Uô ntâu luôs hâux lưv paz trâu thax tsav qơư trâus đêx ngaz cuôr nhoz Sơn La

Tiv coz nas chuô sôr 2 uô ruôr hiêv, xar Chiềng Nơi, huyện Mai Sơn, tỉnh Sơn La muôx zuôr xar 70 luz tsêr trâus puôk tsuôx, hâur co muôx 9 luz tsêr trâus poz vâu, ar poz cxuz tas hur si, zuôr xar 60 luz tsêr tsuv txar qơư nhoz yiêz; 6 lênhx nênhs tuôs, 1 lênhx nênhs trâus saz; yênhx puô héc ta tsoz chos, pak njêl trâus đêx ngaz, cuôr yôngz tas.

Sir jos uô luôs hâux lưv siz hluz siz paz, chor nênhs muôx paz chor nênhs pluôs, chor lưx lươngv muôx vax huôv, cơ quan, taz viv, nênhs siêz jông tưz côngv đros Ủy ban xar paz, cxơưx uô đaz uô kruô trâu chor chuôz zis muôx nênhs trâus tuôs; muôz hax huv puz trâu chor chuôz zis njiz trâus phiv liv: Co zos cxur, njêr, mỳ tôm, pav, tsôngk yo… đros tas nro tsiv gri muôx 300 triệu đêiv ntâu.

Lơưr zơưv Lường Văn Lập, Phưv Chủ tịch Ủy ban xar Chiềng Nơi, huyện Mai Sơn, nhiv no thax tsav qơư tsênhv tror hêik cxuô cơ quan, tsưr tsix, lênhx nênhs siêz jông paz cxuô zav trâu chor chuôz zis trâus ruôr hiêv, tiv zix zos paz uô tsêr nhoz trâu chor chuôz zis têx vax tsêr trâus poz vâu, cuôr yôngz:

“Txix thâuv trâus ntux têz uô ruôr hiêv txos nhiv no, tâu Huyện ủy, Ủy ban huyện sir jos paz, cxuô cơ quan tưz tuôx phêiz kênh cêr pôngz siêz cux li muôz têx hax huv paz trâu chor chuôz zis trâus đêx nas chuô uô ruôr hiêv; đros co cux muôx chôngz lênhx nênhs siêz jông gra hax huv tuôx paz trâu pêx xênhv chiê nzor truôx tuk luz nênhx”.

Ntơưv thành phố Sơn La, chor lưx lươngv muôx vax huôv, dân quân tự vệ, hluôk nênhs tsênhv sir jos paz trâu pêx xênhv kho đuô têx vax tsêr, vêv xênhz tênhx qơư.

Đros chor chuôz zis trâus đêx ngaz tas vax tsêr, lav nhoz ntơưv têx tsêr vênhx huôv, Tsênhv qơư Y têr thành phố tưz tsưr tsix tsuôs yuô tuô zôngr, tuô lov caz moz chiê paz por vêv đas jos trâu pêx xênhv hâur ntu nhoz tok đêx grêk, cux li tror cxiv kho đuô vax tsêr.

Liên đoàn lox tôngv thành phố Sơn La tsênhv sik côngv đros chor lưx lươngv Công an, bôv đôiv, têx cơ quan, taz viv, nênhs siêz jông tuôx sêiz nus, muôz hax huv paz trâu chor ziv chuôz zis trâus đêx ngaz cuôr, ar poz lok cxuz vax tsêr ntơưv cxuô xar phường nhoz thành phố:

Pos Trịnh Thị Thu Thủy, Chủ tịch Liên đoàn Lox tôngv thành phố Sơn La hêik:

“Đros cấp ủy, chinhr quyền cxuô cấp sâuv thax tsav, Liên đoàn Lox tôngv thành phố tưz sêiz shuôk, paz trâu chor chuôz zis trâus ntux nas chuô uô ruôr hiêv; đros co yax kriê, sik côngv đros chor công đoàn huiz tôngv pênhr jos nhiêx txiêx chiê paz ciês trâu chor đoàn viên cux li pêx xênhv sâuv thax tsav chor xar, phường trâus ntux nas chuô uô ruôr hiêv txos”.

Coz chuô sôr 2 tưz đhâu, taz sik têx trâus uô ruôr hiêv lok six ntâu pir đros pênhr jos muôx ntơưv thax tsav qơư. Iz chas cấp ủy, chinhr quyền paz, lok sik khov vav txos têx cơ quan, taz viv, chor nênhs siêz jông sik côngv đros paz, chiê pox nhuôs nhoz têx qơư trâus ntux têz uô ruôr hiêv ntơưv Sơn La nzor truôx tuk tâu luz nênhx./.

Trấn Long-Lik Thox cxêik nhênhv

Sik côngv paz pêx xênhv thax tsav trâul đêx nas uô ruôr hiêv Mường Pồn

Ủy xã Mường Pồn qơư uô hâux lưv tâu hâu nov hâur thax tsav xeir uô qơư txeik sơưr đơưk têx hax huv muôz tuôx paz tsôngv box trâul coz nas lox uô ruôr hiêv tas cik hnuz 25/7 nhiv kruôr đhâu. Têx hnuz đhâu, txix tas cik txos thâuv hmo muôx lok six ntâu yêz thâux xa têx hax huv tuôx paz tsôngv box. Luôs hâux lưv phênhz huv muk paz têx qơư trâul đêx nas uô ruôr hiêv tâu fuô uô sei đrơưv đros trâu chor lưv lươngv vũ trang, đoanx hluôk nênhs thiêz tsôngv cưr tix nênhx tsa sơưr đơưk ntơưv qơư cêr paz max. Zơưv Nguyễn Cầm Châu, Chủ tịch Hội Chữ thập đỏ huyện Điện Biên heik pâuz: Txix huyện li luk hu lơưk, chor nênhs siêz jông thiêz luôs 2 chas tỉnh tưz siz chos paz tâu zuôr xar 600 tsov đeiv nhiêx txiêx, ntâu hax huv paz tsôngv box thax tsav trâul đêx nas uô ruôr hiêv li: Mỳ tôm, đêx hâuk, têx zav nox zuôr trâul txos txơưr đuô, xav hur si tsiv gri nhos 500 tsov đeiv.

“Đhâu thâuv lênhk txeik tâu sơưr đơưk têx nhiêx txiêx, hax huv muôz paz, Ban vênhv tôngv tưz qênhz shuôs, thôngx ziv đros Ủy ban xã xav tinhv chor jok trâul đêx nas uô hiêv chiê paz uô ntêx, lar heik zos têx jok tsênhv trâul đêx nas kuôk cêv muk tsi tâu đhâu kror tưs, têx chuôz zis txov nhêv đuô hur si. Thâux xa têx hax huv ntơư muk trâu tsôngv box njiz trâul lok six ntâu phiv liv, taz sik sơưr đơưk puôr lênhx sir jos zok nriêr cxuô faz tsưr ziv chiê thâux xa tâu hax huv, zav nox muk txos trâu tsôngv box, tsi chiê lênhx nênhs tưs trâul yeiz nkrik”.

Trơưk li Ủy ban huyện Điện Biên qênhz shuôs, coz nas lox nhiv kruôr đhâu tưz cuôr yôngz 25 luz tsêr, uô 26 chuôz zis têx vax tsêr trâul vâu, puôk tsuôx tsi jông tas, 100 ntâu chuôz zis trâul ruôr hiêv. Têx hnuz đhâu, ntơưv qơư sir jos phênhz qơư nox nhoz truôx tuk trâu têx lênhx pêx xênhv vax tsêr trâul uô ruôr hiêv. Nhoz chor thax tsav, suôv qơư trâul đêx nas cuôr yôngz njuôk xav muôx nhos 2 cxênhz lênhx nênhs tưz đros paz paz khưx phưx têx tsi jông, zok nriêr chơưv paz lênhx nênhs trâul đêx nas uô ruôr hiêv. Hâur co, muôx 800 ntâu lênhx canr bôv lưv lươngv vũ trang thiêz zuôr xar 1.200 lênhx nênhs nhoz cxuô sở, ban, ngênhx hâur tỉnh, huyện thiêz tsôngv px hâur thax tsav qơư. T.Ư đoanx hluôk nênhs Cộng sản HCM, Đoanx khối têx cơ quan T.Ư thiêz cxuô cơ sở đoanx txơưr đuô nhoz hâur T.Ư đoanx  cux tưz paz tsôngv box nhoz thax tsav no cxiv uô iz tus qox, 3 luz tsêr niêv côngv siêz đros ntâu phênhv huv txơưr đuô li: Nhiêx txiêx, zav nox. Tix lâus Đặng Thành Huy, Bí thư Tỉnh đoanx Điện Biên heik:

“Iz chas paz tsôngv pêx xênhv qêz suô, kho đuô têx vax tsêr nhoz, Tỉnh đoanx Điện Biên cux heik cơ sở đoanx cxuô cấp hâur tỉnh sir jos vênhv tôngv sơưr đơưk hâur xã hội sik đros paz trâu tsôngv box xã Mường Pồn chiê lơưr nzor hla đhâu phiv liv, truôx tuk luz nênhx”.

Txos nhiv no, txơưv ngênhx zoz thôngz tỉnh Điện Biên tưz sir jos thoz huk têx ar, poz jêz, cxiv kho cêr chiê têx đoanx chơưv paz thiêz pêx xênhv muk lol, taz sik cêr muk trâu chor jok trâul kuôk cêv li: Huổi Ké, jok Lĩnh thiêz têx chuôz zis nhoz đêz pêv trôngz cux njiz trâul lok six ntâu phiv liv. Thâux xa têx zav nox, đêx hâuk tsuôk zos muk tơư xưz. Yênhx puô lênhx nênhs zos lưv lươngv vũ trang tỉnh Điện Biên, dân quân tự vệ, hluôk nênhs, cưk kriê ntơưr đros uô luôs hâux lưv chơưv paz tưz yênhx lix ntâu đoanx muk đhâu yênhx châuv cêik cêr trâul xưz poz chiê xa kôngz krâur, zav nox txos trâu pêx xênhv. Zơưv Lò Văn Lún, nhoz xã Mường Pồn heik:

“Tâu tỉnh, huyện moz siêz txos, chuôz zis lok six jông siêz, uô tsâus ntâu txos têx đoanx thêv, ban ngênhx, tsôngv cưr tix nênhx tsa sơưr đơưk tưz paz chuôz zis hla đhâu cêr txov thiêz phiv liv no”.

Luôs hâux lưv zok nriêr lênhx nênhs trâul pôngz plox tưz njuôk xav qơư, thax tsav chiê zok nriêr. Cxuô hâux lưv txơưr đuô li: Thoz huk, cxiv kho txox cêr lox sôr 12 cov yêz muk lol đhâu, qêz suô, cxiv kho têx vax tsêr trâul ruôr hiêv, taz por qơư nhoz trâu pêx xênhv tsênhv tâu tỉnh Điện Biên sir jos fuô uô./.

Vũ Lợi-Riê Lâux cxeik, nhênhv

Hêik kriê yiêz lok sơưv bảo hiểm trâus pôngz hâux lưv uô txix hnuz 15/2/2024

Cxaz nzir hêik kriê xav six hơưv tâu sơưv phênhv paz trâus pôngz hâux lưv uô

Thôngz tư 15/2023 Bôv Lox tôngv, Saz pênhz thiêz xar hôiv cui tênhv, xav txix hnuz 15/2/2024, iz hli tâu sơưv phênhv paz trâus pôngz hâux lưv uô cux tâu xav txix hnuz nênhs lox tôngv piz tâu sơưv phênhv paz txos hnuz co hli tov kaz yưx iz hnuz. Taz sik zos hli tov kaz tsik muôx hnuz ndax li co mak hnuz suôx câuv hâur hli tâu sơưv phênhv paz trâus pôngz hâux lưv uô zos hnuz uô kaz ciês hâur hli co.

Hlôngr đuô tsưr ziv njuôk xav tuôr tsês chiê six hơưv, hnuz nhôngs thêv bảo hiểm trâus pôngz hâux lưv uô

Lơưr Thông tư no, Tas nro six hơưv, hnuz nhôngs thêv nhiêx bảo hiểm trâus pôngz hâux lưv uô tâu tuôr tsês chiê tâu xav jênhv cộng uô cê 5 kror trơưk li đrav kaz: Thâuv nênhs lox tôngv muôx têx hli thêv tsik tâu sơưv phênhv paz trâus pôngz hâux lưv uô (zos muôx), thâuv nênhs lox tôngv trâus tso tsês cuêz tênhv sơưv phênhv paz trâus pôngz hâux lưv uô (zos muôx), thâuv nênhs lox tôngv trâus suôx câuv phênhv tâu sơưv trâus pôngz hâux lưv uô (zos muôx), thâuv nênhs lox tôngv tsik tuôx gra phênhv paz trâus pôngz hâux lưv uô (zos muôx) thiêz thâuv suôx câuv sơưv phênhv paz trâus pôngz hâux lưv uô (đros chor nênhs lox tôngv tưz sơưv phênhv paz trâus pôngz hâux lưv uô tsơưs đuô 36 hli thâuv đơưk tu hâux lưv no, khov trâu tsênhv tsênhz hnuz nhôngs tưz thêv, tâu sơưv phênhv paz trâus pôngz hâux lưv uô (zos muôx).

Cxaz nzir nênhs tâu tuôr tsês six hơưv, hnuz nhôngs thêv nhiêx bảo hiểm trâus pôngz hâux lưv uô

Bôv Lox tôngv Saz pênhz thiêz Xar hôiv li Thông tưz 15/2023 tưz cxaz nzir iz kro tâu tuôr tsês chiê six hơưv, hnuz nhôngs thêv nhiêx bảo hiểm trâus pôngz hâux lưv uô, co zos chor nênhs lox tôngv tâu cơ quan bảo hiểm xar hôiv xav jênhv cxaz nzir six hơưv thêv nhiêx bảo hiểm trâus pôngz hâux lưv uô đhâu thâuv suôx câuv tâu sơưv phênhv paz trâus pôngz hâux lưv uô.

Zos nênhs lox tôngv muôx six hơưv thêv nhiêx bảo hiểm trâus pôngz hâux lưv uô txix 36 luz hli tror sâu chiê đơưk tu tâu sơưv phênhv paz trâus pôngz hâux lưv uô, six hơưv thêv nhiêx bảo hiểm tâu cơ quan bảo hiểm xar hôiv xav jênhv cxaz nzir zuôr tâu tuôr tsês chiê uô kror xav jênhv tâu sơưv bảo hiểm trâus pôngz hâux lưv uô thâuv muôx txâuk cxuô kror lơưr cui tênhv.

Hok nênhs lox tôngv muôx six hơưv thêv nhiêx bảo hiểm trâus pôngz hâux lưv uô tsơưs đuô 36 luz hli chiê njuôk xav đơưk tu tâu sơưv phênhv paz trâus pôngz hâux lưv uô mak six hơưv thêv nhiêx bảo hiểm tâu cơ quan bảo hiểm xar hôiv xav jênhv cxaz nzir tâu tuôr tsês chiê.

Oz zav tsik tâu tuôr tsês chiê six hơưv, hnuz nhôngs thêv nhiêx bảo hiểm trâus pôngz hâux lưv uô

Cux lơưr Bôv Lox tôngv, Saz pênhz thiêz Xar hôiv li ntu 4 Grê 1 Thông tư 15/2023, nênhs lox tôngv tsuv pâuz txos 2 zav nênhs tsik tâu tuôr tsês chiê six hơưv, hnuz nhôngs thêv nhiêx trâus pôngz hâux lưv uô tsik tâu sơưv phênhv paz trâus pôngz hâux lưv uô li đrav kaz no:

Tiv iz, Nênhs lox tôngv thêv nhiêx bảo hiểm trâus pôngz hâux lưv uô ntâu đuô 144 hli mak tsuôk tâu đơưk tu tâu sơưv ntâu tiv zix 12 hli phênhv paz trâus pôngz hâux lưv uô, hok chor hli tsênhv yuôr tsik tâu sơưv phênhv paz trâus pôngz hâux lưv uô mak zuôr tsik tâu tuôr tsês chiê.

Tiv oz, chor hli yax tsik tâu sơưv phênhv paz trâus pôngz hâux lưv uô tâu tuôr tsês chiê ntơưv cuêz tênhv tâu sơưv zuôr tsik tâu tuôr tsês chiê thâuv nênhs lox tôngv zos iz hâur 3 zav nênhs: Tsik tuôx gra nhiêx paz trâus pôngz hâux lưv uô; trâus tso tsês cuêz tênhv tâu sơưv phênhv paz trâus pôngz hâux lưv uô; trâus suôv câuv tâu paz trâus pôngz hâux lưv uô.

Nênhs lox tôngv tâu hêik cov paz cơưv uô hâux lưv ntơưv thax tsav qơư txơưr đuô qơư tâu sơưv phênhv paz.

Lơưr Bôv Lox tôngv, Saz pênhz thiêz Xar hôiv li Thông tư 15/2023, zos nênhs lox tôngv tsênhv tâu sơưv phênhv paz trâus pôngz hâux lưv uô ntơưv iz thax tsav qơư ho hêik cov tâu paz kriê cơưv hâux lưv uô ntơưv iz thax tsav qơư txơưr, tsênhv qơư dịch vuv hâux lưv uô qơư nênhs lox tôngv tâu paz cơưv hâux lưv uô xa iz bản cuêz tênhv lok paz cơưv hâux lưv uô trâu tsênhv qơư dịch vuv hâux lưv uô qơư nênhs lox tôngv tsênhv tâu sơưv phênhv paz trâus pôngz hâux lưv uô.

Zos tưz hlôngr đuô qơư tâu sơưv phênhv paz trâus pôngz hâux lưv uô, đhâu co  ho hêik cov tâu paz kriê hâux lưv uô ntơưv thax tsav qơư txơưr qơư tsênhv tâu sơưv phênhv paz trâus pôngz hâux lưv uô mak tsênhv qơư dịch vuv hâux lưv uô qơư nênhs lox tôngv hêik cov paz kriê hâux lưv uô xa iz bản cuêz tênhv lok hâux lưv paz cơưv hâux lưv uô trâu tsênhv qơư dịch vuv hâux lưv uô qơư tso tơưv cuêz tênhv tâu sơưv.

Đros co, xav jênhv thiêz xa iz bản cuêz tênhv lok hâux lưv paz cơưv hâux lưv uô trâu tsênhv qơư dịch vuv hâux lưv uô qơư nênhs lox tôngv tsênhv tâu sơưv phênhv paz./.

VOV4-Lik Thox cxêik nhênhv