Têx jok côngv thôngx ju lix nhoz Điện Biên tưz bax tâu jông cxuô luôs hâux lưv txeik tok tsôngv kruô tuôx nhoz so uô si, ndis shuôs têz qơưk

Ndis seiz shuôk têx muôx jông thiêz heir nênhs tsơưs têx txux chi vênhx huôv, co zos ntâu lênhx kruô siêz nhiêv thâuv tuôx txos trâu Điện Biên.

Pâuz tsênhz lok têx li heik co, tix lâus Quàng Văn Thương nhoz jok Mển, xã Thanh Nưa, huyện Điện Biên chuôz zis txix ciês hâur têx luz hlik hâur shôngk shông 2024 tưz yưv pênhr cxiv uô nzir iz luz tsêr tsar lơưx jông chiê tok kruô thiêz phưx vưv kruô tuôx nhoz so thâuv txos Điện Biên hâur six hơưv chiv nhênhv 70 shông ntâuk zênhx tros châuz Điện Biên Phủ, cux li hâur shông ju lix Điện Biên 2024. Tix lâus Thương heik pâuz: “Tsi tiêk zos cur iz zis xưz, tsôngv box sơưr đơưk hâur jok chuôz zis tưs cux tưz bax jông cxuô zav chiê txeik tok tsôngv cưr tix nênhx tsa tuôx ndis seiz têz qơưk uô si, nhoz so. Heik cxuô nênhs Poz Ziz lok six nhiêv kruô. Thâuv muôx kruô tuôx, txơưv pâuz thiêz tsi pâuz lok kruô cux muôx têx muk ndis seiz tâu jêx jok, muk txos chuôz zis tưs mak chuôz zis ntơư jông siêz lus txeik tok kruô”.

Ntơưv jok ju lix côngv thôngx Him Lam 2, phường Him Lam, TP Điện Biên Phủ, ciês thâuv muôx têx lênhx seiz car jok thiêz hâu nov TP cux li ngênhx vênhx huôv vênhv tôngv, yênhx châuv chuôz zis pêx xênhv hâur jok tưz cxiv uô, kho  đuô têx vax tsêr, qơư txeik tok kruô tuôx nhoz so, zuôr nzir pav, vix tsav.....chiê muôx txâuk cxuô zav bax tok kruô tuôx nhoz so, ndis shuôs têz qơưk uô si hâur jok.

Zơưv Lường Văn Chựa, tsar jok heik pâuz, chiê bax jông cxuô luôs hâux lưv txeik tok kruô, phưx vưv kruô, jok cux qêz suô hur si têx cêr muk lol jêx jok, tsêr vênhx huôv, chos nzir pax, ntông njuôz chiê tênhx qơư đu lus, hur si, jông jav. Đros trâu têx li heik co, zos bax zav nox hur, jông chiê uô têx zav nox kaz phưx vưv kruô: “Têx zav nox tsiv uô trơưk li nênhs Poz Ziz phôngz cxưx, kruô lok six nhiêv nox, iz zav jâuz hlaz đo shơư txux lov, njêr, cuô txoz, kix....zos têx jâuz hur nhoz tox siêz. Lok sik grêix tưv muôx têx tsiv uô tâu lok six ntâu zav li: grêix caz puôz, grêix kâuz, grêix cxiêz...., kruô lok six nhiêv nox”.

Nthuôr uô cêr lov jêv zos thâuv tưs tưz zuôr tsuv muôx nhoz têx jok huôv tsar ju lix côngv thôngx. Chênhr viv li, niêx hmo chor tuz nxeik hluôk uô nthuôr uô lov jêv tưz sir jos cơưv shâuv sênhr chêr, hu gâux chiê nthuôr uô tâu têx txux chi đhiê uô si lov jêv jông phưx vưv tsôngv kruô thâuv kruô tuôx txos Điện Biên. Niêv lâul Lò Thị Hương, thơưx seiz car chor tuz nxeik hluôk nthuôr uô lov jêv jok Him Lam 2 heik pâuz: “Chor tuz nxeik hluôk nthuôr uô cêr lov jêv lơưr cux lok six shir phaz, sir jos cơưv shâuv, đhiê uô tâu têk tơư muôs, sênhr chêr hu tâu gâux jông trơưk li kruô siêz nhiêv seiz, cux li piêr kriê Điện Biên têx txux chi vênhx huôv jông trâu tsôngv kruô pâuz txos”.

Tas nro tỉnh Điện Biên nhiv no muôx 205 qơư txeik tok kruô tuôx nhoz, so đros thiêz zuôr xar 3 cxênhz qar qơư so, muôx nhos 5 cxênhz ntâu luz txax. Hâur co, ciês hâur TP Điện Biên Phủ thiêz iz ndis thax tsav nhoz jê ntơư muôx 121 qơư txeik tok kruô tuôx nhoz, so ndis seiz têz qơưk uô si. Lơưr ntâuk grê, têx li heik co cux tsi tâu txâuk chiê kruô tuôx nhoz so thâuv txos Điện Biên hâur têx hnuz chiv nhênhv 70 shông ntâuk zênhx tros châuz Điện Biên Phủ thiêz têx xor xưv lox hâur shông ju lix Điện Biên 2024.

Chênhr viv li, têx chuôz zis pêx xênhv hâur thax tsav TP Điện Biên Phủ thiêz huyện Điện Biên paz txeik tok kruô tuôx nhoz, so ndis shuôs têz qơưk uô si hâur ntu no zos lok six zuôr trâul txos; đhâu ntơư, paz piêr kriê, uô jông suôz bê trâu tsôngv kruô, cux li cxiz ju lix ntơưv qơư ziv hnuz ziv huôv tsar jông./.

Thu Thùy-Riê Lâux cxeik, nhênhv

Ndis shuôk trôngz Pu Ta Leng

Pu Ta Leng zos trôngz jông jav nhoz thax tsav faz Bắc thiêz hâur têx hnuz tsôngv kruô sđ muk đhâu têx trôngz co tưz sêiz pov têx ntông lâuk tuôx nxuôz ziv uô trâu thax tsav qơư co ziv jông jav đuô. Nhoz trơưk oz saz ntus cêr  mê muk sâuv trôngz, tsôngv kruô nhoz cxuô qơư hâur hur si têz qơưs tưz shir phaz lul tuôx muk sêiz shuôk cxuô zav pax tơưs yiêz hâur thax tsav trôngz jôngr ntông co. Pos Nguyễn Thị Thúy iz lênhx kruô nhoz tỉnh Bắc Giang tuôx ndis shuôk têz qơưs shir phaz lul hêik pâuz tiêk; tuôx sêiz shuôk, ndis uô si txos trôngz Pu Ta Leng hâur têx hnuz cxuô zav pax ntông tơưs yiêz, chuôs li cxuô zav pax co tưz uô trâu têx tox trôngz, câuv har co ziv jông jav đuô thiêz co zos luz trôngz siêz tiv pêz nhoz pêz têz qơưs VN thiêz nhoz siêz pir li niêv đêx hiêr 3.000 ntâu their, thiêz thâuv tuôx txos trâu ntơưv luz trôngz co, tsôngv kruô sđ shir phaz lul tsik hnor gênhk. Txox cêr tuôx trâu luz trôngz no đêz hênhr thiêz sêiz pov têx tox trôngz, câuv har jông jav hênhr; taz sik cux tsik zôngx ziv muk lok. Hâur têx hnuz no, zos chêix têx pax ntông tơưs yiêz, zos tsôngv kruô tuôx muk ndis uô si, cux huv đros tsôngv kruô sđ siêz nhiêv.

Zos muk cov txos trôngz Pu Ta Leng sêiz shuôk têx pax tơưs yiêz, tsôngv kruô tsuv muk đhâu têx trôngz jôngr, ntâu tsoz ntông lâuk tuôx nxuôz tơưk muôx yênhxx puô shông nhoz trâu têx ntar trôngz, ntar tsuô siêz.  Zơưv Bùi Trung Kiên, iz lênhx kruô nhoz Hà Nội tuôx ndis shuôk têz qơưs shir phaz lul hêik pâuz: Nas hmo cur tưz muk Pu Ta Leng. Cur muk ntơưv xã Tả Lèng ndê muk thiêz hnuz no cur tror lok trâu ntơưv jos Sì Thâu Chải, xã Hồ Thầu. Ntơư zos thâuv 4 six zar hnuz kêix, muk lok uô iz chê gênhk tas hur si. Taz sik, sêiz pov têx tox trôngz câuv har ntơưv no jông jav hênhr

Trôngz jôngr Pu Ta Leng zos thax tsav qơư pok huôz niêz hâur yênhx shông; taz sik ntơưv no muôx iz zav ntông thâuv txos chêix tơưs pax zos txix hli 2 txos hli 5 uô trâu thax tsav trôngz jôngr đros trâu tsôngv px cxuô luz jêx jos hâur thax tsav ziv jông jav, huv đros tsôngv kruô siêz nhiêv. Zơưv Hoàng Quốc Việt, Công ty zuôr muôs hax huv-ndis shuôk têz qơưs hâur thax tsav tỉnh Lai Châu – kriz qơư ndis uô, sêiz shuôk têz qơưs trôngz Pu Ta Leng shir phaz lul hêik pâuz: Ndê trôngz siêz ndis shuôk têz qơưs muôx ntâu zav uô si, huv đros tsôngv kruô siêz nhiêv; co zos muk đhâu têx ntar trôngz, ntar tsuô siêz. Zos lênhx kruô tưs tâu muk đhâu thiêx pâuz têx ntar trôngz, ntar tsuô jông jav.

Muôx xar 30 zav pax tơưs yiêz jông jav nhoz pur ntiê thax tsav har jôngr faz Bắc pêz têz qơưs; taz sik, nhoz Pu Ta Leng ho muôx zav pax tơưs yiêz jông jav nto bê lul. Zos tsôngv kruô muk ndis uô si txos Pu Ta Leng hâur luz chêix no, cux sêiz pov njôngr cxuô zav pax ntông tơưs yiêz, jông jav huv đros sđ siêz nhiêv./.

                                          Tsu cxêik nhênhv-Khắc Kiên-TTTB