Lênhx nênhs khơưk tsês chiê têx đuôz ntông 

          Jâuv ntơưv đruôz đraz tus đuôz ntông, zơưv Y Thái, nhoz jos Kmrơng Prong B, xã Ea Tu, đrôngl Buôn Ma Thuột, tỉnh Đắk Lắk tsênhv shir phaz lul hêik kriê cxuô zav đuôz ntông uô tâu tiêr trâu “oz tus cưk nênhz pâuz”. Thiêz ntơư cux zos zav đuôz ntông tâu zơưv Y Thái Êban uô tâu trơưk siêz nhiêv thiêz tưz chox muk tưr thi tâu hov oz ntơưv hội đôngx tưr thi cxuô hêir nênhs faz Tây Nguyên têx đuôz ntông jông jav shông 2017. Zơưv Y Thái cux hêik pâuz tiêk: Txix thauav tsênhv zâu, zơưv Y Thái tưz đros nưs chor txir nzơưv muk trâu pêv têx har jôngr zok nriêr ntor  têx ntông jông chiê txâus tho uô đuôz ntông chox muk cxok trâu têx qơư nza. Đhâu ntâu jiês cơưv shâuv chor txir nzơưv nto, txâus cxuô zav đuôz ntông, zơưv Y Thái tưz nto, txâuk tâu têx đuôz ntông jông jav. 30 nhâu shông uô luôs hâux lưv txâuk, tho đuôz ntông, cux paz tâu trâu zơưv Y Thái huôv tsar truôx zuk hêir nênhs têx vênhx huôv jông cxôngx nzor tsik chiê pôngz plox:

        Băng (Tsưr ziv xar tơưv li chas cur muôz tus ntông co tho txâus tâu jông li ntơư. Txơưv li chas, zuk tsuv max mav uô thiêx uô tâu thiêz tsuv tuôr tsês zuk hêir nênhs têx vênhx huôv jông co. Cur nyêi tsav tov kaz, zuk lâuk zuk tsik muôx đas jos uô zuk hêir nênhs têx vênhx huôv jông co, txơưv li chas tsuv tuôr cov tâu truôx têx vênhx huôv jông ntơư cov muôx đros đrêiv zuk hêir nênhs luz nênhx  tsik chiê pôngz plox).

        Shông 2015, txix tưr thi têx đuôz ntông jiês xuz thơưx , tâu kriz tưr trâu ntơưv ntênhk hội cà phê phê Buôn Ma Thuột,  zơưv Y Thái ziv truôx siêz đuô trâu luôs hâux lưv txâus nto cxuô zav đuôz ntông, viv zơưv Y Thái zok nriêr tâu qơư muôs, muôx chôngz lênhx nênhs zuôr txos. Txix ciês jiês tưr đuôz ntông jông jav co, zơưv Y Thái tưz tâu chôngz lênhx ntâu tus pâuz txos thiêz zok nriêr zuôr zơưv Y Thái cxuô zav đuôz ntông. Đros co, zơưv Y Thái cux ntâu jiês hlôngr njêx muôs trâu tỉnh Đắc Lắc muk tưr đuôz ntông trâu cxuô tỉnh thax tsav faz Tây Nguyên. Luôs hâux lưv tsiv uô đuôz ntông, tưz paz tâu trâu zơưv Y Thái muôx phênhv sâu tâu cxaz nzir nhiêx txiêx chox lok sir zôngv cxiv kho chuôz zis. Cxuô zav đuoz ntông tâu zơưv Y Thái uô tâu cux jông txơưr tsik siz thôngx thiêz huv đros hêir nênhs ÊĐê luz nênhx nox nhoz muk lok hauar niêx hnuz.  Pos H Yao By a, zos Y Thái pox niêv shir phaz lul hêik pâuz:

        Băng (tiếng Ê Đê: Cur tus txir mak, cxuô zav đuôz ntông uô tâu, tsuôk zos tsưr ziv xar tơưv chiê uô cov huv đros thiêz jông txơưr tsik siz thôngx. Cur cux cxơưz cxiz cov cur tus txir kriê zav hâux lưv txâus, tho đuôz ntông co trâu oz tus tuz; li ntơư sđ puôr lênhx jông siêz, huôv tsar truôx zuk hêir nênhs têx vênhx huôv jông cxôngx nzor”

        Trơưk li Y Thái, tưz muôx têx ntu tsik muôx lênhx nênhs tưs sir zôngv zav đuôz ntông no, chuôs li tưz trâus pôngz plox lơưv jux juk. Taz sik, đhâu iz ntu tov kaz no, cux muôx chôngz lênhx nhiêv txos, zuôr chox muk sir zôngv. Pâuz tâu têx tsiv grê lok luôs hâux lưv uô cxuô zav đuôz ntông, zơưv Y Thái tưz cxơưz cxiz tsôngv px hâur jos đros huôv tsar uô zuk hêir têx đuôz ntông cxôngx nzor. Zơưv Bùi Văn Hượng, cán bộ vênhx huôv xã Ea Tu, đrôngl Buôn Ma Thuột shir phaz lul hêik pâuz nzir:

        Băng: (Zơưv Y Thái sir tas đas jos tsưr ziv đros khơưk tsês chiê hêir nênhs Ê Đê cxuô zav đuôz ntông cxôngx nzor hâur thax tsav xã tsik chiê pôngz plox. Thiêz nhiv no, zơưv Y Thái cux tsênhv hêik kriê hêir nênhs Ê Đê cxuô zav đuôz ntông trâu tsôngv kruô pâuz txos)

        Muôz zuk hêir nênhs têx txux chi, vênhx huôv jông sêiz tsiv grê, zơưv Y Thái cux tsênhv niêx hnuz, tsiv uô cxuô zav đuôz ntông chiê fâuv hluôk ntâu tiêv tov kaz pâuz txos hêir nênhs Ê Đê cxuô zav đuôz nttông cxôngx nzor./.

                                       Tsu cxêik nhênhv-H Xíu, CQTT Tây Nguyên

Iz ciêz iz huôx tôngv, nganhx ju lix Lào Cai “njiz phiv liv” taz sik uô tâu yênhx côngz

Ntênhs phêv cheix ntux sor Sa Pa, Festival tox siêz Bắc Hà; Hnuz ntênhs yoga ntiêx têz; chiv nhênhv 115 shông yênhx lix tỉnh... No nhiv kruôr zos 2,3 huôx tôngv tâu tsưr tsix hâur yênhx châuv huôx tôngv ju lix tâu tsưr tsix ntơưv Lào Cai txix hâur shôngk shông txos nhiv no. 

          Lơưr tsưr ziv tso tơưv, tas shông 2022, hur si tỉnh Lào Cai zuôr tsưr tsix tas nro 50 ntâu huôx tôngv hêik lok huôv tsar cxuô zav ju lix lox zâu. Xav chungz fênhx iz ciêz muôx iz huôx tôngv. Zơưv Trần Sơn Bình, Phưv giám đốc Sở ju lix tỉnh Lào Cai puz pâuz, đrâuv tuôv zênhv zoz qơưx zos nox nhoz thiêz so mak kruô ndis shuôk uô si ntơưv tsêr cux car chêx tâu, xar zaz zâuv tâu kruô tuôx ndis shuôk uô si tsuv muôx ntâu huôx tôngv thiêz xiv huv ju lix yiêz. Khov truôx siêz uô tsưr ziv no mak ntu hôx phưx đhâu jiês moz Covid-19, nganhx côngz nghiệp no nhoz Lào Cai tưz sâu tâu têx yênhx côngz jông:

          “6 luz hlik hâur shôngk shông 2022, kruô ndis shuôk ju lix tuôx Lào Cai tax 1,8 tsov jiês, chuôz ndê 45% pir đros shông 2021 thiêz bâuv 43% tsưr ziv tso tơưv. Shông no, txơưv tỉnh choz trâu pêz ntâu luôk hâux lưv, taz sik txos nhiv no pêz njênhs njôngr txos tas shông zuôr tax tâu tsưr ziv tso tơưv. Nhiv kruôr đhâu, lơưr thôngz sâu, nganhx ju lix Lào Cai nhoz hâur 10 thax tsav huôv tsar ju lix sâuv tas nro têz qơưk. No zos khov tsưr tsix ntâu huôx tôngv, nganhx ju lix liv taz sik yênhx côngz”.

          Txix nhiv no txos kaz shôngk shông, nganhx ju lix Lào Cai tror uô jông tsưr ziv tso tơưv. Sâuv chinhz yênhx “shưv đros, uô jông, taz por”, Lào Cai tưz chuv tôngv hlôngr yiêz tsưr ziv phax tar moz lơưr Chính phuv li chox kriê, thôngx cxix hlôngr yiêz siêz xar txix cxơưz cxiz, txu grês grê mak pêz tuôr truôx grê taz sik muôz siêz tsơưr lươngv jix vuv phưx vưv.

          Phuôx plov ntơưv jiês khiêz phêv HĐ tỉnh đraz shông 2022, zơưv Trịnh Xuân Trường, Chủ tịch UB tỉnh Lào Cai heik mênhx, đrâuv têx yênhx tix tax tâu, nganhx ju lix Lào Cai tsênhv yuôr ntâu phêv liv. Tiv zix zos ciês ntơưv thax tsav ju lix têz qơưk Sa Pa tsênhv muôx têx tsi tâu huv đros hâur thax tsav ju lix thiêz thax tsav nôngx cxênhz; lok liv zix têz qơưk, doanh nghiệp thiêz tsôngv box; lok cxix luôk cxuô zav....Lào Cai ntu đhâu tưz yênhx lix tâu Sở ju lix thiêz tiv zix zos Ban thường vụ tỉnh ủy muôx iz Nghị quyết txơưr lok huôv tsar ju lix lêx ntêr, kror zov chênhr zos tsuv chox tâu Nghị quyết co lok hâur luz nênhx thiêz uô muôx chêx cuk:

          “ Tsuv uô li chas chiê heik tơưv tâu têx tsưr ziv, ziv chênhv chox kriê muôx lênhx coaz txos huôv tsar ju lix. Uô li chas chiê Sở ju lix tsênhz tsênhz zos iz chiz coaz chuyên môn, heik kriê thiêz paz hâux lưv trâu tỉnh chiê huôv tsar ju lix. Uô li chas chiê muôx tâu ntâu xiv huv ju lix, muôx ntâu huôx tôngv têx côngz tsinhx jông, têx Festival hâur têz qơưk thiêz sâuv ntiêx têz. Thiêz têx huôx tôngv tsuv krêz uô uô cê nhoz tas nro têx thax tsav tsi zos tsuôk nhoz Sa Pa; thôngx cxix tsuv tsov cưv txos lênhx nênhs uô ju lix”./.

(An Kiên-Txâur Vax cxeik nhênhv)