Lào Cai: Qơư uô jông hâux lưv hlôngr yiêz hành chính thiêz chênhz zênhv tsiv grê đhâu iz đraz six cxiv

Qir huôx tôngv txix ciês hâur six cxiv, Tsênhv quư phưx vưv hành chính côngz tỉnh Lào Cai tưz yênhx iz hâur têx taz viv uô ntêx nyuô lok hlôngr yiêz hành chính reik đros hlôngr yiêz số nhoz tiv phaz. Đros 25 chiz coaz, taz viv tos jênhv ntâuz ntơưr hồ sơ, muôz chêx cuk car chêx ntâuz ntơưr, iz hnuz tsênhv qơư no jênhv fênhx pheiz 300 ntâu jiês tsôngv box, chêx cuk tsi so hlôngr yiêz. Zơưv Hoàng Ngọc Bích, Giám đốc Tsênhv qơư pheiz kênh: “Shông 2023, đros lênhs tov tỉnh li chủ trương zos tror txu grês six hơưv car chêx ntâuz ntơưr hành chính viv xav tênhv tsênhv yuôr têx cor cav kuz chiê paz txu grês six hơưv, nhiêx txiêx uô ntâuz ntơưr trâu tsôngv box thiêz doanh nghiệp”

          Hâux lưv txu grês six hơưv car chêx ntâuz ntơưr hành chính tưz paz Lào Cai cxênhx txuôk tâu 700 tỷ đeiv ntâu txix ciês hâur six cxiv. Đhâu co jênhv tâu 99% ntâu ntâuk grê thôngx ziv hâur tas nro têx vênhv thix txix tsôngv box thiêz doanh nghiệp. Lơưr zơưv Trịnh Xuân Trường, Chủ tịch UB tỉnh Lào Cai, chính quyênx tâu krêz tơưv chiê phưx vưv tsôngv box thiêz doanh nghiệp. Viv li, hâux lưv hlôngr yiêz hành chính cux tso pov tiv phaz li yênhx tưv huôv tsar. Xar cov uô jông hâux lưv no tsuv muôx tas nro cxix luôk sik côngv uô; tiv zix zos chuôz tsar Đảng li lênhs tov reik đros MTTQ thiêz têx tsưr tsix chính trị xã hội li pưs txux seiz car. “Pêz cux muôx lok six ntâu hâux lưv, tsi zos hâux lưv tưs cux yênhx lix Ban chox kriê thiêz đ/c Bí thư cấp ủy tâu uô Tsar ban.  Taz sik tsênhz mênhx zos muôx đ/c Bí thư nhoz cấp huyện sik côngv uô mak zuôr lok six jông”.

          Đangv li Đại hội 13 xav tênhv hlôngr yiêz hành chính, cxiv tsa thiêz uô tiêr thể chế zos 1 hâur 3 jênhv vưv zov chênhr. Sâuv chinhz yênhx co, Tỉnh ủy Lào Cai tưz tso tơưv đề án số 14 chêx chôngk trâu jênhv vưv no. Zơưv Hoàng Giang, Phưv Bí thư Tỉnh ủy Lào Cai puz pâuz: “Tiv iz zos tsi chiê uô kênhz hâux lưv car chêx ntâuz ntơưr hành chính. Tiv oz zos tsi uô phêv liv trâu tsôngv box thiêz doanh nghiệp. Tiv 3 zos tsi uô ntâu hâux lưv tsi zuôr trâus thâuv uô ntâuz ntơưr hành chính sâuv têx vênhv thix”.

          Lơưr pos Đỗ Thanh Huyền, Chuyên gia phân tích chính sách công- Tsaz yênhx huôv tsar LHQ ntơưv VN, txơưv chor ntâuz ntơưr ziv hnuz ziv tâu car chêx sei thiêz ntâu, taz sik têx hâux lưv li “uô tsênhz mênhx”, “txơưx jênhv car chêx đros tsôngv box”, “ seiz car thaz huôz hâur thax tsav côngz” tsênhv zos têx vênhv thix Lào Cai njiz trâus, tiv zix zos vênhv thix ar têz: “Txơưv ntâuz ntơưr zos hâux lưv phêv liv, taz sik cán bộ, công chức tsuv uô jông zuk li jênhv vưv”.

          Chuyên gia Đỗ Thanh Huyền cux heik, thâuv xav tênhv tâu chính quyênx pưs txux zos phưx vưv, tiv zix zos tsuv muôx siêz xar phưx vưv tsôngv box, doanh nghiệp. Viv li, Lào Cai li jix vưv côngz tsuv tuôv zênhv tsôngv box hâur tỉnh tox siêz muôx ntâu vênhx huôv li zoz qơưx, muôx 2/3 jênh số zos tsôngv box mênhx cxưx tsơưs nênhs, chor ziv chuôz zis pluôs siêz, tâu pâuz txos internet tsơưs….Đrâuv co, Lào Cai cux tsuv tsov cưv đuô chiê yưv pênhr trâu cấp xã- qơư njiz ntâu phêv liv hâur uô côngz xưv; thôngx cxix, phuôx huiz têx teiv plor tsôngv box bo xeir li pưs txux chiê tsênhz tsênhz zos tul qox paz txuôk chính quyênx đros tsôngv box./.

An Kiên-Txâur Vax cxeik nhênhv

Lox tôngv nhuôs zâu thiêz chor uô niêv uô  txir li txơưx jênhv

Cêr chêi têz qơưk nhiv no cui tênhv “Niêv txir tsik sêiz hloz, sêiz kiz têx nhuôs, uô hiêv, ntâuk tsiv têx nhuôs; tsik tâu liv zôngv chor nhuôs tsik tâu hloz yênhx nênhs li đas jos; tsik tsuv zuôv mê nhuôv uô cxâuv têx cêr chêi têz qơưk, têx kror tsik jông tsik zos hâur xar hôiv” (Ntu 2, Grê 34 Chêi Siz zuôr thiêz chuôz zis).

Ntu 7, Grê 7 Chêi por vêv, tsoz phưz thiêz zoz zus nhuôs zâu cux cui tênhv “Txưr têx kror liv zôngv txos lox tôngv nhuôs zâu, chiê chor nhuôs uô têx hâux lưv hnhar, phiv liv lok sik buôs ti tâu têx tsơưr muôx tưx, uô têx hâux lưv txơưr tsik zos li cêr chêi têz qơưk têx cui tênhv lok lox tôngv”…

Thôngx cxix đros cui tênhv lok niêv txir li qênhx thiêz jênhv vưv trâu chor nhuôs, cêr chêi têz qơưk cux cui tênhv têx tsưr ziv chiê xưv lik niêv txir têx kror uô cxâuv lơưr jênhv vưv. Iz hâur têx tsưr ziv xưk li zos txo grêk niêv txir têx vax huôv đros thiêz chor nhuôs tsik tâu yênhx nênhs (Cui tênhv ntơưv Grê 41, Chêi Siz zuôr thiêz chuôz zis shông 2000).

Grê 10 Chinhr phuv li Nghị định sôr 87 hnuz 21/11/2001 lok xưv bluô uô cxâuv hành chính hâur siz zuôr thiêz chuôz zis cux cui tênhv: Bluô txix 100 cxênhz đêiv txos 500 cxênhz đêiv đros têx kror tsik xar tu, tsoz phưz mê nhuôs, liv zôngv chor nhuôs tsik tâu hloz yênhx nênhs li đas jos lok sik zuôv mê nhuôv uô têx luôs hâux lưv zuôv cêr chêi têz qơưk mak tsik tâu txâuk chiê xưv bluô lơưr txơưx jênhv hình sự. Bôv Chêi hình sự shông 1999 ntơưv Grê 228 cux cui tênhv tsưr ziv xưv bluô trâu têx kror uô cxâuv cui tênhv lok sir zôngv lox tôngv nhuôs zâu…

Ntơưv tỉnh Sơn La, chiê phax tar, pov, paz, uô cxuô kror chiê paz txo grêk tsơưs qênhx shênhx lox tôngv nhuôs zâu thiêz nhuôs zâu zôngx ziv zos yênhx lox tôngv, hnuz 30/8/2021, Ủy ban tỉnh tưz tso tơưv Cuêz tênhv sôr 2096 lok tsưr ziv kriz uô Tsaz yênhx phax tar, txo grêk tsơưs chor nhuôs zâu uô lox tôngv tsik zos cêr chêi têz qơưk têx cui tênhv ntu 2021-2025, tsưr ziv uô txos shông 2030; cxuô cấp, cxuô nganhx hâur tỉnh cux tso tơưv têx tsưr ziv chiê phax tar, txo grêk chor nhuôs zâu uô lox tôngv tsik zos cêr chêi têz qơưk têx cui tênhv. Hâur co, chor cơ quan uô hâux lưv no uô cov tiêr têx tsênhv chêi, cêr chêi têz qơưk lok phax tar, txo grêk tsơưs lox tôngv nhuôs zâu. Chuôz cxaz yax mông, zoz zux, gra siêz cxuô cấp ủy đảng, chính quyền cxuô cấp, têx doanh nghiệp, hợp tác xã, chor tsưr tsix, tiz nênhs thiêz côngv thôngx li txơưx jênhv lok côngz xưv no, txix co nzor pov tâu chor nhuôs zâu uô lox tôngv tsik zos cêr chêi têz qơưk thiêz nhuôs zâu zôngx ziv zos yênhx lox tôngv tsik zos lơưr cêr chêi têz qơưk, chiê muôx tsưr ziv phax tar thiêz paz cov ndar six hơưv, paz trâu chor nhuôs uô nênhx jông đros côngv thôngx thiêz huôv tsar jông đuô./.

Thu Thùy-Lik Thox cxêik nhênhv