Lai Châu taz por zoz qơưx muk lok thiêz taz por zaoz thôngz hâur têx hnuz so ntênhk xiêz 2/9

Qơư đrêk yêz kruô tỉnh Lai Châu uô ntêx thâuv so ntênhs xiêz 2/9, têx lưx lươngv li công an phường, thanh tra zaoz thôngz thiêz cán bộ, nhân viên, nênhs lox tôngv qar yêz tưz muôx cxix cxuô chiê krêz uô côngz xưv seiz car đros lênhx nênhs thiêz yêz muk lok ntơưv qar yêz. Hâux lưv qênhz yuôx yêz, taz por muôx lênhx nênhs tsar yêz, nênhs paz hâux lưv sâuv yêz tsi hâuk chơưr bia thiêz sir zôngv têx tsơưr uô muôx zênhs thâuv tsar yêz, taz por phax cuz tuô cuz tâu tso sâuv yêz.

          Zơưv Lê Xuân Thoan, Phưv giám đốc Qar yêz kruô tỉnh Lai Châu puz pâuz, lơưr njuôs xav, kruô muk lok hâur jiês so ntênhs xiêz 2/9 shông no zuôr chuôz ndê muôx nhos 30% pir đros hnuz fênhx yax. Viv li, qar yêz kruô tưz qênhz yuôx cxuô theox chênhv đros 300 ntâu luz yêz ntơưv 3 qar yêz nhoz niêv đrôngs Lai Châu thiêz têx huyện Nậm Nhùn, Than Uyên, tiv zix zos têx yêz cxaz chuôz thâux kruô nhoz 25 cêr muk lok hâur tỉnh thiêz muk 17 tỉnh faz bắc. Têx taz viv vênhv teiv tưz đăng cir yêz chuôz tsar thiêz cam kết tsi thâux chôngz kruô sâuv yêz tsi trơưk cui tênhv: “Qar yêz tưz sik côngv đros Thanh tra zaoz thôngz cux xưk li lưx lươngv Công an phường chiê sik côngv car chêx têx lênhx nênhs uô txiv ngaz tsi truôx tul ntơưv qar yêz. Đros têx yêz muk lok, qar yêz tưz huiz tôngv tas nro lưx lươngv viên chức, nênhs lox tôngv hâur taz viv sik côngv đros lưx lươngv thanh tra zaoz thôngz qênhz yuôx yênhx lênhx nênhs tsar yêz thiêz yênhx qar yêz, tiv zix zos uô ntêx thâuv yêz qir sơưr cêr muk lơưr pháp luật li cui tênhv”

          Uô UB tỉnh Lai Châu li chox kriê, chiê taz por tsôngv box li zoz qơưx muk lok hâur ntu so ntênhs xiêz 2/9, Sở zaoz thôngz vênhv teiv Lai Châu tưz muôx ntâuz ntơưr chox kriê têx taz viv vênhv teiv thâux kruô muk lok trơưk tsưr ziv, têx taz viv huôx tôngv vênhv teiv taxi, têx taz viv seiz car qar yêz thiêz phòng, ban txơưx jênhv krêz uô têx tsưr ziv taz por zaoz thôngz, muôx tsưr ziv phưx vưv jông tsongv box li zoz qơưx muk lok uô ntêx, hâur thiez đhâu jiês so ntênhs. Zơưv Nguyễn Văn Hưởng, Phưv giám đốc Sở zaoz thôngz vênhv teiv Lai Châu puz pâuz: “Pêz tưz chox kriê tsênhz mênhx chiê uô li chas hâux lưv thâux kruô muk lok jông, phưx vưv tsôngv box hnuz so tsiêz độc lập muk lok tâu taz por. Pêz chox kriê tsênhz chuôz tsar lưx lươngv thanh tra zaoz thôngz sik côngv đros têx lưx lươngv txơưr chiê seiz car têx yêz tsi puz chuôz ndê grê vé yêz….2 zos txưr tsi jênhv thâux têx hax huv zôngx ziv trâus cuz tơưs, nênhs tsar yêz tsi hâuk chơưr bia thâuv tsar yêz muk lok”

          Sở zaoz thôngz vênhv teiv tỉnh Lai Châu cux heik têx taz viv seiz car, kho đuô têx cêr muk lok chuôz tsar côngz xưv kho đuô, taz por têx cơ sở cxuô zav, uô jông hâux lưv tsưr tsix, heik kriê taz por zaoz thôngz sâuv têx cêr, côngz tsinhx muôx huôx tôngv cxiv tsa; khưx phưx têx zaoz thôngz trâus puôk tsuôx tiv ntux nas. Thôngx cxix ciêr chênhr uô tiêr hâux lưv kho đuô têx cêr zaoz thôngz lox, tiv zix zos cêr zaoz thôngz tsênhv, coaz tsôngv nhoz têx niêv đrôngs thiêz thax tsav muôx chôngz kruô tuôx ndis shuôk uô si; tiv zix zos cêr muk huyện Than Uyên- qơư tsưr tsix têx huôx tôngv Tsiêz độc lập lox cấp tỉnh./.

Khắc Kiên-Txâur Vax cxeik nhênhv

PHÊNHV THÊV NHIÊX DỊCH VUV TÊNHV QƠƯ JÔNGR

Tsôngv pox nhuôs thiêz sơưr đơưk hmor yuô! Sơn La muôx ar têz chiê chos ntông uô jôngr zos zuôr xar 700.000 héc ta, tsav 49% ntâu thax tsav ar hâur tas nro tỉnh, hâur co thax tsav muôx jôngr zuôr xar 670.000 héc ta. Zos thax tsav qơư muôx ntâu kror liv lok huôv tsar kinh têr jôngr, tiv zix zos thêv nhiêx dịch vuv tênhv qơư jôngr đros muôx 98 côngz trinhx đêx tênhv tâu cêv kuôk, hâur co 50 tsêr mêir đêx tênhv tsênhv huôx tôngv tso xar muôx 4.000 MW, phênhv sâu dịch vuv tênhv qơư jôngr nhiv no xar muôx 200 tiv đêiv ntâu iz shông.

Cuiv por vêv thiêz Huôv tsar jôngr tỉnh Sơn La tâu yênhx lix lơưr Ủy ban tỉnh Sơn La li Cuêz tênhv sôr 1535/QĐ-UBND hnuz 8/6/2009, nhoz hâur Sở Kôngz nuv thiêz Huôv tsar jêx jok tox siêz; txix 1/12/2017, Cuiv yêv lok nhoz hâur Ủy ban tỉnh lơưr Cuêz tênhv sôr 2776/QĐ-UBND hnuz 27/10/2017. Paz hêik pâuz tsưr tsix kriz uô tsênhv chêi thêv têx nhiêx dịch vuv tênhv qơư jôngr sâuv thax tsav tỉnh đros uô lơưr têx hâux lưv tâu cui tênhv ntơưv ntu 2, Grê 76 Chinhr phuv li Nghị định sôr 156/2018/NĐ-CP hnuz 16/11/2018; Chủ tịch ủy ban tỉnh Sơn La li Cuêz tênhv sôr 31/QĐ-UBND hnuz 21/12/2021.

Tsưr ziv zos huiz tôngv têx pênhr jos xar hôiv chiê por vêv thiêz huôv tsar jôngr, paz trâu kriz uô têx luôs hâux lưv hlôngr yiêz jôngr; gra siêz chor nênhs tâu xơưv liv txix jôngr li jênhv pâuz thiêz txơưx jênhv hâur côngz xưv por vêv, huôv tsar jôngr; gra siêz chor tsưr jôngr li đas jos txux chi thiêz uô truôx jông sêiz car, sir zôngv thiêz por vêv jôngr, paz kriz uô huôv tsar jôngr nuv cov truôx đrênhk.

Cuiv sik côngv đros chor zênhx hangx, txos nhiv no tưz tsưr tsix muôz têx nhiêx dịch vuv tênhv qơư jôngr thêv trâu 40.000 ntâu tsưr jôngr, tax tâu 100% hur si chor tsưr jôngr; đros chor nhiêx muôx 200 tiv đêiv ntâu.

Chiê zôngx ziv hâur hâux lưv thêv nhiêx, Cuiv Por vêv thiêz Huôv tsar jôngr tưz cir hux thôngx đros AgriBank Sơn La thiêz Zênhx hangx Tsênhv chêi xar hôiv tỉnh chiê tsưr tsix thêv têx nhiêx dịch vuv tênhv qơư jôngr shông 2024 trâu chor tsưr jôngr đhâu tài khoản, txos nhiv no hur si chor tsưr jôngr tưz muôx tài khoản ntơưv zênhx hangx.

Thiêz nhiv no, Cuiv Por vêv thiêz Huôv tsar jôngr tỉnh Sơn La tưz cir ntơưr đros 67 taz viv chiê chor taz viv no mav thêv têx nhiêx dịch vuv tênhv qơư jôngr (zos 50 qơư tsêr mêir đêx tênhv, 05 qơư kriz uô thiêz cungz đêx hur, 12 qơư uô côngz nghiệp muôx sir zôngv đêx)./.

Tuyết Lan-Lik Thox cxêik nhênhv