Yên Bái uô truôx luôs hâux lưv sik côngv sâu zuôr xiv huv OCOP

Huôv tsar xiv huv OCOP txix xênhv nênhs li têx yuôx đrox njuôz chax chês, yênhx lix HTX ntơưv thax tsav jôngr chos yuôx đrox njuôz Văn Yên, HTX Tĩnh Dung, nhoz thị trấn Mậu A, huyện Văn Yên ziv nto bê zos “Yuôx đrox njuôz Đại Phú An” thiêz tsênhv sir jos ndar txos ntâu tỉnh, thành phố sâuv tas nro têz qơưk. Pos Trần Thị Nhung, lênhx nênhs hâur HTX Tĩnh Dung pheiz kênh: “Pêz tưz chox xiv huv muôs tơưv trâu niêv ciêz sâuv ntiêx têz chiê heik kriê thiêz tâu nênhs sir zôngv lok six nhiêv txos, pêz cux muôx têx trus huôv tsar, muôz siêz tsơưr lươngv xiv huv, ndar txos xiv huv OCOP thiêz zuôr txos zos cxiv uô dự án tsêr meir tax ploz tsênhr GMP chiê muôz siêz tsơưr lươngv xiv huv”.

          Shông 2020, HTX tsiv uô xiv huv kôngz nuv Tây Bắc Hiền Vinh, huyện Yên Bình tâu yênhx lix, muôv muôs têx zav njês kruôr. Chiê cxiv tsa suôz bê chox xiv huv muôv muôs trâu sâuv niêv ciêz, txix ciês thâuv yênhx lix, HTX tưz cxiv tsa cơ sở cxuô zav jông txix tsiv uô, muôv muôs xiv huv. Pos Đồng Thị Hiền, Giám đốc HTX puz pâuz: Txơưv tsiv uô tsênhv zos têx xiv huv txix njês tu zus sâuv pas, taz sik muôx ntâu zav xiv huv phưx vưv tsôngv kruô li zoz qơưx seiz shuôs, sâu zuôr, HTX tưz cxiv tsa qơư piêr muôs, heik kriê têx xiv huv OCOP jông hâur têx HTX hâur tỉnh, sik côngv đros ntâu doanh nghiệp, HTX nhoz têx tỉnh hâur thax tsav faz Bắc, sik côngv hâur hâux lưv cungz thiêz muôx zoz qơưx sâu zuôr: “Thâuv cxiv tsa bê xiv huv OCOP pêz tưz muôs đêz đar sâuv tas nro têx tỉnh thành thiêz tâu chôngz lênhx nênhs nhiêv sir zôngv txos đuô”

          Chênhr hâux lưv chuôz tsar uô têx huôx tôngv sik côngv sâu zuôr muôv muôs xiv huv OCOP, xiv huv tiv phaz tâu muôs txos niêv ciêz tưz paz jông chiê tos muôv muôs thiêz tos sâu zuôr sik côngv jông đuô, cxênhx txuôk nhiêx txiêx, cxơưz tiês zuôr muôs hax huv, gôngr phênhv yênhx lix sik côngv truôx vênhs, car chêx muôx chêx cuk têx vênhv thix muôx yưv hâur huôx tôngv zuôr muôs hax huv. Zơưv Nguyễn Duy Phương, Giám đốc HTX  Lục Nam, tỉnh Bắc Giang puz pâuz: “Cur pov têx sở ban nganhx nhoz tỉnh Yên Bái sik côngv uô jông, chox têx xiv huv kôngz nuv tỉnh sik côngv đros têx tỉnh txơưr. No zos têx mak pêz zuôr muôx ziv chênhv thix ziv pêz luz tỉnh chiê cơưv shâuv uô lơưr”

          Đhâu 5 shôngk ntâu krêz uô tsaz yênhx iz xã iz xiv huv, txos nhiv no tỉnh Yên Bái tưz muôx 245 xiv huv OCOP. Zơưv Trịnh Văn Thành, Phưv Giám đốc Sở công thương tỉnh Yên Bái puz pâuz: “Hâux lưv sir zôngv công nghệ thôngz xor mông chiê uô hâux lưv heik kriê, cxơưz cxiz muôv muôs xiv huv haur tỉnh heik cxuô, têx xiv huv OCOP heik taz ziv huôv tsar tưz paz Yên Bái li têx xiv huv ziv tâu heik kriê đêz đar, tsi taz hâur têz qơưk mak tsênhv sâuv ntiêx têz thiêz”

          Chiê krêz đar niêv ciêz sâu zuôr, muôv muôs hax huv, hâur ntu đhâu, tỉnh Yên Bái cux chox kriê têx nganhx muôx txơưx jênhv, Tsênhv qơư cxiz côngz thiêz muôv muôs tsưr tsix têx ntênhs ciêz heik kriê, muôv muôs têx tiv phaz li siv huv hax huv thôngz đhâu ứng dụng điện tử, lok sik sik côngv đros têx siêu thị, tsênhv qơư muôv muôs…Đhâu co, tuôv zênhv nênhs sir zôngv li zoz qơưx, gôngr phênhv muôz siêz phênhv sâu trâu tsôngv box thiêz chuôz cxaz phênhv sâu tâu doanh nghiệp, HTX sâuv thax tsav tỉnh./.

Đinh Tuấn-Txâur Vax cxeik nhênhv