Lớp kriê cơưv hâur pâuk ntơưr nhoz jok Nậm Giang

Ntâu hnuz lok no, chor lớp cơưv thâuv hmo ntux tưz zos yênhx kror sưv đros trâu pox nhuôs nhoz jok Nậm Giang 2, xar Nậm Chạc, huyện Bát Xát, tỉnh Lào Cai. Shux xênhz phênhv ntâu zos chor tưz hloz lox tiêr nênhs; cưk kriê ntơưr zos Thiếu tá Vũ Mạnh Hà, canr bôv vênhv tôngv Zênhx Pênhz phax A Mú Sung: “Pox nhuôs hâur jêx jok mak txux chi, jênhv pâuz tsênhv kik, muôx têx ntu tưz muk cơưv lớp 1, lớp 2 thiêz lớp cxuôv đis muôs ntơưr, taz sik txos nhiv no tsik sir zôngv ntâu viv li pox nhuôs cux tưz tsik ndo kaz txos têx ntơưr tas lơưv. Pêz tưz đros chinhr quyền thax tsav qơư, tsêr cơưv ntơưr hêik yênhx lênhx nênhs cơưv tuôx cơưv ntơưr cov cxix cxuô, chiê pox nhuôs pâuz njuôk xav, pâuz ntơưr, pâuz hêik luk chiê paz gra siêz luz nênhx vênhx huôv trâu pox nhuôs cxuô mênhx cxưx tsơưs nênhs nhoz thax tsav tox siêz ntus đriv no”.

Đros Thiếu tá Hà kriê ntơưr tsênhv muôx cưk kriê ntơưr Triệu Thị Huế - cưk kriê ntơưr Tsêr cơưv niêv txir zus mor cxênhx iz thiêz cxênhx oz Nậm Chạc. Đruôz hnuz lớp cux zos chiê kriê ntơưr trâu chor shux xênhz cxênhx iz ntơưv tsêr cơưv, hok tsâuk ntux mak kriê lớp cxuôv đis muôs ntơưr. Cưk kriê Huế hêik: “Pox nhuôs tuôx cơưv ntơưr tâu li no mak lok six shir phaz lơưv. Muôx ntâu hnuz muk hêik, txos ntơưv lơưr tsêr tưz muôx 7, 8 six tsâuk ntux lơưv lok lơưr cux tsênhv tsik tâu nox hmo viv đruôz hnuz mak tsênhv muk khưr uô liêx têz. Ntơưv no pox nhuôs nhoz tsik siz jê, luz nênhx kinh têr tsênhv txov nhêv, hok chiê muôx tâu iz lớp kriê cơưv hâur pâuk ntơưr li no mak tsuv muôx cấp ủy, chinhr quyền tsov cưv txos đros trâu chor cưk kriê ntơưr li têx sir jos thiêz bôv đôiv pênhz phax đros paz chiê paz trâu pox nhuôs pâuz tâu têx ntơưr”.

Đhâu chor hnuz nhôngs phiv liv, 20 lênhx nênhs cơưv hâur lớp cxuôv đis muôs ntơưr nhoz jok Nậm Giang tưz pâuz nhênhv thiêz pâuz sâu ntơưr, pâuz njuôk xav lơưv, co zos cưk kriê thiêz chor nênhs cơưv li kror shir phaz lox. Tix lâus Có Xênhv Vax, iz hâur chor nênhs tuôx cơưv ntơưr ntơưv lớp cơưv puz pâuz: “Txix thâuv zâu, niêv txir luz nênhx txov nhêv, tsik tâu muk cơưv ntơưr. Nhiv no Đảng, Têz qơưk tsov paz kriz lớp kriê  cơưv hâur pâuk ntơưr no pox nhuôs lok six shir phaz, tâu cơưv ntơưr li no mak uô tsâus Đảng, têz qơưk lok six ntâu”.

Lớp cơưv thâuv hmo ntux nhoz Nậm Giang muôx tsiv gri lok six lox, cê paz muôx têx txux chi trâu pox nhuôs chiê sir jos hâur luz nênhx cov hla đhâu cêr pluôs, pâuz tâu thiêz txar jav tâu tsik trâus chor nênhs fêv nziêk đas; đuô li tsênhv uô truôx jông đuô cêr sik côngv siêz nhoz chor cưk kriê ntơưr đros trâu chor bôv đôiv pênhz phax thiêz tas nro côngv thôngx sâuv thax tsav ntus đriv./.

An Kiên-Lik Thox cxêik nhênhv

Pox niêv tox siêz Yên Bái sir jos huôv tsar cêr uô nox

Ndaz ndơưv niêv pas đêx Thác Bà, niêv lâuk Đồng Thị Hiền nhoz thị trấn Yên Bình, huyện Yên Bình, tỉnh Yên Bái tưz sơưr yênhx lix HTX tsiv uô xiv huv kôngz nuv Tây Bắc Hiền Vinh, muôs têx zav njês uô kruôr li njês rô, mương, chày, njês rúi nto bê...

          Chiê tuôv zênhv zoz qơưx sir zôngv cux xưk li muôz hâux lưv uô yax six trâu lênhx nênhs hâur HTX, niêv lâuk Hiền tưz truôx siêz yưv pênhr cxix luôk dây chuyền tsiv uô yiêz muôx qơư kra kruôr, meir kưr xiv huv, tuv por coar zav nox...Têx xiv huv zos HTX tsiv uô thâuv tưs cux kaz jông, tsi muôx tsơưr por coaz, tâu côngz jênhv taz por vêv xênhz zav nox, muôx mã vạch nriêr pâuz hâur pâus qơư tsiv uô thiêz tâu côngz jênhv xiv huv OCOP, viv li tâu chôngz lênhx nênhs njênhs njôngr sir zôngv. Niêv lâuk Hiền pheiz kênh: “Qir thơưx xiv huv njês pas Thác Bà tsi tâu muôx ntâu lênhx nênhs pâuz txos; hâux lưv sâu zuôr xiv huv mak njiz ntâu phêv liv. Đros hâux lưv yax mông lok xiv huv pêz tưz chox tâu têx xiv huv no muk têx qơư muôv muôs zav nox hur thiêz têx qơư muôv muôs hâur thiêz đrâuv tỉnh”.

          Huôv tsar cêr uô nox yênhx côngz đros trâur nuv kinh têr sik côngv, niêv lâuk Lương Thị Liên nhoz jos Hương Lý, xã Đại Đồng, huyện Yên Bình, tỉnh Yên Bái puz pâuz, niêv lâuk tưz jênhv tâu têx cấp hội pox niêv li paz max lox hâur hâux lưv uô têx chính sách paz txưv, txeik pênhr tsov cưv, têx tsa zyênhx kriê cxaz, hlôngr yiêz KHKT...Nhiv no trâur nuv uô nôngz zuz, sik côngv đros tu zus buô zuôr greix, muôv muôs qir zuôv, chuôz zênhx uô kôngz nuv tso lok trâu niêv lâuk phênhv sâu yênhx puôk tsov đeiv iz shông. “Chiê huôv tsar kinh têr tsuv muôx pênhr, cur cux tâu têx cấp, têx nganhx tsov cưv, tiv zix zos hội pox niêv cux tưz paz cur tâu txeik pênhr chiê huôv tsar kinh têr”.

          Chiê paz pox niêv huôv tsar cêr uô nox, têx shôngk đhâu, Hội pox niêv huyện Yên Bình tưz heik cấp ủy, chính quyênx tiv phaz paz pox niêv cxaz chuôz têx lớp kriê cxaz choz KHKT li chos zuz têx zav tsoz chos jôngr nuv, chos thiêz tsoz phưz txir lưs jôngr lơưr ploz tsênhr VietGap...

          Krêz uô muôx chêx cuk Đề án “paz pox niêv huôv tsar cêr uô nox ntu 2017-2025” ntu đhâu, Hội liên hiệp pox niêv tỉnh Yên Bái tưz chox kriê têx cấp hội hâur tỉnh cxơưz tiês côngz xưv yax mông, vênhv tôngv, paz pox niêv huôv tsar cêr uô nox sâuv tiv phaz; cxơưz cxiz pox niêv huôv tsar têx trâur nuv tsêz chos, tu zus, muôv muôs, jix vuv muôv muôs...Thôngx cxix tsov cưv, paz txưv txos pox niêv pluôs, pox niêv tsi muôx txir sir jos huôv tsar kinh têr, huôv tsar kinh têr chuôz zis.

          Chêx cuk zos txos nhiv no, tưz muôx yênhx cxênhz lênhx pox niêv sâuv thax tsav tâu paz txưv thiêz huôv tsar yênhx côngz, paz têx pox niêv nhoz no tso siêz, sir jos huôv tsar uô nox, hla đhâu cêr pluôs, sir jos uô bluô nux./.

(Đinh Tuấn-Txâur Vax cxeik nhênhv)