Chêix ntux yiêz tsâu sor nhoz jok tsôngv box Mảng ntơưv Lai Châu

Txix iz lênhx nênhs muôx zênhk chơưr, đhâu tâu canr bôv hêik kriê, tix lâus Chìn A Chăn, nhoz jok Nậm Ô, xar Nậm Ban, huyện Nậm Nhùn, tỉnh Lai Châu tưz tsik zos chêir tâu chơưr xưz mak tsênhv zos yênhx ziv chuôz zis txơưx uô nox hâur jok. Txos nhiv no, tix lâus chuôz zis tưz uô tâu tsưr ziv chos cuêv fix thiêz huôv tsar tu zus tsiêx cxu tsêx trung, đros muôx 2 héc ta ntâu thiêz paz nhux, tưv muôx 20 ntâu tuk. Tix lâus Chìn A Chăn hêik pâuz, tix lâus tsik tâu muôx jiês tưs xar tiêk tix lâus thiêz pox nhuôs hâur jok zuôr tơưv đhâu tâu yêiz pluôs, pôngz kaz, taz sik kror co tưz zos yênhx tsênhv tsênhz. Chiê muôx tâu luz nênhx xưk li nhiv no, pox nhuôs tưz mnôngs trơưk canr bôv hêik kriê, sik côngv siêz chiê sik đros cxuz cêr yêiz pluôs. Tsiêz no tix lâus xav tiêk zuôr nox tsiêz lox đuô cxiê shông chiê hu zâuv canr bôv xar thiêz pox nhuôs hâur jok tuôx đros nox, côngv cêr lov jêv: “Thâuv ntêx mak lênhx tưs cux hâuk chơưr xưz. Canr bôv xar hnuz tưs cux tuôx yax kriê, hêik trâu pêx xênhv mnôngs, pêx xênhv hâur jok tưz pâuz tas lơưv. Nhiv no chos cuêv fix thiêz tu zus tưz paz trâu zuk luz nênhx hlôngr yiêz đuô lơưv. Uô liêx têz, chos kok ntông, chos poz cưk mak puôr lênhx chos tâu hur si”.

Zênhx tâu pâuz txos tiêk zos “jok hâuk chơưr ntâu”, muôx ntu hâur têx tsêr ntông kuz đaz tuôs tưz zuôr vâu nhoz Nậm Ô, txix txir nênhx txos pox niêv puôr lênhx hâuk chơưr hlôngr trâu jâuz mor, hâuk yênhx hmo tax txos pov cêr. Luz nênhx tsik pâuz jông li chak muôx đros đrêiv chor nhuôv zâu têx njêx muôs, uô trâu pox nhuôs luz nênhx tsik pâuz zuôr cơưs kror tưs thiêz tsik so trâus yêiz pluôs. Pos Chìn Me Long, Bí thư Chi bôv jok Nậm Ô, xar Nậm Ban puz pâuz: “Cơưv chi bôv mak cur hêik trâu pox nhuôs cov sir jos tu zus tsiêx cxu, kêiz ol chiê huôv tsar kinh têr chuôz zis. Muôx têz qơưk tsaz yênhx paz mak pox nhuôs cux tso tsês jux juk têx cêr nênhx, phongx cxưx pôngz kaz. Nhiv no pox nhuôs cux tưz sir jos cov tơưv đhâu yêiz pluôs, uô bluô nux”.

Chêix ntux yiêz lok, Nậm ban tưz tsik zos muôx têx pax txir đuô tơưs xưz, mak tsênhv zos têx kror hlôngr yiêz jông hâur qênhx shênhx cxiv tsa luz nênhx tsâu sor, shir phaz trâu tsôngv box Mảng. Têx hlôngr yiêz co muôx đros têx gôngx côngv lox txix cấp ủy ntơưv thax tsav qơư thâuv chor đảng viên uô tâu truôx jông tsưr ziv “đảng viên uô uô ntêx, pêx xênhv cơưv shâuv uô trơưk”. Khov muôx đảng viên paz, pêx xênhv tưz pâuz sir jos, sik côngv siêz, chiê huôv tsar tâu truôx, txêik tok iz shông yiêz tsâu sor. Zơưv Lò A Thương, nhoz jok Nậm Vạc 1, xar Nậm Ban hêik pâuz: “Đảng viên lơưr lok six sir jos khưr uô nox, uô kinh têr thiêz lơưr luz nênhx cux huôv tsar lok six jông. Hâur huôv tsar kinh têr, muk uô liêx, uô têz, chuôz zis tưs uô tsik huv zos chêix chiv mak đảng viên hêik pox nhuôs cov muk paz trâu chuôz zis ntơưr uô cov sêi”.

Lok trâu chor jêx jok tsôngv box Mảng nhoz Nậm Ban chêix ntux yiêz no, kror njiê pov xuz thơưx zos 2 saz ntus cêr muk trâu tsênhv qơư jok tưz muôx chor ntông cuêv fix lox njuôz jông, siêz txix 4-6 thiêr. Dưv anr chos cuêv fix tưz paz truôx tuk luz nênhx thiêz paz muôx nzir phênhv sâu trâu pox nhuôs. Zơưv Nguyễn Văn Đài, Phưv Chủ tịch Ủy ban xar Nậm Ban, huyện Nậm Nhùn puz pâuz: “3 shông đhâu, iz shông xav luz đraz xar chos huôv tsar tâu 80 héc ta ntâu. Txos six hơưv no tas nro chor cuêv fix sâuv thax tsav xar chos tâu muôx 290 héc ta ntâu. Chor cuêv fix huôv tsar lok six jông, pox nhuôs lok six shir phaz chos thiêz tu chor ntông no”.

Chêix ntux yiêz nhoz tox siêz Nậm Ban tưz tsik tiêk zos six hơưv muôx têx ntênhk hôiv, têx tsuv mor tsiêz shir phaz mak tsênhv zos kror hêik tơưv tâu tsôngv box Mảng li têx sir jos. Txơưv tsênhv yuôr ntâu txov nhêv, taz sik đros muôx chinhr quyền li sir jos, đros trâu sik côngv siêz, sir jos khưr uô nox, tsôngv box Mảng ntơưv Nậm Ban tsênhv yênhx hnuz sir jos hla đhâu têx phiv liv, cxiv tsa luz nênhx cov tsâu sor, truôx tuk nhoz thax tsav tox siêz Tây Bắc./.

Khắc Kiên-Lik Thox cxêik nhênhv

Tuôr tsês thiêz phuôx huiz tsôngv box Hmôngz nhoz tox siêz hâux lưv ntâuk hlâu cxôngx nzor

Yênhx hnuz, ntơưv tix lâus Xêir Tuôv xênhv Muôk, nhoz jok Har Tsor, xar Har Tsor, huyện Bắc Yên tỉnh Sơn La li kror qơư ntâuk hlâu suôz trâux cux đror tsik tsês hlo. Txix kror qơư no, tix lâus tưz uô tâu lok six ntâu zav hax huv chiê phưx vưv trâu pox nhuôs hâur jok sir zôngv hâur yênhx hnuz.

Tix lâus Xêir Tuôv Xênhv Muôk puz pâuz, tix lâus kror qơư no mak ntâuk hlâu hâur yênhx shông. Ntu thâuv nhoz khôngz tix lâus ntâuk triêv muôs trâu sơưr đơưk. Iz traz triêv tâu muôs gri 250-500 cxênhz đêiv khov trâu lox zâu thiêz têx zav kuôr hlâu chiê uô triêv. Iz hli xav tas côngz đas jos đros cxuô zav uô tix lâus sâu tâu xar muôx 4-5 triệu đêiv, paz trâu chuôz zis muôx nzir phênhv sâu:

Chiê uô tâu iz traz triêv lok sik têx zav chuôz zênhx txơưr mak tsuv moz siêz, sir jos uô thiêx tâu. Thâuv ntêx nạ njuôk xav chor kuôr hlâu chiê uô xưz, viv li têx thâuv mak txiêr tâu ntâu lok sik txiêr tâu tsơưs kruôr hlâu chiê ntâuk uô sênhv thiêz tuôr xuôv ntâu kuôr hlâu. Taz sik nhiv no chor kuôr hlâu tâu njuôk txiêr thiêz lux cov huv đros viv li ntâuk trâu têx triêv, txuôk, hlâu lok six huv đros trâu sơưr đơưk siêz nhiêv. Iz zav li ntâuk triêv: kuôr hlâu (phênhv ntâu zos txix chor nhíp yêz ô tô, xích mêir câuk ar, lam mêir cơư ntông) tâu njuôk, lux txiêr uô yênhx đêiv hnhar muôx 5 las. Zav triêv zâu mak hnhar txix 2-3 las xưz huv chiê ntâuk tâu chor triêv trơưk nênhs zuôr li siêz nhiêv lơưv.

Chor kuôr hlâu thâuv txiêr tâu mak tâu muôz hlơưr hâur kror chuz cov liêz đhâu co tâu yêv chox lok xuôk trâux ntâuk cov nhiêv jông xưk li traz triêv, fênhx hlơưr cov liêz thiêz ntâuk li cov tax zos yênhx traz triêv mak mav chox muk chênhv hâur đêx, lok sik zôngv tsơưz chiê chênhv cov zos yênhx traz triêv. Tas nro cxuô kror puôr lênhx tâu trơưk tsưr ziv uô cxôngx nzor, tsik zôngv txos chor mêir txiêr kuôr hlâu, mêir hor paz uô. Tix lâus Xêir Tuôv Xênhv muôk tror triêv, txuôk, hlâu tâu pox nhuôs hâur thax tsav thiêz nhoz têx thax tsav iz ndis li Mai Sơn, Mường La, Trạm Tấu (Yên Bái)… nhiêv txos thiêz tuôx zok zuôr chox muk sir zôngv viv chor triêv, txuôk co tâu uô jông, khor thiêz njê lok six jông chiê sir zôngv. Zơưv Vax Xênhv Hơưx, nhoz xar Nà Bó, huyện Mai Sơn, tỉnh Sơn La puz pâuz:

Tas nro xar Har Tsor, huyện Bắc Yên đrâuv tix lâus Xêir Tuôv Xênhv Muôk ziv chuôz zis tsênhv yuôr 5 lênhx nênhs mênhx cxưx Hmôngz txơưr tuôr tsês thiêz huôv tsar tâu hâux lưv ntâuk hlâu cxôngx nzor no.

Zơưv Đruôk Xênhv Hơưx, Chuv tịch Ủy ban xar Har Tsor puz pâuz: nhiv no xar tưz cxiv tsa tsưr ziv trơưk Ban Thường vụ Huyện ủy Bắc Yên li Nghị quyết lok tuôr tsês chiê thiêz phuôx huiz cxuô mênhx cxưx li têx tsiv gri vênhx huôv thiêz đề anr 1719 hêik têz qơưk tror paz iz phênhv tưs nhiêx txiêx chiê tuôr tsês thiêz phuôx huiz thax tsav qơư têx hâux lưv uô cxôngx nzor, hâur co muôx tsôngv box Hmôngz li hâux lưv ntâuk hlâu:

Lik Thox cxiv sâu thiêz cxêik nhênhv