LÀO CAI MUÔZ SIÊZ TSƠƯR LƯƠNGV VÊV XÊNHZ TÊNHX QƠƯ HÂUR CXIV TSA NÔNGX CXÊNHZ YIÊZ

Ntơưv jos Kin Chu Phìn 1, xã Nậm Pung, huyện Bát Xát, tỉnh Lào Cai, txix thâuv muôx qơư tso thiêz yưr lir têx vuôz tsuôz kiês nênhs, tênhx qơư tâu taz por đuô, tsôngv box tsi por têx vuôz tsuôz kiês nênhs cxuô qơư thiêz.

          Cxiv uô qơư tso têx vuôz tsuôz kiês nênhs lơưr tuêv, tas nro têx vuôz tsuôz kiês nênhs tâu sâu, yưr lir ntơưv jos. Pox niêv nhoz hâur jos tsưr tsix lơưr six hơưv 1 ciêz uô iz chuôv chiê vêv xênhz jêx jos. Zơưv Ly Gì Mờ, Chủ tịch UB xã Nậm Pung puz pâuz: “Chiê taz por tâu ploz tsênhr tênhx qơư, xã tưz xav tênhv lok uô tiêr hâux lưv cxiv tsa nôngx cxênhz yiêz lok shông 2022, chiê uô tâu ploz tsênhr no pêz tưz tsưr tsix cxiv tsa qơư tso têx vuôz tsuôz kiês nênhs ntơưv têx tuêv thiêz têx ziv chuôz zis nhoz tsi chêx chôngk mak pêz tsov cưv đuô, têx tuêv nhoz jê uô cê mak pêz cxiv tsa lơưr thax tsav qơư nhoz”.

          Tênhx qơư zos iz hâur 4 ploz tsênhr tsênhv yuôr mak xã Nậm Pung tsênhv sir jos uô tiêr hâur shông no. Shông 2021, khov huiz tôngv pênhr jos txix tsôngv box, cán bộ, đoàn viên, Nậm Pung tưz cxiv uô tâu 12 qơư tso têx vuôz tsuôz kiês nênhs. Shông no, xã krêz uô hâux lưv cxiv tsa 46 qơư cux txix xã hội pênhz, đros Chính phuv Đức li paz max txix dự án KF8.

          Yuôr ntơưv xã Điện Quan, huyện Bảo Yên, tỉnh Lào Cai mak vêv xênhz tênhx qơư zos iz hâur 6 ploz tsênhr tiv phaz no tsi tâu tax tâu. No zos ploz tsênhr lax uô taz sik tsi zos vênhv thix lok pênhr mak zos uô li chas chiê hlôngr yiêz tsôngv box li cêr cor cav uô nênhx xênhz huôx, tsuv sâu por tsês têx vuôz tsuôz kiês nênhs trơưk qơư cui tênhv, tsi por cxuô qơư.

          Chiê gôngr phênhv uô tiêr tsaz yênhx cxiv tsa nôngx cxênhz yiêz, đoanx hluôk nênhs xã Điện Quan, huyện Bảo Yên tso tơưv jênhv vưv tsênhv hâur shông no zos đros tsôngv box uô ploz tsênhr vêv xênhz tênhx qơư, yax mông vênhv tôngv, heik kriê tsênhz mênhx yênhx hâux lưv uô. Đoanx hluôk nênhs tsênhv uô siv hâux lưv cxiv uô qơư tso têx vuôz tsuôz kiês nênhs nhoz yênhx jos, heik kriê tsưr ziv uô. Niêv lâuk Bàn Thị Định, đoanx viên xã Điện Quan puz pâuz: “Thâuv pêz cxaz chuôz têx phongz yaox lok sâu têx vuôz tsuôz kiês nênhs, nôngx cxênhz, cêr muk lok hur đu huv đros ploz tsênhr nôngx cxênhz yiêz. Đros hâux lưv sâu têx vuôz tsuôz kiês nênhs sâuv thax tsav xã nhiv no tsi tâu muôx tuêv sâu vuôz tsuôz kiês nênhs viv li đoàn xã tưz tso tơưv tsưr ziv zuôr cxiv uô qơư hlơưr têx vuôz tsuôz kiês nênhs chêx chôngk ntơưv yênhx luz jos,yênhx thax tsav qơư”.

          Ntơưv xã Nậm Lúc, huyện Bắc Hà, tỉnh Lào Cai tưz muôx tsưr ziv sâu, yưr lir têx vuôz tsuôz kiês nênhs muôx chêx cuk, co zos cxiv uô qơư tso têx vuôz tsuôz kiês nênhs ntơưv thax tsav qơư tsôngv box nhoz. Têx qơư co tâu cxiv uô truôx, muôx tsiv grê zos 2,5 tsov đeiv iz luz qơư. Cxiv uô 3 yôngx, iz shông tso iz zav vuôz tsuôz kiês nênhs txơưr. Chiê uô tâu 50 luz qơư tso thiêz yưr lir têx vuôz tsuôz kiês nênhs ntơưv têx thax tsav qơư nhoz, xã Nậm Lúc tưz vênhv tôngv doanh nghiệp paz nhiêx txiêx. Niêv lâuk Trần Thị Cúc, nhoz jos Nậm Kha 1, xã Nậm Lúc, huyện Bắc Hà, tỉnh Lào Cai heik: “Cur pov têx qơư tso têx vuôz tsuôz kiês nênhs no lok six muôx liv zix, tiv zix zos đros têx zav naz tax, hưx tso yuôx por vêv đrox tsuôk, thâuv muôz por hâur no mak tâu chox muk yưr lir, tsi uô kiês nênhs tênhx qơư”.

          Iz xã iz hâux lưv uô đros thiêz tsôngv box li sik côngv siêz uô, tsơưr lươngv ploz tsênhr vêv xênhz tênhx qơư hâur cxiv tsa nôngx cxênhz yiêz nhoz Lào Cai hâur ntu zuôr txos zuôr taz por tâu tsưr ziv tso tơưv./.

(An Kiên-Txâur Vax cxeik nhênhv)

Tsênhv yuôr ntâu phiv liv hâur cxiv tsa jêx jok yiêz nhoz Sơn La

Zôngx ziv mak uô uô ntêx, kror tưs phiv liv uô tov kaz; yưv pênhr muôx qơư trâu, tsi lav tâuk lav uô. Co zos tsưr ziv tâu tỉnh Sơn La fuô uô lơưr hâur cxiv tsa jêx jok yiêz. Khov uô li heik co, txos nhiv no tỉnh Sơn La tưz muôx 54 xã uô tâu luôs hâux lưv cxiv tsa jêx jok yiêz, hâur ntơư muôx 5 xã uô tâu jông hâux lưv no.

Taz sik, têx luôs hâux lưv tso tơưv lok cxiv tsa jêx jok yiêz cấp xã ntu 2021-2025 muôx ntâu hlôngr yiêz, hur si lok sâuv têx nuv uô, cui tinhv, tsưr ziv tso tơưv; têx li heik co uô chor xã uô tov kaz njiz trâul phiv liv, tiv zix zos têx thax tsav tox siêz đêz đrôngs, thax tsav txov nhêv. Iz zav li xã Nậm Ét, huyện Quỳnh Nhai, đhâu qênhz shuôs nhiv kruôr uô tâu 6 hâur 19 hâux lưv tso tơưv xưz. Luôs hâux lưv fuô uô njiz trâul ntâu phiv liv, lar heik zos lok sâuv phênhv sâu tâu, thâuv xav kror đruôz đraz iz lênhx nênhs nhiv kruôr tax tâu nhos 18 tsov đeiv iz shông. Zơưv Quàng Văn Oai, Phưv Bí thư Thường trực Đảng ủy xã Nậm Ét, huyện Quỳnh Nhai heik pâuz: “Têx hâux lưv yiêz huv đros, trơưk li tsưr ziv tso tơưv, tiêv sik, ntơưv qơư tsênhv yuôr ntâu phiv liv. Iz zav li lok sâuv phênhv sâu tâu, chiê ntâuk grê txos shông 2024, xã cux zuôr njiz phiv liv. Pêz zuôr sir jos uô, taz sik cux heik têx hloz thênhv siêz tror muôx tsưr ziv gra siêz phênhv sâu tâu paz trâu pêx xênhv, iz zav li paz zuz nôngz tsoz chos, qir zuôv, nthuôr uô đar têx tsưr ziv uô nox”.

Tsi tiêk têx xã đas cir uô tiêr luôs hâux lưv cxiv tsa jêx jok yiêz, iz cxiê suôv qơư sir jos uô cov tâu jông têx hâux lưv li heik sâuv cux njiz trâul ntâu phiv liv.

Xã Đông Sang, huyện Mộc Châu đas cir sir jos uô cov tâu jông hâux lưv cxiv sta jêx jok yiêz hâur shông 2022, taz txos hli 11 cux nhiv kruôr uô tâu 11 hâur 19 luôs hâux lưv tso tơưv; hâur co muôx ntâu nuv zov chênhr li: Cêr muk lol, y tế….cux uô tsi tâu. Zơưv Nguyễn Văn Quân, Chủ tịch Ủy ban xã Đông Sang heik pâuz: “Nhiv no pêz cux xav tinhv 2 luôs hâux lưv lax uô tâu, tiv iz zos lok sâuv cêr muk lol jêx jok, hâur têx đras liêx; heik chor hloz muôx tsưr ziv paz max nhiêx txiêx trâu pêx xênhv chiê uô. Tiv 2 zos Bảo hiểm, trơưk cui tinhv yiêz pêz tsuv uô tâu 95%, xav tinhv tsuv vênhv tôngv nzir 500 ntâu lênhx nênhs zuôr bảo hiểm y tế thiêz….”.

Đhâu qênhz shuôs ntâuk grê nhoz cxuô huyện, TP ntơưv Sơn La, têx hâux lưv cxiv tsa jêx jok yiêz ntu 2021-2025 puôr lênhx txo grêk tsơưs pir li ntu uô ntêx. Tsênhv tsênhz, hâur 54 xã tưz uô tâu hâux lưv cxiv tsa jêx jok yiêz, mak tsuôk muôx 6 xã li uô tâu 100% hâux lưv tso tơưv trơưk li cui tinhv yiêz xưz.

Qênhz shuôs, ntâuk grê đuô têx luôs hâux lưv, tso tơưv tsưr ziv sir jos uô thiêz hu zâuv cxuô pênhr jos sik đros paz zos têx tsưr ziv tsênhv tâu tỉnh Sơn La fuô uô. Zơưv Nguyễn Thành Công, Phưv Chủ tịch Ủy ban tỉnh Sơn La heik pâuz: “Sơn La sir jos đros trâu Ban chấp hành Đảng bộ tỉnh chox kriê chiê tso tơưv đêx anr, tsưr ziv uô têx hâux lưv heik sâuv. Tiv 2, chêx tsôngk têx pênhr jos cxiv tsa jêx jok yiêz, têz qơưk têx tsaz yênhx zov chênhr, Nghị quyết 88, Nghị quyết 11, chor tsênhv chei, tsaz yênhx huôv tsar kinh tế xã hội. Iz chas ntơư hlôngr yiêz tsưr ziv uô nox chiê gra siêz pêx xênhv, HTX đas jos, txux chi sik đros cxiv tsa jêx jok yiêz; sir jos gra siêz phênhv sâu tâu, cxuz cêr yeiz pluôs truôx”.

Uô luôs hâux lưv cxiv tsa jêx jok yiêz tưz lax, tuôr truôx thiêz uô tâu jông ziv phiv liv đuô. Lar heik, cxuô thax tsav qơư hâur Sơn La sir jos cov uô tâu hâux lưv cxiv tsa jêx jok yiêz ntu 2021-2025 phênhv ntâu zos chor xã thax tsav tox siêz đêz đrôngs, jok txov nhêv, chuôz zis pluôs tsênhv yuôr ntâu, phênhv sâu tâu tsi truôx tuk……/.

                                             (Lê Hạnh-Riê Lâux cxeik, nhênhv)