Thành phố Sơn La taz por trâu shux xênhz tror tuôx trâu cơưv ntơưr

Đhâu 1 luz hlik ntâu cơưv ntơưr trực tuyến, 620 ntâu lênhx shux xênhz nhoz tsêr cơưv cxênhx 2 Nguyễn Trãi, TP Sơn La tưz tror tso shux xênhz muk tsêr cơưv chiê cơưv ntơưr. Chênhr zos uô truôx jông cxuô faz tsưr ziv phax tar moz huv đros, taz por trâu cán bộ, cưk kriê cux xưk li shux xênhz haur tsêr cơưv. Cưk kriê Hoàng Mạnh Hà, Phưv hiệu trưởng tsêr cơưv cxênhx 2 Nguyễn Trãi, TP Sơn La puz pâuz: “Pêz chox kriê têx cưk kriê sêiz car, tsưr tsix đoanx thể tsêr cơưv bax jông cxuô zav, taz por trâu shux xênhz tror tuôx cơưv ntơưr. Thôngx cxix, heik shux xênhz li niêv txir sik côngv đros tsêr cơưv, taz por shux xênhz zos nênhs moz F0, nênhs F1 tưz tas six hơưv cêv kuôk, njuôs siv tsi pov muôx caz moz thiêz muôx chính quyênx tiv phaz li cuiz tênhv mak tror tso tuôx trâu tsêr cơưv chiê cơưv ntơưr”

          Đhâu 1 luz hlik ntâu cơưv trực tuyến hâur tsêr, phênhv ntâu têx mê nhuôs shux xênhz tsêr cơưv cxênhx 2 Nguyễn Trãi puôr lênhx jông siêz tror tuôx cơưv ntơưr. Lơưr thôngz sâu, nhiv no, 100% lênhx shux xênhz 7,8,9 puôr lênhx tâu cxax yuôx phax moz côngz tiv 1, chor shuv xênhz cơưv lớp 6 tax tâu 50%. Iz lênhx shux xênhz puôr lênhx muôz siêz tsưr ziv phax tar moz trâu zuk thiêz tso siêz cơưv ntơưr. Shux xênhz Nguyễn Phương Linh, tsêr cơưv cxênhx 2 Nguyễn Trãi, TP SƠn La pheiz kênh: “Đhâu iz ntu pêz cơưv trực tuyến hâur tsêr thâuv tror tuôx cơưv ntơưr mak pêz lok six jông siêz. Thâuv cơưv ciês ntơuv tsêr cơưv pêz zuôr tâu cưk kriê kriê ciês têx jax ntơưr pêz tsi to tâuz thiêz tâu đros fôngx zưs cơưv uô cê mak zôngx ziv đuô”

          Hâur ntu cơưv trực tuyến, shux xênhz li hâux lưv cơưv shâuv yênhx tưv njiz têx phêv liv, tiv zix zos đros shux xênhz cơưv cxênhx 1. Viv tsi muôx cưk kriê kriê ciês ntơưv co, iz cxiê shux xênhz tsi chêx chôngk cơưv tâu. Txix qênhx shênhx co, têx tsêr cơưv tưz tsưr tsix kriê cxaz trâu shux xênhz, cê kriê yênhx tưv yiêz chiê taz por tsaz yênhx. Thôngx cxix, uô jông têx tsưr ziv kriê thiêz cơưv ntơưr chiê taz por trâu shux xênhz. Cưk kriê Nguyễn Thị Quế, Hiệu trưởng tsêr cơưv cxênhx 1 Chiềng Lề, TP Sơn La puz pâuz: “Chiê taz por yênhx tưv trâu shux xênhz, pêz zuôr chuôz tsar six hơưv kriê têx môn ndê txos 10-15 phênhz. Têx yênhx tưv tsênhv zuôr tâu lok zar hnuz keix, kriê cxaz chiê paz shux xênhz pâuz to tâuz. Đros shux xênhz cêv kuôk ntơưv tsêr mak tsêr cơưv heik cưk kriê kriê trực tuyến côngv đros ciês hâur lớp kriê cơưv”

          Lơưr Phongx zaoz zux TP Sơn La li thôngz sâu, đhâu 1 luz hlik cơưv trực tuyến, 18 cxênhz 800 ntâu lênhx shux xênhz tưz tror tuôx cơưv ntơưr, tax 70%; hâur co, têx tsêr cơưv cxênhx mê nhuôs zâu zos zuôr xar 40%, cxênhx 1 zos zuôr xar 80% thiêz cxênhx 2 zos 86% ntâu.

          Nganhx zaoz zux TP Sơn La heik têx tsêr cơưv tror yax mông, heik kriê uô jông cui tênhv phax tar moz. Bax tsưr ziv zaoz zux, tsưr ziv phax tar moz thâuv kriê thiêz cơưv ntơưr ntơưv tsêr cơưv. Đros tsêr cơưv bán trú, taz viv tsuôk tsưr tsix nox nhoz thâuv taz por phax tar moz; tsưr tsix tso shux xênhz nox, so ntơưv lớp cơưv; tsi njiz têx lớp txơưr.

          Đros trâu luôs hâux lưv tir thêir moz gênhk hâur tsêr cơưv huv đros, têx tsêr cơưv sâuv thax tsav TP Sơn La tsênhv sir jos cê taz por cưk kriê shux xênhz li đas jos, cê sir jos uô tiêr tsaz yênhx, tsưr ziv shông cơưv tso tơưv./.

Lê Hạnh-Txâur Vax cxeik nhênhv