Yên Bái cxiv tsa jêx jok yiêz txix têx muôx jông ntơưv qơư

Muôx 19 cxênhz ha pak đêx Thác Bà, têx shông đhâu, huyện Yên Bình, tỉnh Yên Bái tưz sir jos chox kriê huôv tsar tu zus shuôz njêl txix ntâu faz tsưr ziv, lar heik zos moz siêz txos hu zâuv, muôz jông six hơưv trâu têx doanh nghiệp, HTX yưv pênhr, uô trơưk tsưr ziv kriê lok xor thêir qơư tu zus njêl. Khov li co txos nhiv no, tas nro huyện tưz muôx 2 doanh nghiệp, 5 HTX, 6 tổ hợp tác đros thiêz 2 cxênhz ntâu qơư tu zus njêl; xav hur si têx shuôz njêl hâur tas nro huyện niêx shông tax 8.500 tênhr. Niêv lâul Nguyễn Thị Hà, nhoz xã Thịnh Hưng, huyện Yên Bình ziv chuôz zis huôv tsar tu zus njêl heik pâuz: “Zus njêl nôngz tsi tas ntâu pênhr pir li tu zus njêl grêix, chor njêl nôngz muôx têx muôs tâu txix thâuv muôx 2 hlik njêl, 5 hlik, 7 hli lok sik 1-2 ciêz ntơư lơưv, zos kruô nhiêv zuôr txos mak zuk muôs ciês”.

Iz chas shuôz njêl, huyện Yên Bình tsênhv huôv tsar chos têx txir lưk pax Đại Minh, muôx iz cxênhz ntâu ha, phênhv ntâu nhoz 2 xã Đại Minh thiêz Hán Đà. Huyện tưz moz siêz chox kriê têx chuôz zis pêx xênhv chos txir lưk pak tu jông lơưr tsưr ziv VietGAP chiê muôs tâu gri; iz chas ntơư hu zâuv têx viện nhênhz chơưv, chor tsêr cơưv Đại học kriê tsưr ziv chos thiêz tu chiê têx txir txi jông, nox kaz. Khov li ntơư, txir lưk pax Đại Minh hâur huyện tưz tâu côngk nhav zos xiv huv OCOP hur jông. Zơưv Phạm  Văn Kim, lênhx nênhs chos txir lưk pax nhoz jok Phai Tung, xã Đại Minh, huyện Yên Bình heik pâuz: “Txir lưk pax Đại Minh chiê tsês tâu ntêr mak têx yuôx tsuôs cov caz tsi tho nox uô ruôr hiêv tsuv tsuôs trơưk cui tinhv. Tiv 2, chor qir trâu phênhv ntâu tsuv zos qir tsiêx cxu, qir đrox tsuôs, iz zav li cur chuôz zis, phênhv ntâu sir zôngv têx kuôr tâuv pâur, njêl vâuv uô qir chiê zưs trâu xưz”.

Zơưv Lã Tuấn Hưng, Phưv Chủ tịch Ủy ban huyện Yên Bình heik: Tsôngv pêx xênhv, doanh nghiệp bax uô trơưk têx tsưr ziv kriê lok huôv tsar uô kôngz, iz chas ntơư uô lơưr têx cui tinhv uô kôngz truôx tuk chiê uô tâu jông nhoz Yên Bình; đhâu co, jux juk gra siêz phênhv sâu tâu trâu pêx xênhv thiêz uô tâu têx luôs hâux lưv cxiv tsa jêx jok yiêz ntơưv qơư: “Huyện tưz sir jos hlôngr yiêz zuz nôngz tsoz chos chiê pêx xênhv huôv tsar uô tâu trơưk têk, muôs tâu gri. Huyện cux lok six moz siêz txos luôs hâux lưv, uô kôngz-jôngr nuv reik đros trâu huôv tsar ju lix”.

Ntơưv thị xã Nghĩa Lộ, têx shông đhâu tưz sir jos muôz lưv zav zuz nôngz yiêz lok tsêz tsoz chos trâu têx liêx têz tsuôs, uô tsi jông kông ntơư. Txix têx muôx jông qơư, pêx xênhv hlôngr yiêz tsưr ziv huôv tsar uô nox, nhiv no thị xã Nghĩa Lộ tsênhv huôv tsar chos ntâu têx tsoz chos nox txir li: Txir lưk pax, txir thanh long, txir lưv tsiz sôngz, tuôz thox, xav hur si muôx nhos 500 ntâu ha, niêx shông sâu đê tâu 970 tênhr, gra lok phênhv sâu trâu pêx xênhv yênhx châuv tyv đeiv. Zơưv Vũ Đức Trung, Phưv Chủ tịch thị xã Nghĩa Lộ heik pâuz: “Thị xã cux tưz vênhv tôngv têx chuôz zis chos tsoz chos nox txir yênhx lix têx HTX chos tsoz chos nox txir. Chor HTX co zuôr zos qơư chênhr, kriê pêx xênhv uô lơưr tsưr ziv tsiv uô truôx tuk, huôv tsar yênhx xiv huv OCOP, txix ntơư tưz tâu lênhx nênhs sir zôngv njênhs njôngr, zuôr txos ntâu”.

Tsênhz tiês tso pov, iz chas hâu nov cxuô thax tsav qơư thiêz ngênhx muôx vax huôv têx sir jos, txix thâuv fuô uô luôs hâux lưv cxiv tsa jêx jok yiêz, ntâu chuôz zis pêx xênhv, doanh nghiệp, HTX tưz  hlôngr yiêz tsưr ziv huôv tsar uô nox chiê cxaz nzir phênhv sâu tâu, jux juk gra siêz luz nênhx, xênhz huôx trâu pêx xênhv./.

Đinh Tuấn-Riê Lâux cxeik, nhênhv

Sir zôngv yuôx por vêv đrox tsuôk taz por, ndar txos uô kôngz nuv hur jông

Tsiv uô kôngz nuv taz por, truôx đrênhk zos nganhx kôngz nuv li tsưr ziv uô ndar txos “tsiv uô kôngz nuv hur jông”. Đrâuv co, nganhx kôngz nuv cux tsênhv cxiv tsa thiêz uô têx jênhv vưv huôv tsar hax huv muôx chêx cuk, truôx vênhk, txu grês têx vuôz tsuôz kiês nênhs, tsi uô hiêv txos tênhx qơư thiêz qiv hơưv. Viv li, hâux lưv sir zôngv yuôx por vêv đrox tsuôk taz por, truôx vênhk tov kaz no khav tênhv kôngz nuv njuôz jông thiêz taz por.

          Chiê sir zôngv yuôx por vêv đrox tsuôk taz por, muôx chêx cuk, hâur têx shôngk đhâu, Cục por vêv đrox tsuôk tưz krêz uô ntâu huôx tôngv yax mông, muôz siêz cán bộ kỹ thuật ntơưv tiv phaz li jênhv pâuz, têx qơư muôv muôs yuôx por vêv đrox tsuôk, tsônv box hâur sir zôngv yuôx por vêv đrox tsuôk taz por thiêz muôx chêx cuk, đros têx Hội, hiệp hội, doanh nghiệp li sik côngv hâur tsaz yênhx “Cam kết sik côngv uô jông heik kriê lok sir zôngv yuôx por vêv đrox tsuôk taz por thiêz muôx chêx cuk; huôv tsar tsiv uô thiêz sir zôngv yuôx por vêv đrox tsuôk sinh học ntu 2021-2025”. Zơưv Lê Văn Thiệt, Phưv Cục tsar Cục por vêv đrox tsuôk, Bộ kôngz nuv thiêz huôv tsar nôngx cxênhz puz pâuz, hâur 6 luz hlik hâur shôngk shông no, tsaz yênhx tưz tsưr tsix 3 cxênhz 800 lớp kriê cxaz đros 97 cxênhz ntâu lênhx nôngx mênhx cxaz chuôz thiêz tsưr tsix 62 lớp kriê cxaz đros 3 cxênhz ntâu qơư muôv muôs cxaz chuôz cơưv lơưr trực tuyến thiêz cơưv ciês ntơưv qơư sâuv tas nro têx tỉnh, thành hâur têz qơưk. Đrâuv co, Cục por vêv đrox tsuôk tưz krêz uô têx trâur nuv sir zôngv yuôx por vêv đrox tsuôk sinh học thiêz trâur nuv sir zôngv yuôx por vêv đrox tsuôk taz por muôx chêx cuk đros 700 qơư uô siv sâuv blêx, ntông nox txir thiêz jâuz kok cxuô zav: “Txơưv zos xiv huv kôngz nuv heik cxuô thiêz jâuz tâuv txir ntông tâu muôs tơưv saz đrâuv têz qơưk. Taz sik muôx têx têz qơưk cux heik iz cxiê zav hax huv uô cxâuv taz por vêv xênhz zav nox, muôx têx tsơưr tsi tâu tso chei sir zôngv. Thâuv jênhv tâu têx canhv pov co, cục por vêv đrox tsuôk zuôr sik côngv đros têx tiv phaz chiê nriêr pâuz qir tiv đhâu co yưr lir chiê tuôv zênhv tâu zoz qơưx sir zôngv hâur têz qơưk thiêz muôs tơưv saz đrâuv têz qơưk”.

          Vênhv thix sir zôngv yuôx por vêv đrox tsuôk taz por, muôx chêx cuk tsi taz muôz siêz tsiv grê xiv huv kôngz nuv mak tsênhv por vêv nênhs sir zôngv li đas jos.

          Tsaz yênhx sik hux jos “Sir zôngv yuôx por vêv đrox tsuôk taz por thiêz muôx chêx cuk” hâur Cục por vêv đrox tsuôk, Bộ kôngz nuv thiêz huôv tsar nôngx cxênhz, Sở kôngz nuv thiêz huôv tsar nôngx cxênhz iz cxiê tỉnh, thành phố thiêz Hội doanh nghiệp tsiv uô, muôv muôs yuôx por vêv đrox tsuôk Việt Nam tâu uô hâur ntu 2024-2025 zuôr kriê cxaz muôz siêz qơư muôv muôs, nênhs sir zôngv yuôx por vêv đrox tsuôk li jênhv pâuz taz por thiêz muôx chêx cuk.

          Đhâu tsaz yênhx tsôngv box zuôr muôx pênhr xưv txux chi sir zôngv yuôx por vêv đrox tsuôk taz por trâu zuk, taz por trâu xiv huv kôngz nuv, taz por trâu tênhx qơư thiêz muôx chêx cuk lok tsiv uô, kinh têr, paz xiv huv kôngz nuv VN tâu muôs tơưv trâu têx niêv ciêz nhoz saz đrâuv têz qơưk./.

VOVĐBSCL-Txâur Vax cxeik nhênhv