Xiv huv OCOP Yên Bái muôs tsi tâu truôx nhoz têx ciêz đrôngs lox

Tsaz yênhx iz xã iz xiv huv OCOP tâu Yên Bái fuô uô hâur têx shông đhâu tưz gra lok têx hlôngr yiêz trâu tỉnh xiv huv kôngz nuv, xiv huv jông. Txix tsaz yênhx no, ntâu xiv huv zôngx ziv trâul pôngz plox tưz tâu huôv tsar uô đuô. Teexx xiv huv OCOP xuz thơưx tưz muôz nuv uô truôx, paz gra siêz luz nênhx trâu tsôngv box cxuô thax tsav qơuw. Niêv lâul Phạm Thị Thu Hà, nhoz hâur HTX cuz thaz kok kriêr Giới Phiên, TP Yên Bái heik pâuz: “Đros thiêz tsôngv box Giới Phiên muôx lok six ntâu chuôz zis tưz muôx hâux lưv uô, lar heik zos chor lâul hnuz nhôngs txix 50-60 shông, mak huôv tsar uô têx nuv ntơưv qơư hâur niêx hli tưz muôx phênhv sâu txix 7-8 tsov đeiv iz lênhx nênhs”.

Công ty tsiv uô shuôz njêl hur Hải Hà nhoz xã Hán Đàn, huyện Yên Bình, đros thiêz cui tinhv tsiv uô truôx tuk txix tu zus txos tsiv uô, nhiv no taz viv muôx 5 xiv huv OCOP tâu tsiv uô txix têx njêl hâur pak đêx Thác Bà. Txơưv luôs hâux lưv piêr kriê têx xiv huv, buôk ti ciêz đrôngs lox li: Big C, Vinmart+, cxix luôs têx qơư muôs huv hur jông hâur têz qơưk tâu moz siêz txos, taz sik taz viv li xiv huv cux tsi truôx tuk nhoz têx qơư heik sâuv. Niêv lâul Vũ Thị Phương, seiz car công ty heik: “Têx xiv huv tưz tsiv uô tâu thiêz muôs hâur ciêz đrôngs, taz sik chiê muôs tâu ntâu hâur ciêz đrôngs lox mak co cux zos iz phiv liv cơưk. Viv txos hâur ciêz têx xiv huv xưk iz zav li ntơư lok six ntâu, chor huv co pok tâu trơưk li lênhx nênhs sir zôngv tsưr ziv siêz xar lok tsi tâu mak pêz tsuv phênhz đuô nênhs lês uô têx luôs hâux lưv tsiv uô, tu zus ntơưv pak đêx Thác Bà…., co zos iz kro pêz tsênhv uô tsi tâu tâu, viv muôx tsi txâuk nênhs”.

Tỉnh Yên Bái nhiv no muôx 200 ntâu xiv huv OCOP côngk nhav uô tâu jông. Iz chas iz cxiê xiv huv muôs tâu truôx hâur ciêz đrôngs thiêz tâu muôs trâu luôs 2 chas thax tsav, têz qơưk đrâuv li: Ciêv fix, yuôx zêx….mak phênhv ntâu têx xiv huv tsênhv yuôr puôr lênhx phiv liv muôs. Trơưk li Sở Kôngz nuv thiêz huôv tsar tox siêz tỉnh Yên Bái ntâuk grê, iz hâur têx qir tiv uô cxuô thax tsav qơư li xiv huv OCOP phiv liv muôs pôngz hâur ciêz đrôngs lox zos têx ziv chuôz zis pêx xênhv phênhv ntâu lơưr huôv tsar uô tsơưs, iz lênhs iz kro mê njik xưz. Iz chas co, têx doanh nghiệp tsiv uô tsi tâu moz siêz txos cxiv tsa suôz bê, ntơưr lo chiv…..Zơưv Nguyễn Đức Điển, Ph\v Giám đốc Sở Kôngz nuv thiêz huôv tsar tox siêz tỉnh Yên Bái heik pâuz: “Đros thiêz tỉnh Yên Bái têx xiv huv OCOP, iz cxiê xiv huv mak tsi ntâu. Thâuv buôk ti têx ciêz đrôngs lox, muôs trâu luôs 2 chas têz qơưk tsuv muôx huv truôx tuk thiêz phưx vưv hâur iz ntuk ntêr, chênhr viv li ntâu xiv huv tsi tâu trơưk li chor tuz luôv tsưr ziv, siêz xar. Iz cxiê xiv huv OCOP hur jông mak uô tsi tâu tâu trơưk têx cui tinhv, viv li muôs tsi tâu hâur ciêz đrôngs lox”.

Cux lơưr zơưv Nguyễn Đức Điển, chiê gra siêz tsơưr lươngv, muôs tâu đros lưv zav hax huv hâur ciêz đrôngs, hâur ntu zuôr txos Yên Bái zuôr sir jos piêr kriê txix ntâu faz tsưr ziv li: Sir jos yax kriê thôngz đhâu ntâu tsưr ziv; moz siêz txos taz por tsơưr lươngv, truôx tuk zav nox, cxiv tsa thax tsav chos, tsưr ziv uô xiv huv, ntơưr lo chiv chiê pâuz tsênhz qơư uô, cxiz muôv muôs, sâu zuôr đhâu têx ciêz đrôngs, đhâu muôv muôs điện tử…..

Đros trâu têx li heik co, jux juk hlôngr yiêz tsôngv box tsưr ziv huôv tsar uô nox, uô ntâu hax huv, muôs tâu gri; txix kinh tế ziv chuôz zis huôv tsar yênhx HTX sik côngv têk uô nox./.

Trịnh Xuân-Riê Lâux cxeik, nhênhv