Lào Cai muôx tsi txâuk têx suôz jêz, poz jêz cxiv tsa côngz trênhx

Công ty Cxiv tsa Quốc Đạt, tỉnh Lào Cai tsênhv muôx qơư tsiv uô, khơưz yâu suôz jêz lox yax hâur huyện Văn Bàn. Ntux lok nas tsơưs, pêv hâur đêx ho zos têx tsêr meir tênhv thêir, uô tsi yuô muôx suôz jêz ntưk lol đrav kaz đês, viv li tsi so uô tuôr thênhv txos taz viv hâux lưv khơưz yâu têx suôz jêz, viv tsi muôx suôz jêz. Pos Đinh Thị Thu Hà, Giám đốc Công ty heik pâuz: “Tsi yuô lok nas viv li tsi muôx đêx, khơưz yâu suôz jêz lok six phiv liv cơưk, tiv tsi muôx txâuk khơưz, txơưv muôx lok chor suôz jêz cux lox, tsi jông gâux. Tiv 2 zos thax tsav no lok six ntâu tsêr meir đêx tênhv, nhiv no đêx lox, têx tsêr meir khênhr tso đêx, tsuôk khơưz yâu tâu thâuv zar tas cik xưz, zar hnuz kêix tưz tsi jông khơưz”.

Đros thiêz iz cxiê qơư khơưz yâu suôz jêz txơưr đuô, txơưv tsiv uô thiêz muôs tâu zôngx ziv, taz sik ntâu qơư ho tsi muôx txâuk ntâuz ntơưr tso chei uô têx hâux lưv co. Iz zav li Công ty muôv muôs têx poz jêz, suôz jêz Thái Bảo li qơư tsông poz jêz nhoz xã Chiềng Ken, 5 shông lok no tsi tâu tso chei uô têx nuv li heik sâuv txơưv tưz trúng thầu shông 2018. Qir tiv zos doanh nghiệp krêz uô têx hâux lưv li heik co thâuv ntêx uô tsi tâu tiêr têx ntâuz ntơưr cơư trôngx qơư uô hâux lưv. Zơưv Lê Xuân Ngoãn, Giám đốc Công ty muôv muôs Thái Bảo, tỉnh Lào Cai heik pâuz: “Zos six truz ntêr li no, pêz taz viv zuôr njiz trâul phiv liv, viv têx pênhr nhiêx kêr txeik,  2, 3 shông nhiv kruôr đhâu moz Covid-19 uô ruôr hiêv, pêz xar cov uô tâu têx ntâuz ntơưr chiê sei fuô uô hâux lưv thiêx tsi yuô phiv liv trâu doanh nghiệp”.

Tas nro tỉnh Lào Cai nhiv no muôx 54 ntơưr tso chei krêz uô têx suôz jêz cxiv tsa tsênhv tsi tâu tas hax, taz sik tsuôk muôx 38 qơư tsênhv uô hâux lưv xưz. 6 luz hlik hâur shôngk shông, têxx suôz jêz cxiv tsa tax 600 cxênhz yiv đruôz, txo grêk ntâu pir li shông uô ntêx.

Lơưr zơưv Hồ Cao Khải, Giám đốc Sở Đêx ar thiêz tênhx qơư tỉnh Lào Cai, têx suôz jêz muôx tsi txâuk li heik sâuv zos viv sơưr đơưk cxiv tsa ntâu têx côngz trênhx, tsênhv thâuv chor suôz jêz hâur đêx ho tsi yuô muôx, txo grêk tsơưs ntâu, uô trâu khơưz yâu tsi txâuk suôz jêz phưx vưv sơưr đơưk zoz qơưx sir zôngv. Iz chas ntơư, ntâu dưv anr njiz trâul phiv liv cik txos têx ntâuz ntơưr, sâu zuôr ar uô qơư uô hâux lưv: “Cui tinhv cơư trôngx qơư krêz uô suôz jêz tas, thiêx đấu giá tso chei uô hâux lưv, taz sik tiv taz viv tso siêz, ntâu qơư krêz uô tas tsi moz siêz cơư trôngx. Tiv 2 zos, thâuv ntêx pêz cir thêv têx nhiêx por hưv tênhx qơư tsơưs, chênhr viv chor nhiêx zos têz qơưk muôz ntâuk gri chiê cơư trôngx qơư uô hâux lưv mak cux tsi txâuk. Sở đêx ar thiêz tênhx qơư cux nhênhz chơưv trâu tỉnh têx faz tsưr ziv chiê cxiz sei cơư trôngx qơư uô hâux lưv khơưz yâu suôz jêz”.

Sở đêx ar tênhx qơư tỉnh Lào Cai nhiv no tsênhv sir jos đros cxuô taz viv qênhz yuôx chor qơư krêz uô suôz jêz li têx nuv uô chiê muôx tsưr ziv đros đơưk tu. Zos qênhz pov doanh nghiệp jêik tsês têx suôz jêz chiê tok thâuv tưs tâu gri li muôs mak zuôr trâul tik cêr cxâuv trơưk chei têz qơưk cui tinhv./.

TTTB-Riê Lâux cxeik, nhênhv