Doanh nghiệp Yên Bái sir jos hla đhâu phiv liv, cxơưz cxiz muôs têx hax huv trâu 2 chas têz qơưs

Tsiv uô têx txiês ntông muôs trâu luôs 2 chas têz qơưs, Công ty tsiv uô-muôv muôs Đạt Phương  nhoz jok 2, xã Việt Cường, huyện Trấn Yên, tỉnh Yên Bái xav kror đruôz đraz iz hlik tsiv uô têx txiês li heik sâuv txâuk trâu nhos 25-30 luz yêz lox thâux; xav hur si txix hâur shôngk shông txos nhiv no  tax 5 cxênhz ntâu yiv đruôz. Doanh nghiệp têx huv phênhv ntâu zos muôs trâu ciêz đrôngs Malaysia.

Lơưr têx lênhx thơưx seiz car công ty, tiv tênhx qơư ntiêx têz uô ruôr hiêv txos, txix hâur shôngk shông txos nhiv no gri têx txiês ntông ép tưz txo grêk 50 USD iz yiv đruôz. Chiê uô truôx luôs hâux lưv co thiêz muôs têx xiv huv trâu luôs 2 chas thax tsav, doanh nghiệp tưz tsuv txo grêk tsơưs têx nhiêx txiêx sir zôngv tsi yuô zov chênhr; nzaz nzơưv têx hmôngr ntông muôx chiê tsiv uô, taz por trơưk li lênhx nênhs zuôr tsưr ziv. Lar heik, txix hli 3/2023, công ty tưz sir jos tsiv uô, zok nriêr qơư sâu zuôr têx xiv huv muôs trâu Đài Loan. Zơưv Trần Công Bình, Phưv Giám đốc Công ty heik pâuz: Đros thiêz têx huv yiêz no, tsuôk hâur 4 luz hlik xưz tưz muôs tâu 500 tênhr, tâu xar muôx 7 tyv đeiv nhiêx:“Seiz lok Công ty luôs hâux lưv tsiv uô têx xiv huv heik sâuv thiêz Đài Loan li zoz qơưx, têx cui tinhv, qơư tsiv uô, nênhs lox tôngv, pênhr...mak pêz tưz sik thôngx ziv krêz uô ntâu luôs hâux lưv đuô chiê muôx nzir phênhv sâu tâu, nuv uô trâu nênhs lox tôngv”.

Công ty Yamazaky Việt Nam muôx qơư uô hâux lưv nhoz xã Hưng Khánh, huyện Trấn Yên zos doanh nghiệp tsiv uô têx xiv huv txix chor shôngz Bát độ muôs trâu Nhật Bản. Ntu no tsênhv zos cheix têx njuôs shôngz co tuôx ntâu, công ty tsênhv taz tov sâu zuôr, tsiv uô têx njuôs, njuôk xav tax 2 cxênhz ntâu tênhr njuôs nhôngk. Zơưv Nguyễn Kiên Định, Giám đốc Công ty heik: Hâur ntu muôs ntâu têx xiv huv tsênhv njiz trâul phiv liv, zok nriêr qơư sâu zuôr tsuv uô reik đros trâu cxiv tsa suôz bê xiv huv, lar heik zos têx zav nox:“Six hơưv lux têx njuôs txix 9 six tas cik txos 3 six zar hnuz kêix, chor njuôs thiêx jông gâux. Đhâu lux tas li muôz nquôr seiz, njuôs pok taz por? Zos njuôs jông trơưk li tsưr ziv xar, mav muôz nzuôr hur ntiv trâu hâur hnaz, thâux muk trâu tsêr meir”.

Tsiv uô hax huv muôs trâu 2 chas têz qơưk, nhiv no tỉnh Yên Bái muôx 90 doanh nghiệp, hâur co 18 doanh nghiệp tsiv uô ntông thiêz têx hax huv txix ntông, 4 doanh nghiệp tsiv uô zak zưr, 3 doanh nghiệp xơưs tsôngk tril yo, 45 doanh nghiệp khoar cxax chiê muôs trâu 80 ciêz đrôngs oz chas têz qơưs. Zơưv Nguyễn Đình Chiến, Phưv Giám đốc Sở Công thương tỉnh Yên Bái heik pâuz: Têx hax huv trâul pôngz gri nhoz ntâu têz qơưk huôv tsar, tưz uô tuôr thênhv txos têx doanh nghiệp luôs hâux lưv zuôr muôs hax huv, lar heik zos têx doanh nghiệp zâu. Nhiv no, Chính phủ cux xưk li tỉnh Yên Bái tsênhv tso tơưv ntâu faz tsưr ziv chiê paz doanh nghiệp, têx qơư tsiv uô hax huv:“Sở Công thương cux iz zav li cxuô sở ngênhx, têx thax tsav qơư thâuv tưs tưz moz siêz đros paz doanh nghiệp muôs têx xiv huv. Thiêz cux vav chiê siêz, cxuô doanh nghiệp muôs xiv huv trâu luôs 2 chas thax tsav heik tơưv têx phiv liv njiz trâul trâu Sở Công thương chiê Sở công thương muôx tsưr ziv đros paz, zos kror tưs Sở Công thương đros đơưk, paz tsi tâu mak zuôr heik trâu Bộ Công thương thiêz cxuô cấp muôx vax huôv chiê lơưr muôx tsưr ziv đros đơưk têx phiv liv co”.

Shông no tỉnh Yên Bái tso tơưv hâux lưv muôs têx hax huv trâu 2 chas têz qơưk đrâuv tax tâu 350 USD, co tâu seiz zos iz hâux lưv zov chênhr hâur ntu kinh tế ntiêx têz tsênhv yuôr ntâu phiv liv. Chênhr zos li hêik ntơư, đros trâu cxuô ngênhx muôx vax huôv moz siêz txos, cxuô doanh nghiệp tsuv tsiv uô cov tâu truôx jông têx luôs hâux lưv tso tơưv cov huv đros./.

                                  VOVTB-Riê Lâux cxeik, nhênhv

Tix lâuk Thox xênhv Shôngx hla đhâu cêr pluôs khov huôv tsar chos ntông nox txir sâuv ar têz nxaz

Tơư tês lok saz trôngz chos têx zav txir trâuv nhux, txir lưv tsiz sôngz, txir mo mix tsênhv njuôz jông, tix lâuk Thox shir phaz heik, đhâu zuôr xar 5 shông hlôngr yiêz tsoz chos, txos nhiv no tix lâuk li vax txir ntông tưz qir sâu tâu txir. Zuôr xar 20 shông txar txix Sơn La lok nhoz Suối lóng, xã Tam Chung, tix lâuk Thox tsênhv ndo njôngr têx phêv liv thâuv nhiv kruôr tuôx nhoz ntơưv thax tsav qơư no. Tix lâuk Thào heik, thâuv tuôx Suối Lóng, tix lâuk chuôz zis nhoz tsi truôx qơư. Hâur têx jiês tsir têz tsir qơư co, chuôz zênhx gra lơưr tsuôk zos 2,3 luz ziês, lâux câuz thiêz tris yo kuz. Luz nênhx tsi so yeiz pluôs.

          Tuôx txos Suối Lóng, đros tix lâuk chuôz zis ntâu jiês njuôs xav zuôr nhoz no uô 2,3 chiv têz thâuv ar tsuôs mak txar muk qơư nhoz yiêz. Taz sik tuôx ntơưv no, nhoz uô nênhx lơưv mak tsi xar muk kror tưs thiêz. Viv, nhoz no tix lâuk chuôz zis tâu bộ đội pênhz phax, cán bộ xã tôngv vênhx huôv tsar uô nox. “Mnôngs cán bộ luk cur xar lok six ntâu. Ntâu tiêv nênhx lok no tsuôk zos tsir têz tsir qơư, luz nênhx lok six txov nhêv, mê nhuôk tsi tâu muk cơưv ntơưr, tsêr nhoz tsi truôx mak tsênhv six fênhx pluôs”, tix lâuk Thào pheiz kênh.

Shông 2006, tix lâuk Thox xênhv Shôngx chuôz zis đros 4 lênhx nênhs sir jos uô ar têz chiê chos kok ntông, chos poz cưk, blêx, taz sik txos ntu kôngz lôngk tsi tâu siêr, chuôz zis tsênhv six fênhx trâus yeiz, tsuv jênhv têz qơưk li phênhv cxur paz txưv. Đros siêz xar tsi zos tsuôk tos njôngr txos têz qơưk li phênhv paz, shông 2015 tix lâuk Thào cuiz tênhv muôz chor nhiêx txiêx cxênhx txuôk tâu, côngv đros pênhr txeik txix zênhx hangx tsênhv chêi xã hội huyện Mường Lát qir uô trâur nuv chos tsơưz. 2 shông xuz thơưx, tsươz sâu tâu jông, tâu 3 tsov đeiv iz luz hlik. Taz sik, txos shông 2017 ar tsuôs, tsơưz tsi huôv tsar thiêz, tix lâuk Thox ho tso tsês.

          Trâur nuv chos tsơưz tsi yênhx côngz taz sik tix lâuk cux tsi viv li mak tso tsês. Đros zuk li tsưr ziv siêz xar, muk cơưv shâuv trâur nuv yiêz, tsưr ziv uô jông. Hâur iz jiês muk sêiz shuôk têx nênhs cxênhz jê nhoz Xã Cò Nòi, huyện Mai Sơn, tỉnh Sơn La, pov chos ntâu zav tsoz chos ntông nox txir, phênhv sâu tâu siêz. Jênhv pov, ar têz nhoz no cux jông li nhoz Mường Lát, tix lâuk thiêx gra zav tsoz chos co chox lok chos siv. Shông 2019, txix phênhv pênhr cxênhx tsês no, thiêz txeik nzir zênhx hangx tsênhv chêi xã hội, tix lâuk Thox truôx siêz chos ntông nox txir. Sâuv mênhv chêx đar 2 hecta ar tox trôngz, tix lâuk chos 1 cxênhz 200 tsoz txir lưv tsiz sôngz, 200 têx zav tsoz chos txơưr li txir trâuv nhux, txir lưs, mít….Txos shông 2021, tix lâuk tror chos cxaz 1 hecta đros 1 cxênhz tsoz cau; 350 tsoz chos txir txôngz lok zos tsoz chos dừa. Đrâuv phênhv sâu tix ntông nox txir, tix lâuk Thào tsênhv khơưz pas zus njês, zus buô đuz, zus yik…chiê cungz trâu têx tsêr uô mor nhoz thị trấn Mường Lát, iz shông tix lâuk chuôz zis sâu tâu 100 tsov đeiv ntâu. Zơưv Phàng xênhv Shôngx, Bí thư chi bộ jos Suối Lóng, xã Tam Chung ntâuk grê siêz tix lâuk Thox chuôz zis li trâur nuv huôv tsar kinh têr. Khov gruôs uô lox tôngv, tu zus muôx chêx cuk, txix iz chuôz zis pluôs, tix lâuk Thào chuôz zis tưz sir jos hla đhâu cêr pluôs, muôx yêz meir muk, muôx tivi seiz, 2 tul mê nhuôk puôr lênhx tâu muk cơưv ntơưr. Pov chuôz zis uô tâu nox txix tu zus, chos ntông nox txir, pox nhuôk hâur jos cux tuôx cơưv shâuv uô lơưr. Ntơưv Suối Lóng, ntâu ziv chuôz zis tưz qir uô ar chos ntông nox txir, huôv tsar tu zus chiê hla đhâu cêr pluôs.

Phênhv nôngx mênhx zuôr tsuv pâuz tsuôk muôx xâuk li no xưz. No zos Đeix nta suôz VN thax tsav Tây Bắc uô, muôx tsênhv qơư cxiz kôngz têz qơưk paz txưv./.

                                                Thào Ly BS-Txâur Vax cxêik nhênhv