Pêx xênhv Lai Châu uô jông hâux lưv phax tar cuz tox cuz jôngr hâur chêix ntux kruôr

Thâuv têis cik sơưr nzor, txơưv ntux no hênhr, tôv uô côngz xưv por vêv jôngr muôx 10 ntâu lênhx nhoz jok Lò Ma, xar Ka Lăng, huyện Mường Tè (Lai Châu) tưz muôx njêx muôs ntơưv tsêr vênhx huôv jêx jok chiê sik đros muk qênhz yuôx har jôngr. Têx chuôz zênhx zôngx ziv trâu nênhs muk hâur har jôngr li triêv txuôk, hlâu… tâu sơưr đơưk gra đros chiê tuô hluôr tơưl thâuv pov muôx chis cuz.

Tsar jok Lò Ma Lù Ha Tư hêik: Thax tsav jôngr nhiv no jok tsênhv sêiz car phênhv ntâu zos jôngr lâul. Hâur har jôngr tưz tâu pox nhuôs chos yênhx puô héc ta txir hơưk, sâm, txir suôz câur xiêr… txix tsênhv chêi pâux nzir dịch vụ tênhv qơư jôngr, yênhx shông, iz ziv chuôz zis puôr lênhx tâu sơưv xar muôx 30 triệu đêiv. Muôx phênhv sâu truôx txix jôngr, jok tưv cxiv tsa chêi chiê por vêv:

“Pêz tưz muôx chêi chiê por vêv thiêz tsoz phưz jôngr, tsik so yax kriê trâu pox nhuôs sơưr đơưk pâuz lok têx chêi co. Tôv sêiz car jôngr tsuv tsik so muk qênhz yuôx, sêiz shuôk sêz têx thax tsav qơư tưs zôngx ziv chis cuz chiê kriz uô têx tsưr ziv phax tar cuz tox cuz jôngr thiêz muôx tsưr ziv por vêv cov jông”.

Mường tè zos qơư muôx thax tsav jôngr ntâu tiv zix tỉnh Lai Châu, đros xar muôx 268.000 héc ta, hâur co thax tsav jôngr chiv xênhz muôx 170.000 ntâu héc ta. Đros uô jông “phax zos chênhr”, txix ciês têx hnuz xuz thơưx hâur chêix ntux kruôr no, lưx lươngv kiểm lâm tưz tsik so sik côngv đros chinhr quyền cxuô thax tsav qơư muk trâu têx jêx jok chiê yax kriê, gra siêz jênhv pâuz lok phax cuz tuô cuz jôngr trâu pêx xênhv thiêz tsưr tsix qênhz yuôx chiê pov tâu thiêz tir tar tâu nzor chor txuz cuz tox cuz jôngr. Zơưv Đào Văn Hân, Hạt trưởng Hạt Kiểm lâm huyện Mường Tè puz pâuz:

“Hạt Kiểm lâm huyện Mường Tè cux tưz chox kriê kiểm lâm sêiz car thax tsav sir jos yax kriê trâu pêx xênhv sêiz car pâuz, por vêv jôngr thiêz phax cuz tuô cuz jôngr. Chox kriê kiểm lâm sêiz car thax tsav chor xar, thị trấn yax kriê txos têx jêx jok, kriê trâu pêx xênhv pâuz têx tsưr ziv por vêv thiêz xưv lik têx đrox, nhov, chos jôngr chiê hluôr tơưl tsik txêik cuz trâu hâur har jôngr. Hạt Kiểm lâm cux sik côngv đros têx xar, thị trấn chiê xav jênhv chor lưx lươngv, sir jos phax tar thâuv muôx cuz tox cuz jôngr, chiê txo grêk tsơưs tiv zix têx trâus hiêv”.

Chêix ntux kruôr shông uô ntêx, tas nro tỉnh Lai Châu muôx 40 ntâu txuz hluôr tơưl cuz jôngr, uô hiêv tas xar muôx 200 héc ta jôngr. Qir tiv muôx yưv chor txuz cuz jôngr đrâuv tiv ntux kruôr gis, yar ntux cuz sor truz ntêr, cux tsênhv yuôr tsik tsơưs pêx xênhv tsik tâu uô jông lơưr têx cui tênhv lok phax cuz, tuô cuz jôngr. Zơưv Lò Xuân Khánh, Phưv Cục trưởng, Chi cục Kiểm lâm, Sở Kôngz nuv thiêz Huôv tsar jêx jok tox siêz tỉnh Lai Châu puz pâuz:

“Ban Chox kriê phax cuz tuô cuz jôngr tỉnh tưz tso tơưv têx chêi, chỉ thị lok sir jos uô côngz xưv sêiz car, por vêv jôngr thiêz phax tar cuz tox cuz jôngr. Chi cục Kiểm lâm tsênhv tsik so sêiz kaz jông têx xor mông hêik pâuz muôx cuz jôngr nzor sâuv Cục Kiểm lâm li website chiê qênhz yuôx, pov tâu nzor muôx cuz jôngr. Chi cục cux tưz chox kriê Hạt Kiểm lâm têx huyện, thành phố qênhz yuôx, cxaz nzir chor tsưr ziv phax tar cuz tox cuz jôngr, xav jênhv chor thax tsav zôngx ziv trâus cuz jông chiê tso nênhs sêiz jor thiêz muôx tsưr ziv phax tar”.

Muôx tas nro cxiv luôs chinhr triv đros uô thiêz pêx xênhv ntơưv thax tsav qơư li sir jos zuôr zos kror paz trâu Lai Châu txo grêk tsơưs tiv zix chor txuz hluôr tơưl chis cuz jôngr hâur chêix ntux kruôr shông no; sir jos txos shông 2025, thax tsav muôx jôngr nzôngr tox trôngz, câuv har hâur thax tsav tỉnh tax tâu 54% lơưr Nghị quyết Đại hôiv Đảng bộ tỉnh tso tơưv./.

Khắc Kiên-Lik Thox cxêik nhênhv

Cưk kriê ntơưr Vỵ lớp cơưv kriê txux chi trâu chor nhuôs muôx luz nênhx tsi xưk

luôs lưv tus

Chor nhuôs seiz njiê, heik trơưk cưk kriê Hoàng Thị Vỵ nhoz jok Ngòi Khang, xã Bảo Ái, huyện Yên Bình têk tơư kriê hâur niêx hnuz ziv cxơưz nzir đas jos chiê cưk kriê Vỵ moz siêz uô hâux lưv kriê txux chi trâu têx nhuôs. Lok six phiv liv chor nhuôs co thiêx shâuv heik, nhênhv tâu ntơưr mênhx. Tsuv pôngz tas ntâu six hơưv, hnuz nhôngs yênhx luz hli, têx nhuôs thiêx muôx têx nhênhv thiêz ndo tâu tus ntơưr heik li ntơư. Cưk kriê Hoàng Thị Vỵ heik: Shux xênhz nhoz no phênhv ntâu puôr lênhx đros tsi tâu têx lênhx nhuôs iz fâuv ntơư cơưv ntâuz ntơưr uô cê, lơưr luz nênhx txov nhêv cơưk. Cur so lâul lơưv, tsi muôx nuv đaz tsi uô, xar uô lưv zav paz têx nhuôs thiêz chuôz zis txo grêk tsơưs iz phênhv tưs cêr phiv liv:

“Cur iz txưv zos cưk kriê ntơưr viv li cur kriê tâu txux chi trâu chor nhuôs, cur cux tưz cơưv shâuv tâu iz cxiê têx tsưr ziv sâuv ntơưr pov tsir, ti vi, tuôr têk kriê chor nhuôs iz tus jux juk shâuv sâu ntơưr, têx nhuôs nhiêk muôx nhiêk iz kro txov, phiv liv viv li tsuv sir jos kriê xưz”.

Txix iz lênhx cưk kriê siêz jông, hluz txos luôs lưv tus muôx luz nênhx txov nhêv, tsi xav txos li uz li no tưz cxiz cưk kriê Vỵ chiv chir zok nriêr tsưr ziv buôk ti, tsoz phưz chor nhuôs zâu tsi muôx luz nênhx jông xưk luôs lưv tus, đhâu ntơư bax muk yênhx ziv chuôz zis muôx mê nhuôv xưk li heik sâuv chiê kriê ntơưr, paz chuôz zis tsoz phưz chor nhuôs thiêz krêz lớp cơưv ciês ntơưv jok chiê têx nhuôs co tâu cơưv txux chi xưk li têx lênhx muôx jông njêx jông muôs, jông têk tơư. Chor nhuôs shux xênhz hâur lớp cơưv no li iz lênhx niêv txir heik:

“Thâuv tuôx cơưv mê nhuôv tâu cơưv shâuv lok six ntâu tsar zav, seiz tus nhuôs hâur niêx hnuz cux hlôngr yiêz jux juk”.

Chiê muôx qơư trâu chor nhuôs tuôx nhoz cơưv ntơưr, cưk kriê Vỵ tưz kêr tax tsêr vênhx huôv jok Ngòi Khang uô lớp cơưv. Trôngx tos mak cưk kriê Vỵ thor iz cxiê chuôz zis hâur jok li lok; qơư sâu ntơưr thiêz lưv zav chuôz zênhx txơưr đuô phưx vưv kriê ntơưr zos cưk kriê Vỵ chiv chir bax gra tuôx. Zôngx ziv li ntơư, taz sik txix qơư cơưv no, ntâu lênhx nhuôs zâu tưz pâuz nhênhv, pâuz sâu, pâuz hu gâux, heik cưr cxiêx, mnôngs niêv txir heik thâuv muk txos tsêr thiêz iz phênhv tưs pâuz tu zuk tus khênhx. Cưk kriê Vỵ heik li no:

“Cur cux heik chuôz zis, vênhv tôngv chuôz zis sir jos đros cur kriê chor nhuôs, sir jos đros têx nhuôs cơưv, tsês ntâu six hơưv, hnuz nhôngs trâu chor nhuôv đuô.....”.

Muôx kênh jiês xar tiêk zuôr tuôr tsi tâu truôx lớp cơưv, viv shux xênhz li ntâu lênhx uô niêv uô txir tsi truôx siêz; ntơưr cơưv, ntơưr sâu lok muôx tsi txâuk, chuôz zênhx phưx vưv cơưv ntâuz ntơưr tsi zos lênhx nhuôs tưs cux muôx cxix, thiêz chor nhuôs cơưv tsi zos thâuv tưs cux tuôx cxuô, viv têx nhuôs tsi so trâul muôx moz gênhk tsuv muk nhoz tsêr kho moz...... Txơưv li ntơư, taz sik jux juk txix sơưr đơưk têx sir jos, truôx siêz, cưk kriê Vỵ cêr hluz txos, hâux lưv uô jông; lớp cơưv co tưz ziv hnuz ziv tâu ntâu tus chôngz lênhx pâuz thiêz njênhs njôngr, tso siêz chiê têx nhuôs tuôx cơưv. Zơưv Lê Chí Hùng, Phưv Chủ tịch Ủy ban xã Bảo Ái, huyện Yên Bình heik pâuz:

“Lớp cơưv têx nhuôs trâul sêv khiz luz chêr pos Hoàng Thị Vỵ kriê ntơư tsi thôngx li cxuô lớp cơưv txơưr đuô, txix cêr hluz txos, chiv chir paz kriê txux chi trâu chor nhuôs chiê tâu đros luôs lưv tus cơưv ntâuz ntơưr. Txos nhiv no têx nhuôs cux tưz pâuz nhênhv, pâuz sâu, co zos iz kro lok six jông trâu chuôz zis thiêz ntơưv qơư sir jos cxơưz paz”.

Txos nhiv no, tưz muôx 17 lênhx nhuôs muôx luz nênhx txov nhêv tsi jông têk tơư, njêx muôs.... li luôs lưv tus tâu cưk kriê Vỵ kriê txux chi, cêr uô nênhx jông, hâur co muôx 13 lênhx nhuôv tưz hlôngr yiêz lok six ntâu lok sâuv cêr uô nênhx, tsưr ziv xar, têx lul heik...., 4 lênhx nhuôv pâuz nhênhv, pâuz sâu, muôx kênh lênhx tưz tâu muk đros têx fôngx zưs iz fâuv cơưv ntâuz ntơưr uô cê. Đros thiêz cưk kriê Hoàng Thị Vỵ, cêr jông siêz, shir phaz chênhr zos seiz pov têx nhuôs shux xênhz hlôngr yiêz tâu li ntơư./.

Đinh Tuấn-Riê Lâux cxeik, nhênhv