Hêir nênhs Cho tsôngv pox niêv vir ndâuk chêr tsôngk yo jông jav

“Hêir nênhs Cho tsôngv pox niêv vir ndâuk chêr tsôngk yo, muôz ntâu zav ntâuz liêz njuôz chox lok xơưk uô cê, txêix pax jông jav đros trâu tsưr ziv, siêz xar njôngr zuôr njiz ntâu cêr vav mênhx hâur luz nênhx. Chênhr zos li hêik ntơư, thâuv xơưk tsuv max mav xơưk uô kaz côngz mok thiêx truôx khor, jông jav”.Co zos pos Triệu Thị Tiếp, nhoz xã Phúc Lợi, huyện Lục Yên, tỉnh Yên Bái, zos iz lênhx tưz xơưk tsôngv pox niêv, vir ndâuk tâu 50 ntâu shông têx luk hêik kriê. Trơưk li pos Tiếp, chiê xơưk uô cov tâu tiêr hêir nênhs Cho tsôngv pox niêv, vir ndâuk iz chêr tsôngk yo cxôngx nzor, tsuv xơưk uô tas ntâu six hơưv hnuz nhôngs thiêx uô tâu tiêr huv đros hêir nênhs co luz nênhx nox nhoz muk lok hâur niêx hnuz. Hêir nênhs Cho tsôngv pox niêv, vir ndâuk iz chêr tsôngk yo, tsuv muôx yo, trik, sêr, fuôv câur toz hâu, đuôr tưk. Chor ntâuz xơưk uô tsuv trâuk gax thiêz muôz cxuô zav ntâuz liêz, njuôz, xiêr, đax, đơưz chox lok xơưk uô cê, txêix pax jông jav. Ntơư zos xơưk uô tơư trik, têk yo, sêr, fuôv câur toz hâu cov huv đros: “Têx pax ntâuz xơưk txêix pax jông jav zos xơưk trâu luz tư yo saz đraz kâuv. Lar hêik zos xơưk cov huv đros tsôngv pox niêv, vir ndâuk co siêz nhiêv. Têx jiês xơưk uô 8 txos 12 hax pax txêix jông jav. Thiêz ntơưv oz saz ntus xơưk txêix pax uô têx tus nôngs zix, ntông chiêz..”

Thâuv xơưk tiêr cxuô zav pax, lênhx nênhs xơưk co thiêx txiêr luz ntiês yo chox lok xơưk lo uô cê trâu ntơưv luz yo, co zos xơưk têk yo, sêr. Đhâu co, muôz hlơưk chox lok đêi trâu ntơưv ntiês yo, tư yo cov jông jav. Pos Lý Thị Máy, nhoz xã Tân Lĩnh, huyện Lục Yên, tỉnh Yên Bái shir phaz lul hêik pâuz: “Hêir nênhs Cho têx nxêik, uô ntêx thâuv zuôr muk uô zuôr txir, tsuv xơưk cov tâu oz pêz chêr tsôngk yo trâu lênhx nxêik co chox muk hnar. Thiêz co zos phênhv huv muôz trâu tos pox zơưv, cur thiêx sir jos xơưk cov têx cxuô chêr tsôngk yo jông jav tiv iz. Chêr tsôngk yo co, zuôr đros đrêiv hâur lênhx nxêik Cho muk uô nhaz luz nênhx”.

Hâur têx hnuz no, têz qơưs muôx ntâu hlôngr yiêz, ciêz đrôngl muôx cxuô zav ntâuz txêix pax jông jav, grê muôs fênhx zis đuô têx pax ntâuz muôz têk xơưk. Chênhr zos li hêik ntơư, phênhv ntâu, tsôngv pox niêv hêir nênhs Cho tsuôk muk zuôr têx ntâuz hâur ciêz đrôngl chox lok xơưk, thiêz muôx chôngz lênhx ntâu tus cux cxơưx tiêk, jux juk zuk hêir nênhs têx pax ntâuz cxôngx nzor zuôr trâus pôngz plox. Pos Triệu Thị Chài, nhoz jos 2 Túc, xã Phúc Lợi, huyện Lục Yên hêik pâuz nzir: “Chêr tsôngk yo muôz têk xơưk cxôngx nzor, grê nhiêx 5-6 triệu; zos chêr tsôngk yo muôz máy xơưk grê muôs zos 3 triệu, fênhx zis đuô iz đraz pir li  chêr tsôngk yo muôz têk xơưk cxôngx nzor. Nhiv no cux muôx chôngz lênhx ntâu tus xêir tsov chêr tsôngk yo muôz máy xơưk. Chênhr zos li hêik ntơư, cur xar njôngr cov hêir nênhs Cho  tsôngv pox niêv, vir ndâuk tsuv tuôr cov tâu tsês zuk hêir nênhs luôs hâux lưv xơưk pax ntâuz cxôngx nzor”.

          Hêir nênhs Cho tsôngv pox niêv vir ndâuk chêr tsôngk yo txêix pax jông jav cxôngx nzor muôx liv li chas? Tsôngv px hêir nênhs Cho tsuv tuôr cov tâu truôx zuk hêir nênhs têx txux chi, vênhx huôv jông cxôngx nzor cov muôx đros đrêiv hâur luz nênhs tsik chiê pôngz plox./.

                                                                                      Tsu cxêik nhênhv-Thiều Nghiệp-VOV Tây Bắc

“Jos Tày” nhoz đrôngl Hạ Long

          Tsâus ntux hmo tưs, pos Đinh Thị Dân cux đros têx pos, têx niêv lâuk hâur jos sik zâuv muk trâu tsêr vênhx huôv xã Dân Chủ (TP Hạ Long, tỉnh Quảng Ninh) chiê shâuv heik cưr cxiêx then. Tsi zos lênhx tưs cux heik jông, taz sik nênhs txơưx heik đuô mak ho kriê trâu nênhs tsi tâu txơưx, lênhx tưs cux trâu siêz shâuv heik. Pos Dân shir phaz heik:“Thâuv cur hloz tiêr nênhs tưz pov têx lâuk heik cưr cxiêx then, li cur têx pos zơưs thâuv ntêx. Nhiv no hâur têx hnuz ntênhs sik côngv siêz mak cur ho shâuv heik zuk li vênhx huôv jông thâuv ntêx. Pêz yênhx lix têx tuêv thiêz sik đros cơưv shâuv, jux jus tror hôx phưx tâu. Têx jax tưs muôx luk Tày mak lok six nhiêv heik, viv co zos zuk li vênhx huôv jông”

          Tsi taz muôx pos Dân txưv haox lok zuk li vênhx huôv jông. Nhoz xã Dân Chủ muôx nhos 1 cxênhz 300 lênhx nênhs, zuôr xar 290 ziv chuôz zis, 90% zos tsôngv box mênhx cxưx Tày. Nhoz kuôk tsênhv qơư niêv đrôngs Hạ Long 30 ceik, têx jêx jos nênhs Tày nhoz sik shơư hâur tơư trôngz Con Phượng, buôk tul đêx Cốc Mương, nhoz đras liêx Rinh, đras liêx Mưa jông jav. Zơưv Dương Văn Trọng, 59 shông hnuz nhôngs, zos iz lênhx txir ndâux txir luk hâur tsôngv box mênhx cxưx tsơưs nênhs shir phaz piêr kriê lok têx vênhx huôv chax chês jông cxôngx nzor cxênhx lâuk tsês chiê, zơưv Trọng ndo tiv zix zos thâuv txos tsiêz hâur shông yiêz:“Hnuz xiêz 3/3 mak muk muôz kê njâuv, uô mor blâuv nox. Hnuz xiêz  5/5 nox tsiêz đoan ngọ, tsiêz hli 7 hli ntux, tsiêz uô nduôr blâuv xiêz 10/10. Cur hloz tiêr nênhs ndo tiv zix zos têx kror jông hâur tsiêz nox mor blêx yiêz. Nox thâuv hli 8, xeir hnuz jông chiê uô cuô jâuz đros shuôz thiêz kưx. Hnuz tsưr tsix ntênhs mak muk tov liêx, hli 8 blêx qir cxơưr viv li muôz 3 tâur blêx tso hâur lâux câuz mor chiê chuz, nênhs lâuk teik kưx hâur lâux câuz thiêz heik”kưx lox hênhr” chiê thor cov iz chiv kôngz blêx pur jông, sâu tâu ntâu blêx”

          Têx shôngk jê lok no, thâuv kinh têr ziv hnuz ziv ngaz tul, têx luôs  hâux lưv zok nriêr, tuôr tsês vênhx huôv nênhs Tày tiv phaz ziv tâu tsov cưv, tiv zix zos txix thâuv Ban thường vụ tỉnh ủy Quảng Ninh tso tơưv Nghị quyết 17 lok cxiv tsa thiêz huôv tsar truôx vênhx huôv jông cxôngx nzor.

          Shông 2023, hâux lưv cxơưz cxiz xơưk tsôngs yo Tày tâu 200 ntâu lênhx tsôngv box sik đros uô. Uô ntêx co, têx qơư xênhz huôx vênhx huôv, thiv thao cux tâu krêz đar, nênhs Cho, nênhs choz tsiz cux sik đros cxaz chuôz heik cưr cxiêx then, đhiê pax vuôs Tày. Xưk li pos Nguyễn Thị Bưởi, nênhs choz tsiz lok zuôr txir ntơưv xã Dân Chủ tâu 40 shông thâuv tưs cux iz siêz đros tuêv heik cưr cxiêx then, yax six tsưr tsix heik cưr cxiêx chiê paz heik kriê vênhx huôv nênhs Tày nhoz xã Dân Chủ: “Pêz cxaz chuôz ntâu huôx tôngv ntơưv thành phố, têx phường, têx xã nhoz buôk co, ntênhs phêv muk uô liêx (xã Lương Mông, huyện Ba Chẽ) chuôk li luz hli tưs cux muôx tsaz yênhx thiv thao, heik cưr cxiêx then. Pêz lok six jông siêz thôngx ziv, chiê têx tuz nhuôk tov kaz cơưv shâuv uô lơưr”.

          Pos Hoàng Thị Hồng Nghĩa, Phưv Bí thư Đảng ủy xã Dân Chủ xar tiêk, tsôngv box li cêr sik côngv siêz zos “qơư” chiê xã Dân Chủ uô jông Nghị quyế 17, hâur co muôx hâux lưv tuôr tsês, phuôx huiz tsiv grê vênhx huôv chax chês mênhx cxưx Tày nhoz tiv phaz. Hâu nov đrôngl Hạ Long tưz  tso tơưv luôs hâux lưv uô zos “Hạ Long- niêv đrôngs muôx têx ntênhs phêv jông”, hâur co tror huôv tsar truôx nênhs Tày xã Dân Chủ li ntênhs nox mor blêx yiêz txix shông 2025. Txix shông cơưv 2024-2025, tiv phaz cux cxơưz cxiz shux xênhz ntơưv 2 tsêr cơưv hnar tsôngs yo mênhx cxưx lok têx hnuz hâur ciêz, tror krêz đar têx tiết cơưv luk Tày trâu shuv xênhz cxênhx 1 thiêz cxênhx 2. Pos Hoàng thị Hồng Nghĩa khav tênhv:“Pêz xar tiêk qir txix tsôngs yo, têx mê nhuôk thâuv hnar zuôr tuôr tsês zuk mênhx cxưx li vênhx huôv. Têx cán bộ, công chức viên chức, đảng viên uô ntêx nyuôk kriê trâu têx mê nhuôk zuk mênhx cxưx li luk heik. Pêz cux tsênhv thix ziv cxiv tsa tsêr tuôr tsês vênhx huôv Tày chiê pox nhuôk tuôx xênhz huôx, sik njiz, khơưk tsês iz cxiê chuôz zênhx, cxiv kho đuô iz cxiê tsêr nhoz, tuôr truôx têx vênhx huôv jông tsik chiê pôngz plox”

          Xã Dân Chủ tưz uô tiêr hâux lưv cxiv tsa nôngx cxênhz yiêz txix shông 2021 thiêz tsênhv ndar txos nôngx cxênhz yiêz thênhv yiêz. Tsôngv box luz nênhx ziv hnuz ziv tâu muôz siêz, phênhv sâu txix kôngz jôngr nuv thiêz têx nganhx txơưr txix 120-140 tsov đeiv iz lênhx nênhs iz shông. Hâux lưv tuôr tsês vênhx huôv nênhs Tày nhoz no xưk li zơưv Dương Văn Trọng tưz heik tsuv uô xưk li “Nox mor, hnhar tsôngk tiêz, tsôngk yo hâur niêx hnuz”./.

                                                                                                     VOVĐB-Txâur vax cxeik nhênhv