Muôs têx hax huv đhâu trôngx đriv Lào Cai-Iz kro jông thiêz phiv liv

Têx hnuz lok no, Công ty An Nghiệp nhoz thị trấn Phong Hải, huyện Bảo Thắng, tỉnh Lào Cai tsênhv sir jos uô hâux lưv chiê uô tâu zênhx max têx hax huv muôs trâu saz Trung Quốc. Co zos hux thôngx Công ty tưz cir ntơưr chos luk tâu đros têx tuz luôv Trung Quốc hâur hội ciêz muôv muôs Việt -Trung nhiv kruôr đhâu. Pos Nguyễn Thị An, Giám đốc Công ty heik pâuz: Iz hnuz muôx zuôr xar 300 tênhr kok ntông kruôr tâu muôs đhâu trôngx đriv Kim Thành. Muôs tâu pôngz, gri truôx tuk, tsênhv paz doanh nghiệp hla đhâu têx phiv liv đhâu 3 shông muôx moz gênhk uô ruôr hiêv: “Đhâu thâuv cir tâu ntâuz ntơưr đros têx tuz luôv saz Trung Quốc, doanh nghiệp tưz muôs ciês chor hax huv xuz thơưx đhâu trôngx đriv. Vav chiê siêz hâur ntu zuôr txos, zuôr muôs tâu têx hax huv jông đuô. Doanh nghiệp cux xar cov cxuô ban ngênhx muôz jông six hơưv lok sâuv uô têx ntâuz ntơưr muk lol thôngz đhâu trôngx đriv thiêz cxuô tsênhv chei trâu doanh nghiệp chiê muôs tâu sei, zôngx ziv têx hax huv”.

Tênhx qơư muôs hax huv đhâu Lào Cai nhiv no muôx txos 90% zos têx kôngz nuv, tsi yuô muôx grik kinh tế siêz. Đros trâu co, tsi tâu muôx cêr thôngx ziv lok sâuv 2 tos têx tsênhv chei, viv li uô tuôr thênhv tsi tsơưs txos luôs hâux lưv muôs têx hax huv nhiv no trâu luôs 2 chas têz qơưk đrâuv. Chor doanh nghiệp cux heik: Têx côngz trênhx, luôs hâux lưv uô phưx vưv ntơưv trôngx đriv Lào Cai nhiv no tsi tâu yưv pênhr uô jông, nhiêx txiêx siêz zos tsi tâu cxiv kho muôx têx zuôr trâul pôngz jux juk, uô tsi tâu hâux lưv. Lok têx li heik co, zơưv Nguyễn Hoài Nam, Phưv Tổng thư ký Hiệp hội tsiv uô thiêz muôs shuôz njêl Việt Nam heik li no: “Uô li chas chiê txo grêk tsơưs tâu têx nhiêx txiêx uz no, hur si lok sâuv nhiêx fax thâux, por hưv chiê hax huv muôs tâu đhâu trôngx đriv zôngx ziv, lar heik zos chor hax huv txiêk, pêz tsuv muôx nzir qơư trâu têx huv ntơư xưk li tsưr ziv xar. Ntơưv qơư têx tsênhv chei li nhiv no, cur seiz zuôr hu zâuv tâu ntâu têx doanh nghiệp muôv muôs, paz max trâu têx nuv uô heik sâuv tâu trơưk hâux lưv tso tơưv”.

Zơưv Vương Trinh Quốc, Tsar Ban seiz car thax tsav kinh tế tỉnh Lào Cai heik pâuz: Iz chas txo grêk tsơưs têx nhiêx txiêx côngz trênhx, cxiv tsa tsưr ziv yiêz lês uô têx hâux lưv uz no ntơưv trôngx đriv, sir jos sik thav đros saz Hà Khẩu, Trung Quốc chiê truz lur six hơưv, hnuz nhôngs muôs têx hax huv muk lol đhâu trôngx đriv mak Lào Cai cux tsênhv cxiz uô jông cxuô luôs hâux lưv muôv muôs chiê muôz jông six hơưv trâu doanh nghiệp Việt Nam zok nriêr qơư muôs têx hax huv: “Tỉnh zuôr qênhz shuôs têx ntâuz ntơưr uô li chas cov đơưk uô tâu sei thiêz zôngx ziv  yax. Chor doanh nghiệp mak lơưr zuôr trâul txos zos têx ntâuz ntơưr thiêz six hơưv, hnuz nhôngs chiê fuô uô tâu zênhx max têx hâux lưv li: Njêik yêv, fax thâux têx hax huv, qơư trâu chor huv ntơư ntơưv trôngx đriv”./.

CTVVOVTB-Riê Lâux cxeik, nhênhv

Yên Bái muôz siêz tsơưr lươngv lênhx nênhs lox tôngv

Công nghệ ô tô zos iz hâur oz zav hâux lưv uô cấp têz qơưk nhoz Tsêr cơưv cao đẳng Yên Bái. No tâu seiz zos hâux lưv tâu ntâu lênhx nênhs xeir tsov cơưv thiêz xeir zuôr cơưv chuôz ndê hâur yênhx shông. Ntu kriê hâux lưv uô, tsêr cơưv tưz chuôz tsar kriê têx tsênhv tsênhz tiv zix trâu shux xênhz txix sik côngv đros têx qơư kho đuô yêz ô tô sâuv thax tsav tỉnh chiê muôz siêz tsơưr lươngv uô, thôngx cxix cir hôx thôngx đros têx doanh nghiệp xeir zuôr lox sâuv tas nro têz qơưk. Chêx cuk zos 100% shux xênhz nriêr tâu hâux lưv uô huv đros thâuv tơưv shux. Shux xênhz Nguyễn Xuân Tùng, Khoa công nghệ ô tô thiêz vận hành meir, Tsêr cơưv cao đẳng hâux lưv uô Yên Bái pheiz kênh: “Cơưv ntơưv no mak pêz tâu cơưv lý thuyết thiêz tâu shâuv uô jông, đhâu co pêz pov nhiêv zuk li hâux lưv cơưv shâuv thiêz paz pêz pov tâu liv zix lok six ntâu trâu zuk luz nênhx tov kaz no”.

          Cux zos tsêr cơưv muôx ntâu nênhs lox tôngv muôx chuyên môn, yênhx tưv kỹ thuật siêz nhoz tỉnh Yên Bái, Tsêr cơưv trung cấp mênhx cxưx nội trú Nghĩa Lộ thâuv tưs cux xav tênhv tsênhz mrrnhxx têx ploz tsênhr thâuv shux xênhz tơưv shux, co zos muôx pênhr xưv yưr lir thiêz uô jông hâux lưv thâuv tâu jênhv uô. Thôngx cxix sik côngv đros têx công ty, doanh nghiệp cir têx ntâuz ntơưr tos jênhv shux xrrnhz uô hâux lưv thâuv tơưv shux. Zơưv Triệu Sỹ Trường, Phưv Hiệu trưởng Tsêr cơưv Trung cấp mênhx cxưx nội trú Nghĩa Lộ puz pâuz: “Tsêr cơưv sik côngv jông đros têx doanh nghiệp, công ty, xí nghiệp hâur thiêz đrâuv tỉnh chiê paz shux xênhz muôx hâux lưv uô, tsêr cơưv tưz zâuv doanh nghiệp txơưx tuôx thox cxov thiêz chuôz tsar côngz xưv tâu uô tsênhv tsênhz”.

          Nhiv no tas nro tỉnh Yên Bái muôx 14 qơư kriê hâux lưv uô muôx 3 tsêr cao đẳng, 3 tsêr trung cấp, 6 tsênhv qơư zaoz zux yax six, 2 tsênhv qơư kriê hâux lưv uô cấp tỉnh. Xav txos tas hli 9/2023, têx qơư no tưz xeir zuôr thox cxov hâux lưv uô trâu 1 cxênhz 700 ntâu lênhx nênhs, hâur co yênhx tưv cao đẳng zos 1 cxênhz ntâu lênhx, trung cấp zos 2 cxênhz 500 lênhx, yênhx tưv sơ cấp thiêz thox cov hâux lưv uô tsơưs đuô 3 luz hlik zos 13 cxênhz 600 lênhx. No zos lưx lươngv lox tôngv jông cungz trâu têx doanh nghiệp hâur thiêz đrâuv tỉnh.

          Cux đros têx tsêr cơưv li chuv tôngv hâur hâux lưv xeir zuôr thiêz thox cxov, nganhx lox tôngv thương binh thiêz xã hội tỉnh tưz sir jos tsưr tsix têx tsaz yênhx huôx tôngv li Hnuz ntênhs hâux lưv uô, heik kriê hâux lưv uô, xeir zuôr, sik côngv đros têx doanh nghiệp hâur thiêz đrâuv tỉnh, tiv zix zos doanh nghiệp muôx pênhr yưv txix saz đrâuv têz qơưk. Thôngx cxix heik tso tơưv thiêz krêz uô ntâu cơ chế, chính sách chiê zaz zâuv têx doanh nghiệp yưv pênhr ntơưv Yên Bái, paz nênhs lox tôngv nriêr tâu hâux lưv uô. Zơưv Phạm Quốc Vũ Bình, Phưv tổng cục tsar, Tổng cục zaoz zux hâux lưv uô, Bộ lox tôngv, thương binh thiêz xã hội ntâuk grê: “Đros tas nro têx chiz coaz, chính quyênx tiv phaz têx cấp, têx doanh nghiệp thiêz têx tsêr cơưv li paz mak no zos cêr coaz siv sik côngv jông chiê doanh nghiệp tâu sik côngv đros tsêr cơưv, pâuz tâu tsêr cơưv li pênhr xưv thox cxov; tsêr cơưv hâur co muôx cưk kriê, muôx têx shux xênhz cux tâu nriêr hâux lưv uô, doanh nghiệp li zoz qơưx li chas, txix co hlôngr yiêz côngz xưv kriê thiêz cơưv shâuv”.

          10 luz hlik shông 2023, tỉnh Yên Bái tưz car chêx hâux lưv uô trâu 20 cxênhz 500 ntâu nênhs lox tôngv, hâur co cungz nênhs lox tôngv muk đrâuv tỉnh zos 7 cxênhz 700 ntâu lênhx. Đrâuv co zos zuôr xar 12 cxênhz 500 tâu car chêx hâux lưv uô txix tsaz yênhx huôv tsar kinh têr, xã hội thiêz puz txeik pênhr têz qơưk, 300 ntâu lênhx nênhs muk uô hâux lưv saz đrâuv têz qơưk li Hàn Quốc, Trung Quốc, Nhật Bản, Đài Loan thiêz iz cxiê têz qơưk Châu Âu./.

Đinh Tuấn-Txâur Vax cxeik nhênhv