Lai Châu muôz siêz tsiv grê tsêz chos kôngz nuv

          Niêv lâuk Bàn Thị Mấy chuôz zis li liêx chos hor txoz nhoz jos Liên Hợp, xã Pắc Ta, huyện Tân Uyên, tỉnh Lai Châu tsênhv txos cheix sâu đê. Txix mênhv chêx đar 1 cxênhz 500 yiv ndis chos blêx tsi jông thâuv ntêx, chuôz zis tưz sik côngv đros doanh nghiệp chos têx zav hor txoz. Nhiv no iz chiv hor txoz chuôz zis sâu tâu 20 tsov đeiv, iz shông cux sâu lok txix 80-100 tsov đeiv.

          “Nhiv kruôr đhâu cur chuôz zis hlôngr iz cxiê mênhv chêx chiê chos hor txoz. Nhiv no chuôz zis tưz sâu tâu 2 tênhr hor txoz lơưv. Hor txoz chos ntơưv no lok six huv ar viv li huôv tsar jông. Six hơưv tsoz phưz khưr đuô taz sik chox lok liv zix kinh têr trâu chuôz zis siêz đuô”.

          Txix ar chos têx zav tsoz chos muôx txix nzor, txos nhiv no huyện Tân Uyên tưz hlôngr chiê yênhx thax tsav chos ntâu zav tsoz chos, chox lok tsiv grê kinh têr siêz. Tsênhz mênhx, txos nhiv no tiv pahz tưz muôx zuôr xar 1 cxênhz hecta tsơưz, yuôx zêx, txir lưs hmaz, hor txoz, txir lưs suôr….chos lơưr saz hữu cơ, uô tâu têx xiv huv hur thiêz tâu niêv ciêz nhiêv txos.

          Zơưv Lò Văn Đón, Tsar jos Huổi Luồng, thị trấn Tân Uyên puz pâuz: Jos muôx zuôr xar 80 ziv chuôz zis, đros zuôr xar 800 lênhx nênhs zos tsôngv box mênhx cxưx Khơ Mú. Viv tsôngv box 100% zos uô kôngz thiêz thâuv ntêx tsuôk chos blêx, poz cưk, yuôx zêx uô lơưr tsưr ziv muôx txix nzor viv li chor ziv chuôz zis yeiz pluôs tsênhv yiêz. Muôx nhos 2 shông lok no, pox nhuôk hlôngr tsiv uô kôngz nuv hữu cơ chêx chôngk, viv li tsiv grê xiv huv tâu muôz siêz, txix co tsôngv box luz nênhx tâu hlôngr yiêz jông:

          “ Thâuv ntêx pêz jos phênhv ntâu zos chos blêx, poz cưk taz sik chêx cuk kinh têr tsi siêz. Đhâu co HTX Phương Nam đros chính quyênx UB thị trấn tưz krêz uô trâur nuv chiê pêz chos yuôx zêx hữu cơ, yuôx zêx hur, yuôx zêx Kim Tuyên. Thâuv ntêx meir đê mak pêz muôs tâu 5-6 cxênhz đeiv iz cir xưz, nhiv no pêz muôs tâu iz cir 15 cxênhz. Tas nro pêz muôx 20 ziv chuôz zis cxaz chuôz mak muôx 8-9 hecta, nhiv no pox nhuôk lok six jông siêz”.

          Zơưv Lò Văn Mơn, Phưv giám đốc tsênhv qơư jix vuv kôngz nuv huyện Tân Uyên, tỉnh Lai Châu puz pâuz: Zos xưk li blêx, poz cưk, fênhx pheiz iz shông tsôngv box nôngx mênhx sâu tâu txix 50-70 tsov đeiv iz hecta, mak nhiv no chos hor txoz, tâuz tưs, txir lưs hmaz, tsôngv box muôx phênhv sâu 300 tsov đeiv iz hecta; chos điz, txir lưs suôr hâur tsêr tax tso lok phênhv sâu muôx nhos 1 tỷ đeiv iz hecta.

          “ Chiê yênhx lix thax tsav tsêz chos tsiv uô hax huv chêx chôngk thiêz muôz siêz tsiv grê têx xiv huv, uô tâu têx xuv huv taz por thiêz ndar txos por vêv tênhx qơư, hâur đêx truôx vênhs. Huyện Tân Uyên cux tưz thiêz tsênhv yênhx lix têx trâur nuv tsêz chos lơưr saz taz por têx trâur nuv tsêz chos hâur tsêr tax, tsêz chos yuôx zêx, hor txoz. Huyện cux tưz muôx têx thax tsav uô tâu têx xiv huv nto bê chox lok tsiv grê kinh têr siêz”.

          Chuôz tsar zaz zâuv doanh nghiệp sik côngv thiêz ndaz ndơưv têz qơưk li têx chính sách chiê paz tsôngv box, Tân Uyên tưz yênhx lix ntâu thax tsav tsêz chos tsiv uô hax huv chêx chôngk thiêz yênhx tiv phaz uô ntêx nyuôk hâur tsiv uô kôngz nuv nhoz Lai Châu. Têx xiv huv muôx tsiv grê kinh têr siêz zos tiv phaz li têx jông hâur car chêx vênhx thix phênhv sâu, tsu yeiz cxuôv pluôs trâu tsôngv box thiêz paz trâu ntu huyện sir jos cxiv tsa tiêr nôngx cxênhz lok shông 2025./.

Khắc Kiên-Txâur Vax cxeik nhênhv