Uô li chas chiê huôv tsar uô kôngz nuv công nghệ siêz nhoz thax tsav tsôngv box heir nênhs tsơưs

Xã Giao Phú zos iz hâur têx xã txov nhêv yax hâur huyện Bảo Thắng, tỉnh Lào Cai. Cux jông xưk li cxuô ziv chuôz zis txơưr đuô hâur thax tsav xã, thâuv ntêx niêv lâul Phạm Thị Yên, heir nênhs Tày chuôz zis tsi muôx ntâu ar uô nox. Iz chas chor liêx têz uô blêx chiê tâu nox mak têx zav tsoz chos txơưr đuô cux tsuôk zos chiê tâu sâu đê muôs iz kro mê njik txoz cxơưx trâu pluô nox niêx hnuz. Kuôk no 4 shông, niêv lâul Yên 2 niêv txir tâu huyện tso muk cơưv nzir tsưr ziv uô kôngz lơưr công nghệ siêz. Tâu têz qơưk tso kêr txeik 200 tsov đeiv đros trâu chuôz zis têx pênhr cxênhx txuôs tâu iz kro mê njik, niêv lâul Yên tưz sir jos xor thêir uô qơư chos jâuz tâuv thiêz têx điz xar muôx 2 ha. Txos nhiv no, niêv lâul tưz uô tâu yênhx côngz trơưk li tsưr ziv, siêz xar. Niêv lâul Phạm Yên heik pâuz: “Iz txix thâuv qir huôv tsar uô nox trơưk li tsưr ziv yiêz no, mak tsi tas côngz đas jos ntâu, taz por tâu truôx tuk vêv xênhz zav nox thâuv zuk muôs trâu ciêz đrôngs thiêz tsar ndê phênhv sâu tâu ntâu trâu chuôz zis”.

Tsênhz tiês tso pov, nhiv no nhoz ntâu thax tsav qơư muôx tsôngv box heir nênhs tsơưs uô nênhx nhoz hâur tas nro têz qơưk tưz muôx yưv têx trâur nuv huôv tsar uô kôngz lơưr tsưr ziv yiêz nhiêk txơưr nhiêk tsi siz thôngx, gra lok têx jông trâu lênhx nênhs tsiv uô thiêz nênhs sir zôngv. Zos xưk li kuôk no 3 luz shông, tix lâus Ya Thuyên, xã Đa Quyn, huyện Đức Trọng, tỉnh Lâm Đồng tsênhv cxơưx, tsi muôx tsưr ziv chos uô têx jâuz tâuv hur jông, taz sik khov tâu cơưv shâuv têx txux chi tsưr ziv uô nox yiêz, tix lâus tưz yưv muôx 100 tsov đeiv chos 1 cxênhz ntâu xưv phaz têz txir lưk suôr. Txix ntơư, phênhv sâu tâu tưz tsar ndê jux juk. Nhiv no, yưx tas têx nhiêx txiêx uz no li: Zuôr qir zuôv, ntiêr nênhs đros uô…, iz shông tix lâus tâu liv muôx 200 tsov đeiv ntâu txix muôs têx lưk suôr: “Uô li no txo grêk tsơưs tâu côngz đas jos lok six ntâu. Iz zav li, iz hnuz lênhx nênhs zưs đêx tsuv tas iz tas hnuz, taz sik zos zôngv meir zưs mak tsuôk tas 30 phênhz xưz”.

Kôngz nuv hur tưz thiêz tsênhv zos tsưr ziv huôv tsar uô nox truôx, viv lênhx nênhs sir zôngv ziv hnuz ziv xar cov tâu zôngv têx zav nox truôx tuk. Chênhr zos li heik co, hâur chor shông đhâu, uô lơưr kôngz nuv công nghệ siêz tưz tâu ntâu thax tsav qơư, doanh nghiệp hâur tas nro têz qơưk fuô uô. Pos Dung Xênhv Zax, Phưv Chủ tịch Ủy ban tỉnh Lào Cai heik pâuz: “Luôs hâux lưv kriê txux chi tsưr ziv uô hâux lưv uô tâu lok tsi tâu, xuz thơưx tsuv zos pêx xênhv. Tsuv seiz pêx xênhv xar cơưv lok sâuv uô đaz tsi, zav nuv tưs. Iz chas co, txix tỉnh li tsưr ziv, cêr huôv tsar, iz zav li Lào Cai huôv tsar kôngz nuv lơưr công nghệ siêz, iz chas uô lơưr têx muôx jông hâur Lào Cai, huôv tsar uô jâuz truôx tuk, jâuz tâuv chiv ntux tsâus….”.

Nhiv no, ntâu chuôz zis tsôngv box heir nênhs tsơưs tâu canr bôv ntơưv qơư tsi so yax kriê, vênhv tôngv, txix ntơư jux juk hlôngr yiêz tsưr ziv huôv tsar uô nox. Têx trâur nuv kôngz nuv uô lơưr công nghệ siêz tâu fuô uô, tsi tiêk lok sâuv tsêz chos kôngz, tsênhv uô trơưk hur si trâu tu zus tsiêx cxu. Chor chuôz zis tsiv uô zos tsôngv box heir nênhs tsơưs tsênhv chiv chir sik đros uô, yênhx lix têx HTX kôngz nuv chiê siz paz huôv tsar uô nox hnar, zok nriêr qơư sâu zuôr xiv huv./.

(VOV4-Riê Lâux cxeik, nhênhv)

Hluôk nênhs Sơn La hla đhâu cêr pluôk khov txeik pênhr huôv tsar tu zus

Xênhz zus thiêz hloz lox nhoz thax tsav qơư tsênhv yuôr ntâu phêv liv nhoz xã Chiềng Đen, TP Sơn La, tỉnh Sơn La, thâuv ntêx chuôz zis tix lâuk Quàng Văn Tuân phênhv ntâu uô liêx têz thiêz chos cà phê, taz sik phênhv sâu tsi truôx tul, cà phê chiv sâu tâu ntâu chiv sâu tâu tsơưs, luz nênhx lok six txov nhêv.

          Đros siêz xar tror sir jos huôv tsar kinh têr đuô thiêz, shông 2017, tix lâuk Tuân truôx siêz txeik pênhr zênhx hangx chính sách xã hội, huôv tsar cxaz trâur nuv tu zus nhux đas 3B, no zos nôngz nhux txuôv, zus chiê zuôr greix muôx hâur pâus txix Bỉ, tiv zix zos muôx ntâu greix đuô nhux nôngz fênhx yax. Tix lâuk Quàng Văn Tuân, jos Nong Lọ, xã Chiềng Đen pheiz kênh: Qir thơưx, chuôz zis njiz ntâu phêv liv hâur hâux lưv tsoz phưz, phax moz. Taz sik truôx siêz uô, tix lâuk chiv chir nriêr pâuz cxaz sâuv mạng internet, muk seiz têx trâur nuv tu zus yênhx côngz chiê lok uô lơưr: “Pov sâu mạng muôx lok six ntâu hluôk nênhs uô trâur nuv tu zus nhux đas chox lok phênhv sâu ngaz tul thiêz tsi tsuv muk uô nox đêz, cur truôx siêz cơưv shâuv uô lơưr, muk seiz têx trâur nuv thiêz cơưv shâuv sâuv mạng chiê lok uô muôx phênhv sâu trâu chuôz zis ngaz tul đuô, huôv tsar kinh têr. Qir thơưx cux njiz ntâu phêv liv, cux tsi muôx chênhz zênhv hâur hâux lưv tsoz phưz, puz nhux nox, viv li cux tsuv muk cơưv shâuv lok six ntâu”

          Đrâuv co, txix paz buô muôx 2,3 tul qir thơưx, tix lâuk Tuân cux yưv pênhr cxaz, huôv tsar uô trâur nuv tu zus buô sha nhuôk, buô zuôr greix. Khov uô trơưk KHKT, tix lâuk chuôz zis li trâur nuv huôv tsar jông, txos nhiv no chuôz zis muôx 15 tul nhux txuôv 3B thiêz zuôr xar 45 tul buô, tưz qir tso lok chêx cuk jông, hâur shông nhiv kruôr đhâu tưz tso lok phênhv sâu 500 tsov đeiv ntâu.

          Zav nox puz nhux phênhv ntâu zos tâux, viv li tix lâuk Tuân chos cxaz tâux nxư sâuv têx liêx têz. Đrâuv co, thâuv trâur nuv huôv tsar ngaz tul thiêz chox lok phênhv sâu, tix lâuk tror nriêr pâuz, zôngv KHKT yiêz lok uô hâur zuk trâur nuv, krêz đar thiêz huôv tsar jông đuô. Tix lâuk Quàng Văn Tuân puz pâuz: “Hâur ntu zuôr txos, zuk cux muôx tsưr ziv tu zus sinh học, nhux txâuk hnuz nhôngs cơư mak mav li cơư, tu zus sinh học mak nhux hloz lox sei đuô, khênhr nox khênhr hloz thiêz muôx đas jos”.

          Đros siêz xar  njôngr trâur nuv tu zus ziv tâu krêz đar, tsi taz huôv tsar kinh têr trâu zuk chuôz zis, tix lâuk Tuân tsênhv yax mông, vênhv tôngv, heik kriê, pheiz kênh chênhz zênhv trâu pox nhuôk, tiv zix zos đoàn viên hluôk nênhs nhoz tiv phaz sik đros huôv tsar. Đros têx paz max, ntâu lênhx hluôk nênhs nhoz hâur jos cux cơưv shâuv thiêz uô lơưr trâu zuk chuôz zis trâur nuv, chox lok phênhv sâu ngaz tul. Tix lâuk Lò Quốc Việt, Phưv bí thư thành đoàn Sơn La puz pâuz: “Quàng Văn Tuân zos lênhx nênhs sir jos huôx tôngv phongz yaox, zos iz hâur têx đeiv iêr chi cax luk hâur phongz yaox hluôk nênhs huôv tsar cêr uô nox nhoz tiv phaz”.

          Car xar, car uô, hlôngr yiêz tsưr ziv siêz xar huôv tsar cêr uô nox nhoz tox siêz, tix lâuk Quàng Văn Tuân tưz tso pov têx tsưr ziv huôv tsar cêr uô nox tsi zuôr têx tsưr ziv zov chênhr, têx trâur nuv lox mak đros hluôk nênhs li siêz sir jos, tiv phaz li têx muôx ntơưv qơư, têx trâur nuv mê cux zuôr tso lok phênhv sâu ngaz tul, đhâu co krêz uô đêz đar, huôv tsar yênhx trâur nuv lox, chox lok chêx cuk tsi taz trâu zuk mak tsênhv trâu pox nhuôk hâur jêx jos./.

(Trấn Long-Txâur Vax cxeik nhênhv)