Uô têx xiv huv yuôx đrox njuôz muôx pêv har jôngr nhoz Sơn La

          Txix têx siêz xar tơưv thiêz cêr moz siêz txos xiv huv yuôx njuôz, pos Lường Thị Chuông, Giám đốc HTX yuôx njuôz huyện Mường La, Sơn La tưz uô tâu ntâu xiv huv yiêz txix têx tsoz chos, txir ntông muôx nhoz tiv phaz, hâur co muôx txir tuôz ziz… “Tsưr ziv tsiv uô yuôx zêx txir tuôz ziz qir thơưx zos cur pov thax tsav chos txir tuôz ziz ntâu, chor txir no sưv jê đros tsôngv box. Đhâu co pov tsôngv box mak sâu tâu chiv cheix, taz sik ho pôngz grê muôs, thâuv muôs tâu grê mak ho trâus pôngz cheix…cur cux nhênhz chơưv uô li chas chiê txir tuôz ziz shông tưs cux paz tsôngv box muôx tâu phênhv sâu truôx tul”.

          Txix têx luz txir tuôz ziz nhôngs kaz jiz tâu chos thiêz sâu đê sâuv Mường La, têx lênhx nênhs hâur HTX tưz cxôngr thiêz jiêz kruôr chiê tuôr tsês tâu têx tsơưr muôx hâur xiv huv; tsiv uô đhâu têx ntu kra kruôr, jov uô hmôngr thiêz ntiv hâur hnaz…Niêv lâuk Tòng Thị Tích, lênhx nênhs HTX yuôx njuôz huyện Mường La pheiz kênh: “Xeir têx luz txir tuôz ziz siêr, tsư kaz thiêz nox kaz đuô…chor txir co zuôr tax ploz tsênhr chiê uô yuôx zêx hâuk, jiêz kruôr mak zuôr đax jông đuô”.

          Đrâuv yuôx txir tuôz ziz tax xiv huv công nghiệp nôngx cxênhz jông cấp tỉnh shông 2023, HTX yuôx đrox njuôz huyện Mường La tsênhv nhênhz chơưv tsưr ziv tsiv uô têx zav yuôx đrox njuôz txơưr, đros têx xiv huv nzuôr plâuz hâu, nzuôr chêr txix yuôx đrox njuôz…

          Niêv lâuk Quàng Thị Phương, lênhx nênhs hâur HTX puz pâuz, chiê tsiv uô yuôx đrox nzuôr plâuz hâu, HTX tưz zôngv 20 zav yuôx đrox njuôz txơưr li txir lưs kâuz, kriêr, tâux đuz, kok lâuv liêz lok zos Hà thủ ô…chiê uô yuôx nzuôr plâuz hâu taz por, hur jông thiêz tsư kaz. “Thâuv nzuôr hur têx zav yuôx đrox njuôz co, cur zuôr tso hâur lâux câuz chiê râuz nhox muôx nhos 1 hnuz, cur liv chor đêx, đhâu 1 hnuz cur nhox cov chor đêx co kruôr jux jus thiêx uô tâu xiv huv yuôx đrox njuôz nzuôr plâuz hâu…”

          Đros hâux lưv yưv pênhr cxiv tsa qơư tsiv uô, têx chuôz zênhx tsiv uô, HTX yuôx đrox njuôz huyện Mường La tsênhv sik côngv đros 100 ziv chuôz zis chos yuôx đrox njuôz sâuv thax tsav chiê sâu zuôr, taz por tsiv uô lơưr chiv cheix. Chungz fênhx iz shông, HTX sâu zuôr trâu pox nhuôk 5-10 tênhr txir tuôz ziz, điz iêz, pax tâuz ntông, kaz huz, linh chi... Zơưv Trần Quốc Khánh, Phưv CHủ tịch UB thị trấn Ít Ong, huyện Mường La puz pâuz: “Têx HTX li ntơưv tưz sâu zuôr xiv huv lok kôngz nuv chiê uô yênhx xiv huv yuôx đrox njuôz cungz trâu nênhs sir zôngv, chox lok chêx cuk trâu tsôngv box. Qir thơưx HTX muôz hâux lưv uô trâu công nhân, đros phênhv sâu txix 5-7 tsov đeiv iz luz hlik, phênhv sâu cux siêz thiêz truôx tul”

          Chiê 30 ntâu zav xiv huv nhiv no tâu lênhx nênhs sir zôngv pâuz txos, HTX yuôx đrox njuôz tưz sir jos heik kriê xiv huv sâuv mạng xã hội; cxaz chuôz têx phêv ziv, phêv thảo, ntênhs ciêz muôv muôs; cxiv tsa têx qơư muôv muôs hax huv thiêz heik kriê xiv huv ntơưv TP Sơn La; tso têx xiv huv muôv muôs ntơưv têx qơư ju lix hâur thiêz đrâuv tỉnh li: Mộc Châu, Lào Cai, Yên Bái, Hà Giang, Ninh Bình…

          Taz sik, giám đốc HTX cux heik tơưv têx phêv liv; siêz xar njôngr tâu paz txưv lok pênhr jos chiê yưv zuôr cxaz têx zav meir, chuôz zênhx tsiv uô chiê cungz trâu niêv ciêz xiv huv tuôv zênhv ploz tsênhr siêz đuô lok tsơưr lươngv. “Chính quyênx tiv phaz gôngr paz HTX lok six ntâu li ntâuz ntơưr qênhz yuôx xiv huv OCOP, têx tsaz yênhx heik kriê…HTX xar njôngr cxiv tsa, krêz đar thiêz tsiv uô jông, zuôr trâus pênhr txeik đros phênhv liv kis thiêz tuôr truôx tâu lêx ntêr”.

          Hâux lưv yưv pênhr tsiv uô yuôx đrox njuôz tsi taz uô tâu têx xiv huv yiêz jông, muôz cxaz hâux lưv uô trâu tsôngv box thiêz tsênhv paz phuôx huiz têx trôngz jôngr chiv xênhz đrox tsuôs muôx nhoz tiv phaz, cux car chêx tâu phênhv tưs nôngx mênhx Sơn La li têx phêv liv “tâu cheix muôs tsi tâu grê, muôs tâu grê ho trâus pôngz cheix”. Đhâu co, gôngr phênhv cxơưz tiês huôv tsar KTXH nhoz tiv phaz tox siêz tsênhv yuôr ntâu phêv liv./.

Lê Hạnh- Txâur Vax cxeik nhênhv

Paz tsôngv box thax tsav trâus đêx nas uô ruôr hiêv Yên Bái truôx tuk luz nênhx, huôv tsar uô nox

          350 chuôz zis pêx xênhv nhoz xã Báo Đáp, huyện Trấn Yên, Yên Bái trâus coz nas chuô sôr 3 uô ruôr hiêv nhiv kruôr tâu cxaz chuôz tsaz yênhx “Paz tsôngv box thax tsav trâus đêx nas ruôr hiêv tỉnh Lào Cai-Yên Bái huôv tsar uô nox”, zos Bộ Kôngz nuv thiêz huôv tsar tox siêz, Tập đoàn hoá chất Việt Nam, Công ty qir zuôv Bình Điền đros pov tsir tox siêz-Dân việt tsưr tsix. Zơưv Doãn Văn Tị, Tsar jok Đồng Bưởi, xã Báo Đáp, huyện Trấn Yên heik pâuz, têx muôz paz trâu tsôngv pêx xênhv zos 150 cir qir zuôv cxuô zav chiê fmông trâu têx tsoz chos hâur liêx têz đhâu đêx nas uô ruôr hiêv. “Muôx tsaz yênhx paz pêx xênhv li heik sâuv chiê sơưr đơưk nzor cxiv kho têx tsi jông đhâu đêx nas uô ruôr hiêv, cur pov tsaz yênhx lok six muôx liv trâu tsôngv lax pêx xênhv sơưr đơưk”.

             Đros trâu Báo Đáp, ntâu chuôz zis pêx xênhv nhoz xã Đào Thịnh, huyện Trấn Yên cux tâu tsaz yênhx paz hâur jiês no. Zơưv Đặng Văn Chung, Phưv Bí thư thường trực Đảng ủy xx heik pâuz, iz chas tâu paz qir zuôv, cấp ủy, hâu nov ntơưv qơư cux ntâuk grê siêz ban tsưr tsix hu zâuv têx lênhx nênhs nhênhz chơưv kôngz nuv tuôx ntơưv qơư paz kriê pêx xênhv tsưr ziv jênhv pâuz têx ar têz, fuô uô tsưr ziv xưv lik ar đhâu trâus đêx ngaz. Txix ntơư, tsôngv pêx xênhv pâuz lêix uô têx ar, xeir zuz nôngz tsoz chos cux li huôv tsar uô nox huv đros. Co chênhr zos iz hâur têx tsưr ziv jông kriê pêx xênhv chiê sơưr đơưk muôx têx sir jos hla đhâu phiv liv, huôv tsar uô nox uô hnar đhâu đêx nas uô ruôr hiêv. “Đhâu thâuv tsaz yênhx pheiz qir thiêz kriê tsưr ziv uô nox trâu tsôngv lax pêx xênhv mak Đảng ủy, Ủy ban xã tưz tso canr bôv lês car uô đreiv têx hâux lưv co muk kriê iz kro jux juk chiê sơưr đơưk uô tâu jông thiêz muôx phênhv sâu tâu trâu pêx xênhv”.

             Đhâu coz nas chuô sôr 3, tas nro huyện Trấn Yên muôx txos 30 ntâu côngz trênhx đêx liv trâus puôk tsuôx, tsi jông; zuôr xar 2 cxênhz ha liêx têz kôngz, hâur co phênhv ntâu zos blêx, poz cưk, têx jâuz tâuv, tsoz chos công nghiệp, tsoz chos nox txir trâus đêx ngaz, ar poz jêz cxuz...., njuôk xav têx kôngz lôngk trâus ruôr hiêv tas muôx 400 tyv đeiv. Zơưv Ngô Thanh Sơn, Phưv Chủ tịch hội nôngx mênhx huyện Trấn Yên heik pâuz: Fuô uô Chính phủ, tỉnh, huyện têx tsênhv chei paz max; đros trâu chor tsưr tsix, lênhx nênhs siêz jông sik côngv têk,  tưz paz tsôngv box nzor cxiv kho têx tsi jông, truôx tuk luz nênhx, huôv tsar uô nox uô hnar. “Txix tsôngv box têx kôngz lôngk trâus đêx nas uô ruôr hiêv, chor tsaz yênhx li: Paz pêx xênhv huôv tsar uô nox lok six muôx liv, tưz paz sơưr đơưk cxiv kho têx tsi jông hâur thax tsav, tror huôv tsar uô nox, cxơưz tsôngv pêx xênhv sir jos hla đhâu phiv liv, cêr txov hâur ntu zuôr txos”.

            Tsaz yênhx paz pêx xênhv thax tsav trâus đêx nas uô ruôr hiêv Lào Cai-Yên Bái huôv tsar uô nox”, xav hur si tsiv grê 3 tyv đeiv, muôx 5 tênhr ntâu nôngz poz cưk txuôv, 390 tênhr qir zuôv, tâu krưr thiêz ntiv uô 1.650 poz choz trâu têx chuôz zis trâus đêx nas uô ruôr hiêv ntơưv huyện Trấn Yên, tỉnh Yên Bái thiêz huyện Bảo Yên, tỉnh Lào Cai. Zơưv Lê Bá Định, Chủ tịch Công đoanx Công ty Bình Điền, tỉnh Ninh Bình heik pâuz: “Tsaz yênhx paz pêx xênhv huôv tsar uô nox sik pheiz kênh têx cêr txov, pôngz siêz đros pêx xênhv hâur ntu đhâu. Pêz tưz paz pêx xênhv lok sâuv qir zuôv thiêz zuz nôngz tsoz chos, kriê tsưr ziv chiê sơưr đơưk huôv tsar uô tâu trơưk têk, sâu tâu nju kôngz”./.

Đinh Tuấn-Riê Lâux cxeik, nhênhv