Ntâu tsôngv box thax tsav tox siêz Yên Bái tâu muôz nhiêx bảo hiểm trâul pôngz hâux lưv uô

Niêv lâul Hoàng Thị Họa nhoz xã Mường Lai, huyện Lục Yên thâuv ntêx zos công nhân iz công ty nhoz Hải Phòng tâu 7 shông thiêz cxaz chuôz gôngr bảo hiểm trâul pôngz hâux lưv uô. Tiv luz nênhx txov nhêv, niêv lâul thor so hâux lưv thiêz tror lok ntơưv qơư. Hâur ntu so hâux lưv, niêv lâul muk đrav Văn phongx bảo hiểm trâul pôngz hâux lưv huyện uô ntâuz ntơưr tâu sơưv bảo hiểm trâul pôngz hâux lưv 6 luz hlik đros thiêz chor nhiêx xar muôx 3 tsov đeiv iz hlik. Niêv lâul cux tâu canr bôv nhoz no kriê uô ntâuz ntơưr, kriê zok nriêr hâux lưv uô ntơưv iz qơư xơưs tsôngk tril yo nhoz hâur thị trấn Yên Thế, huyện Lục Yên. “Thor so hâux lưv tror lok tsêr, cur tâu bảo hiểm trâul pôngz hâux lưv uô paz max. Tâu sơưv bảo hiểm trâul pôngz hâux lưv uô cux paz chuôz zis đơưk tâu iz phênhv tưs têx phiv liv”.

Uô công nhân tâu 5 shông nhoz iz công ty krêz uô thênh ntơưv tỉnh Quảng Ninh, taz sik viv lênhx niêv hnuz nhôngs siêz, tsi muôx đas jos uô nox, mê nhuôv ho tsênhv zâu, tix lâus Hành Xênhv Zax nhoz xã Làng Nhì, huyện Trạm Tấu tưz thor so hâux lưv txix hli 7/2022. Chiê txo grêk tsơưs têx phiv liv hâur ntu tsi muôx hâux lưv uô, tix lâus Hành tưz tâu Văn phongx bảo hiểm trâul pôngz hâux lưv uô thị xã Nghĩa Lộ (Yên Bái) uô ntâuz ntơưr tâu sơưv bảo hiểm trâul tsi muôx hâux lưv uô 5 luz hlik đros thiêz xar 3 tsov đeiv iz hlik. “Đhâu thâuv so hâux lưv, cur tâu canr bôv Văn phongx bảo hiểm trâul pôngz hâux lưv uô paz nhiêx txiêx thiêz cux tâu heik kriê zok nriêr nuv uô, viv li cur quyết tinhv zuôr tror mul zok nriêr hâux lưv uô chiê muôx phênhv sâu tâu txoz cxơưx trâu luz nênhx”.

Zơưv Lê Anh Văn, lênhx thơưx seiz car Bảo hiểm trâul pôngz hâux lưv uô, Tsênhv qơư dịch vụ nuv uô tỉnh Yên Bái heik pâuz: Chiê muôz jông six hơưv trâu nênhs lox tôngv thâuv lơưr tuôx uô têx ntâuz ntơưr tâu sơưv nhiêx paz viv trâul pôngz hâux lưv, Tsênhv qơư tưz lênhk txeik thiêz đơưk uô têx nuv heik sâuv chiê muôz nhiêx paz trâu nênhs lox tôngv đhâu têz qơưk Cổng dịch vụ côngz. Nênhs lox tôngv xar tâu paz mê njik lol têx nhiêx txiêx trâul pôngz hâux lưv uô, tsuôk muôx têx xor tôngx jông thiêz krêz mạng internet, muôx têx đas cir nộp têx ntâuz ntơưr heik cov tâu paz nhiêx trâul pôngz hâux lưv uô thiêz uô têx ntâuz ntơưr cik txos bảo hiểm co xưz: “Hâur ntu tâu sơưv nhiêx trâul pôngz hâux lưv uô, nênhs lox tôngv cux tsuv buôk ti muk krêz heik pâuz, zok nriêr nuv uô, pêz cux tror muôx têx hâux lưv trâu nênhs lox tôngv xeir huv đros zuk tsưr ziv, pênhr xưv, siêz nhiêv chiê nzor tror muôx tâu hâux lưv uô”.

Hâur 10 luz hlik shông 2022, Tsênhv qơư dịch vụ nuv uô tỉnh Yên Bái tưz lênhk txeik nênhs lox tôngv li 3.100 ntâu têx ntâuz ntơưr đas cir tâu sơưv Bảo hiểm trâul pôngz hâux lưv uô, xav hur si têx nhiêx muôz paz zos zuôr xar 50 tyv đeiv. Iz chas co, Tsênhv qơư tsênhv paz max 60 tsov đeiv ntâu trâu nênhs lox tôngv cơưv tsưr ziv uô nuv thiêz heik kriê têx hâux lưv uô trâu 3.100 ntâu lênhx nênhs. Zơưv Lê Văn lương, Phưv Giám đốc Sở Lox tôngv, saz pênhz thiêz xã hội  tỉnh Yên Bái heik pâuz: “Hlôngr yiêz tsưr ziv uô nuv chiê txo grêk tsơưs nênhs lox tôngv tsi trâul muk lol ntâu uô ntâuz ntơưr uz no. Gra siêz chor canr bôv lês uô têx hâux lưv heik sâuv li txux chi đơưk uô nênhs lox tôngv têx ntâuz ntơưr tâu sơưv nhiêx bảo hiểm trâul pôngz nuv uô cov tâu trơưk li sơưr đơưk tsưr ziv, siêz xar”.

Chiê bảo hiểm heik sâuv tror zos “qơư khov” truôx trâu nênhs lox tôngv, hâur ntu zuôr txos, Tsênhv qơư dịch vụ nuv uô, Sở Lox tôngv saz pênhz thiêz xã hội tỉnh Yên Bái zuôr tror lênhk txeik sơưr đơưk têx ntâuz ntơưr, đơưk uô têx cêr paz tsi muôx hâux lưv uô trâu nênhs lox tôngv cov tâu sei, zênhx max thiêz taz por trơưk cui tinhv; paz truôx tuk luz nênhx xênhz huôx, nox nhoz trâu nênhs lox tôngv trâul pôngz nuv uô, paz nênhs lox tôngv muôx nzir phênhv sâu tâu hâur ntu zok nriêr hâux lưv uô yiêz, taz por txiv ngaz xã hội ntơưv qơư./.

(Đinh Tuấn-Riê Lâux cxeik, nhênhv)