Pêx xênhv Lai Châu tsêx trung khưx phưx uô nox đhâu trâus ntux têz ruôr hiêv

Txix sơưr nzor, tix lâus Lò Văn Sum nhoz jok Chiềng Ban 1, xar Mường Kim, huyện Than Uyên (Lai Châu) tưz đros chor nênhs hâur chuôz zis muk kho đuô têx liêx têz chiê chos kôngz lôngk. Jiês lok nas nhiv kruôr đhâu, tas nro chuôz zis li 5.000 thiêr ndis ar têz chos cuô txoz tưz trâus đêx cuôr yôngz tas. Viv li, chuôz zis tsênhv sir jos uô ar chiê tror chos đuô, lok sik hlôngr chiê chos têx zav tsoz chos txơưr đuô lơưr chinhr quyền ntơưv qơư thiêz chor nganhx muôx vax huôv hêik kriê: “Cur chuôz zis uô tsưr ziv chos cuô txoz, tiv zix zos cuô txoz tưz chos tâu lơưv lok tsênhv trâus đêx cuôr yôngz tas lơưv thiêz. Chor cuô txoz no mak trâus hieve tas muôx 70-80 triệu đêiv. Đuô li chuôz zis tsênhv trâus cxuz tá chor liêx đar muôx 1.000 thiêr ndis. Nhiv no chuôz zis tsênhv sir jos khưx phưx têx ar têz trâus đêx ngaz cuôr, ar cxuz tas co chiê trior chos đuô hâur ntu zuôr txos”.

Hmôngr jông đuô mê njil, niêv tix Lò Thị Quỳnh ziv chuôz zis nhoz jok Nà Dân, xar Mường Kim, huyện Than Uyên tsuôk trâus đêx ngaz cuôr iz phênhv tưs ar têz chos điz đar xar muôx 1.000 thiêr ndis. Đrâuv tsuv kho đuô thax tsav liêx têz trâus hiêv chiê hlôngr chos đuô cxuô zav tsoz chos, nhiv no niêv tix chuôz zis cux tsênhv sir jos  tsoz phưz trâu chor điz tsênhv yuôr đros siêz xar zuôr txi txir ntâu thiêz sâu tâu siêz đuô: “Chuôz zis chor điz tsênhv huôv tsar jông chêk trâus jiêx đêx ngaz cuôr nhiv kruôr đhâu ruôr hiêv tas xar muôx iz đraz. Nhiv no cur chuôz zis tsênhv thor sơưr đơưk đros paz kho đuô kror ar têz chos điz, uô đuô ar chiê tror chos nzir. Chuôz zis lok six vav txos Đảng, Têz qơưk muôx têx paz chiê pox nhuôs muôx tâu luz nênhx truôx tuk đuô”.

Jiês lok nas đêx ngaz cuôr thâuv hâur hlik hli 8 nhiv kruôr đhâu tưz uô hiêv ntâu txos kôngz nuv nhoz Mường Kim, thâuv tas nro xar muôx 800 ntâu ziv chuôz zis li zuôr xar 100 héc ta tsoz chos trâus ruôr hiêv. Zơưv Lò Quyết Thắng, Chủ tịch Ủy ban xar puz pâuz: “Xar Mường Kim trâus hiêv txos kôngz nuv lok six ntâu. Cấp ủy, chinhr quyền ntơưv qơư cux tưz chox kriê pox nhuôs tror kho đuô têx thax tsav zuôr tror kho tâu. Đros têx ar têz trâus cxuz kho đuô tsik tâu mak pêz tưz hêik chor jêx jok muôz chos têx jâuz tâuv; chiê paz trâu pox nhuôs muôx nzir phênhv sâu”.

Than Uyên zos thax tsav qơư trâus hiêv ntâu lok lênhx nênhs thiêz cxuô zav hâur jiês lok nas đêx ngaz cuôr nhiv kruôr đhâu. Ciês uô kôngz nuv, tas nro huyện tưz muôx 200 ntâu héc ta blêx thiêz zuôr xar 40 héc ta jâuz tâuv trâus cuôr yôngz, ar cxuz; ntâu côngz trinhx đêx liv trâus ruôr hiêv, xưz poz… njuôk xav trâus hiêv tas muôx 40 tiv đêiv ntâu. Hâur co, trâus hiêv ntâu tiv zix zos nhoz chor xar Mường Kim, Mường Cang, Tà Mung, Khoen On…

Zơưv Nguyễn Trọng Hưởng, Phưv phòng Kôngz nuv thiêz Huôv tsar jêx jok huyện Than Uyên puz pâuz: “Ủy ban huyện tsênhv chox kriê sir jos kho đuô têx thax tsav zôngx ziv trâus đêx ngaz mak tror thoz huk, tu thiêz uô jông hâux lưv phax tar caz hmoz ruôr hiêv chie paz txo grêk tsơưs têx trâus hiêv trâu pêx xênhv. Đuô li phòng Kôngz nuv thiêz Huôv tsar jêx jok cux sik côngv jông đros têx xar chox kriê pox nhuôs hlôngr yiêz đuô tsoz chos, chiê taz por tâu tsưr ziv uô nox hâur shông 2023”.

Đros pêx xênhv li sir jos thiêz muôx cấp ủy, chinhr quyền ntơưv thax tsav qơư li chox kriê thiêz sir jos paz, njênhs tiêk têx thax tsav trâus ntux têz ruôr hiêv zuôr nzor tâu khưx phưx. Đhâu co, paz kôngz nuv-nganhx kinh têr chênhr ntơưv thax tsav qơư tror huôv tsar jông, paz muôx tâu phênhv sâu truôx tuk trâu pêx xênhv./.

Khắc Kiên-Lik Thox cxêik nhênhv

Tuêv tu têx tsik jông muôx yưv nhoz tox siêz Si Ma Cai uô tâu truôx jông

Ntâu shông lok no, zơưv Hoàng Lùng Pao nhoz jos Tả Cán Hồ, xã Quan Hồ Thẩn, huyện Si Ma Cai, tỉnh Lào Cai thiêz têx lênhx nênhs hâur tuêv đơưk tu têx tsik jông muôx yưv hâur jos thâuv tưs cux tuôr truôx txơưx jênhv đros côngz xưv uô. Txix yênhx tưv thiêz chênhz zênhv, zơưv đros têx lênhx nênhs hâur tuêv tưz chuv tôngv, truôx siêz car chêx ntâu txuz hâux lưv nhoz tiv phaz, phênhv ntâu zos sik txênhz ar têz thiêz têx tsi jông muôx yưv hâur xênhz huôx côngv thôngx, car chêx yênhx côngz tax 100%: “Pêz li tuêv đơưk tu têx tsik jông muôx yưv hâur jos zos 5 lênhx nênhs zos cur uô tuêv tsar. Hâur ntu car chêx, tu têx txuz tsik jông muôx yưv hêik co, pêz cux muôx cxaz têx lênhx txir ndâux txir luk hâur jos, car chêx tiêr mak 2 saz cir ntơưr, đhâu co zos tror uô cxâuv mak tsuv muôx txơưx jênhv đros zuk hâux lưv uô”.

          Lơưr zơưv Phừ Xênhv Zax, Chủ tịch UB xã Quan Hồ Thẩn, sâuv thax tsav xã muôx 8 jêx jos đros 8 tuêv tu txuz plâuz. Lênhx nênhs hâur têx tuêv no zos tul qox coaz tsôngv đros cấp ủy, chính quyênx, viv lơưr pâuz luk mênhx cxưx, phongz cxưx thiêz cêr cor cav uô nênhx nhoz no, shưv tsôngv box nhoz no chiê yưr lir têx hâux lưv muôx yưv, hlôngr yiêz cêr niêv côngv siêz hâur côngv thôngx: “Tuêv tu txuz plâuz li pưs txux lok six coaz tsôngv, paz car chêx txos qơư têx hâux lưv nhoz hâur jos, txix co txu grês hâux lưv cấp thênhv siêz tsuv car chêx, taz por txiv ngaz chính trị nhoz tiv phaz. Hâur ntu zuôr txos, xã zuôr tror phuôx huiz tuêv li huôx tôngv nhoz têx jêx jos”.

          Si Ma Cai nhiv no muôx zuôr xar 300 lênhx nênhs uô hâux lưv tu txuz plâuz, nhoz tas nro 62 jêx jos, tuêv jênh phố hâur huyện. Tuêv tsar têx tuêv puôr lênhx zos tsar jos lok sik tsar ban côngz xưv mặt trận, yuôr têx tuêv tu txuz plâuz puôr lênhx muôx yênhx tưv vênhx huôv kis tiv zix zos cơưv tas cxênhx 3, 1/3 hâur co muôx yênhx tưv txux trung cấp ndê muk.

          Lơưr zơưv Zax Seo Chư, Tsar phongx tư pháp huyện Si Ma Cai, têx lênhx nênhs uô hâux lưv tu txuz plâuz puôr lênhx zos têx lênhx txir ndâux txir luk hâur côngv thôngx; niêx shông puôr lênhx tâu kriê cxaz yênhx tưv, pênhr xưv nghiệp vụ. Phongx cux yax six qênhz yuôx heik kriê, khưx phưx phêv liv; thôngx cxix thix ziv khơưk kruôk têx tập thêv, lênhx nênhs jông: “Shông tưs, phongx tư pháp tưz heik trâu Ub huyện tso tơưv têx tsưr ziv; sik côngv đros Mặt trận tổ quốc huyện chox kriê, seiz shuôk têx tuêv tu txuz plâuz. Nhiv no, tsơưr lươngv lênhx nênhs uô hâux lưv no tưz tâu muôz siêz. Đhâu 10 shông krêz uô, têx Tuêv tu txuz plâuz tưz tos jênhv 344 txuz hâux lưv, hâur co car chêx yênhx côngz 322 txuz, tax 94% ntâu”./.

An Kiên- Txâur Vax cxeik nhênhv