Têx hluôk nênhs yungz phongz Lai Châu thâuv ntêx phuôx huiz chinhz yênhx ntâuk zênhx tros châuz Điện Biên Phuv

Tưz 70 shông ntâu hnuz nhôngs, taz sik lênhx hluôk nênhs yungz phongz Lê Thị Thơm, nhoz tuêv jênh phố số 3, thị trấn Tân Uyên, huyện Tân Uyên (Lai Châu) cux tsênhv niêx hnuz khưr uô kôngz lôngk. Sâuv mênhv chêx đar 1hecta ntâu, pos khơưz 2 luz pas tu zus njês, cxiv tsa qơư tu zus tsiêx cxu li buô, keiz thiêz chos ntâu zav tsoz chos nox txir. Đros co, pos chuôz zis cux chos cxaz 3 hecta yuôx zêx thiêz uô qơư tsiv uô yuôx zêx kruôr…Khov txơưx njuôs xav, pos chuôz zis li trâur nuv kinh têr tso lok phênhv sâu yênhx puôk tsov đeiv iz shông. Pos Lê Thị Thơm pheiz kênh:

          “Zos iz lênhx hluôk nênhs yungz phongz thâuv ntêx, tâu tror lok tsêr cur truôx siêz txeik pênhr zênhx hangx, thêv tas pênhr tưz txeik nhoz huyện hội muôx cuiv puz cur txeik chiê uô trâur nuv vax pas guôx. Cur zuôr yuôx zêx thiêz uô cxaz iz cxiê hâux lưv txơưr viv li chuôz zis luz nênhx nhiv no ngaz tul, tsi txov nhêv li ntu tov ntêx”

          Phuôx huiz têx chiến sĩ Điện Biên ntơưv qơư tsav txênhz Điện Biên Phuv thiêz qơư tsav txênhz faz Nam li chinhz yênhx sir jos hla đhâu têx phêv liv, hâur cxiv tsav txênhz tir ntâus tros châuz Pháp thiêz Mỹ, 40 ntâu lênhx hluôk nênhs yungz phongz thâuv ntêx nhoz huyện Tân Uyên thâuv tror lok tiv phaz puôr lênhx sir jos cxaz chuôz huôv tsar kinh têr. Têx hội viên hluôk nênhs yungz phongz thâuv ntêx cux yax six sik njiz, sik pheiz kênh chênhz zênhv hâur tu zus, tsêz chos, sik paz max lok nôngz zuz, pênhr nhiêx chiê sik đros hla đhâu têx phêv liv, cxuôv cêr yeiz pluôs, sir jos uô bluô nux. Zơưv Nguyễn Xuân Cát, Chủ tịch Hội hluôk nênhs yungz phongz thâuv ntêx huyện Tân Uyên, tỉnh Lai Châu puz pâuz:

          “Ntu tsênhv tir ntâuk tros châuz muôx têx lênhx nênhs jông txơưv phêv liv li chas cux sir jos hla đhâu. Ntu nhiv no cux li ntơưv, sir jos hla đhâu cêr yeiz pluôs viv li têx đồng chí hluôk nênhs yungz phongz thâuv ntêx lok six sir jos cxaz chuôz têx phongz yaox, cxiv tsa kinh têr chuôz zis li chos yuôx zêx, chos blêx, chos ntông nox txir, tu zus tsiêx cxu…chox lok chêx cuk kinh têr trâu chuôz zis. Txix thâuv muôx phongz yaox hội viên sik paz max uô kinh têr, txos nhiv no tsưr tsix hội tsi muôx ziv chuôz zis pluôk thiêz”.

          Hâur ntu tir ntâuk tros châuz Pháp, yênhx cxênhz lênhx hluôk nênhs zos tsôngv box mênhx cxưx Lai Châu tưz sơưr cêr muk uô bộ đội thiêz cxaz chuôz phưx vưv jiês ntâuk tsav. Chiê bộ đội tso siêz tir ntâuk tros, tsôngv box têx mênhx cxưx tiv phaz tưz gôngr 2 cxênhz 600 ntâu tênhr cxur, 226 tênhr greix thiêz 210 tênhr jâuz njuôz. Đros co, tiv phaz cux huiz tôngv zuôr xar 17 cxênhz dân công, đros zuôr xar 570 cxênhz hnuz côngz đros nênhk thâux, fuôx gox thiêz ntâu chuôz zênhx chiê uô cêr yêz thâux fov lox thiêz bộ đội muk đhâu, gôngr phênhv uô zênhx liv jiês tsav txênhz lix xưv Điện Biên Phuv nto bê tas nro ntiêx têz pâuz txos.

          Zơưv Đào Văn Minh, Chủ tịch Hội hluôk nênhs yungz phongz thâuv ntêx tỉnh Lai Châu puz pâuz: Txix 1 cxênhz ntâu lênhx hội viên thâuv yênhx lix, nhiv no tas nro tỉnh Lai Châu tsênhv yuôr 600 ntâu hội viên. Phuôx huiz têx cxênhx hluôk nênhs yungz phongz tov ntêx li chinhz yênhx, tiv zix zos hluôk nênhs yungz phongz cxaz chuôz tir ntâuk tros ntơưv qơư tsav txênhz Điện Biên Phuv, têx cxênhx hluôk nênhs yungz phongz thâuv ntêx thâuv tror lok tiv phaz puôr lênhx nhoz uô nênhx jông, sir jos huôv tsar kinh têr, cxuôv yeiz thiv pluôk.

          “Đros chinhz yênhx sir tas đas jos trox nya, tơưv txênhz nhoz têx qơư tsav txênhz, tiv zix zos nhoz Điện Biên Phuv thiêz phax tar tros châuz Mỹ thâuv têx đồng chí lok tiv phaz mak cux lok six sir jos cxaz chuôz têx huôx tôngv. Ntâu đồng chí cxaz chuôz câó ủy, chính quyênx tiv phaz thiêz iz cxiê tsưr tsix têx hội txơưr li: bí thư chi bộ, tsar jos, mặt trận. Pêz thiêz hội viên tas nro tỉnh puôr lênhx uô jông têx chính sách, Đảng thiez têz qơưk li chủ trương, tiv zix zos nội quy, quy chế Hội. Niêx shông pheiz zav đảng viên, têx ziv chuôz zis puôr lênhx tax jông ndê muk”.

          Txix siêz sir jos, têx hluôk nênhs yungz phongz thâuv ntêx nhoz Lai Châu tưz sir jos hâur huôv tsar uô kinh têr chuôz zis, ziv hnuz ziv khav tênhv tâu zuk li pưs txux hâur xã hội thiêz zos đeiv iêr chi cax luk chiê cxênhx hluôk nênhs cơưv shâuv uô lơưr. Txơưv hâur ntu tsav txênhz lok sik ntu têz qơưk tưz tâu tiêx tul, têx hluôk nênhs yungz phongz thâuv ntêx no cux truôx siêz hla đhâu cxuô phêv liv, gôngr zuk li iz phênhv đas jos chiê cxiv tsa jêx jos, têz qơưk ziv hnuz ziv bluô nux, vav mênhx./.

Khắc Kiên-Txâur Vax cxeik nhênhv

Tsêr nhiêx Kôngz nuv Agrribank heik tsôngv kruô sơưr đơưk tsuv chênhr phax lok têx nênhs fêv tsưr ziv nziêk đas

Chor nênhs fêv têx tsưr ziv nziêk đas yiêz:

1. Tsôngv pêx xênhv tsik uô trơưk têx tin nhắn yưv SMS lok sik tsêr nhiêx têx mông, mạng xã hội xa kriê krêz uô trơưk li têx nênhs fêv heik lok sik tso tơưv têx mông jông, zuôr tâu puz cxuô zav huv thiêx tsik trâus chor nênhs fêv nziêk đas.

2. Tsik uô trơưk chor nênhs fêv đas nziêk tiêk, zos nênhs uô hâux lưv hâur tsêr nhiêx cov muk gra nhiêx hâur thẻ. Txix ntơư, nênhs fêv zuôr pâuz tâu zuk têx mông cik txos muôx nhoz hâur thẻ tsês nhiêx.

Tsêr nhiêx Kôngz nuv Agrrinbank heik tsôngv kruô tsuv chênhr phax:

1.Chênhr phax thâuv txeik tâu tin nhắn muôx SMS, qênhz yuôx shuôs têx mông txeik tâu thiêz tsi uô trơưk chor nênhs fêv co heik kriê.

2.Chênhr phax thâuv krêz seiz tsêr nhiêx li mạng xã hội Facebook, Zalo...zos tsi pâuz tsênhz nênhs, co chênhr zos chor nênhs fêv nziêk đas.

3.Chênhr phax thâuv krêz website tsi zos tsêr nhiêx kôngz nuv li website lok zos mê jông xưk li tsêr nhiêx Kôngz nuv website. Ntơư cux zos chor nênhs fêv nziêk đas.

4.Sơưr đơưk tsi kriê zuk têx mông uz no li: Bê hu, sôr thẻ, sôr tài khoản gra nhiêx.....trâu luôs lưv tus đhâu heik kriê, tin nhắn, hu xor tôngx thâuv tsi pâuz tsênhz tus nênhs co zos lênhx tưs.

5.Tsi hu, tsi muôz zuk têx mông uz no, sôr chứng minh nhân dân, căn cước công dân, ntơưr hộ khẩu trâu lưv tus, zos tsi pâuz tsênhz lênhx nênhs co đhâu sâuv mạng xã hội, đhâu xor tôngx, txơưv lơưr tiêk zos công an, cơ quan qênhz yuôx, nênhs uô hâur lưv hâur tsêr nhiêx....co chênhr zos chor nênhs fêv nziêk đas.

6.Sơưr đơưk tsuv jêik jông têx mông cik txos zuk, gra siêz tsưr ziv jênhv pâuz lok por hưv truôx zuk têx xor mông.

7. Tsik uô trơưk têxpâuz tsik mênhx đhâu gra nhiêx, xa nhiêx txiêx trâu luôs lưv tus đhâu tin nhắn xor tôngx (SMS).

8. Jêik truôx jông zuk têx mông tsi chiê lưv tus pâuz đhâu thâuv krêz hâur luôs lưv tus luz xor tôngx, meir tính.

9.Zos lênhx nênhs tưs tưz niêk, uô trơưk li luôs lưv tus heik mak tsôngv pêx xênhv tsuv zênhx max muôz zuk qơư kriz xor mông hâur xâur tsês ciês thiêx tsik trâus chor nênhs fêv nziêk đas./.

Hồng Việt-Riê Lâux cxeik, nhênhv