Uô tâu txix têx trâur nuv hlôngr yiêz số nhoz Yên Bái

Zos trâur nuv uô tâu lok cxiv tsa chính quyênx số, kinh têr số, xã hội số, txos nhiv no 100% têx jêx jos sâuv thax tsav xã Tú Lệ, huyện Văn Chấn tưz muôx sóng 4G; tas nro cán bộ, công chức xã puôr lênhx muôx tài khoản sir zôngv phần mềm coar lik ntâuz ntơưr thiêz seiz car uô hâux lưv. 2/3 tsêr cơưv mê nhuôs zâu xã Tú Lệ tưz sir zôngv phần mềm coar lik tsêr cơưv; trạm y tế xã cux tsênhv zôngv 2 phần mềm coar lik seiz njuôs thiêz kho moz, hâur co uô hồ sơ đas jos tsôngv box sâuv thax tsav tax 84% ntâu. Zơưv Hoàng Văn Soàn, Phưv Chủ tịch UB xã Tú Lệ, huyện Văn Chấn puz pâuz: Xã nhiv no cux đros têx doanh nghiệp chox tiv phaz li 23 xiv huv trâu sâuv qơư muôv muôs điện tử:

          “Kror tâu tiv iz zos cxiv tsa tâu xã li trang thôngz xor mông điện tử mak muôx lok six ntâu kror jông, li xiv huv tâu heik kriê sâuv co, 2 zos têx jix vuv nhoz ntơưv qơư tâu thôngz xor mông, tiv 3 zos jix vuv nox hâuk tâu thôngz xor mông jông chiê kriê trâu kruô ndis shuôk uô si pâuz”

          Công ty tênhv tênhz Yên Bái zos trâur nuv uô siv hâux lưv hlôngr yiêz số hâur doanh nghiệp nhoz tỉnh. Taz viv co nhiv no tưz jênhv thiêz yưr lir tsôngv kruô li hồ sơ đhâu cxix luôk điện tử, uô số hóa hôx thôngx muôv muôs tênhv xênhz huôx, zôngv chữ ký số thiêz xav jênhv đhâu mã OTP; ndar txos coar lik yiêz, txu grês têx phênhv nhiêx txiêx in hôx thôngx, tsi zuôr sâu tsês hồ sơ ntâu shông thiêz txu grês lênhx nênhs uô hâux lưv. Zơưv Cao Bình Định, giám đốc Công ty tênhv tênhz Yên Bái puz pâuz: Shông 2021, công ty li phênhv sâu nhiêx txiêx tênhv tênhz thêv đhâu điện tử tsi zôngv nhiêx txiêx tax zuôr xar 86%; car chêx hlôngr yiêz số 100% hôx thôngx zuôr tênhv tênhz:

          “Nganhx tênhv tênhz Yên Bái cux zos iz hâur têx taz viv hâur tỉnh uô jông côngz xưv hlôngr yiêz số, txos nhiv no chêx cuk chox lok pov tâu tsênhv tsênhz, pir li tas nro cxix luôk tuô tênhv nhoz 6 trạm biến áp 110 sâuv thax tsav puôr lênhx tâu pêz tuô txix đêz, thiêz têx trạm biến áp nhiv no tsi zuôr muôx lênhx nênhs jor”

          Nhiv no, tỉnh Yên Bái tsênhv krêz uô siv trâur nuv hlôngr yiêz số ntơưv 8 taz viv nhoz 3 cấp chính quyênx thiêz doanh nghiệp, muôx: Sở thôngz xor mông; UB huyện Văn Yên; xã Tú lệ (huyện Văn Chấn); phường Minh Tân thiêz phường Đồng Tâm (TP Yên Bái); tsêr cơưv THPT chuyên Nguyễn Tất Thành, tsêr cơưv cxênhx 2 Quang Trung (TP Yên Bái) thiêz Công ty tênhv tênhz Yên Bái. Zơưv Hoàng Minh Tiến, giám đốc Sở thôngz xor mông, Phưv tsar Ban chox kriê lok hlôngr yiêz số tỉnh Yên Bái puz pâuz: Ntu zuôr txos, Yên Bái zuôr tsưr tsix ntâuk grê thiêz krêz đar trâur nuv hlôngr yiêz số hâur têx cấp ủy Đảng, chính quyênx, doanh nghiệp thiêz tsêr cơưv ntơưr...

          “Hâur hâux lưv hlôngr yiêz số zos tsuv seiz tsôngv box zos tsênhv. Pêz heik lok hlôngr yiêz số lơưr 3 zav zos chính quyênx số, xã hội số thiêz kinh têr số taz sik 3 zav no zuôr uô tsi tâu zos tsi muôx công dân số. Công dân số nhoz no zos tsôngv box tsuv tâu taz por cxix luôk kỹ thuật, tsuv taz por tâu chuôz zênhx điện thoại yiêz muôx internet chiê cxaz chuôz tênhx qơư số”

          Shông 2022, zos shông xuz thơưx UB tỉnh Yên Bái chox tsưr ziv hlôngr yiêz số lok hâur tsưr ziv huôv tsar KTXH. Hâux lưv no tso pov tỉnh li sir jos hâur hâux lưv hlôngr yiêz số sâuv thax tsav, jông chiê zaz zâuv têx dự án yưv pênhr thiêz huôv tsar têx zav kinh têr nhoz tiv phaz./.

(Đinh Tuấn- Txâur vax cxeik nhênhv)

Cưk yuôx Bôv đôiv Pênhz phax côngv têk phax tar caz moz Covid-19 thax tsav tox siêz, ntus Driver

Jok Mồ Sì San, xar Mồ Sì San, huyện Phong Thổ, nhoz kuôk tsênhv qơư xar muôx 3 six hơưv ntâu muk tơư. 80 ntâu ziv chuôz zis tsôngv box Cho nhoz no luz nênhx tưz zênhx txov nhêv, nhiv no huôv xênhz caz moz, luz nênhx tsênhv txov nhêv đuô. Txos nhiv no, jos tưz pov muôx 20 lênhx nênhs trâus cik moz Covid-19 thiêz tsênhv tâu cêv kuôk chơưv kho moz ntơưv tsêr. Pêx xênhv lok six cxơưx, viv têx qơư cêv kuôk, cxuô kror chiê chơưv kho ntơưv tsêr cux tsik truôx pês tsơưs, viv li zôngx ziv uô siz cik caz moz. Niêv tix Lò Thị Nghiệp, nhoz jok Mồ Sì San hêik:

“Cur pov zuk tsik thor jông nhoz, hnôngk, uô cuz thiêz gênhk. Cur tuk txir thiêz chuôz zis cux cxơưx, viv li hêik cur muk trâu trạm y têr chiê njuôk shuôk moz. Cur tưz tuôx trâu trạm thiêz tâu canr bôv trạm đros trâu canr bôv bôv đôiv Pênhz phax kriê cov cur zôngv cuô yuôx nzuôr têk, njuôk shuôk iz chêr thiêz njuôk shuôk sêi caz moz Covid-19”.

Xar muôx 6 six zuôr tsâuk ntux Đại úy Tạ Quang Hạnh, y sĩ Zênhx Pênhz phax Vàng Ma Chải cux tsênhv sir jos nriêr pâuz thax tsav qơư. Tix lâus li têx hâux lưv hâur têx hnuz no zos muk trâu yênhx ziv chuôz zis, paz trâu lưx lươngv y têr chơưv kho trâu chor nênhs trâus moz thiêz yax kriê trâu pox nhuôs pâuz tsưr ziv phax, tar caz moz. Tiv chôngz lênhx nênhs tsik pâuz luk tsoz tsiz, viv li tsênhv njiêz yax kriê tâu tix lâus kriz uô txix luk hêik ntơưv thax tsav qơư tsêx trung hêik kriê têx tsưr ziv phax tar caz moz gênhk thiêz têx phiv liv muôx yưv thâuv trâus moz Covid-19 cov pêx xênhv zôngx ziv pâuz tâu:

“Hâur ntu caz moz txơưr txar phiv liv li nhiv no, cur tưz muk côngv đros lưx lươngv y têr ntơưv thax tsav qơư kriz uô têx hâux lưv yax kriê pêx xênhv pâuz lok caz moz Covid-19. Thâuv muk mak cur tưz paz đros uô côngz xưv cxax yuôx, yax kriê trâu pêx xênhv pâuz uô truôx jông lơưr têx tsưr ziv phax tar caz moz, zôngv cuô yuôx nzuôr têk”.

Xar ntus đriv Mồ Sì San, huyện Phong Thổ, tỉnh Lai Châu muôx 4 jêx jok, zuôr xar 540 ziv chuôz zis, đros muôx 2.600 ntâu lênhx nênhs. Txix hâur shôngk shông txos nhiv no, sâuv thax tsav xar tưz muôx 600 ntâu lênhx nênhs muk uô jos đêz tror lok ntơưv thax tsav qơư nhoz thiêz hêik pâuz y têr, hâur co muôx zuôr xar 60 lênhx nênhs trâus moz thiêz 230 ntâu lênhx nênhs nhoz jê, njiz tâu chor nênhs moz muôx cuêz tênhv tsuv cêv kuôk ntơưv tsêr. Khov muôx lưx lươngv quân y pênhz phax paz, txos nhiv no lưx lươngv y têr xar tưz kriz njuôk shuôk caz moz trâu 220 ntâu lênhx nênhs thiêz cxax xar muôx 2.800 côngz yuôx vắc xin phax moz Covid-19 trâu pêx xênhv sâuv thax tsav. Zơưv Nguyễn Văn Luyến, trạm trưởng trạm Y têr xar Mồ Sì San, huyện phong Thổ puz pâuz: xar muôx thax tsav đar, chor lưx lươngv y têr ntơưv thax tsav qơư tsơưs, viv li njiz lok six ntâu phiv liv hâur kriz uô têx hâux lưv phax, tar caz moz thiêz tsoz phưz đas jos trâu pêx xênhv. Nhiv no, tas nro chor nênhs trâus moz thiêz chor nênhs trâus cêv kuôk, chơưv kho moz puôr lênhx zos tsuv cêv kuôk thiêz kho moz ntơưv tsêr, đros muôx chor lưx lươngv y têr sêiz shuôk. Chiê phax tar cov tâu caz moz gênhk, tsuv muôx têx sik côngv paz lok six ntâu txix chor lưx lươngv quân y pênhz phax:

“Pêz tưz hêik trâu Đảng ủy thiêz chính quyền ntơưv qơư, khov muôx chor quân y zênhx pênhz phax Vàng Ma Chải paz. Hâur ntu uô hâux lưv, lơưr tưz paz trâu pêz yax kriê têx tsưr ziv phax tar caz moz trâu pêx xênhv pâuz, cux xưk li côngz xưv tsoz phưz đas jos trâu chor nênhs trâus moz Covid-19 tsênhv cêv kuôk, chơưv kho moz ntơưv tsêr”.

Phax tar cov tâu caz moz tsik chiê siz cik đêz đar sâuv thax tsav, iz chas tsưr ziv yax kriê, chính quyền ntơưv qơư tsênhv kriz uô jông côngz xưv hêik pâuz y têr, sêiz shuôk truôx jông chor nênhs tror lok ntơưv thax tsav qơư thiêz sêiz car chor nênhs tsênhv cêv kuôk y têr ntơưv tsêr. Zơưv Tẩn Chỉn Lùng, Chủ tịch Ủy ban xar Mồ Sì San, huyện Phong Thổ puz pâuz:

“Trạm y têr xar muôx tsơưs nênhs, hâux lưv njuôk kho moz trâu pêx xênhv tsênhv uô tsik tâu sêi thiêz cxix cxuô. Quân y bôv đôiv pênhz phax tưz sik côngv đros trạm y têr xar yax kriê, hêik pêx xênhv uô truôx jông lơưr têx tsưr ziv phax, tar caz moz, paz trâu trạm y têr njuôk kho moz trâu pêx xênhv”.

Têx sik côngv jông nhoz chor chiến sĩ bôv đôiv Pênhz phax đros y têr ntơưv thax tsav nhoz chor xar ntus đriv Lai Châu tsênhv đros tas nro têz qơưk tsưx phưv jông đas jos trâu pêx xênhv. Têx cêr sik côngv co tưz paz uô truôx jông cêr sik côngv siêz nhoz quân thiêz pêx xênhv, paz muôx cêr truôx siêz đros tas nro têz qơưk phax tir tar cov tâu caz moz  Covid-19 hâur côngv thôngx./.

(Khắc Kiên-Lik Thox cxêik nhênhv)