Điện Biên thax tsav faz Bắc pax lâus tơưs yiêz

         Tsik pâuz shor pax lâus muôx txix thâuv tưs lok, tsuôk pâuz tiêk, heir nênhs poz ziz muôx jax đaz nênhs hêik txos pax lâus; ntơư zos hêik txos Cầm Đôi-Hiến Hom, co zos heir nênhs poz ziz jax đaz nênhs nto bê hêik txos iz tus tuz thiêz iz tus nxêik uô gâux đrâus jông hênhr, taz sik niêv txir tsik puz zuôr uô txix gơưv; đhâu ntơư gơưv gâux đrâus co thiêx txiê uô pax lâus tơưs yiêz pir trâu iz gơưv gâux đrâus siz hluz jông hênhr.

Pax lâus tơưs yiêz uô 5 đêiv blôngx pax, đơưz, liêz, xiêr. Chêix pax lâus tơưs yiêz zos hli 3 hâur niêx shông thiêz tsuôk tơưs hâur iz luz hli ntâu thiêx uô pluôr thiêz jênhs pax. Pos Lò Thị Kiên, nhoz Phường Nam Thanh, đrôngl phố Điện Biên Phủ, tỉnh Điện Biên shir phaz lul hêik pâuz:

“Txix thâuv xênhz zus, hloz lox tưz zênhx pov pax lâus thiêz thâuv tsênhv zâu muk sêiz nhux, sêiz tưv, muk txiêr tơưk hâur chêix pax lâus tơưs yiêz cur cux nhiêv hênhr, zos đê tsik tâu pax lâus cux tsik xar lok tsêr. Viv tsoz chos pax lâus siêz hênhr, tsuôk zos chor tuz hluôk thiêx ndê muk ntor txiêr chês, đuô li pêz chor nxêik tsuôk nhoz hâur ar khơưk têx trêr pax pôngz lok mak lov jêv hênhr”

           Thâuv đê tâu têx pax lâus tơưs yiêz, jông jav, tsư kaz, têx nxêik poz ziz muôz luz pax lâus tơưs yiêz jông jav co chox lok rêik trâu ntơưv zuk luz zir tưv, trêr plâuz hâu, uô trâu lênhx nxêik co ziv jông gâux đuô. Txix hâur cxuô jiês muk đê pax lâus, heir nênhs poz ziz têx tuz nxêik hluôk muôx chôngz lênhx, ntâu tus tưz yênhx txix, yênhx gơưv, cxiv tsa chuôz zis, muôx luz nênhx truôx tuk, tsâu sor.  Pos Lường Thị Ơn, jos Pá Đông, xã Thanh Xương, huyện Điện Biên, tỉnh Điện Biên shir phaz lul hêik pâuz: 

“Hâur ntu đrav ntêx, thâuv txos chêix pax lâus tơưs yiêz, cxuô lênhx tuz nxêik hluôk poz ziz tưz ziz zâuv muk đêx pax lâus pêv har jôngr. Chor tuz hluôk muôz luz pax lâus rêik trâu têx nxêik trêr plâuz hâu, thâuv tror lok txos tsêr jâuv thav pêv hêik lok cêr gâux đrâus, zos tus tuz thiêz tus nxêik co siz nhiêv mak, tus tuz co thiêx hêik trâu tus nxêik niêv thiêz txir tiêk, cur nhiêv nêz tus nxêik hênhr, cur zuôr chor lâuk tuôx hêik nêz chiê chox nêz tus nxêik muk uô nhaz. Đhâu co, muôx chôngz lênhx ntâu tus tuz nxêik hluôk tưz yênhx txir gơưv”

 Iz chas têx pax lâus tơưs yiêz, uô trâu têx tox trôngz câuv har jông jav, têx pax lâus co, tsênhv tâu tsôngv px heir nênhs poz ziz đê chox lok uô tâu ntâu zav nox kaz. Ntơư zos muôz pax lâus chox lok hâu  uô shơư kriêr tox grênhz, shơư njuôk, ciz shơư grêix nhux, grêix tưv…huv đros heir nênhs co luz nênhx nox nhoz muk lok hâur niêx hnuz. Zơưv Quàng Văn Cá, nhoz xã Ảng Tở, huyện Mường Ảng, tỉnh Điện Biên hêik pâuz:

“Txix thâuv tsênhv zâu txos trâu nhiv no, sêiz pov têx pax lâus tơưs yiêz, jông gâux chuôs li têx nxêik poz ziz. Chênhr zos li hêik ntơư, txos trâu chêix pax lâus tơưs yiêz, txơưv lênhx tưs cux xar sêiz thiêz ndo txos hâur ntu hluôk đrav ntêx”.

         Hâur ntu đrav ntêx, ntông pax lâus nưk tuôx nưk trâu sâuv têx ntar trôngz; taz sik hâur oz pêz shông đhâu lok no, ntông pax lâus tưz tâu sđ chox lok chos trơưk oz saz ntus cêr lox muk lok hâur đrôngl Điện Biên phủ, txos trâu chêix tơưs pax tưz uô trâu thax tsav qơư co ziv jông jav đuô thiêz cxơưz cxiz chôngz lênhx kruô tuôx sêiz shuôk, ndis uô si, cxêik đuôz. Pos Lường Thị Ơn, jos Pá Đông, xã Thanh Xương, huyện Điện Biên, tỉnh Điện Biên hêik pâuz nzir:

“Zos tsôngv kruô tuôx txos trâu Điện Biên, txơưv lênhx tưs cux nhiêv thiêz xêir thax tsav qơư muôx pax lâus tơưs yiêz chiê cxêik đuôz đros têx pax lâus tơưs jông jav”

       Tsu cxêik nhênhv-Tòng Đức Anh-VOV Tây Bắc  

Hâur shôngk shông yiêz muk tox siêz Hà Giang mnôngs tsôngv box Hmôngz heik cưr cxiêx chaz trax

          Tsi pâuz muôx pok thâuv tưs, taz sik txos nhiv no tsôngv box Hmôngz nhoz Hà Giang li tsưr ziv heik cưr cxiêx chaz trax tsênhv tâu tuôr tsês jông đhâu ntâu cxênhx nênhs thâuv txos têx hnuz tsiêz hnuz ntênhs hâur shôngk shông yiêz. Tsuôk txix têx chuôz zênhx li trax shôngz, iz txox xor max….taz sik ho uô yênhx iz chuôz zênhx heik cưr cxiêx lok six jông.

          Lok tsưr ziv uô trax heik cưr cxiêx, zơưv Xênhr Zoz Xênhv Vax nhoz jos Muôv Xêx, xã Thanh Vân, huyện Quản Bạ, tỉnh Hà Giang pheiz kênh:

          Heik cưr cxiêx chaz trax zos tsưr ziv heik cưr cxiêx siz lưr, iz lo cưr cxiêx puôr lênhx tso pov nênhs heik li tsưr ziv heik. Iz lênhx iz tos, cox heik trâu cur, cur tror heik tuôx trâu cox, gơưv hluôk tuz hluôk nxeik heik, lok sik 2 gơưv hluôl nxeik, 2 gơưv hluôk tuz lok sik yênhx paz sik đros heik cưr cxiêx. Lâuk nênhs, hluôk tuz  hluôk nxeik puôr lênhx heik tâu. Thâuv heik, iz tos trax tâu tuôr heik jông li iz luz micrô, iz tos trax lênhx nênhs tiv uz tuôr thiêz muôz tso ntơưv kror njêx chiê môngs, tul heik tas ho hlôngr trâu tul tiv iz. Six fênhx li ntơưv, suôz cưr cxiêx côngv đros têx suôz trax, suôz kênhx Hmôngz hâur hnuz tsiêz tsuôk li uô trâu tsôngv box sđ shir phaz đuô, tsi ndo txos têx cêr khưr hâur iz shông sir jos uô lox tôngv.

          Heik cưr cxiêx chaz trax tâu tsưr tsix ntơưv têx ntênhs phêv lok sik têx hnuz krêz ciêz tox siêz. Ntâu gơưv hluôk nênhs cux txix heik cưr cxiêx chaz trax mak tâu sik nriêr pâuz thiêz yênhx txix gơưv.

          Pos Txâur Xênhv Hơưx, nhoz jsó Muôv Xêx, xã Thanh Vân, huyện Quản Bạ, shông no tưz zuôr xar muôx 70 shông hnuz nhôngs, taz sik Tsiêz shông tưs thâuv xã tsưr tsix ntênhs phêv, pos cux puôr lênhx tuôx cxaz chuôz heik cưr cxiêx chaz trax. Pos Txâur pheiz kênh:

         Luz nênhx kinh têr xã hội ziv hnuz ziv huôv tsar, đros thiêz muôx ntâu vênhx huôv jông sik côngv, taz sik tsưr ziv heik cưr cxiêx chaz trax cux tsênhv tâu tsôngv box Hmôngz nhoz Hà Giang tuôr tsês jông, yênhx iz tsưr ziv heik cưr cxiêx lov jêv muôx đros đreiv hâur tsôngv box luz nênhx.

          Tuôx txos tox siêz Hà Giang hâur têx hnuz hâur shôngk shông yiêz, tâu nriêr pâuz tsôngv box Hmôngz li têx vênhx huôv jông, tâu mnôngs cưr cxiêx chaz trax, tsênhz tsênhz zuôr tsês hâur tsôngv kruô sđ siêz tsi plox lok tsưr ziv heik cưr cxiêx jông no./.

(Txâur Vax cxiv sâu, nhênhv)