Qơư njuôk xav ADN chor tuz lênhv tâu tas siv nênhx viv tsưx phưv têz qơưk tsi tâu pâuz mênhx mông zuôr zôngx ziv đuô chiê xav tsênhz mênhx 300 cxênhz lênhx tuz lênhv tâu tas siv nênhx thâuv ntu tir ntâuk tros châuz

Pos Phạm Thị Vinh, lênhx tuz lênhv Phạm Văn Phước vax tsêr nhoz Thanh Hóa tâu tas siv nênhx thâuv ntu tir ntâuk tros châuz viv tsưx phưv têz qơưk tus muôv heik, đhâu zok nriêr, xav jênhv têx mông thiêz tok ntêr chuôs li tsi muôx cêr chiê siêz lơưv, nhiv no pos tưz lok six shir phaz thâuv tâu muôz ntơưr côngk nhav xav tâu tsênhz mênhx tuz lênhv tâu tas siv nênhx chor nênhs hâur tsêr txix seiz njuôk shuôs ADN.

“Cur niêv thiêz txir gơưk tưz trâul tuôs ntêr lơưv. Thâuv niêv thiêz txir pôngz mak gơưk heik cur tiêk, tsuv zok nriêr tus nus muk uô tuz lênhv têx poz cxa. Đhâu iz ntuk ntêr zok nriêr nhiv no tưz zok nriêr tâu thiêz pâuz tsênhz zos cur tus nus lơưv. Cur lok six jông siêz thiêz shir phaz hênhr. Trơưk li ntơưr xa tuôx heik pâuz, tix lâus tưz tâu tas siv nênhx muôx 49 shông lơưv, chênhr viv li cur jông siêz cơưk thâuv pâuz mênhx co zos cur tus nus”.

Pos Phạm Thị Vinh chuôz zis zos iz hâur 10 chuôz zis muôx lênhx nênhs tâu tas siv nênhx viv tsưx phưv têz qơưk tưz tâu muôz ntơưr côngk nhav zos tuz lênhv tâu tas siv nênhx chor nênhs hâur tsêr hâur jiês no. Hâur ntơư, muôx 4 chuôz zis tưz uô tiêr têx ntâuz ntơưr xav jênhv tuz lênhv tâu tas siv nênhx têx poz cxax thiêz tok chox lok đros chor tuz lênhv tâu tas siv nênhx nhoz hâur thax tsav qơư.

Bộ trưởng Bộ Lox tôngv-Saz pênhz thiêz xã hội Đào Ngọc Dung heik pâuz: Hâur ntu đhâu, Thủ tướng chính phủ tưz chox kriê fuô uô đêx anr xav tinhv tuz lênhv tâu tas siv nênhx viv tsưx phưv têz qơưk têx poz cxa tsênhv tsi tâu pâuz tsênhz mông (đêx anr 150), uô lơưr tsưr ziv njuôk shuôs ADN. Tsưr ziv heik sâuv tưz fuô uô trâu zuôr xar 10 cxênhz lênhx tuz lênhv têx poz cxa thiêz lơưr chor nênhs hâur tsêr li 3 cxênhz ntâu têx trox nyar. Đhâu seiz njuôk shuôs li ntơư, tưz pâuz tsênhz tâu iz cxênhz ntâu lênhx tuz lênhv tâu tas siv nênhx thâuv ntu tir ntâuk tros châuz viv tsưx phưv têz qơưk li bê, qơư nhoz chiê heik trâu chor nênhs cxênhz jê pâuz. Uô lơưr tsưr ziv, hâux lưv zok nriêr chor tuz lênhv tâu tas siv nênhx viv tsưx phưv têz qơưk têx poz cxa thiêz xav tinhv bê, qơư nhoz têx lênhx tuz lênhv tsi tâu pâuz tsênhz mông ntơư txos shông 2030 thiêz uô trơưk Thủ tướng Chính phủ chox kriê lok hlôngr yiêz sôr têz qơưk, Chính phủ đêx anr 06, nhiv no cxuô taz viv tưz tuôr tsês tâu chor tuz lênhv li heik sâuv thiêz lơưr chor nênhs hâur tsêr li 25 cxênhz ntâu têx ADN, Bộ Lox tôngv Saz pênhz thiêz xã hội hux jos đros Bộ Công an heik Chính phủ cxiv uô qơư lês uô têx hâux lưv seiz njuôk shuôs chor tuz lênhv tâu tas siv nênhx viv tsưx phưv têz qơưk tsi tâu pâuz tsênhz mông têx poz cxa thiêz lơưr chor nênhs hâur tsêr chiê xav tâu tsênhz mênhx bê, qơư nhoz. Bộ trưởng Đào Ngọc Dung khav tinhv: Fuô uô luôs hâux lưv heik sâuv chiê seiz njuôk shuôs, xav tâu tsênhz mênhx bê, qơư nhoz thiêz chor nênhs cxênhz jê zuôr zos hâux lưv bax uô jông trâu zok nriêr, xav tinhv tâu mênhx tuz lênhv tâu tas siv nênhx viv tsưx phưv têz qơưk.

“Hâux lưv seiz njuôk shuôs têx tuz lênhv tâu tas siv nênhx li heik sâuv têx poz cxa ADN thiêz lơưr chor nênhs hâur tsêr trox nyar muôx nhos 600 cxênhz lênhx zuôr zos qơư chiê jux juk xav tâu tsênhz mênhx bê, qơư nhoz, têx lênhx nênhs hâur tsêr chiê zok nriêr tâu zôngx ziv đuô. Co zos hâux lưv uô muôx liv, pêz tsuv sir jos fuô uô ziv nzor ziv jông, viv tsi tâu tsês ntêr. Pêz xav tinhv, no zos hâux lưv lox, sơưr đơưk tsuv sir jos đros uô chiê chor tuz lênhv tâu tas siv nênhx viv tsưx phưv têz qơưk muôx bê hu, pâuz tsênhz qơư nhoz. Fuô uô luôs hâux lưv no đros trâu têz qơưk têx hlôngr yiêz, vav chiê siêz zuôr paz ntâu chuôz zis zok nriêr tâu chor nênhs hâur tsêr tâu tas siv nênhx viv tsưx phưv têz qơưk, paz lơưr chuôz zis txo grêk tsơưs iz phênhv tưs cêr pôngz siêz”.

Yênhx lix qơư uô hâux lưv li heik sâuv ndax chiv nhênhv 77 shông Hnuz saz pênhz thik xênhz tưz uô tâu trơưk li chor tuz lênhv trâul moz, trâul saz thâuv ntu tir ntâuk tros châuz, nênhs muôx côngz têz qơưk thiêz lơưr chor nênhs cxênhz jê tsưr ziv, siêz xar./.

VOV-Riê Lâux cxeik, nhênhv  

Zuôr nôngz blêx tsi pâuz tsênhz hâur pâus sâuv mạng, pox nhuôk tox siêz Yên Bái trâus pôngz chiv kôngz

          Têx hnuz hâur hli 7, thâuv tsôngv box têx xã faz Tây huyện Mù Cang Chải sir phaz sâu kôngz lôngk chiv tsâux yiêz, ciêr chênhr bax chiê chos chiv cheix yiê zmak iz cxiê ziv chuôz zis nhoz têx jos Xéo Dì Hồ A, Cồ Dề Sang A (xã Lao Chải), Khao Mang, Nà Dề Thàng (xã Khao Mang) ho tsi muôx kôngz lôngk chiê sâu thâuv blêx chos phênhv ntâu tsi cxơưr.

          Heik lok nôngz blêx yiêz tix lâuk Zax A Nu 2 niêv txir nhoz jos Khao Mang, xã Khao Mang puz pâuz, tix lâuk 2 niêv txir li têx liêx têz niêx shông sâu tâu muôx nhos 30 sênhr blêx, iz sênhr txix 40 cir, bâuv 1,2 tênhr. Yuôr shông no, txơưv pôngz ntâu côngz tsoz phưz, uô ar, tso đêx mak sâu tsi tâu tul tsi viv nôngz blêx yiêz no.

          Tix lâuk Nu pheiz kênh, ntu bax nôngz zuz, mnôngs lơưr iz cxiê lênhx nênhs hâur jos heik tiêk nôngz blêx no txơưv chor njiêz muôx njik tơưr taz sik sâu tâu ntâu, viv li tix lâuk oz niêv txir tưz nriêr zuôr lok tsêz chos. Chêx cuk zos, txơưv muôx txậuk đêx, zuôv txâuk qir, blêx cux hloz lox fênhx yax, taz sik txos thâuv sâu blêx mak phênhv ntâu blêx tsi pur.

          “Thâuv cxơưr mak pov cxơưr lok six jông taz sik tov kaz mak pov tsi pur njiêz. Chor liêx no niêx shông chos blêx siêr fênhx yax cux sâu tâu 30 sênhr taz sik shông no tsuôk sâu tâu 3-4 sênhr, sir jos sâu tâu tul tsi mak sâu, taz sik mak cux tsi xar sâu viv blêx tsi pur njiêz”.

          Zơưv Zax A Chang, Tsar jos Khao Mang, xã Khao Mang puz pâuz, qiv hơưv chiv tsâux yiêz shông no cux jông, hâux lưv têx ziv chuôz zis tsoz phưz thiêz blêx puôr lênhx huôv tsar jông, taz sik tsi pâuz viv li chas blêx ho tsi pur njiêz li ntơưv. Zơưv Chang qênhz yuôx siv iz tâur blêx suôr tâu 177 njiêz taz sik tsuôk muôx 27 njiêz pur chor tsênhv yuôr mak tsi pur.

          Đhâu qênhz yuôx, ntơưv xã Lao Chải muôx 6 ziv chuôz zis li 2,6 mênhv chêx blêx muôx liêx xưk li heik sâuv; hâur co muôx 5 ziv chuôz zis sir zôngv nôngz blêx muôx bê zos LC25, zuôr ntơưv xã Mường Kim, huyện Than Uyên, tỉnh Lai Châu thiêz iz ziv zuôr nôngz blêx muôx bê VST89 sâuv mạng xã hội. Yuôr ntơưv xã Khao Mang muôx 5 ziv chuôz zis muôx liêx mak sâu tsi tâu tul tsi. Tas nro 5 ziv no puôr lênhx zuôr nôngz blêx ntơưv xã Mường Kim, huyện Than Uyên, tỉnh Lai Châu. Têx nôngz blêx no thâuv zuôr lok tsêz chos puôr lênhx taz por muôx txâuk đêx thiêz tâu zuôv qir trơưk li têx chiv tov ntêx. Qir thơưx blêx hloz lox jông, taz sik txos ntu cxơưr uô plaz hnaz thiêx li pov blêx tsi pur uô bluôk.

          Yuôr têx mênhv chêx mak tsôngv box tsêz chos têx nôngz blêx lơưr huyện li heik kriê mak sâu tâu 51 tạ iz hecta. Viv li, hâux lưv iz cxiê mênhv chêx sâu tsi tâu zos tiv tsôngv box zuôr tex nôngz blêx tâu muôv muôs sâuv niêv ciêz tsi pâuz tsênhz hâur pâus, tsi taz por tsơưr lươnv lok chos.

          Tix lâuk Shôngx A Nắng, nhoz jos Xéo Dì Hồ, xã Lao Chải, huyện Mù Cang Chải xav tênhv hâux lưv tsêz chos chuôz zis uô trơưk li têx chiv tov ntêx, taz sik đros nôngz blêx yiêz no xar tsi txos tiêk zuôr sâu tâu tsơưs li ntơưv:

          “ Nôngz blêx thâuv zuôr lok pov hnaz sênhr jông, muôx tem mã cxix cxuô cux xưk li têx nôngz mak zuk khênhr zuôr taz sik zuk qênhz yuôx tsi tâu chor njiêz mak jông li chas. Cur chox muk tsêz uô zuz thiêz chox muk chos, thâuv zuôr txos cheix sâu blêx thiêx li pov blêx tsênhv njuôz, muk seiz mak pov cxơưr blêx taz sik tsi pur njiêz. Thâuv co thiêx li pâuz nôngz blêx zuk zuôr lok zos nôngz blêx chuôr”.

          Zơưv Lương Văn Thư, Tsar phongx kôngz nuv thiêz huôv tsar nôngx cxênhz huyện Mù Cang Chải puz pâuz, chiê jav tâu qênhx shênhx tsôngv box zuôr nôngz blêx tsi txâuk tsơưr lươngv, uô trâu tsoz chos tsi huôv tsar jông, hâur ntu zuôr txos, nganhx kôngz nuv zuôr chuôz tsar yax mông, heik kriê chiê muôz siêz tsôngv box li jênhv pâuz, tsi zôngv têx zav nôngz tsoz chos, chuôz zênhx tsi pâuz tsênhz hâur pâus tsiv uô, muôx tsi txâuk tsơưr lươngv, tsi nhoz hâur huyện thiêz tỉnh li tsưr ziv tsêz chos.

          Huyện Mù Cang Chải nhiv no cux tưz chox kriê têx nganhx muôx txơưx jênhv chuôz tsar côngz xưv seiz car têx zav nôngz tsoz chos, chuôz zênhx kôngz nuv sâuv thax tsav; cxơưz tiês seiz car, qênhz yuôx jông niêv ciêz chiê pov nzor thiêz ciêr chênhr phax tar têx hâux lưv uô cxâuv têz qơưk li cui tênhv hâur muôv muôs nôngz tsoz chos, chuôz zênhx kôngz nuv, tsi uô ruôr hiêv txos tsôngv box nôngx mênhx./.

(Đinh Tuấn- Txâur Vax cxeik nhênhv)