tỉnh Lào cai tưz uô tiêr tsưr ziv, tsênhv bax chiê zuôr pêx xênhv ziv chênhv, njuôk xav txos 30/6 zuôr uô tiêr thiêz txar chor jêx jok lok uô cê./.

VOVTB-Lik Thox cxêik nhênhv

Sơn La tror fuô uô luôs hâux lưv “500 hnuz hmo sir jos zok nriêr chor tuz lênhv tâu tas siv nênhx hâur ntu tir ntâuk tros châuz đrav ntêx tsi tâu pâuz tsênhz bê”

Tror fuô uô luôs hâux lưv “500 hnuz hmo sir jos zok nriêr chor tuz lênhv tâu tas siv nênhx viv tsưx phưv têz qơưk tsi tâu pâuz tsênhz bê”, nhiv kruôr đhâu, Ban chox kriê tỉnh Sơn La lok zok nriêr, xav tinhv bê têx tuz lênhv tâu tas siv nênhx viv tsưx phưv têz qơưk têx poz cxa tsưr tsix njuôk shuôs ADN chiê pâuz tsênhz bê chor tuz lênhv li heik sâuv ntơưv chor tuz lênhv tâu tas siv nênhx qơư nda xã Thuận Châu.

Ntơưv chor tuz lênhv tâu tas siv nênhx qơư nda xã Thậun Châu, tỉnh Sơn La muôx 95 luz nda tuz lênhv tsi tâu pâuz tsênhz bê. Luôs hâux lưv njuôk shuôs ADN, xav tinhv mênhx bê tuz lênhv tâu tas siv nênhx viv tsưx phưv têz qơưk tâu bax uô jông, trơưk cui tinhv.

Đhâu jiês xav jênhv, qênhz shuôs, ntâuk chiv thax tsav; gra têx tuz lênhv tâu tas siv nênhx ntơư têx poz cxa lok choz trâu qơư qênhz njuôk shuôs tâu uô truôx jông, trơưk cui tinhv, huv đros ntâuz ntơưr, por hưv tsês chiê lơưr cui tinhv.

Hâur ntu njuôk shuôs chor tuz lênhv tâu tas siv nênhx têx poz cxa tâu uô trơưk đreiv li Viện pháp y bôv đôiv  thiêz Tập đoàn Công nghiệp-Viễn thông bôv đôiv Viettel cui tinhv heik kriê, taz por truôx tuk, tsênhz mênhx.

Ntơưv chor tuz lênhv tâu tas siv nênhx qơư nda phường Tô Hiệu, tỉnh Sơn La tưz tsưr tsix ntênhs shov, uô đaz kruô trâu 5 lênhx tuz lênhv tsi tâu pâuz tsênhz bê zok nriêr tâu hâur thax tsav.

Luôs hâux lưv zok nriêr chor tuz lênhv tâu tas siv nênhx têx poz cxa zos  Đảng, têz qơưk hâux lưv zov chênhr, heik lol nênhs Việt Nam cêr uô nênhx “hâuk đêx tsuv ndo njôngr txos hâur đêx” thiêz ndo txiêx njis txos chor tuz lênhv tâu tas siv nênhx viv tsưx phưv têz qơưk têx côngz đas jos lox.

Ntơưv qơư nda, chor đại biểu tưz hlơưr shaz, tso pax shov, ndo txiêx njis txos chor tuz lênhv tâu tas siv nênhx viv tsưx phưv têz qơưk têx côngz đas jos. Đại tá Sa Minh Nghĩa, Chính ủy Bộ chỉ huy Quân sự tỉnh Sơn La, Phưv Tsar ban Thường trực Ban chox kriê zok nriêr thiêz xav jênhv chor tuz lênhv tâu tas siv nênhx têx poz cxa tỉnh Sơn La heik pâuz: Đhâu qênhz shuôs, Sơn La tsênhv yuôr iz cxênhz ntâu luz nda tuz lênhv tsi tâu pâuz tsênhz mênhx bê, hâur co 400 ntâu luz muôx mê njik xor mông, yuôr đuô li mak tsi tâu pâuz mênhx. Txos nhiv no, Ban chox kriê tưz zok nriêr tâu 130 luz nda, hâur co 90 luz pâuz tâu têx trox nyar, 40 luz mak tsi tâu pâuz mênhx: “Hâur ntu fuô uô luôs hâux lưv heik sâuv, pêz tưz uô jông cxuô luôs hâux lưv txix bax txos trâu zok nriêr, khơưz chor tuz lênhv têx poz cxa lok tso uô cê trâu iz qơư nda. Hâur ntu zuôr txos, pêz zuôr sir jos chox kriê uô jông đuô têx hâux lưv heik ntơư, chiê uô tiêr tâu sei hâux lưv zok muôz, chox chor tuz lênhv tâu tas siv nênhx viv tsưx phưv têz qơưk lok trâu thax tsav qơư nhoz, trâu chuôz zis”.

Luôs hâux lưv “500 hnuz hmo sir jos zok nriêr chor tuz lênhv tâu tas siv nênhx viv tsưx phưv têz qơưk tsi tâu pâuz tsênhz bê” tâu fuô uô txix hnuz 15/3/2026 txos 27/7/2027, bax tok chiv nhênhv 80 shông Hnuz Saz pênhz thik xênhz lok zos Thương binh liệt sĩ (27/7/1947-27/7/2027). /.

Thanh Thủy -Riê Lâux cxeik, nhênhv