Têx lênhx hluôk nênhs Yên Bái tik xor tênhv tênhz trâu jêx jok chiê qơư nhoz ziv hnuz ziv jông, vav mênhx

Txox cêr muk txix jok Bó Mi I trâu jok Bó Mi II (nhiv no zos Bó Mi) xã Tân Phượng, huyện Lục Yên, tỉnh Yên Bái ntêr iz cêik ntâu muk trơưk ntus liêx hâur jok. Kuôk no 2 shông, txox cêr no tâu luôv xuôz jêz, xi măng đu lus, zôngx ziv trâu tsôngv box Cho hâur 2 jok mul lok, cơưv ntơưr, thâux xa têx kôngz. Co cux tâu seiz zos iz hâur têx txox cêr jông tiv zix nhoz Tân Phượng. Shông 2020, hâur đoanx hluôk nênhs thiêz Hội pox niêv xã li seiz car, txox cêr no tưz tâu tik xor tênhv tênhz tơưk pov cêr. Tsôngv box sơưr đơưk hâur jok lênhx tưs cux shir phaz. Niêv lâul Bàn Thị Mến, nhoz jok Bó Mi heik:

“Pêz tsôngv box lênhx tưs cux shir phaz cơưs. Txix thâuv jok muôx tênhv tênhz tơưk trơưk ntus cêr mak hmo ntux muk lol tsi txov li thâuv ntêx lơưv”.

Muôx ar liêx têz đar đuô hur si hâur thax tsav huyện Lục Yên, viv li xã Tân Phượng muôx ntâu txox cêr muk lol trâu jêx jok. Chiê tik tênhv tênhz tơưk pov cêr trơưk oz saz ntus cêr, tsôngv px sđ muk lok trâu têx jêx jos zôngx ziv thâuv hmo ntux cux li por hưv têx kôngz lôngk, por hưv têx chuôz zênhx cxuô zav trâu tsôngv box, Đoanx hluôk nênhs xã Lâm Thượng tưz sơưr hu zâuv sơưr đơưk sik đros paz tâu zuôr xar 300 tsov đeiv chiê tik xor tênhv tơưk pov cêr trâu  7 txox cêr muk lol jêx jok, ntêr muôx 16 cêik ntâu. Niêv lâul Hoàng Thị Dét, Bí thư Đoanx xã Lâm Thượng heik pâuz, nhiv no xã tsênhv yuôr 2 jok zos Nạm Chắn thiêz Thâm Pất tsi tâu muôx tênhv tơưk pov cêr têx cêr muk lol hâur jok, chênhr viv li, Đoanx hluôk nênhs xã zuôr sir jos hu zâuv sơưr đơưk sik đros paz nzir chiê uô hâur six hơưv zuôr txos:

“Njuôk xav shông no zuôr sir jos  hu zâuv sơưr đơưk sik đros uô txox cêr ntơưv Nạm Chắn, viv hâur jok tsênhv muôx tsưr ziv huôv tsar ju lix. Chiê uô tâu jông luôs hâux lưv co, pêz zuôr hux jos đros jok muk qênhz shuôs tsênhv tsênhz txox cêr co seiz ntêr li chas, zuôr trâul txos pêk tsơưs luz kê tênhz thiêz muôx pêk tsơưs tus ndêx tênhv tsênhv jông zôngv chiê txo grêk tsơưs têx nhiêx txiêx. Đhâu co cơưv đros jêx jok chiê cxiv tsa tsưr ziv, tuôr xav têx nhiêx txiêx, BCH Đoanx xã zuôr đros jok cxiv uô tsưr ziv, hu zâuv sơưr đơưk sik đros paz uô”.

Chiê muôx cêr thôngx siêz thâuv uô têx luôs hâux lưv tso tơưv, lar heik zos hu zâuv sơưr đơưk sik đros paz nhiêx txiêx chiê cxiv kho, por hưv, Đoanx hluôk nênhs têx xã nhoz Lục Yên tưz đros têx tsưr tsix, đoanx thêv sir jos yax kriê, vênhv tôngv. Đhâu ntơư, cxuô chuôz zis pêx xênhv, hluôk nênhs sơưr đơưk tưz hlôngr yiêz tsưr ziv xar, sơưr đơưk sik thôngx siêz siz paz hnuz côngz, đas jos chiê cxiv uô. Ciês hâur shông 2021, hâur Đoanx hluôk nênhs li seiz car, huyện Lục Yên tưz muôx nzir 38 txox cêr muk lol, ntêr 55 cêik ntâu ntơưv chor jok txov nhêv, têx txox cêr zôngx ziv muôx têx cuz nxor, tsi truôx tuk tưz muôx tênhz tơưk pov cêr. Tix lâus Nông Thanh Sơn, Bí thư Huyện đoanx Lục Yên, tỉnh Yên Bái heik pâuz: Chiê uô tâu têx hâux lưv heik co, chor hluôk nênhs tưz buôk ti sik đros paz zuôr xar iz cxênhz hnuz côngz thiêz hu zâuv tsôngv box, doanh nghiệp, têx lênhx hluôk nênhs  muk uô nox đêz ntơư sik đros paz tâu 700 tsov đêiv ntâu:

“Lok sâuv tsưr ziv uô mak xuz thơưx pêz cơưv seiz lax đros têx Chi bộ, Ban côngz xưv mặt trận jok chiê muôx cêr thôngx ziv lok tsưr ziv uô thiêz nhiêx txiêx. Đhâu thâuv uô tiêr, đoanx hluôk nênhs zuôr tror choz trâu jok, chi bộ seiz car, chiê tsôngv box muk lol thiêz por hưv côngz trênhx. Six hơưv zuôr txos, pêz zuôr tror qênhz shuôs têx cêr muk lol tsi tâu muôx tênhv tênhz tơưk pov cêr, tsôngv box muôx zoz qơưx chiê hux jos uô, lar heik zos chor cêr muk lol hâur têx jêx jok tsênhv muôx ntâu chuôz zis pluôs, txov nhêv”.

Txos nhiv no, phênhv ntâu têx cêr muk lol jêx jok muôx chôngz tsôngv box nhoz uô nênhx ntơưv huyện Lục Yên, tỉnh Yên Bái tưz muôx tênhv tênhz tơưk pov cêr trâu têx cêr muk lol thâuv hmo ntux. Têx cêr muk lol muôx tênhz tơưk pov cêr đros trâu Công an li meir camera txiv ngaz tâu đhok tsov seiz têx cêr muk lol, tưz paz txo grêk tsơưs iz cxiê têx  cuz nxor, chor nênhs uô cxâuv chei, taz por  txiv ngaz thiêz truôx tuk zoz thôngz hâur thax tsav./.

 (Trịnh Xuân-Riê Cxeik)

Sơn La: Phêiz kênh têx phiv liv đros y têr hâur phax tar caz moz

Têx hnuz jê lok no, Trạm Y têr phường Tô Hiệu pov muôx nhos 100 lênhx nênhs trâus moz hâur iz hnuz. Nhiv no, canr bộ, y bác sỹ hâur phường tsênhv sêiz car, tsoz phưz trâu 1.200 ntâu lênhx nênhs trâus moz chơưv kho moz ntơưv tsêr. Đros co, trạm cux sir jos uô zuk têx hâux lưv xưk li njuôk kho moz, phêiz yuôx, cxax yuôx phax moz trâu chor nhuôs zâu, cxax yuôx vắc xin phax moz Covid-19 trâu pêx xênhv sâuv thax tsav…

Pos Lộc Thị Thu, Trạm trưởng Trạm Y têr phường Tô Hiệu, TP Sơn La puz pâuz, chor cán bộ, nhân viên y tế hâur Trạm tsênhv sir jos uô ntâu hâux lưv li nhiv no:

“Txơưv tiêk muôx tsơưs nênhs, tas nro trạm muôx 7 lênhx cán bộ y têr, taz sik pêz tưz lok six sir jos lơưv, yênhx hnuz uô hâux lưv txix thâuv 7 six sơưr nzor txos thâuv tas six hơưv uô hâux lưv hâur hnuz. Đrâuv txêik jênhv chor nênhs trâus moz tuôx hêik pâuz, pêz cux txêik xor tôngx hu tuôx yênhz hnuz hmo, cê nriêr pâuz xor mông lok chor nênhs trâus moz, cê hêik kriê, paz trâu chor nênhs trâus moz muôx yưv têx moz ntơưv tsêr. Thâuv uô hâux lưv mak cux txar jav tsik tâu muôx nênhs hâur trạm trâus cik moz, hâur trạm tưz muôx 3 lênhx cán bộ trâus moz Covid-19”.

Trạm Y têr phường Tô Hiệu li têx phiv liv njiz trâus co cux zos 204 trạm Y têr xar, phường, thị trấn thiêz têx tsêr kho moz, qơư y têr nhoz tỉnh Sơn La tsênhv njiz trâus. Sik đros côngv đas jos, tsưr ziv phax, tar caz moz, hâur ntu đhâu, tưz tsik zos chor lưx lươngv hâur y têr công lập, mak tas nro y têr tư nhân, chor y bác sỹ tưz so lâul, cxuô nganhx, đoanx thêv hâur tỉnh… puôr lênhx sir jos đros phax tar caz moz. Nhiv kruôr no, lok six chôngz nênhs uô ntêx hlo zos shux xênhz nganhx Y tỉnh Sơn La tưz muk trâu chor Trạm Y têr ntơưv cxuô thax tsav qơư chiê đros paz uô hâux lưv tir thêir moz gênhk. Niêv tix  Lò Thanh Thủy, Shux xênhz Tsêr cơưv Cao đảng Y têr Sơn La puz pâuz:

“Pêz zos chor shux xênhz tsêr cơưv Cao đẳng Y têr Sơn La tâu lok paz trâu chor trạm y tế. Pêz zuôr sir jos uô cov tiêr têx hâux lưv zok muôz, chiê paz iz phênhv tưs đros trạm y tế phax tar cov tâu caz moz Covid-19”.

Phêiz kênh đros chor nênhs uô têx hâux lưv phax, tar caz moz, 2 shông ntâu đhâu, cxuô cấp, cxuô nganhx nhoz Sơn La tưz tsov cưv txos, paz lok cxuô kror trâu chor cán bộ, y bác sỹ. Công đoàn nganhx Y têr cux tưz kri uô ntâu kror hâux lưv, taz por uô hâux lưv ngaz tuk trâu đoàn viên công đoàn thiêz nênhs lox tôngv hâur nganhx; moz siêz txos chế độ, tsênhv chêi thiêz chuôz zênhx por vêv trâu chor lưx lươngv y têr cxaz chuôz phax, tar caz moz. Pos Trần Thị Kim Quy, Chủ tịch Công đoàn Nganhx Y têr Sơn La puz pâuz:

“Công đoàn nganhx tưz chox kriê chor công đoàn ntơưv cxuô thax tsav qơư, sik côngv đros cxuô cấp taz por chế độ tsênhv chêi trâu nênhs lox tôngv. Sik côngv đros chor tsưr tsix chinhr triv-xar hôiv hêik chor tsưr tsix, tiz nênhs moz siêz txos, paz txix nhiêx txiêx, cxuô zav trâu chor đoàn viên công đoàn, lưx lươngv uô têx hâux lưv no. Thôngx cxix, nriêr pâuz chor đoàn viên li siêz xar chiê paz cov ndar six hơưv, paz trâu chor nênhs uô têx hâux lưv phax, tar caz moz no tso siêz uô hâux lưv đuô”./.

(Lê Hạnh-Lik Thox cxêik nhênhv)