Huôv tsar công nghiệp lơưr tsưr ziv truôx vênhk nhoz Yên Bái

Thôngz đhâu têx jiês cơưv njiz njêx muôs doanh nghiệp hâur niêx shông; hâur co, ntâu doanh nghiệp muôx dưv anr yưv pênhr uô jông, huv đros tênhx qơư, cxiv tsa tâu cêr sik côngv hâur tsiv uô…. Zơưv Đỗ Bảo Long, Giám đốc Công ty yuôx Yên Bái heik pâuz: Taz viv tưz cxiv tsa tsưr ziv yiêz, sir jos uô jông đuô; muôz têx xiv huv thâuv ntêx iz txưv tâu muôs ntâu nhoz thax tsav faz Bắc muôs trâu hâur tas nro têz qơưk thiêz sâuv ntiêx têz. “Lok sâuv doanh nghiệp, pêz zuôr sir jos nzaz nzơưv têx muôx jông ntơưv qơư cux iz zav li heik kriê nzir trâu chor nênhs nhênhz chơưv, viv luôs hâux lưv tsiv uô yuôx zos nuv uô lok six phiv liv, pêz cxiv tsa dưv anr uô li chas cov tax tâu jông, cê uô tâu hâux lưv trơưk li tsưr ziv, siêz xar, cux iz zav li huv đros tỉnh cêr huôv tsar cxuô”.

Cxiz cxiv tsa têx côngz trênhx cêr muk lol, lar heik zos chor cêr muk txix tsênhv qơư trâu chor qơư công nghiệp thiêz têx qox muk trâu txox cêr muk chênhr Nội Bài-Lào Cai, muôz tsưr ziv, sik đros huôv tsar uô nox, Yên Bái tưz thiêz tsênhv tâu têx lênhx nênhs yưv pênhr uô hâur thiêz đrâuv luôs 2 chas têz qơưk zok nriêr zuôr thiêz ntâuk grê siêz. Pos Lê Thị Lụa, thơưx hlôngr njêx muôs Tập đoanx Sưnwah Hồng Kông ntơưv Hà Nội heik pâuz: “Pêz pov chor hâu nov cux iz zav li tỉnh Yên Bái têx tsênhv chei muôx ntâu kror jông trâu nênhs yưv pênhr uô saz têz qơưk đrâuv; lar heik zos chor nênhs yưv pênhr moz siêz txos cxiv uô têx côngz trênhx, thax tsav công nghiệp, huôv tsar têx xiv huv kôngz-jôngr-đêx nuv thiêz no puôr lênhx zos pêz tập đoanx li têx uô tâu jông hâur ntâu shông yưv pênhr uô ntơưv Việt Nam”.

Đhâu 2 shông ntâu fuô uô Đại hội Đảng bộ tỉnh Yên Bái jiês tiv 9 li Nghị quyế, công nghiệp hâur tỉnh tưz chuôz tsar jông, puôr lênhx uô tiêr têx luôs hâux lưv tso tơưv. Ciês shông 2022, tsiv uô công nghiệp tax 15.500 ntâu tyv đeiv, bâuv 100% tâu tsưr ziv tso tơưv; huôv tsar tsiv uô công nghiệp tsar ndê 9% ntâu pir li shông uô ntêx.

Đros trâu tsưr ziv hlôngr yiêz tênhx qơư uô lax luôv, gra siêz đas jos, tsưr ziv đros luôs 2 chas thax tsav hâur têz qơưk huôv tsar uô nox lơưr Chính phủ Nghị quyết 02, Yên Bái cux zos thax tsav qơư tưz thiêz tsênhv uô jông đêx anr “paz max huôv tsar uô nox, hlôngr yiêz tsưr ziv” txos shông 2025. Hâur co tsuv heik txos hu zâuv lênhx nênhs yưv pênhr nhênhz chơưv yưv pênhr cxiv tsa thax tsav công nghiệp Trấn Yên, tưz tâu Thủ tướng Chính phủ cir hâur shôngk shông 2022, xav hur si têx pênhr yưv uô tas muôx 1.860 tyv đeiv ntâu. Zơưv Phạm Trung Lân, Phưv Giám đốc Sở Công thương tỉnh Yên Bái heik pâuz: “Tsuv hu zâuv tâu têx dưv anr yưv pênhr uô jông, chor dưv anr no zuôr nthuôr đêz đar, zos pưs txux zov chênhr chox kriê têx dưv anr mê sik đros uô, chiê sơưr đơưk huôv tsar uô tâu jông luôs hâux lưv co”.

Txix têx muôx jông hâur huôv tsar kinh tế thax tsav Tây Bắc, Yên Bái tsênhv sir jos cxiz huôv tsar công nghiệp, txix ntơư yênhx iz luz tỉnh huôv tsar sei thiêz truôx jông cxuô luôs hâux lưv tso tơưv./.

Đinh Tuấn-Riê Lâux cxeik, nhênhv

Phax tar caz moz ơưk trâu tsiêx cxu hâur chêix ntux sor

1. Kriz uô jông têx tsưr ziv ngaz tuk sinh học hâur tu zus:

- Tsêr guôx taz por vêv xênhz, lax nziês hâur chêix ntux sor, tsik yâu chuô; tsik so uô vêv xênhz têx tsêr guôx tu zus, sâu têx vuôz tsuôz, qir chox muk vâuv, nzuôr hur si têx qơư trâu krâur, trâu đêx hâuk…

- Sir zôngv hóa chất phax tar caz moz tsuv taz por tor huv đros, tsuôs huv zos li têx qơư uô hêik kriê; tsuôs huv kỹ thuật: Tsuôs txix sâur lok trâu hâur, tsuôs txix saz hâur lok trâu saz đrâuv jôngr. Tsêr guôx tu zus buô, kêiz ol tsuv muôx kror tuô lov caz moz ntơưv kror trôngx chiê tuô lov caz moz uô ntêx thâuv zuôr muk trâu hâur qơư tu zus.

- Zuôr nôngz tsiêx cxu lok tu zus txix têx qơư ngaz tuk, tsik muôx caz moz, pâuz tsênhz qơư, muôx cơ quan thú y li ntâuz ntơưr cungz jênhv qênhz yuôx caz moz. Zos tiêk tu zus ntâu paz, ntâu fâuv tsiêx hâur iz kror qơư, chor  paz nôngz nhiv kruôr zuôr lok zus tsuv tâu cêv kuôk tsơưs tiv zix 2 ciêz xuz thơưx, hâur ntu no, zos pov chor tsiêx cxu muôx jos, tsik muôx moz gênhs mak mav li muôz tso zus shơư trâu hâur kror qơư tu zus uô cê.

2. Cxax yuôx vắc xin phax tar caz moz lơưr cơ quan thú y hêik kriê, tiv zix zos vắc xin phax têx zav moz siz cik sêi phiv liv thiêz zôngx ziv uô txiêx cxu trâus tuôs siêz li: Tơưv ndâux hlê trâu, moz ơưk buô; vắc xin Newcastel, moz ơưk kêiz ol… Tsuv cxax yuôx huv zos li têx tsưr ziv kỹ thuật xưk li tsês chiê yuôx vắc xin, chor côngz yuôx, six hơưv cxax yuôx… chiê paz phax tar tâu jông caz moz.

3. Kriz uô cov têx qơư tu zus, tsêr guôx lax nziês; txo grêk tsơưs chor tsiêx tu zus hâur iz kror qơư; uô, tsês chiê zav nox chiê muôz trâu tsiêx cxu nox nzir; chuôz cxaz têx zav nox jâuz njuôz thiêz chor zav nox muôx ntâu vitamin; muôz nox têx zav nox paz uô trâu tsiêx cxu luz đros tsêr sor cuz; muôz txâuk đêx hur trâu chor txiêx cxu hâuk. Đros chor tsiêx lox li nhux, tưv, yil mak tsuv tso zus trâu ntơưv têx qơưk muôx txâuk nzôngr nzông thiêz đêx hâuk hur.

4. Hêik trâu chinhr quyền ntơưv qơư pâuz zos muôx caz moz huôv xênhz, tsik jêiz caz moz, tsik muôz chor tsiêx cxu muôs, tuô fêik thâuv trâus moz, tsik muôz chor tsiêx cxu tuôs por tsês trâu cxiê qơư. Hêik trâu ban thú y xar chiê tâu qênhz yuôx, kruôz kriê têx tsưr ziv tsoz phưz, chơưv kho thiêz paz yuôx tuô lov caz moz ơưk./.

TTDVNN-Lik Thox cxêik nhênhv