Cxiv tsa Hội nôngx mênhx Việt Nam thiêz nôngx mênhx Việt Nam ntu cxơưz cxiz hlôngr yiêz

Zơưv Lương Quốc Đoàn, Ủy viên Ban chấp hành T.Ư Đảng, Chủ tịch Hội Nôngx mênhx Việt Nam; zơưv Phạm Tiến Nam, Phưv chủ tịch Hội Nôngx mênhx Việt Nam thiêz zơưv Nguyễn Thành Công, Phưv Chủ tịch Ủy ban tỉnh Sơn La seiz car jiês cơưv.

Ntơưv jiês cơưv, têx bộ, ngênhx T.Ư thiêz cxuô tỉnh, TP hâur tas nro têz qơưk li zuôr xar 20 tham luận tưz uô tsênhz têx luôs hâux lưv, Đảng thiêz têz qơưk têx tsưr ziv, tsênhv chei lok nôngx mênhx thiêz tsưr tsix Hội Nôngx mênhx huv đros trâu ntu hlôngr yiêz thiêz sik côngv đros ntiêx têz; Nôngx mênhx Việt Nam li cêr huôv tsar; nôngx mênhx Việt Nam li uô tsưr thiêz pưs txux hâur huôv tsar kôngz nuv thiêz cxiv tsa jêx jok yiêz; têz qơưk li cêr hlôngr yiêz thiêz sik côngv đros ntiêx têz têx uô tuôr thênhv txos nôngx mênhx Việt Nam; nôngx mênhx li pưs txux hâur por hưv thiêz tuôr tsês chiê têx txux chi vênhx huôv jông nhoz têx jêx jok, tox siêz Việt Nam. Sik pheiz kênh lok Hội Nôngx mênhx li pưs txux hâur cxiv tsa jêx jok yiêz jông jav, pos Nguyễn Thị Mai Thủy, Chủ tịch Hội Nôngx mênhx tỉnh Hà tĩnh heik:

“Pêz sir jos uô jông pêx xênhv li pưs txux uô tsưr, nthuôr uô đêz đar thôngz đhâu yax kriê, vênhv tôngv, phuôx huiz sơưr đơưk cxuô luôs hâux lưv uô. Cxaz chuôz tỉnh têx cui tinhv, tsênhv chei; uô jông hâux lưv seiz kaz xã hội li têx lul heik, thix ziv, chiê cxiv kho têx cui tinhv, chei huv đros, paz pêx xênhv pâuz tâu thôngz têx chei fuô kriê thiêz uô lơưr jông đuô hâur cxiv tsa jêx jok yiêz, jông jav”.

Trơưk li têx lênhx nênhs nhênhz chơưv, huôv tsar lơưr têx tsưr ziv yiêz, lar heik zos hâur tsiv uô têx kôngz nuv cux tsuv tâu chuôz tsar, uô jông, txix qênhz shuôs, cxaz nzir têx cui tinhv, tsênhv chei; cxơưz tiês têx tsaz yênhx, dưv anr lok khoa học-công nghệ txos trâu cxiz hu zâuv doanh nghiệp yưv pênhr uô. Zơưv Ngô Xuân Bình, Vụ phưv Vụ khoa học công nghệ têx ngênhx kinh tế-kỹ thuật, Bộ Khoa học thiêz Công nghệ heik pâuz:

“Huôv tsar uô lơưr công nghệ siêz chiê tsiv tsiv uô kôngz tsuv muôx cui tinhv, tsưr ziv, njuôk hov tsênhv tsênhz huv đros trâu kinh tế yênhx thax tsav, huv đros tsôngv box ntơưv qơư li txux chi tsưr ziv jênhv pâuz thiêz huv đros tênhx qơư ciêz đrôngs”.

Jiês cơưv zos six hơưv chiê cxuô tỉnh, TP hâur tas nro têz qơưk pâuz tsênhz đuô lok Hội Nôngx mênhx li qơư, pưs txux, txơưx jênhv, hâux lưv thiêz Hội li têx côngz đas jos paz cux iz zav li tsôngv pêx xênhv Việt Nam hâur ntu têz qơưk hlôngr yiêz thiêz sik côngv đros luôs 2 chas têz qơưk sâuv ntiêx têz…..

Iz chas ntơư, sik pheiz kênh têx tsưr ziv jông, hâux lưv uô tâu, pâuz tsênhz lok têx phiv liv, njiz trâul, tsưr ziv tsưr tsix, fuô uô Hội Nôngx mênhx cxuô thax tsav qơư li têx luôs hâux lưv uô. Đhâu co, paz hâu nov cxuô tỉnh, TP pâuz tâu, tror lês car, chox kriê hlôngr yiêz tsênhv njiêz, tsưr ziv uô hâux lưv, cxiv tsa, kho đuô chiê gra siêz tsơưr lươngv têx lênhx canr bôv Hội, uô tâu nuv trơưk siêz xar thiêz phôngz yaox nôngx mênhx ntu nhiv no./.

(Lê Hạnh-Riê Lâux cxeik, nhênhv)

Hluôk nênhs Hmôngz txơưx huôv tsar cêr uô nox

Thâuv heik txos lênhx hluôk nênhs Ly A Minh, tsôngv box nhoz jos Phìn Chư 3, xã Nậm Sín, huyện Si Ma Cai, tỉnh Lào Cai puôr lênhx lok six kruôk txos viv tix lâuk zos iz lênhx cán bôv thú y hluôk sei đrơưv, moz siêz đros hâux lưv uô, txơưx huôv tsar cêr uô nox uô hâuk hâur chuôz zis, thâuv tưs cux truôx siêz paz max pox nhuôs huôv tsar cêr uô nox.

          Đros cêr moz siêz uô nox uô hâuk, txix ciês thâuv tsênhv muk cơưv ntơur tix lâuk tưz xar njôngr cơưv tâu ntâu yênhx tưv lok kôngz nuv, chiê paz tsôngv box nôngx mênhx nhoz zuk têz qơưk zôngv ar têz huôv tsar uô kôngz nuv, uô bluô nux sâuv zuk têz qơưk.

          Chiê uô tâu siêz xar njôngr co, tix lâuk tưz thik tâu muk cơưv Đại học Nông Lâm Thái Nguyên. Thâuv cơưv tiêr tror lok tiv phaz, tix lâuk tưz sir jos cơưv shâuv cxaz têx chênhz zênhv tsênhv tsênhz txix têx lênhx lâuk nênhs, txix têx yênhx tưv chuyên môn nhoz tsêr cơưv, đros têx chênhz zênhv tưz cơưv shâuv tâu, tix lâuk truôx siêz huôv tsar kinh têr zuk chuôz zis. Yưv pênhr chiê cxiv tsa guôx tu zus, chêx chôngk tu zus nôngz buô đuz nhoz tiv phaz.

          Khov gruôs thiêz truôx siêz uô viv li tưz paz tix lâuk Minh li trâur nuv muôx têx trus yênhx côngz jông. Nhiv no, tix lâuk chuôz zis tưz muôx iz qơư tu zus đar 500 yiv ndis đros zus muôx nhos 40 tul buô đuz tiv phaz, đrâuv co tix lâuk tsênhv tu zus cxaz keiz, ok, nhux tưv. Txix trâur nuv huôv tsar kinh têr no, iz shông, tix lâuk chuôz zis muôx phênhv sâu zos zuôr xar 100 tsov đeiv, yênhx lênhx nênhs txơux huôv tsar cêr uô nox tiv zix nhoz hâur jos. Tsi taz uô bluô nux trâu zuk, tix lâuk thâuv tưs cux truôx siêz paz têx ziv chuôz zis txơur tsênhv txov nhêv lok chênhz zênhv, tsưr ziv tu zus thiêz tso têx ziv chuôz zis txơur tuôx seiz shuôk cơưv shâuv, uô lơur zuk li trâur nuv.

          Zos iz đeiv iêr chi cax luk nhoz tox siêz lok siêz gruôs, sir jos huôv tsar cêr uô nox. Tix lâuk Ly A Minh li tsưr ziv uô tsuôk li chuôz cxaz đas jos chiê tsôngv box Hmôngz nhoz jos Phìn Chư 3 heik taz, xã Nàn Sín heik cxuô njênhs njôngr đuô chiê hlôngr yiêz tsưr ziv huôv tsar tsêz chos, tu zus chiê yênhx trus sir jos gôngr phênhv huôv tsar ntơưv tiv phaz.

Phênhv "Nôngx mênhx zuôr tsuv pâuz" ciêz no tsuôk muôx xâuk li no xưz. Phênhv no zos Đeix nta suôz VN nhoz thax tsav Tây Bắc côngv đros Tsênhv qơư cxiz kôngz têz qơưk uô./.

Báo ĐT huyện SiMaCai-Txâur Vax cxeik nhênhv