Sik đros paz chiê thax tsav trâus đêx nas cuôr yôngz Mường Than, Lai Châu muôx txâuk qơư, chuôz zênhx kriê, cơưv ntơưr hâur shông cơưv yiêz

Jok Chít zos iz hâur têx thax tsav trâus uô ruôr hiêv hnhar đuô hur si hâur coz nas lox ntơưv Mường Than. Ntơưv tsêr cơưv jok Chít, đêx nas lox tưz ntâuk cuôr yôngz tas nro têx lax caz, faz nja xor thêir tsêr cơưv. Yuôr 02 qar qơư cơưv ntơưr mak đêx nas cuôr yôngz ar, poz jêz lok cxuz tas, tưz tsi jông trâu shux xênhz nhoz cơưv ntơưr. Chênhr viv li, tas nro 113 lênhx nhuôs tsênhv cơưv txux ntơưv no zuôr tâu yêik muk cơưv trâu ntơưv tsêr cơưv jok Chít kuz. Zơưv Lò Văn Bàn, nhoz jok Chít heik:“Đhâu đêx nas uô ruôr hiêv, tsôngv box lok six cxơưx tsav tsi muôx qơư trâu chor nhuôs nhoz cơưv txux chi, taz sik chor hloz thênhv siêz tưz chox kriê cov yêik têx mê nhuôv lok cơưv trâu ntơưv no, cxiv uô tsêr cơưv cxênhx nhuôs zâu nhoz no. Uô tsâus lok six ntâu txos chor hloz thênhv siêz, tưz paz zok nriêr qơư zênhx max thiêz truôx tuk trâu têx mê tuz mê nhuôv nhoz cơưv ntâuz ntơưr. Chor cưk kriê ntơưr cux lok six moz siêz txos, hu zâuv hur si shux xênhz niêv txir tuôx sik đros qêz suô, tu têx qơư nox nhoz cơưv ntơưr chiê bax txeik tok chor nhuôs tuôx cơưv txux hâur shông cơưv yiêz. Xar heik têx hloz thênhv siêz muôz jông six hơưv, đros paz cxơưz cxiz chiê cxiv uô, kho đuô sei têx côngz trênhx, nzor muôx qơư truôx khor trâu têx tuz nhuôs nhoz cơưv ntơưr”.

Tsêr cơưv jok Chít kuz iz txưv tưz tso tsês tsi zôngv ntâu shông lok no. Chênhr viv li, luôs hâux lưv cxiv kho tsuv uô sei chiê muôx qơư truôx khor trâu 100 lênhx nhuôs cơưv ntơưr. Zơưv Bùi Văn Khải, hlôngr njêx muôs taz viv cxiv uô côngz trênhx heik pâuz, têx hnuz đhâu, 02 luz meir câuk ar, 05 luz yêz lox khơưz huk thiêz thâux ar, kho qơư muk lok cơưv ntơưr cov tiêx, shux xênhz zôngx ziv muk lol, nhoz cơưv ntơưr. Hok chor nênhs uô hâux lưv cxiv kho tsêr cơưv mak lơưr huôk njôngr đruôz hnuz, hmo ntux chiê cxiv kho, uô đuô cov tiêr tâu sei:“Ntơưv thax qơư no đrox phaz, tsi tiêx tsi tuk viv li taz viv tsuv tso 02 luz  meir câuk ar, 05 luz yêz lox khơưz, thâux ar kho fênhx cov tiêx, lênhv suôz jêz, xi măng trâu. Chiê kho uô tâu li hnuz no, taz viv tưz sir jos hâur 15 hnuz hmo thiêz txos nhiv no phênhv ntâu tưz uô tâu 90% têx hâux lưv zok muôz, nhiv no tsuôk yuôr iz kro mê njik lơưv xưz”.

Đros têx lênhx cưk kriê ntơưr, thâuv tưs hâur qar tsêr cơưv puôr lênhx muôx cxix cxuô trôngx tos, chuôz zênhx kriê cơưv ntơưr, qơư shux xênhz uô si. Cưk kriê ntơưr Kiều Thị Hồng đros têx lênhx cưk kriê txơưr đuô qir têk kho têx qơư cơưv ntơưr heik:“Têx hnuz xuz thơưx nhiv kruôr tuôx mak kror tưs cux nxor hnho, pêz tưz đros shux xênhz niêv txir qêz suô, tu têx qơư nhoz cơưv ntơưr hâur 2, 3 hnuz xuz thơưx ntơư. Đhâu co thâuv muôx têx chuôz zênhx, trôngx tos uz no saz hâur tiêr tas, pêz mav tu, kho đei iz cxiê têx đuôz trâu cov khax jông jav huv đros shux xênhz cxênhx nhuôs zâu. Têx luôs hâux lưv zôngx ziv pêz uô tâu mak puôr lênhx sir jos lês uô, chiê txeik tok shux xênhz tuôx tsêr cơưv, cơưv ntơưr”.

Shông cơưv 2026-2027, Tsêr cơưv cxênhx nhuôs zâu Mường Than muôx 13 qơư cơưv, 32 lớp thiêz zuôr xar 850 lênhx shux xênhz. Ciês ntơưv jok Chít, qơư cơưv co nhiv kruôr muôx 03 qar tsêr cơưv xưz. 03 lớp cơưv muôz ntâu lênhx shux xênhz lok kriê uô cê cux tsuôk txâuk 78 lênhx shux xênhz nhoz cơưv txux chi; yuôr 35 lênhx zuôr tâu tso muk cơưv trâu tsênhv qơư. Zơưv Hoàng Phi Hùng, Phưv Chủ tịch Chủ tịch Ủy ban xã Mường Than heik pâuz, chiê muôx txâuk qơư trâu shux xênhz ntơưv tsêr cơưv jok Chít nhoz cơưv ntơưr, đhâu hlo trâus đêx nas uô ruôr hiêv, Ủy ban xã tưz muôz 4 tyv đeiv ntâu txix nhiêx txiêx ntơưv qơư thiêz sơưr đơưk sik đros paz tuôx chiê cxiv kho têx tsêr lớp cơưv ntơưr hâur jok:“Chiê muôx txâuk qơư zênhx max txeik tok shux xênhz tuôx cơưv ntơưr, cấp ủy, hâu nov ntơưv qơư cux tsês mê njik nhiêx txiêx thiêz hu zâuv tsôngv niêv txir cưr tix nênhx tsa, têx tsưr tsix đoanx thêv, nênhs siêz jông sik đros paz max. Xã tưz cxiv kho thiêz zuôr nzir têx chuôz zênhx uz no trâu qơư cơưv jok Chít, chiê muôx txâuk cxuô zav phưx vưv kriê thiêz cơưv ntơưr hâur shông cơưv yiêz”.

Đhâu nas chuô lox, tưz uô ruôr hiêv tas ntâu cxuô zav nhoz Mường Than. Txix têx trâus ruôr hiêv tiv đêx nas cuôr yôngz, sơưr đơưk tsênhv sik côngv têk siz paz cxiv kho, uô đuô têx côngz trênhx trâus puôk tsuôx, jux juk cxiv tsa luz nênhx truôx tuk. Têx tsêr lớp cơưv ntơưr tsênhv ziv hnuz ziv tâu cxiv uô, kho đuô tiêr chiê bax tok shông cơưv yiêz. Nhoz jok Chít, têx lênhx lâul nênhs tsênhv max bax cxuô luôs hâux lưv chiê txos hnuz krêz shông cơưv yiêz cxuô lênhx cưk kriê ntơưr đros trâu cxuô lênhx nhuôs zâu muôx qơư truôx khor nhoz cơưv txux chi./.

                                                                                                            Khắc Kiên-Riê Lâux cxeik, nhênhv

                                          Caz puôz grêix buô-tsôngv box Thái Tây Bắc iz zav nox kaz

Chor grêix buô chie uô caz puôz tsuv tau xêir tsov jông. Pox nhuôs tsik so xêir chor grêix buô nyir yiêz, kaz, muôx grêix ntâu. Chor grêix thâu muôz nzuôr tas mak tâu muôz cxôngx uô yênhx đeiv luôx oz tuk ntir têk, ntêr muôx iz đok txos iz đok ntâu lơưr đêiv grêix lox lok zâu, đhâu co muôz plênhr shơư cxuô zav li njêr, cuô txoz, kriêr, kix tưz tuôr lưx mok shơư mê njil chơưr. Tiv zix, chiê cov chor grêix kaz mak tsuv mfông nzir mê njil xaz txoz-zos iz zav tsuôk muôx nhoz Tây Bắc, tsư kaz thiêz muôx njil njiv. Đhâu co chor grêix tâu muôz pak qoz thiêz chox muk gri hâur kror chuz. Muôz gra kror chuz muôx oz hnuz mak muôz chox lok chuz hâur tsu, thâuv siêr mak muôz lok tso trâu haur têx vaz thiêz xuôk mêir nzuôx chuô nzuôx cov kruôr. Thâuv ntêx no uô mak fênhx six tsês kra trâu sâuv kror chuz, thâuv tưs nox mak mav muôz lok uô. Nhiv no muôx ntâu zav mêir paz, viv li tsês tâu trâu hâur têx tuv txiêk chir nox yênhx shông. Pos Lò Thị Doan, tsưr iz kror qơư uô chor grêix caz buô buô chiê muôs, nhoz Bản Lầu, phường Tô Hiệu, tỉnh Sơn La puz pâuz lok tsưr ziv muôz grêix plênhr têx njêr, cuô txoz, txux lov, trâur tơưl kra li chak cov chor grêix kaz đuô:“Đhâu muôz plênhr têx njêr, cuô txoz, txux lov tas, chor grêi tâu tsês chiê muôx 30 txos 40 phênhz cov chor njês, cuô txoz co thơưv tas trâu hâur chor grêix. Chor njêr, cuô txoz, txux lov mak tsuv muôz plênhr cov huv đros, zos plênhr njêr ntâu hênhr mak zuôr đơưk, cuô txoz cux tsik plênhr ntâu viv zuôr njivhênhr uô trâu grêix nox tsik kaz. Chor tơưl trâur kra cux tsuv zos chor tơưl tơưr, tsik chis lox, cux tsik muôx pax tơưl ntâu thiêz tsuv kho tơưl tsik so cov chor grêix kruôr jông, paz trâu chor grêix kaz grêix đuô”.

Thâuv ntêx no, chor grêix caz puôz no tsuôk zos uô chiê sơưr đơưk nox hâur chuôz zis, tsês chiê tâu nox hâur têx hnuz muôx ntux no lok sik thâuv khưr uô liêx têz. Nhiv no, chor caz puôz no zos zav nox tsuv muôx hâur tsôngv box Thái tsuv mor Tsiêz. Chor caz puôz grêix buô nox cux tâu ntâu chuôz zis uô chiê muôs, zos zav grêix muôx chôngz nênhs zuôr thâuv zuôr txos tsiêz, paz trâu pox nhuôs muôs nzir phênhv sâu. Pos Lò Thị Doan, tsưr qơư chor grêix caz puôz buô kruôr chiê muôs, nhoz jok Bản Lầu, phường Tô Hiệu, tỉnh Sơn La puz pâuz nzir:“Thâuv ntêx no pêz tsuôk uô chê nox xưz, viv ntêr thiêx tu zus tâu iz tuk buô chiê tuô nox, pêz muôz chor grêix buô kra sâuv kror chuz cov kruôr chiê nox trâu têx hnuz muôx ntux no. Nhiv no chor grêix buô muôs ntơưv ciêz lok six ntâu pêz ho uô chor grêix caz puôz no chiê muôs. Thâuv zuôr txos tsiêz yênhx shông pêz muôs tâu lok six ntâu, txix co paz trâu chuôz zis muôx phênhv sâu truôx đuô, muôx txâuk nox txâuk hnar”.

Tsôngv kruô tuôx trâu Sơn La tsik so zuôr chor caz puôz buô no chor muk puz trâu chor nênhs cxênhz jê, têx fôngx zưs nox. Zos lênhx tưs tưz nox tâu zav nox no mak zênhx xar nox nzir viv lok six kaz. Pos Nguyễn Thị Thùy, iz lênhx kruô du lịch txix Hà Nội tuôx puz pâuz:“Cur muk txos lok six ntâu qơư, thiêz tâu nox chor caz puôz buô kruôr, taz sik nox mak pov chor caz puôz buô ntơưv Sơn La kaz lok six txơưr, nox muôx njil njiv, tsư chor xaz txoz, nox lok six kaz”.

Hâur têx hnuz ntênhk, muôx nzir chor caz puôz buô zuôr paz trâu tsôngv box Thái Sơn La thiêz tsôngv kruô tsuv mor cxix cxuô đuô thiêz nox kaz đuô./.

                                                                                                  Lường Huyền-Lik Thox cxêik nhênhv