Yên Bái cxơưz tiês muôs tơưv hax huv, paz muôx phênhv sâu

truôx tul

6 luz hlik hâur shôngk shông, Công ty cổ phần Kôngz jôngr nuv thiêz zav nox Yên Bái li phênhv sâu txix hâux lưv muôs tơưv tax 10 tsov USD. No zos chêx cuk txix hâux lưv chuv tôngv, uô jông hâux lưv muôv muôs thiêz ntâu tsưr ziv muôz siêz tsơưr lươngv hax huv. Zơưv Nguyễn Văn Trữ, Phưv giám đốc Công ty puz pâuz, thâuv moz Covid-19 tâu tir tar, taz viv tưz tror sik côngv đros têx tuz luôv thâuv ntêx, thôngx cxix nriêr qơư sâu zuôr yiêz. Đrâuv co, công ty cux njiz ntâu têx môngr jông thâuv uô ntâuz ntơưr hành chính muôs tơưv: “Đrâuv uô hâux lưv đros têx đối tác ntêr shông mak công ty tsênhv muôx têx tsaz yênhx nriêr pâuz niêv ciêz, kruô sâu zuôr. Seiz cxuô mak niêv ciêz ziv hnuz ziv tâu krêz đar”.

          Têx doanh nghiệp tsiv uô nhoz Yên Bái phênhv ntâu zos doanh nghiệp muôx njik mê thiêz mê. Hâux lưv tsiv uô têx hax huv kôngz jôngr nuv chiê muôs tơưv tsuv jông đuô têx doanh nghiệp lox, tiv zix zos ntu qênhx shênhx sâuv ntiêx têz muôx ntâu txơưr txar li nhiv kruôr đhâu. Taz sik viv chuv tôngv nriêr niêv siêz muôv muôs điện tử; cêr sik côngv jông đros têx đối tác viv li ntâu hax huv li yuôx zêx, ciêv fix, ntông...nhoz tiv phaz tưz thiêz tsênhv tâu muôs tơưv txos ntâu têz qơưk. Zơưv Đỗ Tuấn Lương, Phưv giám đốc HTX Kiến Thuận, huyện Văn Chấn puz pâuz: “Têx niêv ciêz pêz tưz tax tâu hâur têx shông đhâu zos: Bắc Mỹ, Canada, Ukraina, Indonêxia thiêz iz cxiê têz qơưk Trung Đông”.

          Kror jông trâu têx doanh nghiệp Yên Bái thâuv muôs tơưv ntu đhâu zos ntâu ntâuz ntơưr hành chính tưz tâu Chi cục Hải quan Yên Bái txu grês. Jê ntơưv no tiv zix, taz viv no tưz chox lok huôx tôngv iz qơư qênhz yuôx đros têx hax huv tsênhv paz trâu doanh nghiệp cxơưz cxiz muôs tơưv. Têx doanh nghiệp viv li mak tsi tsuv muk niêv đrôngs Việt Trì (Phú Thọ) chiê qênhz yuôx hax huv li thâuv ntêx thiêz. Pos Trần Thị Tâm, lênhx nênhs uô hâux lưv ntơưv Công ty cổ phần An Tiến puz pâuz: “Ntâuz ntơưr hành chính chiê muôs tơưv hax huv nhiv no tâu hlôngr yiêz, tsi tsuv tos ntêr thiêz mak uô lok six sei thiêz zôngx ziv”

          Pos Hoàng Thị Hồng Liên, kế toán Công ty kôngz jôngr nuv, zav nox Yên Bái puz pâuz cxaz: Khov cxơưz tiês muôv muôs điện tử, viv li hâux lưv muôs tơưv ntâu zav hax huv tsi tsuv muk đhâu chi cục Hải quan uô ntâuz ntơưr, mak uô ciês ntơưv văn phongx, tsuôk pôngz 2,3 phênhz uô sâuv phần mềm txơưv uô tâu chiê doanh nghiệp chuv tôngv thâux hax huv muk qar tsav yêz gox đêx Hải Phòng: “Pêz uô iz container chiê muôs tơưv hax huv mak lok six sei. Heik kriê iz container hax huv tsuôk pongz muôx nhos 30 phênhz. Uô tiêr ntâuz ntơưr pêz txơưv tâu thâux muk thiêz tsi zuôr qênhz yuôx tul tsi thiêz”.

          Pos Nguyễn Thị Mai Phương, Chi cục phó, Chi cục Hải Quan Yên Bái puz pâuz: Xav txos kaz hli 7 shông 2022, huôx tôngv sâu nhiêx txiêx txix muôs tơưv têx hax huv hâur tỉnh đhâu Chi cục Hải quan Yên Bái tax 177 tỷ đeiv, chuôz ndê 10% pir đros shông 2021, tax 75% pir đros tsưr ziv choz shông 2022: “Kaz shông pêz chêx chôngk lok hâux lưv hlôngr yiêz chuôz zênhx cxuô zav, yêz thiêz lênhx nênhs chiê paz têx jông tiv zix zaz zâuv doanh nghiệp tuôx uô ntâuz ntơưr ntơưv Chi cục Hải quan Yên Bái”

          Lơưr số laov txix nganhx muôx txơưx jênhv tỉnh Yên Bái, khov chêx chôngk cxơưz tiês muôv muôs, nriêr niêv ciêz yiêz, hâur 7 luz hlik shông 2022, huôx tôngv muôs tơưv tâu tuôr truôx lok chuôz tsar, ntâu hax huv tsênhv hâur tỉnh tror tâu muôs trâu niêv ciêz saz đrâuv têz qơưk, txơưv grê tsiv uô hax huv thiêz thâux hax huv chuôz ndê. Đhâu co, tsiv grê muôs tơưv njuôs xav tax 171 tsov ntâu USD, chuôz ndê 49% pir đros thiêz tsêz no, tax 61% tsưr ziv hâur shông./.

(Đinh Tuấn_Txâur Vax cxeik nhênhv)

Lênhx Hôiv viên nôngx mênhx txơưx uô kinh têr

Tsôngv pox nhuôs sơưr đơưk hmor yuô! Hâur phongz yaox hluôk nênhs huôv tsar uô nox, nôngx mênhx txơưx uô nox hênhr, tưz muôx ntâu lênhx hluôk nênhs jêx jok sir jos khưr uô nox ciês sâuv zuk thax tsav qơư nhoz. Tix lâus Đào Duy Thắng, mênhx cxưx Hmôngz, Hôiv viên Hội Nôngx mênhx jok Thành Công, xar Mã Ba, huyện Hà Quảng, tỉnh Cao Bằng zos iz hâur chor chuôz zis uô tâu li hêik co. Chiê pâuz tsênhz đuô, zâuv sơưr đơưk đros mnôngs jax sâu đrav kaz.

Xênhz zus hâur iz chuôz zis uô kôngz nuv nhoz thax tsav tox siêz poz jêz, ar uô nox muôx tsơưs, ho muôx tsik txâuk đêx viv li Mã Ba zos xar txov nhêv tiv zix, ho tâu xênhz zus hâur chuôz zis muôx chôngz lênhx mê nhuôv, muôx txos 7 lênhx cưr tix nuk muôs, viv li ar uô nox hax zav muôx tsik txâuk đuô. Zos tuk nhuôv nzơưs hâur chuôz zis, Thắng tsik so xar, nriêr tsưr ziv chiê uô kinh têr, pov tu zus huv đros, shông 2020 tix lâus Thắng tưz yưv pênhr uô tsêr guôx chiê tu zus nhux tưv sha mê nhuôv. Hâur ntu tu zus, tix lâus tsik so cơưv shâuv chênhz zênhv, thôngx cxix sir zôngv khoa học kỹ thuật, têx tsưr ziv phax  tar caz moz lok trâu tu zus viv li chuôz zis tsưr ziv tu zus tưv sha mê nhuôv huôv tsar jông. Nhiv no, tix lâus muôx 16 tuk tưv sha mê nhuôv, iz jiês tix lâus muôx muôx 20 tuk tưv. Tix lâus Thắng Xênhv Thox puz pâuz: “Đhâu thâuv cơưv tiêr lớp 12 ntơưv tsêr cơưv cxênhx pêz Nà Giàng, cur tror lok ntơưv qơư nhoz chiê huôv tsar kinh têr taz sik njiz ntâu kror phiv liv lok pênhr nhiêx, zuz nôngz, đêx xênhz huôx… cur sir jos cơưv shâuv txix têx cưr tix, nênhx tsa, niêv txir chiê yưv pênhr tu zus nhưx tưv cov tros. Cur oz niêv txir puôr lênhx nhoz hâur Đảng, uô jông lơưr Đảng, têz qơưk têx cêr chêi, tsik so hêik pox nhuôs muôz têx zuz nông yiêz jông lok tsêz chos, tu zus cov paz muôx  tâu kinh têr siêz, tsik mnôngs trơưk chor nênhs fêv têx luk nziêk đas thiêz tsik uô zuôv cêr chêi têz qơưk”.

Đrâuv tu zus nhux tưv sha mê nhuôv, tix lâus chuôz zis tu zus nzir buô xar muôx 20 tuk thiêz tu zus kêiz ol chiê muôx nzir phênhv sâu. Xav luz đraz iz shông yưx tas cxuô zav hâur tu zus, chuôz zis sâu tâu xar muôx 300 triệu đêiv. Tưz tsik zos uô kinh têr trâu chuôz zis xưz mak tix lâus Thắng tsênhv paz trâu chor chuôz zis muôx luz nênhx txov nhêv hâur jêx jok lok chênhz zênhv tu zus chiê huôv tsar kinh têr, gra siêz luz nênhx, yênhx shông tix lâus chuôz zis puôr lênhx tax tâu zos chuôz zis vênhx huôv. Pos Bế Thị Thơm, Phưv Chủ tịch Ủy ban xar Mã Ba puz pâuz: “Xar Mã Ba zos xar tox siêz, 100% chor chuôz zis tưz muôz chor tsiêx cxu yêv muk cơư đêz tsêr nhoz, zos xar muôx chax chês tu zus nhux tưv cov tros thiêz sha mê nhuôv; sâuv thax tsav muôx ntâu chuôz zis tu zus muôx tâu phênhv sâu siêz xưk li zơưv Thắng Xênhv Thox chuôz zis zos iz lênhx nênhs sir jos hâur hlôngr yiêz tsưr ziv uô nox thiêz tưz uô tâu yênhx côngz txix tsưr ziv tu zus nhux tưv cov tros thiêz sha mê nhuôv, xar sêiz no zos iz kror tsưr ziv tsuv tâu kriz uô đêz đar sâuv thax tsav”.

Đros sir jos, ntâu shông sik lơưr liês tix lâus Đào Duy Thắng tâu Hôiv Nôngx mênhx xar Mã Ba jênhv zos nôngx mênhx txơưx uô nox kinh doanh hênhr. Shông 2021 tix lâus tâu Hôiv nôngx mênhx huyện Hà Quảng côngz jênhv zos Chuôz zis txơưx uô nox kinh doanh hênhr. Tix lâus chênhr zos chor nênhs uô ntêx hlo hâur sir jos huôv tsar chiê uô bluô nux thiêz zos lênhx nênhs trâu sơưr đơưk hâur xar cơưv thiêz uô trơưk.

Phênhv “Nôngx mênhx zuôr tsuv pâuz” ciêz no tsuôk xâuk li no xưz. Phênhv no zos Đaix nta suôz Việt Nam nhoz thax tsav Tây Bắc sik côngv đros Tsênhv qơư cxơưz cxiz uô kông Têz qơư uô./.

(Lik Thox cxêik nhênhv)