Bí thư Tỉnh ủy Sơn La: 3 luôs hâux lưv paz krêz tơưv thiêz chuôz cxaz đas jos huôv tsar yiêz

1/ PV: Thor cox puz pâuz, six cxiv 2020-2025, tas nro têz qơưk cux xưk li Đảng bộ tỉnh Sơn La muôx lok six ntâu têx hâux lưv uô tâu jông hâur tsưr ziv huôv tsar. Thor cox puz pâuz têx luôk hâux lưv tỉnh Sơn La uô tâu jông tsênhv tsênhz zos têx hâux lưv tưs?

          Zơưv Hoàng Quốc Khánh: Hâur 5 shôngk đhâu, tỉnh Sơn La li kinh têr tror tsar ndê, đros phênhv tsar ndê xav muôx 5% ntâu iz shông; kinh têr shông 2025 njuôs xav zuôr xar 82 cxênhz 800 tỷ đeiv ntâu, siêz đuô 1,5 jiês shông 2020; phênhv sâu xav lênhx nênhs tâu muôx 62 tsov đeiv; bâuv 1,4 jiês pir li shông 2020. KTXH cxuô zav muôx têx huôv tsar jông. Hâur six cxiv tưz krêz uô cêr muk chênhr Hòa Bình-Mộc Châu, ntu đhâu thax tsav tỉnh Sơn La. Tỉnh tưz cxaz nzir tsưr ziv thiêz muôz trâu Bộ zaoz thôngz vận tải Đề án xã hội hóa yưv pênhr, krêz uô Qơư tsar đrêk yêz za Nà Sản; uô tiêr 100% chor cêr muk txos tsênhv qơư xã. Chor jêx jos, thax tsav qơư tas nro tỉnh huôv tsar jông txos tas shông 2025 njuôs xav muôx 20% ntâu, siêz đuô tsưr ziv Đại hội Đảng bộ tso tơưv.

          Têx hêik sâur zos têx luôk hâux lưv uô tâu jông tsênhv tsênhz lơưr tsưr ziv huôv tsar, puz pov Đảng bộ li lênhs tov huv đros, siêz xar tơưv jông, đros co zos puz pov tas nro cxix luôk chính trị thiêz tsôngv box têx mênhx cxưx li têx sir jos, sik côngz siêz, truôx siêz uô, paz truôx tul chiê Sơn La hla trâu ntu huôv tsar yiêz.

          2/ PV: cán bộ zos lênhx nênhs uô ntêx nyuôk hâur cxuô luôk hâux lưv. Thor cox puz pâuz hâur six cxiv đhâu, Sơn La tưz tsov cưv txos côngz xưv cán bộ txix têx tsưr ziv uô tsênhv tsênhz li chas? 

          Zơưv Hoàng Quốc Khánh: Tỉnh tưz chêx chôngk cxiv tsa chor cán bộ têx cấp, tiv zix zos bí thư cấp ủy, nênhs sơưr thơưx têx cấp muôx txâuk shưz xar, pênhr xưv, txux chi siêz, uô tâu jông jênhv vưv tâu choz; muôx cxix cxuô têx mênhx cxưx, txir nênhx pox niêv, hov hnuz nhôngs, tiv zix zos cán bộ mênhx cxưx tsơưs nênhs, cán bộ zos pox niêv, cán bộ hluôk. Thiêz uô jông côngz xưv ntâuk grê, thox cxov, kriê cxaz, njuôs xav, pheiz côngz, sir zôngv cán bộ tâu truôx tul, huôv tsar thiêz truôx tul đuô hâur têx cxênhx nênhs cán bộ; truôx siêz tsi puz têx cán bộ tsi tsik muôx txux chi, tsik sir jos, uô tsik tâu jông têx hâux lưv, jênhv vưv, uô cxâuv cêr chei, trâus kỷ luật đảng nhoz hâur cấp ủy; đros co zos sir jos uô chủ trương, tsênhv chêi cxơưz cxiz thiêz por vêv cán bộ sei đrơưv, txơưx njê, sir jos uô hâux lưv viv kror liv zix cxuô.

          3/ PV: Hâur six cxiv 2025-2030, tỉnh Sơn La xav tênhv têx tul tsi zos luôk hâux lưv zov chênhr? Tiv zix zos tiv phaz muôx tsưr ziv huôv tsar têx cơ chế tsov cưv li chas chiê muôx têx huôv tsar jông hâur ntu zuôr txos, chiê đros têx tiv phaz hâur tas nro têz qơưk truôx siêz hla trâu kỷ nguyên yiêz- mênhx cxưx li ntu hlôngr yiêz huôv tsar? 

          Zơưv Hoàng Quốc Khánh: Six cxiv yiêz 2025-2030, đại hội Đảng bộ tỉnh Sơn La jiês tiv 16 xav jênhv 3 luôs hâux lưv zov chênhr thiêz seiz no zos kror paz krêz tơưv thiêz zos đas jos chiê huôv tsar yiêz.

          Tiv iz zos paz zaz zâuv, thox cxov thiêz xeir zuôr lênhx nênhs muôx pênhr xưv, txux chi jông. Cxiv tsa cán bộ, lênhs tov seiz car têx cấp jông, tiv zix zos têx lênhx nênhs sơưr thơưx muôx txux chi chính trị, muôx shưz xar jông, tâu njênhs njôngr thiêz uô tâu jông jênhv vưv tâu choz, zos nênhs “Car xar, car heik, car uô, car muôx txơưx jênhv, car hlôngr yiêz, car hla đhâu têx phêv liv viv têx kror liv cxuô”.

          Oz zos pâuz sir jos huôv tsar zaoz thôngz têx thax tsav, paz cxơưz huôv tsar KTXH, huôv tsar kôngz nuv, ju lix, hạ tầng số, thax tsav công nghiệp.

          Tiv pêz zos paz cxơưz tiês hlôngr yiêz số hâur cxix luôk chính trị; cxiv tsa, yênhx lix chính quyênx số đros cxix luôk jix vuv số, têx jix vuv niêv đrôngs yiêz tâu krêz uô đêz đar, kinh têr số thiêz xã hội số huôv tsar sei, truôx tul./.

          PV: Thor uô cox tsâus ntâu!

VOVTB-Txâur Vax cxeik nhênhv

Têx hlôngr yiêz jông nhoz tox siêz Lào Cai

3 txox cêr muk lol hâur jêx jok ntêr 4 cêik ntâu tưz tâu cxiv uô lox đar đuô txix 4-7 thiêr, zôngx ziv muk lol. Uô tâu luôs hâux lưv co tsi tiêk zos têx hloz, hâu nov hâur thax tsav li sir jos xưz, mak khov muôx tsôngv box sơưr đơưk jông siêz, thôngx ziv đros. Zơưv Đỗ Công Đĩnh, Tsar jok Chính Tiến, xã Gia Phú, tỉnh Lào Cai heik: “Xuz thơưx zos tsuv cơưv chi bộ uô ntêx, đhâu ntơư cơưv Mặt trận, li tror cơưv tas nro tsôngv pêx xênhv, tso tơưv tsưr ziv tsênhv tsênhz, heik trâu pêx xênhv pâuz txos têx muôx liv thiêz jông, txox cêr tưs tâu sơưr đơưk jông siêz, thôngx ziv mak cxiv uô txox co uô ntêx, chuôz zis tưs tsi tâu thôngx ziv mak tsês uô tov kaz. Cxiz sơưr đơưk chuôz zis no trâu chuôz zis tov, tus no đhâu tus pêv, paz no đhâu paz đrav, jux juk sơưr đơưk jông siêz, thôngx ziv cxuô thiêx uô tâu yênhx côngz”.

Thâuv têx txox cêr tâu krêz lox đar zôngx ziv muk lol, kinh tế cux hlôngr yiêz. Iz chas ntơư, ntâu luôs hâux lưv sik côngv têk huôv tsar uô nox nhoz Gia phú cux yênhx lix, uô tâu truôx jông. Iz zav li: HTX kôngz nuv yuôx đrox njuôz Mạnh Hương, txix thâuv yênhx lix shông 2019 txos nhiv no tưz sik côngv đros 50 ntâu chuôz zis uô nox, huôv tsar thax tsav chos đar muôx 50 ntâu ha thiêz uô tâu yênhx côngz 07 xiv huv tâu côngk nhav OCOP.

Txix têx côngz trênhx thiêz kinh tế cxuô zav truôx khor, đros trâu muôz xã Xuân Giao thiêz Thống Nhất lok uô cê yênhx xã Gia Phú yiêz, ntơưv qơư tsênhv tso tơưv tsưr ziv, hâux lưv huôv tsar yiêz. Zơưv Ngô Minh Quế, Bí thư Đảng ủy xã khav tinhv: “Đhâu thâuv muôz chor xã heik sâuv lok uô cê, pêz tsênhv ntâuk grê đuô têx luôs hâux lưv chiê muôx tsưr ziv tror fuô uô, sir jos hâur ntu zuôr txos chiê yênhx xã hlôngr yiêz, huôv tsar truôx”.

Luôs hâux lưv sik tưr cxiv tsa jêx jok yiêz li heik sâuv cux tsênhv tâu nthuôr uô đêz đar nhoz xã Việt Hồng, huyện Trấn Yên (kuz). Đhâu muôz iz cxiê thax tsav lok uô cê yênhx iz xã lox đar đuô, muôx zuôr xar 11 cxênhz lênhx nênhs tâu seiz zos qơư chuôz jos chiê krêz uô têx muôx jông ntơưv qơư. Zơưv Nguyễn tiến Chiển, Chủ tịch ủy ban xã phênhz li no: “Đhâu muôz iz cxiê xã lok uô cê mak thax tsav zuôr lox đar, kinh tế, xã hội hâur xã zuôr huôv tsar đuô, hu zâuv tâu têx pênhr jos chiê đros uô têx hâux lưv cxiv tsa jêx jok yiêz, lar heik zos lok sâuv gra siêz phênhv sâu tâu trâu pêx xênhv”

Trơưk li zơưv Đinh Văn Thơ, Phưv Giám đốc Sở Kôngz nuv thiêz Tênhx qơư tỉnh Lào Cai, hâur ntu phiv liv nhiv no, tsuv muôx tsưr ziv jông chiê chuôz jos, cxiz huôv tsar uô cxuô luôs hâux lưv, hâur ntơư pêx xênhv zos chênhr: “Hâur ntu zuôr txos, cxiv tsa jêx jok yiêz zuôr tsuv uô jông đuô chiê jux juk uô tâu truôx. Pêz zuôr tsuv nhênhz chơưv trâu tỉnh phuôx tôngv iz phôngz yaox xưk iz zav li Thủ tướng Chính phủ heik, zos tas nro tsôngv pêx xênhv sik tưr huôv tsar uô bluô nux”.

Têx txox cêr hâur cxuô jêx jok tâu cxiv uô tiêr tsi tiêk chiê pêx xênhv sơưr đơưk zôngx ziv muk lol, tsênhv zos qơư xa Đảng têx tsưr ziv, chei fuô kriê txos trâu tsôngv lax pêx xênhv. Têx trâur nuv kinh tế tsi tiêk gra tsâu sor, tsênhv muôz cêr njênhs njôngr, sir jos huôv tsar uô bluô nux trâu pêx xênhv thiêz. Têx thax tsav tox siêz Lào Cai tsênhv jux juk hlôngr yiêz, huôv tsar chiê cxơưz paz trâu sơưr đơưk luz nênhx ziv hnuz ziv tsâu sor, vav mênhx./.

An Kiên-Riê Lâux cxeik, nhênhv