Sor so chor tsêr niêv côngv siêz nhoz Lào Cai

Uô kror hâux lưv zos paz trâu cxiv tsa vax tsêr, phênhv sâu tsik truôx, cê cxênhx txuôs nhiêx txiêx chiê tu niêv tưz lâul thiêz 3 tuk mê nhuôv tsênhv nhoz hnuz nhôngs cơưv ntơưr, ntâu shông đhâu tix lâus Trần Quốc Thắng, nhoz jok Thác, xar Cam Đường, thành phố Lào Cai thiêz chuôz zis cux tsênhv uô tsik tâu tâu iz luz tsêr khor truôx chiê nhoz hlo. Hmôngr jông, tâu têz qơưk paz 100 triệu đêiv chiê cxiv uô tsêr nhoz, kror cêr cxơưx co tưz tâu đơưk kho: “Thâuv ntêx, tsêr ntông đaz tuôs lav nhoz xưz, txos thâuv ntux lok nas mak xâu nas chuôs tsi, tsik jông nhoz hlo. Hmôngr jông muôx chinhr quyền xar thiêz chor ban, nganhx paz chiê uô tsêr nhoz. Nhiv no cur tưz tso siêz đuô tsik cxơưx txos ntux nas chuô lơưv”.

Hâur 10 luz hli shông 2022, thành phố Lào Cai tưz huiz tôngv tâu muôx 3 tiv đêiv ntâu trâu cuiv viv nênhs pluôs, ntâu đuô 3 jiês pir li shông 2021. Chor nhiêx cuiv no tưz tâu muôz phênhv ntâu chiê paz cxiv tsa côngz trinhx trâu 40 ziv chuôz zis txov nhêv lok tsêr nhoz. Zơưv Đoàn Văn Ngàn, Chủ tịch ủy ban Mặt trận Têz qơưk thành phố Lào Cai puz pâuz: “Nhiêx txiêx mak pêz hêik cov sơưr đơưk paz thôngz đhâu paz ciês trâu chor chuôz zis sâuv thax tsav thành phố Lào Cai, hêik pêx xênhv, chor chuôz zis sâuv thax tsav tsuv muôx txơưx jênhv cxuô lok chor nênhs thiêz nhiêx txiêx chiê uô, thiêz muôx chor chuôz zis nhoz sâuv thax tsav paz hnuz côngz chiê uô”.

Txix hâur shôngk shông 2011 txos nhiv no, Ủy ban Mặ trận Têz qơưk cxuô cấp tỉnh Lào Cai tưz paz cxiv tsa yiêz thiêz kho đuô 4.300 ntâu luz tsêr niêv côngv siêz, đros tas nro nhiêx txiêx uô muôx 60  tiv đêiv ntâu. Iz luz tsêr tâu uô tiêr zos iz kror jông chiê paz trâu chor nênhs pluôs. Pos Bàn Thanh Thảo, Phưv Chủ tịch Ủy ban Mặt trận Têz qơưk tỉnh Lào Cai hêik:“Tiv iz zos tsuv sir jos uô côngz xưv yax kriê, hêik chor tsưr tsix, tiz nênhs hâur tas nro tỉnh tsêx trung paz cxiv tsa trâu cuiv viv nênhs pluôs. Tiv oz zos chox kriê Ban Thường trực Mặt trận Têz qơưk chor xar sik côngv đros Ủy ban đros cấp, chor tsưr tsix thành viên tsêx trung qênhz yuôx chor chuôz zis pluôs, zuôr xar pluôs sâuv thax tsav tas nro tỉnh txov nhêv lok tsêr nhoz chiê thâuv kriz uô mak uô tâu truôx jông, tax tâu pêx xênhv nhoz ntơưv qơư li zoz qơưx tsênhv tsênhz”.

Cxiv tsa tsêr niêv côngv siêz hêik tơưv tâu Đảng, Têz qơưk li tsov cưv txos chor chuôz zis muôx luz nênhx txov nhêv. No tưz tsik zos kror paz lok cxuô zav, mak tsênhv zos kror paz trâu chor chuôz zis pluôs tso siêz đuô, sir jos huôv tsar uô nox, txo grêk cêr yêiz pluôs./.

(An Kiên-Lik Thox cxêik nhênhv)

Ntâuz ntơưr tsês trâu nôngx mênhx

Nam: HEIK KRIÊ TSƯR ZIV CHOS POZ CƯK CHIV TSÂUX

Nữ: HEIK KRIÊ TSƯR ZIV CHOS POZ CƯK CHIV TSÂUX

Nam: Chiv cheix

Nữ: Tsov lơưr qênhx shênhx qiv hơưv thiêz yênhx tiv phaz chiê xeir chiv cheix huv đros tiv zix. Iz cxiê thax tsav jông chos li (ar tiêx, chuv tôngv zưs tâu đêx...) mak sâu kôngz chiv no tas ho tror chos chiv txơưr.

Nam: Nôngz chos

Nữ: Zôngv nôngz poz cưk hloz lox sei, muôx đas jos, tsơưs trâus caz hmoz uô hiêv, yar lengx siêz, chos tuôz tâu, tir tâu ntux kruôr li: VN 172, ĐH17-5, LCH 9, PSC 747, NK7328...

Nam: Tsưr ziv chos.

Nữ: Nthuô tas đrox, uô ar yênhx têx hax. Nhoz thax tsav qơư kis, tox siêz chos poz cưk chiv tsâux sâuv tơư ar 2 chiv blêx mak tsuv uô jông uô ar. Zôngv meir chiê tsêz poz cưk lơưr yênhx hax, tsêz tas zôngv môngr ar vôngz. Ar chiv tsâux tsuv chos nôngz tưz qir tuôx câuk lok sik chos zuz chiê taz por chor tsoz chos, cxênhx txuôk côngz lox tôngv.

Nhạc cắt

          Nam: Nôngz thiêz tsưr ziv tsêz chos:

          Nữ: Chos 27-30 cir nôngz sâuv iz hecta; chos 7-8 vav tsoz sâuv iz hecta; iz tsoz kuôk iz tsoz muôx nhos 2 đok ntâu.

          Nam: Zuôv qir.

Nữ: Zuôv 8-10 tênhr sâuv iz hecta qir guôx lok sik 2cxênhz 500 cir qir hữu cơ vi sinh zuôv uô ntêx thâuv chos. Qir đạm urê zuôv 340-350 cir, lân supe 600-650 cir, kali 165-170 cir; zuôv jiês tiv 1 thâuv poz cưk tuôx tâu 5-7 blôngx (tas nro qir lân côngv đros 1/3 qir đạm thiêz ½ qir kali); jiês 2 zuôv thâuv poz cưk tuôx 9-10 blôngx ( 1/3 qir đạm côngv đros ½ qir kali); jiês tiv 3 zuôv uô ntêx thâuv cxơưr poz muôx nhos 10 hnuz, zuôv chor tsênhv yuôr. Zos zôngv qir NPK, tsuv xeir qir thiêz tsưr ziv zuôv chiê jông tiv zix.

Nam: Tsưr ziv tsoz phưz thiêz phax tar caz hmoz

Nữ: Tsoz phưz nzor chiê poz cưk muôx jos huôv tsar, phax tuô caz hmoz, nthuô đrox nzor, tiv zix zos caz tho nox car kuôr cưk...Zưs txâuk đêx, đros thax tsav qơư kis, thax tsav tox siêz tsuv bax chiv chos taz por tsi chiê trâus ntux kruôr gis, tiv zix nhoz têx ntu uô ntêx, haur thiêz đhâu thâuv cxơưr poz, uô nxuô.

Ntâuz ntơưr kruô kriê trâu nôngx mênhx zos Chiz coaz Đeix nta suôz VN thax tsav Tây Bắc uô. Tsaz yênhx muôx Tsênhv qơư cxiz kôngz têz qơưk paz txưv uô./.

(VOV4-Txâur Vax cxeik nhênhv)