Cêr muk chênhr Hoà Bình – Mộc Châu txuôk đros cxuô thax tsav chiê huôv tsar

       Txox cêr muk chênhr Hoà Bình-Mộc Châu zos iz hâur têx dự án tâu hâu nov thiêz px Sơn La tok njôngr chiê cxơưz cxiz huôv tsar qơư ndis uô si, sêiz shuôk têz qơưs-huôv tsar chos cxuô zav tsoz chos. Cêr txix Hà Nội txuôk đros cxuô tỉnh faz Bắc, Sơn La, Điện Biên txix thâuv ntêx txos nhiv no tsuôk zos muk txox cêr lox số 6. Hâur txox cêr co, ziv hnuz ziv muôx ntâu yêz muk lok đhâu thiêz txox cêr no muôx ntâu ntu muk lok ndê tox, khâuk lêv, zôngx ziv uô yêz siz tsông, siz đrâuv thiêz zôngx ziv trâus poz hâur chêix ntux nas, uô tuôr thênhv tsik zos tsơưs txos chor nênhhs tsar yêz muk lok đhâu hâur niêx hnuz. Zơưv Bùi Trọng Thắng, Phưv Giám đốc Sở Giao thông tỉnh Sơn La hêik pâuz:Txox cêr muk chênhr Hoà Bình-Mộc Châu, ntu muk đhâu tỉnh Sơn La zuôr zôngx ziv trâu tsôngv px muk lok txix Hà Nội tuôx trâu Sơn La thiêz cxuô tỉnh tox siêz faz Bắc

        Ntu muk đhâu tỉnh Sơn La zos pênhr nhiêx uô cêr muk chênhr hoà Bình – Mộc Châu ntêr 32 cêik ntâu; muk đhâu têx ar yêik trâu qơư yiêz zos 34,4 cêik. Txox cêr no, uô đar oz hax yêz muk lok, pênhr nhiêx têz qơưs uô zos 4.938 tỷ đêiv, hnuz nhôngs uô txix shông 2023 txos 2028.

       Hnuz xiêz 2/3 đhâu, Thủ tướng Chính phủ tưz tso tơưv Quyết định số 216/QĐ-TTg choz zok hâux lưv trâu cơ quan sêiz car uô cêr trơưk li Nghị quyết số 106/2023/QH15 chiê choz trâu ủy ban tỉnh Sơn La zos cơ quan sêiz car, tâu sir zôngv nhiêx tsênhv qơư thiêz têx pênhr nhiêx txơưr chiê kriz uô txox cê muk chênhr Hòa Bình - Mộc Châu, ntu muk đhâu thax tsav tỉnh Sơn La.

      Đhâu Thủ tướng quyết tênhv, hội đôngx tỉnh Sơn La tưz cir ntâuz ntơưr, ủy ban tỉnh muôx quyết tênhv choz trâu cxuô tsênhv qơư kriz uô. Zơưv Nguyễn Đức Toàn, Bí thư huyện uỷ Vân Hồ, tỉnh Sơn La hêik pâuz:Pêz tưz tso tơưv luôs hâux lưv fuô yax kriê tsôngv px tsuv tuôr truôx têx ar têz đhâu njuôk shuôk, tsik chiê muôx yưv têx tsik jông; yax kriê tsôngv px tsu uô trơưk, chiê têz qơưs sâu ar, thêv nhiêx ar, zok yêik px nhoz qơư yiêz. Co zos luôs hâux lưv tsuv uô txix huyện txos xã, jêx jos, px pâuz tsênhz thiêz jông siêz uô trơưk

          Luôs hâux lưv tso tơưv txix hli 11/2024 txos hli 4/2025, huyện Mộc Châu zuôr uô cov tiêr thax tsav qơư kriz uô cêr muk lok đhâu; ủy ban huyện Mộc Châu tưz chox car cxuô cơ quan đros tsênhv qơư fuô yax kriê px pâuz lok luôs hâux lưv kriz uô cêr muk đhâu thax tsav qơư co. Zơưv Trương Hoa Bắc, Phưv chủ tịch ủy ban huyện Mộc Châu hêik pâuz: Uỷ ban huyện Mộc Châu tưz choz hâux lưv trâu xã Phiêng Luông cir ntơưr trâu 39 chuôz zis nhoz hâur thax tsav qơư kriz cêr muk lok đhâu thiêz qênhz shuôk têx ntâuz ntơưr sir zôngv ar chiê thêv nhiêx ar thiêz zok nriêr ar yêik chor chuôz zis co nhoz trâu qơư yiêz

           Hâur ntu zuôr txos, luôs hâux lưv kriz uô tiêr txox cêr muk chênhr Hoà Bình-Mộc Châu (Sơn La) njuôk xav zuôr lur 2 six hơưv muk lok txix Mộc Châu-Hòa Bình tsuôk yuôr 1 six hơưv. Lar hêik zos muk tas tsơưs six hơưv txix Sơn La muk trâu Hà Nội thiêz zuôr paz cxơưz cxiz cxuô tỉnh tox siêz faz Bắc huôv tsar truôx kinh tế-xã hội, tsôngv px muôx luz nênhx hlôngr yiêz, tsâu sor./.

                                                                               Tsu cxêik nhênhv-Thanh Thủy VOV Tây Bắc

Huôv tsar kôngz nuv hur-truôx vênhs nhoz tỉnh tox siêz Điện Biên

          Zơưv Phạm Văn Dưỡng chuôz zis nhoz jos Hoàng Yên, xã Thanh Yên, huyện Điện Biên, tỉnh Điện Biên muôx ar têz đar, têx shôngk jê lok no tưz khơưz pas đêx zus njês thiêz tu zus tsiêx cxu, chos têx zav ntông nox txir li: txir thênhx caz, txir trâuv nhux, txir mo mix, txir lưs… chiê huôv tsar trâur nuv kinh têr. Zơưv Dưỡng puz pâuz: Tâu chính quyênx tiv phaz thiêz têx chiz coaz chuyên môn paz lok khoa học-kỹ thuật, côngv đros zuk li chinhz yênhx gruôs cơưv shâuv, chênhz zênhv, txos nhiv no, zơưv chuôz zis li trâur nuv kinh têr tưz huôv tsar truôx tul. Niêx shông, chuôz zis muôs tơưv trâu niêv ciêz 25 tênhr njês; 3 tênhr buô, keiz, ok. Đros phênhv sâu txix hâux lưv chos ntông, têx tsoz chos nox txir, iz shông đhâu thâuv xav tas nhiêx txiêx tưz yưv, chuôz zis muôx phênhv sâu zos 500 tsov đeiv:“Chiê huôv tsar kinh têr li nhiv no mak chuôz zis cux muk seiz shuôk ntâu trâur nuv. Xav tênhv chuôz zis muôx ar têz ntâu chiê huôv tsar kôngz nuv viv li thâuv muk ndis seiz têx trâur nuv thiêz nriêr pâuz tiv phaz li zoz qơưx, chuôz zis cuiz tênhv khơưz pas zus njês, txix co huôv tsar tu zus tsiêx cxu, keiz ok thiêz huôv tsar chos ntông nox txir”.

          Ntâu ziv chuôz zis nôngx mênhx nhoz Điện biên têx shôngk jê ntơưv no tưz chuv tôngv sir zôngv công nghệ siêz lok uô kôngz nuv. Têx trâur nuv tsiv uô hâur tsêr tax…zôngv công nghệ zưs đêx cxênhx txuôk, chox lok chêx cuk hâur tsiv uô kôngz nuv. Chuôz zis tix lâuk Ngô Xuân Đức nhoz jos Huổi Phạ, phường Him Lam, TP Điện Biên Phủ li trâur nuv chos điz đas zos iz trâur nuv jông li ntơưv. Tix lâuk Đức puz pâuz:“Trâur nuv no txu grês tsơưs tiv zix sir zôngv yuôx por vêv đrox tsuôk, chuôs li tsi zôngv txos, tsi muôx caz hmoz uô hiêv viv tsêr xor their ntov. Pir đros têx tsưr ziv tsêz chos thâuv ntêx mak taz por đuô lok six ntâu”.

          Txix nênhs sir zôngv li zoz qơưx sir zôngv têx xiv huv kôngr nuv hur, taz por ziv ntâu, ntâu doanh nghiệp, nênhs uô kôngz nuv nhoz Điện Biên tưz jus jus hlôngr yiêz siêz xar, tsưr ziv uô chiê uô tâu têx xiv huv hur, taz por. Zơưv Phan Trọng Nhất, Giám đốc Công ty TNHH Trà Phan Nhất Điện Biên pheiz kênh:“Yuôx tuô caz hmoz thiêz paz tsoz chos hloz lox jông puôr lênhx zos zôngv yuôx hữu cơ sinh học. Thâuv têx chiz coaz muôx txơưx jênhv côngz jênhv taz por, taz viv thiêx li sir zôngv”

          Lơưr pos Chu Thị Thanh Xuân, Phưv Giám đốc Sở kôngz nuv thiêz huôv tsar nongx cxênhz tỉnh Điện Biên, txos nhiv no ntâu trâur nuv kinh têr yiêz, tsiv uô kôngz nuv công nghệ siêz tưz thiêz tsênhv jux jus tâu yênhx lix, yênhx trus huôv tsar kôngz nuv hlôngr yiêz, muôx chêx cuk thiêz truôx tul:“Hâux lưv zôngv têx trâur nuv kinh têr yiêz sâuv thax tsav tỉnh hâur ntu đhâu tâu ntâuk grê muôx ntâu chêx cuk, tso pov têx zav tsoz chos, tsiêx tu zus li huv đros. Đhâu chêx cuk co, nganhx zuôr tror krêz đar têx trâur nuv chiê cxuôv por tsês cêr pluôk trâu tsôngv box, paz tsôngv box uô bluô nux sâuv zuk têz qơưk”.

          Xav txos tas shông 2023, tỉnh Điện Biên tưz muôx 77 xiv huv tâu côngz jênhv xiv huv OCOP jông ndê muk thiêz yênhx xiv huv tsênhv, gôngr phênhv muôz siêz phênhv sâu trâu lênhx nênhs nhoz thax tsav nôngx cxênhz ndê txos 26 tsov đeiv iz lênhx nênhs iz shông.

          Hâur ntu zuôr txos, tiv phaz xav tênhv tror cxiv tsa, krêz đar têx trâur nuv kôngz nuv sir zôngv công nghệ siêz chiê chuôz tsar yar lengx, tsơưr lươngv xiv huv, uô muôx têx xiv huv hax huv muôx tsiv grê kinh têr siêz, tuôv zênhv lênhx nênhs sir zôngv li zoz qơưx, yênhx trus muôz siêz đuô thiêz phênhv sâu trâu tsôngv box./.

                                                                                         Vũ Lợi-Txâur Vax cxeik nhênhv