Ntênhs hội yuôx zêx shan tuyết lov jêv nhoz Yên Bái

            Ntơưv ntênhs hội yuôx zêx Shan tuyết, chor đại biểu, tsôngv pêx xênhv thiêz kruô tuôx ndis shuôs têz qơưk uô si tưz tâu đros côngv uô têx cêr lov jêv heik lol chiv xênhz đrox tsuôs jông thiêz lênhx nênhs Văn Chấn (Yên Bái) reik đros tsoz yuôx zêx Shan tuyết; têx muôx jông chiê uô ju lix, lưv zav hâux lưv paz cxiz huôv tsar kinh tế-xã hội ntơưv qơư.

            Ntênhs hội yuôx zêx Shan tuyết đros ntâu zav uô jông li: Tsưr tsix piêr kriê têx đuôz shav lol huyện Văn Chấn thiêz thax tsav faz Tây tỉnh Yên Bái; 100 qơư piêr kriê, muôs têx xiv huv yuôx zêx Shan tuyết thiêz chor hax huv OCOP, cxuô thax tsav qơư li têx xiv huv chênhr; piêr kriê cxuô heir nênhs hâur thax tsav têx txux chi vênhx huôv jông..... Ciês ntơưv xã Suối Giàng nthuôr uô ntênhs hội kruôs txos tsoz yuôx zêx lâul, piêr kriê tsưr ziv đê yuôx zêx, tsiv uô thiêz râuz yuôx zêx Shan tuyết hâuk; têx txux chi vênhx huôv, cêr lov jêv li: Tuôr nduôr blêx, đhiê kênhx, yuôz trax, sik lâuz pak, sik truz hluô.... Chiê đo tâu iz têik yuôx zêx hâuk kaz hur siêz, lênhx đo yuôx zêx co zuôr muôz iz txâuv têx njik yuôx zêx tưz jiêz, ciz kra kruôr ntơư lok tso hâur têik, li nquôr đêx cuz trâu, hâuk thiêx hnor kaz hur jông.

             Tsoz yuôx zêx Shan tuyết nưk tuôx nưk pêv têx trôngz siêz hâur huyện Văn Chấn, suôv qơư niêx shông huôz pok niêz, lar heik zos ntơưv chor xã Suối Giàng, Suối Quyền, An Lương, Nậm Mười, Sùng Đô đros thiêz yênhx cxênhz ha liêx têz. Hâur co, yênhx puô tsoz yuôx zêx Shan tuyết lâul tưz tâu Hội por hưv đrox tsuôs thiêz tênhx qơư Việt Nam côngk nhav zos tsoz chos Di sản.

             Txix têx chiêx tâuk ntêr, nưk tuôx nưk, tsoz yuôx zêx Shan tuyết tưz đros đreiv tsôngv box cxuô heir nênhs huyện Văn Chấn hâur niêx shông đhâu ntâu tiêv nênhs, yênhx iz zav yuôx jông râuz đêx hâuk thâuv tưs tưz zuôr tsuv muôx hâur yênhx chuôz zis. Iz shông yuôx zêx Shan tuyết tâu sâu đê 3 fâuv, hâur co jiês uô kaz ciês zos thâuv luz 8 hli  txos 9  hli hli ntux ntơư. Đhâu iz ntuk uô, têx xiv huv yuôx zêx Shan tuyết zos tsôngv box thiêz chor doanh nghiệp, HTX nhoz suôv qơư co tsiv uô tưz khav tinhv tâu suôz bê thiêz tâu muôs ntâu sâuv têx ciêz đrôngs hâur têz qơưk thiêz đrâuv luôs 2 chas thax tsav li: Chor têz qơưk châu Á, châu Âu.

              Pos Lò Thị Thúy Nga, Phưv Chủ tịch Ủy ban huyện Văn Chấn heik pâuz: Ntênhs hội zos chiê kruôs txos tỉnh Yên Bái thax tsav chos yuôx zêx heik cxuô thiêz yuôx zêx Shan tuyết huyện Văn Chấn heik taz, kruôs lênhx nênhs tu thiêz por hưv têx yuôx zêx lâul; iz chas ntơư, piêr kriê ju lix, têx muôx jông ntơưv qơư. “Pêz sir jos uô luôs hâux lưv yax kriê sâuv têx mạng xã hội, điện tử, hu zâuv chôngz lênhx ntâu tus kruô ndis shuôs têz qơưk uô si tuôx đros côngv cêr lov jêv. Pêz cux cxiv uô têx jiês chox kriê cêr trâu kruô muk ndis seiz têx qơư ju lix hâur thax tsav huyện”.

            Tuôx txos Suối Giàng, huyện Văn Chấn, tỉnh Yên Bái, tsôngv kruô zuôr tâu pâuz txos cxuô tsar jông muôx nhoz no li: Tox trôngz câuv har jông jav, huôz pok niêz, chuô lax nziês, tâu hâuk siv têx yuôx zêx Shan tuyết kaz hur siêz, jiz mur; hnor suôz kênhx, suôz trax đror cxuô qơư đros trâu chor tuz nxeik hluôk Hmôngz têx suôz heik lul, siz hu luôs lov jêv ntưk./.

Đinh Tuấn-Riê Lâux cxeik, nhênhv

Chiê tsôngv kruô tuôx sêiz shuôk qơư ndis uô si poz hiêr Hạ Long-Cát Bà

         Poz hiêr Hạ Long-Cát Bà tưz tâu sâu hâur ntiêx têz ntâuz ntơưr, txix ntơư, qơư ndis uô si, sêiz shuôk poz hiêr Cát Bà thiêz hâu nov đrôngl Hải Phòng pok muôx faz tsưr ziv tưs chiê huôv tsar qơư ndis uô si, sêiz shuôk poz hiêr Cát Bà cov ziv hnuz ziv uô tâu truôx jông?

         Poz hiêr Hạ Long-Cát Bà tâu ntiêx têz côngz jênhv zos qơư jông jav ndis uô si, sêiz shuôk têz qơưs sâuv ntiêx têz thiêz zos tsôngv px tỉnh Quảng Ninh cux li tsôngv px đrôngl Hải Phòng đros trâu tsôngv kruô hâur têz qơưs cêr shir phaz. Ntơư zos shông tiv 8 Việt Nam tâu UNESCO côngz jênhv poz hiêr jông jav sâuv ntiêx têz. Iz chas cxuô luôs hâux lưv uô tâu thiêz têx cêr shir phaz co, pêz tsuv huôv tsar truôx têx poz hiêr tsiv grê poz hiêr Hạ Long-poz hiêr Cát Bà thiêz pêz tsênhv zuôr chêx chôngk muôz pênhr nhiêx cxiv uô tsêr uô cxuô zav nox hâuk, tsêr tok kruô tuôx nhoz so muk lok, sêiz shuôk cxuô poz hiêr, yax kriê tsưr ziv, txux chi trâu chor nênhs uô hâux lưv tok kruô, chơưx kruô cov huv đros tênhx qơư, cêr muk lok, y tế. Viv tâu côngz jênhv zos poz hiêr jông jav sâuv ntiêx têz, muôx chôngz lênhx kruô hâur têz qơưs thiêz sâuv ntiêx têz tuôx sêiz shuôk, ndis uô si hâur thax tsav Hải Phòng. Thiêz xar cov muôx chôngz lênhx kruô tuôx ndis uô si, sêiz shuôk, tsuv muôz pênhr nhiêx cxiv uô hur si cxuô luôs hâux lưv tuôr cov tâu truôx jông têx poz hiêr jông jav hâur thax tsav tỉnh Quảng Ninh thiêz Hải Phòng cov huv đros tsôngv kruô siêz nhiêv.

             Iz chas têx zôngx ziv, hâux lưv tuôr tsês thiêz huôv tsar cov tâu truôx têx qơư jông jav co, pok njiz trâus têx phiv liv tưs, thiêz Liên Minh khơưk tsês cxuô zav sâuv ntiêx têz pok muôx têx luk hêik cxaz nzir li chas trâu qơư poz hiêr Cát Bà?

            Txix muôx têx poz hiêr jông jav, tâu sâu hâur ntiêx têz têx ntâuz ntơưr, cux muôx yưv ntâu luôs hâux lưv tsuv uô cov huv đros. UNESCO, thâuv tưs cux xar njôngr têx qơư jông jav co tâu tsưx phưv truôx khor. Luôs hâux lưv muôz pênhr nhiêx cxiv uô cxuô zav, pêz tsuv uô trơưk luôs hâux lưv tso tơưv thiêz huv đros tênhx qơư. Hâur ntu kriz uô, pêz tsuv tsưx phưv cov tâu truôx cxuô qơư jông jav chiê huôv tsar uô nox txuôk đros kriz đar cxuô qơư ndis uô si, sêiz shuôk têz qơưs.

             Hâur ntu zuôr txos, hâu nov đrôngl Hải Phòng thiêz tỉnh Quảng Ninh zuôr sik côngv li chas hâur luôs hâux lưv sêiz car thiêz huôv tsar truôx têx poz hiêr Hạ Long-Poz hiêr Cát Bà jông jav tưz sâu tsês trâu ntiêx têz ntâuz ntơưr?

            Li cxuô lênhx sđ tưz pâuz, Poz hiêr Hạ Long tưz tâu Unesco côngz jênhv oz jiês zos qơư jông jav sâuv ntiêx têz. Poz hiêr Cát Bà cux jông jav huv đros thiêz tsênhv muôx cxuô zav tsiêx, shuôz njêk…. Txơưv li ntơư, taz sik hâur ntu đhâu, Poz hiêr Cát Bà cux tsênhv tsik tâu côngz jênhv, viv yuôr ntâu luôs hâux lưv uô tsik tâu huv đros, tsik truôx khor. Hâur ntu zuôr txos no, pêz tsênhv zuôr hêik trâu Ban Thường vụ Thành ủy chiê chox car chêx chôngk uô iz cxiê luôs hâux lưv li đrav kaz:

          Kror tiv iz, pêz zuôr sêiz njuôk shuôk, hêik trâu Hội đôngx thành phố chiê tsar ndê sâu nhiêx sêiz shuôk poz hiêr Cát Bà, iz zav li poz hiêr Hạ Long cov huv đros thiêx muôx tâu phênhv nhiêx txiêx chox lok tsưx phưv cxuô qơư poz hiêr truôx jông. Kror tiv oz, pêz tsênhv zuôr chox car uô cov tâu truôx jông luôs hâux lưv tsưx phưv tênhx qơư nhoz oz tsênhv qơư co. Kror tiv pêz, tsuv uô cov tâu truôx jông luôs hâux lưv tsưx phưv ngaz tuk hâur thax tsav qơư poz hiêr cux li tsưx phưv tsôngv kruô hâur têz qơưs thiêz sâuv ntiêx têz tuôx ndis uô si, sêiz shuôk poz hiêr; tror uô truôx jông luôs hâux lưv phax tir thêir cuz tơưs, phax tir thêir moz gênhk…Lar hêik zos tsuv uô li chas cov ziv hnuz ziv muôx chôngz kruô hâur têz qơưs thiêz sâuv ntiêx têz tuôx ndis uô si, sêiz shuôk têz qơưs trâu oz tsênhv qơư co”.

Uô cox tix tsâus!

                                                Tsu cxêik nhênhv-VOV