Tsaz yênhx têz qơưk li qơư tsov txos paz tsôngv box mênhx cxưx tsơưs nênhs huyện Trà Bồng hla đhâu cêr pluôk

Tix lâuk Hồ Văn Lách chuôz zis nhoz jos Trung, xã Trà Sơn, huyện Trà Bồng zos ziv chuôz zis pluôk. Shông 2023, txix tsaz yênhx têz qơưk li qơư tsov txos lok txu grês cêr pluôk truôx vênhk, tix lâuk Hồ Văn Lách chuôz zis tâu paz txưv 2 tul nhux đas uô nôngz chiê tu zus. Tix lâuk oz niêv txir tâu kriê cxaz tsưr ziv uô guôx, chos tâux tu zus nhux. Tix lâuk Lách truôx siêz txeik 50 tsov txix Zênhx hangx chính sách xã hội đros phênhv liv kis, côngv cxaz chor nhiêx txiêx tâu paz cxiv uô tsêr txix tsaz yênhx têz qơưk li qơư tsov txos lok txu grês cêr pluôk, tix lâuk cxiv uô tâu luz tsêr yiêz truôx jông. Tix lâuk Hồ Văn Lách shir phaz thâuv 2 niêv txir muôx tâu hâux lưv uô truôx tul, sir jos hla đhâu cêr pluôk: “Muôx cxaz nhux mak ziv jông đuô, heik cxuô cur cux tâu kriê tsưr ziv tu zus lơưv. Guôx cơư mak uô đar, chos tâux ntâu puz nhux nox. Thâuv muôx six hơưv mak tso nhux muk seiz, zos tsi muôx six hơưv mak heik tâux puz nhux nox. Khov muôx têz qơưk tsov cưv paz txưv, heik cxuô mak uô tsâus txos têz qơưk lok six ntâu”.

          Chính quyênx huyện Trà Bồng, tỉnh Quảng Ngãi tsưr tsix ntâu lớp kriê cxaz tsês trâu têx ziv chuôz zis pluôk thiêz tsôngv box mênhx cxưx tsơưs nênhs, heik kriê pox nhuôk tsưr ziv tsêz chos, tu zus chiê muôz siêz chêx cuk tsiv uô, hla đhâu cêr pluôk. Shông no xã Trà Sơn, huyện Trà Bồng sir jos paz 200 ziv chuôz zis hla đhâu cêr pluôk. Zơưv Đinh Văn Phong, Chủ tịch UB xã Trà Sơn, huyện Trà Bồng puz pâuz, phênhv ntâu chor ziv chuôz zis pluôk sâuv thax tsav xã zos tsôngv box mênhx cxưx Cor, jênhv pâuz kis. Cán bộ xã muk seiz shuôk tsênhv tsênhz, sâu zuôr ziv chênhv yênhx ziv chuôz zis lok zoz qơưx paz txưv, đhâu co cxaz nzir pênhr jos paz pox nhuôk. Zơưv Đinh Văn Phong puz pâuz cxaz: chính quyênx heik têx ziv chuôz zis pluôk cam kết sir zôngv pênhr paz txưv trơưk tsưr ziv tso tơưv: “Têx ban nganhx hội đoanx thêv muk tiv phaz sâu zuôr tsôngv box li ziv chênhv tsi zos zuk chiv chir xar tơưv chiê uô. Pir li lênhx nênhs no tsi muôx txâuk ar têz, lênhx nênhs txơưr tsi muôx tsêr nhoz, lênhx txơưr mak zuôr traus tâu paz lok tsưr ziv, nôngz zuz tsoz chos, tsiêx cxu tu zus…Muk seiz shuôk, tsôngv box chiv chir xeir, lơưr cam kết, sir jos hla đhâu cêr pluôk”.

          Shông 2020, chor ziv chuôz zis pluôk huyện Trà Bồng, tỉnh Quảng Ngãi tsav 42% ntâu mak txos shông 2023 tsuôk yuôr 29% ntâu. Khov muôx ntâu tsaz yênhx têz qơưk li qơư tsov txos paz txưv, txos nhiv no, pox nhuôk li tsưr ziv tsêz chos muôx ntâu hlôngr yiêz. Tiv zix, tsôngv box Cor nhoz huyện Trà Bồng tưz tso tsês qênhx shênhx tsir têz tsir qơư, pox nhuôk tâu choz ar, choz jôngr tsiv uô, luz nênhx muôx ntâu hlôngr yiêz. Shông no, huyện Trà Bồng sir jos cxuôv por tsês 1 cxênhz 500 ziv chuôz zis pluôk lơưr tsaz yênhx têz qơưk li qơư tsov txos lok cxuôv cêr pluôk truôx vênhs. Zơưv Nguyễn Văn Dũng, Bí thư huyện ủy Trà Bồng puz pâuz: Huyện ủy tsưr tsix seiz shuôk tsênhv tsênhz côngz xưv cxuôv cêr yeiz pluôk nhoz 16 xã sâuv thax tsav huyện, pâuz tâu yênhx jêx jos, ziv chuôz zis li zoz qơưx chiê muôx tsưr ziv chox kriê côngz xưv txu grês cêr pluôk: “Nhiv kruôr đhâu, Bí thư huyện ủy cux tưz muk cxuô 16 xã, muk thax tsav jêx jos chiê seiz shuôk hâux lưv paz txưv cxiv uô tsêr nhoz, tsưr ziv uô nox uô hâuk li chas thiêz pok yuôr têx phêv liv tưs, tsuv zuôr chênhz zênhv thiêz muôx tsưr ziv chox kriê txos yênhx thax tsav xã đros têx tsưr ziv uô, trâur nuv txơưr. Cux nhoz uô cê iz xã, cxuô luz jêx jos tsi xưk iz zav. Tsưr ziv chox kriê tsôngv px hlôngr yiêz tsoz chos, tsiêx tu zus huv đros, heik kriê pox nhuôk uô li chas cov huv đros yênhx jêx jos”./.

Thành Long-Txâur Vax cxeik nhênhv

Paz trâu nênhs trâus moz trưx phax nhoz tỉnh tox siêz Sơn La

Hâur 14 shông chơưv kho moz trưx phax mik, pos Cầm Thị Phươi, nhoz TP Sơn La cux tsik so sêiz shuôk, chơưv kho moz ntơưv tsêr đhâu chor jiês chơưv kho txix hóa chất ntơưv têx tsêr kho moz trung ương lok. Taz sik, txix thâuv pâuz muôx khoa chơưv kho moz Ung bướu ntơưv Tsêr kho moz y dược cổ truyền Sơn La, pos tưz cuêz tênhv tuôx nhoz tsêr kho moz chiê tâu tsoz phưz, chơưv kho: “Moz mak kho cux tưz truôx tuk lơưv, nhiv no cur tuôx nhoz ntơưv no chiê y, bác sĩ tsoz phưz cov moz jông mê njil xưz. Tuôx kho ntơưv tsêr kho moz no mak moz jông mê njil, zuk cux shir phaz đuô, viv zos tsêr kho moz ntơưv zuk qơư nhoz, nhoz jê tsêr, chor bác sĩ ntơưv no lơưr cux uô jông kho trâu zuk”.

Đros zơưv Quảng Văn Địa nhoz TP Sơn La, moz njưl đros têx zav moz muôx nhoz nênhs lâul tưz uô trâu zơưv đas jos trâus txo grêk ntâu. đhâu iz ntu chơưv kho ntơưv Khoa Ung bướu, zơưv tưz muôx đas jos jux juk, tiv zix zos shir phaz đuô, zơưv cux li chuôz zis tsik yuô njiz trâus têx phiv ntâu… “Thâuv ntêx no cur lok six lax muk lok, muk tsik tâu, tsuv muôx nênhs tuôr, nhiv no chơưv kho ntơưv no mak cur muk lok tâu jông đuô, pov zuk muôx jos đuô lơưv. Iz saz chêr trâus cxar, tâu chơưv kho nhiv no cur pư cux tsik hnor moz li chak lơưv… Thâuv ntêx cur chơưv kho ntơưv tsêr kho moz Njưl Trung ương, tsuv muôx têx tuz nhuôs chox muk kho moz. Nhiv no mak chor nênhs hâur tsêr tsuôk tsuv gra jâuz mor tuôx trâu zuk nox xưz, tsik tas ntâu nhiêx txiêx chêix yêz muk lok li thâuv ntêx lơưv”.

Pos Phươi, zơưv Địa li siêz xar cux zos 30 ntâu lênhx nênhs moz tsênhv kho moz ntơưv khoa Ung bướu, Tsêr kho moz Y dược cổ truyền Sơn La li siêz xar cxuô.

Bác sĩ Hà Mạnh Cường, sêiz car khoa Ung bướu, Tsêr kho moz puz pâuz, Khoa tâu yênhx lix txix hli 1/2024. Khoa têx hâux lưv uô zos chơưv kho trâu chor nênhs trâus moz trưx phax, tiv zix zos chor nênhs trâus moz hnhar, tsuv tâu paz chơưv kho cov tsik yuô moz, paz tsoz phưz trâu thâuv trâus moz hnhar… Viv li, chor y, bác sĩ hâur khoa tsuv zos qơư khov vav, zos chor nênhs sir jos, paz chơưv kho moz trâu chor nênhs moz: “Chor nênhs trâus moz trưx phax mak ntu zar kaz nênhx lơưr zuôr xar ntâu, uô nênhx tsik shir phaz, zuk hêik thiêz paz trâu lơưr tâu bâuv li chak mak sir jos xưz cov lơưr uô nênhx shir phaz thiêz muôx jos đuô, tsik cxơưx ntâu txos têx kror moz”.

Lơưr bác sĩ chuyên khoa I Đinh Khắc Tiệp, Phưv Giám đốc Tsêr kho moz Y dược Cổ truyền tỉnh Sơn La, y học cxôngx nzor đros trâu y học yiêz zuôr paz chơưv kho tâu trâu iz cxiê kror moz hâur trâus moz trưx phax. Viv li, tsêr kho moz tưz cuêz tênhv yênhx lix khoa Ung bướu thiêz sir jos kriê txux chi trâu chor nênhs uô hâux lưv, yưv pênhr zuôr chuôz zênhx cxuô zav chiê tax tâu trâu hâux lưv tsoz phưz, chơưv kho moz. Tiv zix zos kriê nzir txux chi trâu chor y, bác sĩ hâur sir zôngv y học cxôngx nzor thiêz y học yiêz jông chiê tsoz phưz, chơưv kho paz txo grêk tsơưs kror moz trâu chos nênhs trâus moz trưx phax; txo grêk kror moz txix tsưr ziv y học cxôngx nzor…

No zos iz hâur nganhx y têr Sơn La li têx kror hlôngr yiêz, tax tâu tsưr ziv chiê tsoz phưz đas jos trâu chor nênhs trâus moz têx zav moz hnhar, phiv liv ntơưv thax tsav qơư./.

Thanh Thủy-Lê Hạnh-Lik Thox cxêik nhênhv-Lưu,in đĩa