Sor so chor tsêr niêv côngv siêz nhoz Lào Cai

Uô kror hâux lưv zos paz trâu cxiv tsa vax tsêr, phênhv sâu tsik truôx, cê cxênhx txuôs nhiêx txiêx chiê tu niêv tưz lâul thiêz 3 tuk mê nhuôv tsênhv nhoz hnuz nhôngs cơưv ntơưr, ntâu shông đhâu tix lâus Trần Quốc Thắng, nhoz jok Thác, xar Cam Đường, thành phố Lào Cai thiêz chuôz zis cux tsênhv uô tsik tâu tâu iz luz tsêr khor truôx chiê nhoz hlo. Hmôngr jông, tâu têz qơưk paz 100 triệu đêiv chiê cxiv uô tsêr nhoz, kror cêr cxơưx co tưz tâu đơưk kho: “Thâuv ntêx, tsêr ntông đaz tuôs lav nhoz xưz, txos thâuv ntux lok nas mak xâu nas chuôs tsi, tsik jông nhoz hlo. Hmôngr jông muôx chinhr quyền xar thiêz chor ban, nganhx paz chiê uô tsêr nhoz. Nhiv no cur tưz tso siêz đuô tsik cxơưx txos ntux nas chuô lơưv”.

Hâur 10 luz hli shông 2022, thành phố Lào Cai tưz huiz tôngv tâu muôx 3 tiv đêiv ntâu trâu cuiv viv nênhs pluôs, ntâu đuô 3 jiês pir li shông 2021. Chor nhiêx cuiv no tưz tâu muôz phênhv ntâu chiê paz cxiv tsa côngz trinhx trâu 40 ziv chuôz zis txov nhêv lok tsêr nhoz. Zơưv Đoàn Văn Ngàn, Chủ tịch ủy ban Mặt trận Têz qơưk thành phố Lào Cai puz pâuz: “Nhiêx txiêx mak pêz hêik cov sơưr đơưk paz thôngz đhâu paz ciês trâu chor chuôz zis sâuv thax tsav thành phố Lào Cai, hêik pêx xênhv, chor chuôz zis sâuv thax tsav tsuv muôx txơưx jênhv cxuô lok chor nênhs thiêz nhiêx txiêx chiê uô, thiêz muôx chor chuôz zis nhoz sâuv thax tsav paz hnuz côngz chiê uô”.

Txix hâur shôngk shông 2011 txos nhiv no, Ủy ban Mặ trận Têz qơưk cxuô cấp tỉnh Lào Cai tưz paz cxiv tsa yiêz thiêz kho đuô 4.300 ntâu luz tsêr niêv côngv siêz, đros tas nro nhiêx txiêx uô muôx 60  tiv đêiv ntâu. Iz luz tsêr tâu uô tiêr zos iz kror jông chiê paz trâu chor nênhs pluôs. Pos Bàn Thanh Thảo, Phưv Chủ tịch Ủy ban Mặt trận Têz qơưk tỉnh Lào Cai hêik:“Tiv iz zos tsuv sir jos uô côngz xưv yax kriê, hêik chor tsưr tsix, tiz nênhs hâur tas nro tỉnh tsêx trung paz cxiv tsa trâu cuiv viv nênhs pluôs. Tiv oz zos chox kriê Ban Thường trực Mặt trận Têz qơưk chor xar sik côngv đros Ủy ban đros cấp, chor tsưr tsix thành viên tsêx trung qênhz yuôx chor chuôz zis pluôs, zuôr xar pluôs sâuv thax tsav tas nro tỉnh txov nhêv lok tsêr nhoz chiê thâuv kriz uô mak uô tâu truôx jông, tax tâu pêx xênhv nhoz ntơưv qơư li zoz qơưx tsênhv tsênhz”.

Cxiv tsa tsêr niêv côngv siêz hêik tơưv tâu Đảng, Têz qơưk li tsov cưv txos chor chuôz zis muôx luz nênhx txov nhêv. No tưz tsik zos kror paz lok cxuô zav, mak tsênhv zos kror paz trâu chor chuôz zis pluôs tso siêz đuô, sir jos huôv tsar uô nox, txo grêk cêr yêiz pluôs./.

(An Kiên-Lik Thox cxêik nhênhv)

Kriê pêx xênhv tsưr ziv uô kôngz

Nam: Kriê tsưr ziv chos tâuv pâur chiv ntux tsâus

Nữ: Kriê tsưr ziv chos tâuv pâur chiv ntux tsâus

Nam: Six hơưv chos: Txix hnuz 15/9 txos xiêz 05/10

Nữ: Nôngz chos

-Nôngz tâuv pâur ĐT26: Six hơưv, hnuz nhôngs chiv ntux tsâus tâuv pâur hloz lox txix 89-91 hnuz. Chor tâuv pâur no tơưs pax đơưz, nôngz đax, thâuv siêr luz tâuv mê njik đuz txis. Iz ha ntâuk sâu tâu 21-29 tạ. Tsi yuô trâul caz hmoz tho nox uô ruôr hiêv, tsi yuô kâus, vâu lor.

-Nôngz tâuv ĐT51: Six hơưv hloz lox txix 88-90 hnuz. Tơưs pax sxiêr, nôngz đax jông gâux. Iz ha ntâuk sâu tâu txix 22-30 tạ. Tsi yuô caz tho nox uô ruôr hiêv.

-Nôngz tâuv ĐT34: Six hơưv hloz lox txix 87-90 hnuz. Tơưs pax đơưz, tơưr thiêz luz nôngz tâuv thâuv siêr mak yiêz, jông gâux. Iz ha ntâuk sâu tâu 25-26 tạ. Tsi yuô trâul caz tho nox.

Nam: Tsưr ziv uô ar thiêz chos:

Nữ: Uô ar (têx ar têz mê njik nông, tsi muôx đêx tênhr): Lêix thiêz muôz huk, kho cov tiêx uô têx hax chiê đêx ntưk tâuk. Iz hax co đar 1,5 thiêr, siêz xar iz đok. Zôngv hlâu thoz huk uô caz chiê tsêz nôngz tâuv trâu. Iz caz kuôk iz caz muôx iz đok ntâu, iz luz kror mak trâu muôx nhos 2-3 luz nôngz tâuv. Trâu nôngz tâuv tas hâur kror sơưr đơưk muôz ar phôngz trâu lok sik kuôr blêx bos trâu. Iz ha mak chos tas 70-75  cir nôngz.

Nam: Zuôv qir:

Nữ: Zuôv qir hữu cơ: 30-36 cir; qir urê: 2-3 cir; qir lân Supe 10 cir; kali clorua 4-5 cir trâu 360 xưv phaz ar têz.

Nam: Tsưr ziv zuôv qir:

Nữ: Đros thiêz chor tâuv pâur chos hâur têx ar liêx têz mê njik nông mak suv zuôv puô qir lân, qir hữu cơ.  Zuôv cxiz jiês 1: ½ qir đạm, kali thâuv têx tâuv pâur muôx 2-3 đeiv blôngx; zuôv cxiz jiês 2: ½ qir đạm, kali thâuv tâuv pâur muôx 4-5 đeiv blôngx. Uô ntêx thâuv zuôr chos tsuv muôz ar phôngz trâu sâuv tox chor qir zuôv puô co, têx nôngz tâuv thiêx tuôx jông.

Đros thiêz tâuv pâur chos hâur têx liêx têz ntuz nông đhâu sâu blêx tas: Zuôv qir cxiz jiês 1: ½ qir đạm, kali thâuv tâuv pâur muôx 2-3 đeiv blôngx; Zuôv cxiz jiês 2: Trâu tas nro chor qir đạm, kali tsênhv yuôr thâuv tâuv pâur muôx 4-5 đeiv blôngx. Seiz shuôs chor tâuv sêz jông lok tsi jông, sơưr đơưk fmông nzir qir Komix trâu chiê têx tâuv hloz lox sei. Tsưv ziv, tsi trâu qir thâuv têx blôngx tâuv tsênhv ntuz, zos trâu thâuv co chor blôngx tâuv zuôr trâul cuz hnhiêz.

Nhạc cắt

Nam: Tsưr ziv tsoz phưz:

Nữ: Đhâu chos tas 5-6 hnuz, sơưr đơưk muk qênhz shuôs seiz chor tâuv pok tuôx jông. Zos kror tưs tuôx siz mak yiz têx thax tâuv tuôx tuôz ntơư lok chos nzir trâu.

-Tsoz phưz jiês 1: Thâuv tâuv muôx 2-3 đeiv blôngx. Nthuô đoz đrox đros trâu zuôv qir cxiz jiês iz, đhâu 3-4 hnuz mak zuôv qir thiêz tsuôs yuôx tuô lov caz hmoz.

-Tsoz phưz jiês 2: Nthuô uô đrox jiês tiv 2, zuôv qir cxiz jiês 2, bôngk hâur pâuk thâuv têx tâuv muôx 4-5 đeiv blôngx. Taz por cov ar nông jơư têx tâuv thiêx hloz lox jông.

-Taz por ar têz nông, tsưv ziv txos thâuv ntu tâuv nhiv kruôr tuôx câuk, tơưs pax, muôx pluôr, uô nôngz ntơư. Tsi chiê trâul đêx ngaz.

Nam: Tsưr ziv phax tuô, lov caz nox uô ruôr hiêv:

Nữ: Tsuôs yuôs tuô lov têx zôngr, caz nox uô ruôr hiêv car ciês thâuv têx tâuv nhiv kruôr tuôx uô yuôv blôngx mok. Phax tuô chor caz nox uô ruôr car, nôngz tâuv, câur blôngx….txix yuôx Angun 5ME; Ammate 150C; Kuraba 3.6EC….

Nam: Ntâuk sâu thiêz por hưv:

Nữ: Ntâuk sâu thâuv 2/3 chor nôngz tâuv tưz siêr đax. Xeir sâu trâu thâuv têx hnuz ntux yar, jiês, ntâuk. Tsi muôz têx nôngz tâuv nquôr jiêz hâur yar tiêx luôv xi măng. Jiêz yar, têx nôngz tâuv gis, sơưr đơưk muôz tsês cov txiêk li ntiv trâu hâur têx luz hnaz muôx 2 cxênhx (iz cxênhx hnaz tax, iz cxênhx hnaz sênhr) lok sik huz, muôx hâu vor tsês chiê ntơưv têx qơư kruôr, lax nziês…..

Nam: (Trên nhạc): Phênhv kriê pêx xênhv tsưr ziv uô kôngz no zos Đeix nta suôz Việt Nam nhoz faz Tây Bắc đros tsênhv qơư cxiz kôngz têz qơưk uô./.

(VOV4-Riê Lâux cxeik, nhênhv)