Sir jos txo grêk yêiz pluôs nhoz huyện tox siêz Tam Đường (Lai Châu)

Hâur 5 shông đrav ntêx, tix lâus Nhà Xênhv Zax, nhoz jok Phìn Ngan, xar Tả Lèng, huyện Tam Đường (Lai Châu) ziv chuôz zis zos chuôz zis pluôs tiv zix hâur jok. 6 lênhx nênhs hâur chuôz zis luz nênhx tsuôk khov trâu 1.000 ntâu liêx ntêir chos tâu iz chiv blêx thiêz chor nhiêx paz lơưr dịch vụ tênhv qơư jôngr yênhx shông. Txơưv tiêk tix lâus oz niêv txir tưz tuôx trâu thành phố Lai Châu nriêr hâux lưv uô nzir, taz sik phênhv sâu tsik truôx, chuôz zis cux tsik so muôx tsik txâuk nox thiêz tsuv khov trâu têz qơưk têx cxur muôz paz.

Tix lâus Nhà Xênhv Zax hêik: Khov muôx canr bôv tuôx yax kriê tsưr ziv uô nox thiêz tâu paz zuz nôngz tsoz chos, tsiêx tu zus, viv li chuôz zis tưz pâuz tsưr ziv uô nox thiêz nhiv no tưz muôx tâu phênhv sâu truôx tuk:

“Nhiv no pêx xênhv nhoz pêz jok tsêx trung huôv tsar kinh têr phênhv ntâu zos tu zus nhux, tưv, tu têx txir hơưk thiêz uô yuôx zêx xưz. Ntu zuôr txos pêz zuôr tsêx trung tsoz phưz cov huôv tsar, chiê muôx tâu nhiêx txiêx txoz cxơưx trâu têx tuz nhuôs cơưv ntơưr”.

Tả Lèng zos xar thax tsav 3, muôx 860 ntâu ziv chuôz zis, đros xar muôx 5000 lênhx nênhs zos tsôngv box mênhx cxưx Hmôngz, Cho. Txơưv pox nhuôs lok six sir jos khưr uô nox, taz sik tiv txux chi kik, huôv tsar cêr khưr uô nox, tu zus, chos kôngz lôngk tsênhv uô tsik tâu trơưk khoa học kỹ thuật, phênhv sâu tâu kik.

Zơưv Sình Xênhv Zax, Phưv Chủ tịch Ủy ban xar Tả Lèng, huyện Tam Đường puz pâuz: txix Têz qơưk têx tsênhv chêi paz lok zuz nôngz tsoz chos, tsiêx tu zus, chính quyền xar tưz kruôz kriê pox nhuôs tsêx trung kriz đar tsưr ziv uô nox li huôv tsar tu zus tsiêx cxu; tsưr ziv tsêz chos blêx hax huv tsơưr lươngv siêz, chos ntông nox txir, tsoz phưz thax tsav txir hơưk, por vêv thiêz tsoz phưz thax tsav yuôx zêx lâul đros trâu huôv tsar du lịch… Chiê pêx xênhv muôx pênhr yưv paz trâu uô nox, chính quyền tsênhv sơưr bê kir txêik nhiêx, paz trâu pêx xênhv zôngx ziv txêik tâu nhiêx pênhr hâur têx zênhx hangx. Khov muôx têx tsưr ziv uô cxix cxuô, têx shông jê lok no, iz shông xar tưz txo grêk tsơưs txix 5 txos 7% chor chuôz zis pluôs thiêz txos nhiv no chor chuôz zis pluôs tsuôk yuôr muôx 33% ntâu.

“Xar zuôr sir jos yax kriê trâu pox nhuôs uô lơưr huyện têx tsưr ziv tưz choz zok, tiv zix zos chos chor tsoz chos tsơưr lươngv siêz, li chos blêx txuô dâu, tsoz phưz chor yuôx zêx lâul. Đuô li, sâuv thax tsav xar cux tưz chox kriê pox nhuôs tsêx trung chos iz cxiê zav tsoz chos muôx tsiv gri kinh têr li txir lưk kâuz hmaz thiêz hâux lưv no tsênhv tâuz kriz uô”.

Chiê uô cov tâu truôx tsưr ziv txo grêk cêr pluôs truôx đrênhk zos 5% ziv chuôz zis lơưr tsưr ziv shông 2022 tưz tso tơưv, txix Têz qơưk têx phênhv paz, chính quyền ntơưv qơư thiêz nganhx muôx vax huôv huyện Tam Đường tưz, thiêz tsênhv cxiv tsa tsưr ziv huôv tsar tsoz chos, tsiêx tu zus huv đros trâu ntơưv yênhx thax tsav qơư, li: thax tsav huôv tsar chor tsoz chos li: Txir đuôx, hồng, lê, txir khơưz đuz; thax tsav chos têx yuôx đrox njuôz li: txir tuôz ziz, txir hơưk, sâm Lai Châu; thax tsav tu zus mur zuôr jiz, tu zus tsiêx cxu tsêx trung…

Zơưv Nguyễn Hồng Quân, Trưởng phongx Kôngz nuv thiêz Huôv tsar jêx jok huyện Tam Đường, tỉnh Lai Châu puz pâuz:

“Đại hôiv Đảng bộ huyện Tam Đường cux tưz xav jênhv zos tsêx trung trâu huôv tsar hax huv zos chor ntông nox txir, blêx, huôv tsar yuôx đrox njuôz thiêz huôv tsar chor tsiêx cxu. Pêz cux tưz kriz uô  thiêz tưz muôx iz cxiê kror hax huv, co zos blêx hax huv, chor qơư tu zus tsiêx cxu, tsoz tsơưz thiêz tsoz txir lưk kâuz hmaz. Txos nhiv no phênhv sâu iz cxiê zav tsoz chos tưz paz sâu tâu lok six ntâu, tiv zix zos txir lưk kâuz hmaz tưz paz sâu tâu muôx 200 triệu đêiv iz héc ta, kok tsơưz cux tưz paz muôx tâu phênhv sâu 300 triệu đêiv iz héc ta”.

Têx jêx jok nhoz chor xar tox siêz Tam Đường tsênhv hlôngr yiêz jux juk, pêx xênhv luz nênhx ziv hnuz ziv tsâu sor./.

(Khắc Kiên-Lik Thox cxêik nhênhv)

Hluôk nênhs Sơn La tu zus yik trâu thax tsav tox siêz chiê uô bluô nux

  Ndaz ndơưv chuôz zis li thax tsar ar têz đar 7 hecta ntâu, txix shông 2015, tix lâuk Phong tưz huôv tsar tu zus yik sha nhuôs. Qir thơưx tiv tsi tâu muôx chênhz zênhv, chuôz zis li chor yik tsi yuô khênhr hloz, iz cxiê tul trâus tuôs tiv trâus moz ơưk. Txix co, tix lâuk ziv sir jos nriêr pâuz, cơưv shâuv yênhx tưv, chênhz zênhv tu zus yik txix têx chiz coaz chuyên môn, têx trang mạng thiêz têx chuôz zis tu zus yênhx côngz sâuv thax tsav huyện.

          Shông 2017, tix lâuk Phong tror muk tỉnh Vĩnh Phúc zuôr 13 tul yik lok tu zus. Txos nhiv no, chuôz zis chor yik tưz muôx 100 txos 120 tul. Tix lâuk Phong heik:

          “Nhoz no qiv hơưv txơưr txar, yik khênhr trâus moz, viv tsi tâu shưv đros qiv hơưv nhoz no. Cur sir jos khưx phưx txix tsưr ziv cxax yuôx phax moz ơưk thiêz muôz yuôx trâu hâuk, jux jus yik cux shưv đros thiêz hloz lox jông”.

          Tix lâuk Phong li trâur nuv tu zus yik têx shông jê lok no khênhr muôs muôx nhos zuôr xar 100 tul yik uô nôngz, yik zuôr greix thiêz pheiz uô ntâu jiês muôs, iz jiês muôs txix 3-10 tul. Fênhx pheiz iz tul hnhar muôx nhos 35 cir, grê muôs yik zuôr greix txix 140 -155 cxênhz đeiv iz cir; yik uô nôngz grê muôs siêz đuô txix 5- 5 tsov 5 iz tul. Txix shông 2018 txos nhiv no, iz shôngk txix hâux lưv muôs yik, tix lâuk chuôz zis sâu tâu muôx nhos 450-550 tsov đeiv; yưx tas têx nhiêx txiêx tưz yưv, sâu liv tâu muôx nhos 400 tsov đeiv.

          Chiê trâur nuv tu zus yik tax chêx cuk siêz, tix lâuk Phong tưz cxiv uô 2 qar guôx tu zus txơưr, iz luz guôx đar muôx nhos 60 yiv ndis chiê taz por tu zus huv đros thâuv cơư hâur guôx. Tix lâuk Phong cux puz pâuz tsuôk tso muk pêv trôngz nox jâuz hâur têx hnuz yar ntux, paz txu grês nhiêx txiêx thiêz yik cux tâu vênhv tôngv, hloz lox jông đuô. Yuôr têx hnuz ntux lok nas mak cơư jâur guôx thiêz puz nox jâuz chuôz zis chos pêv têz, đros nox krâur thiêz iz cxiê khoáng chất...Tix lâuk Phong cux truôx siêz pheiz kênh chênhz zênhv tu zus trâu têx hluôk nênhs xar tu zus:

          “Cur heik kriê trâu têx hluôk nênhs nhiêv cơưv shâuv tu zus, zos lênhx tưs xar tu zus lok sik nhiêv tu zus li cur mak cur truôx siêz pheiz kênh, paz nôngz tu zus trâu lênhx nênhs co tsoz phưz cov jông”.

          Lơưr Bí thư huyện đoàn Sông Mã Quàng Văn Thăng, tix lâuk Lường Văn Phong zos iz lênhx nênhs uô ntêx nyuôk hâur uô bluô nux txix trâur nuv tu zus yik sha nhuôs. Têx shôngk đhâu, huyện đoàn Sông Mã tưz muôz tix lâuk Phong chuôz zis li trâur nuv chiê yax mông heik kriê txos hluôk nênhs hâur xã, huyện cơưv shâuv uô lơưr:

          “Khov gruôs cơưv đhâuv, tsi nyei phêv liv, tix lâuk Phong tưz yênhx iz hâur têx lênhx nênhs uô ntêx nyuôk uô bluô nux txix trâur nuv tu zus yik sha nhuôs, no zos tsưr ziv paz hluôk nênhs thiêz pox nhuôs hlôngr yiêz tsưr ziv tu zus cov huv đros thiêz tiv phaz, muôz siêz phênhv sâu, gôngr phênhv cxuôv yeiz thiv pluôs truôx vênhs”

          Txix têx luôs hâux lưv huôv tsar kinh têr chuôz zis, shông 2020, tix lâus Lường Văn Phong tưz tâu Tỉnh đoàn Sơn La khơưk muôz ntơưr kruôk zos “Hluôk nênhs gruôs, txơưx huôv tsar cêr uô nox”./.

(Trấn Long-Txâur Vax cxeik nhênhv)