Côngz xưv phax tar zax zênhz nhoz ntus đriv Điện Biên njiz ntau kror phiv liv

Tror ndo txos txuz án zax zênhz lox ruôr tâu thâuv hâur hlik hli 4 nhiv kruôr đhâu, sâu tsês tâu muôx tsiz puôk cxênhz ntâu njiêr yuôx shơư zax zênhz đros 72 đêiv zênhz đơưz, cxov tâu 8 lênhx nênhs, Thượng tá Nguyễn Hữu Thái, Trưởng phòng Cảnh sát qênhz yuôx nênhs phamv cxâuv lok zax zênhz, Công an tỉnh Điện Biên puz pâuz: Uô tâu chuyên án zos muôx chor canr bôv chiến sĩ li têx sir jos thiêz muôx Ban giám đốc Công an tỉnh li sir jos chox kriê:“Thax tsav lok six đar, muôx ntâu cêr muk lok đhâu ntus đriv, tso nênhs sêiz jor mak tsuv zos chor nênhs pâuz tsênhz lok thax tsav. Hâur ntu tsav txênhz mak tưz huiz tôngv lok six chôngz nênhs thiêz kror phiv liv zos trơưk cov chuôs chor nênhs uô cxâuv co, tsik chiê lơưr pâuz txos zuk”.

Đros sir jos tsav txênhz, txix hâur shôngk shông txos nhiv no, chor cơ quan muôx vax huôv tỉnh Điện Biên tưz qênhz yuôx, cxov tsês 440 txuz zuôr muôs tsik zos chêi zax zênhz, sâu tsês yênhx puô cir zênhz đơưz, yuôx shơư zax zênhz, zax zênhz, cxuô zav fov. Ciês lưx lươngv Công an Điện Biên tưz ruôr tâu 300 ntâu txuz án, hâur co muôx ntâu txuz lok six lox li: 422-S, cxov tâu 4 lênhx nênhs, sâu tsês tâu 115 đêiv zênhz đơưz; 322P, 422C sâu tsês muôx 500 cxênhz ntâu njiêr yuôx shơư zax zênhz đros 72 đêiv zênhz đơưz. Đuô li txix kaz hli 11/2021 txos nhiv no, Công an tỉnh Điện Biên tưz sik côngv đros cxuô lưx lươngv ntêk cxov tâu 12 lênhx nênhs tsuv zok cxov, hâur co muôx 6 lênhx nênhs lok six phiv liv cik txos zax zênhz. Thượng tá Nguyễn Ngọc Thắng, Phưv Giám đốc Công an tỉnh Điện Biên hêik pâuz:“Pêz thax tsav qơư ntơưv no mak lok six jê trâu thax tsav Tam giác vàng, viv li qênhx shênhx zuôr muôs, thâux gra tsik zos chêi zax zênhz txix saz đrâuv lok hâur têz qơưk Việt Nam đhâu thax tsav tỉnh Điện Biên lok six phiv liv. Chor nênhs zuôr muôs zax zênhz nhoz saz đrâuv têz qơưk lok hâur Điện Biên tsik so gra đros triêv fov, txơưr txar ntâu, têx tsưr ziv jêik chiê, thâux gra zax zênhz cux muôx ntâu uô trâu chor lưx lươngv công an njiz tsik tsơưs têx phiv liv”.

Zos 1 hâur 2 lưx lươngv chênhr, phax tir tar nênhs phamv cxâuv zax zênhz sâuv thax tsav ntus đriv Điện Biên, txix hâur shôngk shông 2022 txos nhiv no, lưx lươngv Bôv đôiv Pênhz phax tỉnh Điện Biên tưz sir jos uô côngz xưv sik côngv đros têx tỉnh thiêz têz qơưk đrâuv chor lưx lơưngv ruôr tâu yênhx côngz 120 ntâu txuz đros muôx nhos 150 lênhx nênhs, sâu tsês muôx 123 cir zênhz đơưz, zuôr xar 1 triệu njiêr yuôx shơư zax zênhz. Nhiv kruôr no, tsuôk hâur hnuz 12/6, Bôv đôiv Pênhz phax tỉnh tưz ruôr tâu yênhx côngz 2 chuyên án zuôr muôs ntâu zax zênhz txix Lào lok Việt Nam, cxov tâu 3 lênhx nênhs, sâu tsês tâu 10 đêiv zênhz đơưz, 120.000 njiêr yuôx shơư zax zênhz thiêz 6 cir zax zênhz. Đại tá Kruô Xênhv Vưx, Phưv Chỉ  huy trưởng Bôv Chỉ huy Bôv đôiv Pênhz phax tỉnh Điện Biên puz pâuz: tỉnh Điện Biên li thax tsav ntus đriv buôs ti đros 2 têz qơưk zos Lào thiêz Trung Quốc truz ntêr đhâu thax tsav 29 xar, đros muôx 310 ntâu jêx jok sâuv thax tsav 4 huyện zos Điện Biên, Mường Chà, Nậm Pồ thiêz Mường Nhé. Chor nênhs uô cxâuv lok zax zênhz tsik so liv zôngv têx kror qơư phiv liv muôx ntâu tox trôngz đros ntâu cêr zâu muk lok chiê nhiês gra zax zênhz lok trâu hâur têz qơưk chiê muôs. Đại tá Kruô Xênhv Vưx hêik:“Hâur ntu kriz uô tsav txênhz đros chor nênhs phamv cxâuv lok zênhx zênhz mak njiz lok six ntâu kror phiv liv, pêz chor nênhs mak muôx tsơưs, têx cêr lus, cêr zâu mak muôx ntâu. Viv li hâur ntu kriz uô mak pêz tsuv tso lok six chôngz nênhs chiê sêiz jor ntơưv têx cêr zâu. Tsuv hêik tiêk đhâu têx xor mông hêik pâuz lok hâux lưv uô, sik côngv paz hâur ntu đhâu mak pêz cux sir jos uô tiêr tâu jông têx hâux lưv tâu choz”.

Njiê pov tâu tiêk, jiês tsav txênhz phax tar zax zênhz ntơưv thax tsav Tây Bắc cux lok six txov thiêz phiv liv. Tsuôk 6 luz hli hâur shôngk shông 2022, kriz uô hâux lưv phax tar, tsav txênhz đros chor nênhs phamv cxâuv lok zax zênhz sâuv thax tsav ntus đriv Tây Bắc, chor lưx lươngv tưz ruôr tâu yênhx côngz zuôr xar 1.400 txuz, cxov tâu muôx 1.700 ntâu lênhx nênhs zuôr muôs, thâux gra, jêik chiê tsik zos chêi zax zênhz; sâu tsês tâu muôx yênhx puô cir zênhz đơưz, yênhx triệu njiêr yuôx shơư zax zênhz… Zơưv Lê Thành Đô, Chủ  tịch Ủy ban tỉnh Điện Biên puz pâuz: “Côngz xưv tsav txênhz, tir tar thiêz phax tar nênhs phamv cxâuv zax zênhz zos jiês tsav txênhz phiv liv thiêz muôx ntâu kror cêr txov. Viv no zos chor nênhs fêv lok six riêz nênhs têx thâuv tsênhv gra đros riêv fov thiêz. Taz sik hâur ntu đhâu, uô lơưr Đảng ủy Công an Trung ương, Bôv Công an li chox kriê, lưx lươngv Công an tỉnh Điện Biên tưz kriz uô cxix cxuô, truôx jông têx tsưr ziv tsav txênhz, tir tar chor nênhs phamv cxâuv no, paz tuôr truôx ngaz tuk chinhr triv, ngaz tuk xar hôiv sâuv thax tsav tỉnh Điện Biên”.

Côngz xưv tsav txênhz phax tar zax zênhz nhoz ntus đriv Tây Bắc hêik cxuô, Điện Biên hêik taz cux tsênhv yuôr ntâu kror txov nhêv, taz sik đros zuk têx sir jos, chor chiến sỹ cxuô lưx lươngv tsik so sir jos chiê hla đhâu têx phiv liv co, chiê paz trâu pêx xênhv muôx tâu luz nênhx truôx tuk thiêz shir phaz./.

(Vũ Lợi-Lik Thox cxêik nhênhv)

Phongz yaox txar nja vax, krêz đar cêr nhoz Mai Sơn, Sơn La

          Têx hnuz đhâu, tsôngv box jos Vựt Bon, xã Chiềng Mai, huyện Mai Sơn tsênhv sik đros uô hâux lưv txar nja vax, krêz đar cêr muk lok hâur jos ntêr 2,6 cei cêr. 57 ziv chuôz zis trâus zênhr shar tưz thôngx ziv đros cấp ủy, chính quyênx krêz đar cêr muk lok hâur jos txix 3,5 yiv ndê txos 6 yiv. Thôngx cxix, tsưr tsix txar nja vax, gôngr côngv ar, tsoz chos, têx côngz tsinhx li trôngx vas, nja vax, nja jêz chiê krêz đar cêr zaoz thôngz. Tas nro nhiêx txiêx tsôngv box gôngr côngv krêz đar cêr ndê txos 400 tsov đeiv. Pos Lò Thị Soi, Bí thư Chi bộ, Tsar jos Vựt Bon, xã Chiềng Mai, huyện Mai Sơn puz pâuz:“Thâuv muôx Đảng, têz qơưk li chủ trương krêz đar cêr zaoz thôngz nôngx cxênhz yiêz, jos Vựt Bon uô lơưr Chi bộ li Nghị quyết tsưr tsix khiêz phêv tsôngv box, yax mông, vênhv tôngv tsôngv box gôngr ar, chuôz zênhx chuôz tas. Đhâu thâuv yax mông, tâu tsôngv box thôngx ziv uô, gôngr côngv niêx txiêx chiê krêz đar cêr muk lok”.

          Txos nhiv no, xã Chiềng Mai, huyện Mai Sơn tưz krêz uô hâux lưv krêz đar 3 txox cêr muk lok hâur jêx jos, 2 txox cêr muk lok hâur jos ntêr tas nro 10 cei cêr ntâu. Tas nro tsiv grê tsôngv box gôngr côngv zos 1 tỷ đeiv ntâu; 1 cxênhz 800 ntâu yiv nja bê tông; 2 cxênhz ntâu hnuz côngz lox tôngv. Xã Chiềng Mai sir jos txos tas shông 2022, uô tiêr hâux lưv txar nja vax thiêz plas cêr, njưk đêx thiêz chos ntông 2 saz ntus cêr. Zơưv Tòng Văn Nguyên, Bí thư Đảng ủy xã Chiềng Mai, Mai Sơn, Sơn La puz pâuz:“Ntu zuôr txos, cấp ủy, chính quyênx thiêz têx nganhx, đoanx thể xã zuôr tror yax mông vênhv tôngv thiêz huiz tôngv tas nro tsôngv box sik côngv uô. Vênhv tôngv tsôngv box txưv zênhv gôngr côngv hnuz côngz, nhiêx txiêx chiê uô côngz xưv cxiv tsa, kho đuô cêr zaoz thôngz nôngx cxênhz hâur jos”.

          Tsi taz nhoz Chiềng Mai, tsôngv box 21/21 xã, thị trấn huyện Mai Sơn tưz cxaz chuôz kho đuô 61 cêr zaoz thôngz nôngx cxênhz ntêr 90 ntâu cei cêr. Tas nro huyện huiz tôngv tâu 1 cxênhz ntâu ziv chuôz zis gôngr ar, chuôz zênhx chuôz tas, kôngz lôngk đros 190 cxênhz yiv ndis ar, tsiv grê 9,2 tỷ đeiv ntâu; đros 5 cxênhz 300 hnuz côngz lox tôngv thiêz 2 cxênhz 200 six hơưv côngz meir zơưv, meir luôv ar. Lơưr zơưv Nguyễn Văn Vinh, Chủ tịch UB MTTQ VN huyện Mai Sơn-tuêv tsar tuêv côngz xưv 824 phưv txơưx njiêz luv kho đuô cxix luôk zaoz thôngz muk lok nôngx cxênhz puz pâuz: Phongz yaox tâu krêz uô đêz đar, gôngr phênhv uô Ban thường vụ huyện ủy Mai Sơn li Chủ trương “ Vênhv tôngv tas nro tsôngv box sir jos cxaz chuôz kho đuô cxix luôk zaoz thôngz nôngx cxênhz reik đros qơư tsov txos cxiv tsa nôngx cxênhz yiêz huôv tsar truôx vênhs”:  “No zos iz chủ trương lêx ntêr chiê phưx vưv tsôngv box, muôx cxix luôk zaoz thôngz nôngx cxênhz ziv hnuz ziv jông đuô. Hâur ntu zuôr txos pêz zuôr uô Ban thường vụ huyện ủy li chủ trương zos “Iz hnuz iz xã krêz yiêz, krêz côngz cxiv uô iz txox cêr” thiêz sir jos txos tas shông 2022 têx cêr uô tiêr plas cêr thiêz taz por iz txox cêr tsơưs tiv zix 2 yêz jav muk lok tâu”

          Đros cấp ủy, chính quyênx li sir jos, tsôngv box li thôngx ziv, zos luôs hâux lưv uô paz trâu huyện Mai Sơn tax tâu tsưr ziv krêz đar 183 txox cêr ntêr tas nro 250 ceik cêr txos shông 2025, zuôr uô trâu nôngx cxênhz tox siêz faz Bắc hlôngr yiêz thiêz jông jav đuô./.

(Lê Hạnh-Txâur Vax cxeik nhênhv)