“Hnuz kaz ciêz đros pêx xênhv” paz muôx cêr shir phaz

Têx hnuz no, pox nhuôs xar Hồng Ca, huyện Trấn Yên, tỉnh Yên Bái tsênhv lok six shir phaz thâux xa têx zuz nôngz, khơưz kror, khơưz cưx đêx… chiê chos chor shôngz Bát Độ yiêz. No zos iz hâur xar thiêz huyện li chor tsoz chos zov chênhr, paz muôx tâu kinh têr siêz.

Xưk li ntâu chuôz zis txơưr đuô nhoz jok Nam Hồng, tix lâus Lương Đình Khương ziv chuôz zis tưz hlôngr đuô chor ar têz chos cxuô zav kôngz tsik jông chiê chos njuôs Bát Độ. Chiv no tix lâus chos yiêz 10 héc ta, txơưv tiêk chuôz zis muôx tsơưs nênhs, taz sik khov muôx chor cán bộ tỉnh, huyện tuôx paz thâux xa chor zuz nôngz, khơưz kror, kruôz kriê kỹ thuật…viv li têx hâux lưv cux tâu uô tiêr sêi. Njiê Bí thư Tỉnh ủy Yên Bái Đỗ Đức Duy sir jos khơưz kror ar pêv têz, tas nro tix lâus Khương chuôz zis pov lok six shir phaz, muôx nzir đas jos chiê kriz đar thiêz huôv tsar uô nox cov uô tâu bluô nux:

“Cxiê shông, yênhx hnuz mak puôr lênhx zos chuôz zis uô xưz, shông no muôx chor hloz nhoz xar, huyện thiêz tỉnh tuôx paz trâu chuôz zis mak lênhx tưs cux shir phaz. Tâu chor hloz tuôx paz li no mak chuôz zis zuôr sir jos đuô, lưv shông mak zuôr huôv tsar nzir thiêz”.

Đros chor đảng viên Chi bộ jok Khuôn Bổ, qơư muôx zuôr xar 100% tsôngv box mênhx cxưx Hmôngz nhoz xar Hồng Ca, huyện Trấn Yên, jiês xênhz huôx tsik so kriz uô têx tsênhv njiêz, jênhv vưv hli 4 thiêz quý 2 no mak lok six shir phaz thiêz muôx tsiv gri, thâuv tâu zơưv Bí thư Tỉnh ủy Yên Bái đros chor lênhx tov tỉnh, huyện tuôx đros cơưv. Ntâu kror hâux lưv tsênhv njiz trâus phiv liv, tsik tâu tsênhz mênhx thiêz tsik tâu muôx tsưr ziv uô tsênhv tsênhz. Bí thư chi Bộ jok Khuôn Bổ, Nhà Xênhv Tsaz puz pâuz:

“Đhâu jiês xênhz huôx no mak sơưr đơưk cux pâuz tâu ntâu kror txix lơưr têx ziv chênhv. Têx tsưr ziv, jênhv vưv chor hloz hêik tơưv mak pêz zuôr sir jos uô cov tiêr hâur ntu zuôr txos”.

Lơưr zơưv Nguyễn Minh Thanh, Bí thư Đảng ủy xar Hưng Thịnh, huyện Trấn Yên “Hnuz kaz ciêz đros pêx xênhv” tưz paz muôx sik côngv siêz, phêiz kênh nhoz pêx xênhv đros thiêz cán bộ, paz thax tsav qơư pâuz tâu txos pêx xênhv têx siêz xar, têx phiv liv muôx yưv ntơưv thax tsav qơư, txix co chính quyền muôx tâu tsưr ziv chiê lênhx tov, chox kriê cov huv đros đuô:

“Hâur 2 shông kriz uô mak xar tưz uô tâu tiêr 4 jêx jok yiêz jông. Shông 2022, pêz zuôr tror cxiv tsa sir jos uô têx jêx jok zos chor jêx jok txơưx njê li kruôz kriê, paz trâu pox nhuôs cài đặt ntơưr njuôk shuôk đas jos điện tử, lôngx đhok camera an ninh; paz trâu chor chuôz zis, hợp tác xã muôx tsưr ziv uô jâuz ngaz tuk, ntông nox txir, kêiz đuz grêis tso trâu sâuv sàn giao dịch…”

“Hnuz kaz ciêz đros pêx xênhv thiêz doanh nghiệp” nhoz Trấn Yên, txix shông 2020 txos nhiv no, huyện tưz tsưr tsix xar muôx 300 jiês uô lox tôngv đros pêx xênhv, đros xar muôx 25 cxênhz lênhx canr bôv, công chức, viên chức, chiến sĩ lưx lươngv vũ trang thiêz pêx xênhv đros uô, đhâu co 350 ntâu cêik cêr hâur jêx jok tâu uô vêv xênhz, chos pax; zuôr xar 200 cêik cêr zoz thôngz jêx jok tâu cxiv tsa cxiv luôs tơưl tênhz chis pov cêr thâuv hmo ntux; yênhx châuv chuôz zis pluôs tâu paz cxiv tsa, kho đuô vax tsêr; yênhx puô ziv chuôz zis tâu paz huôv tsar  uô nox. Zơưv Nguyễn Cảnh Hiếu, Trưởng Ban Dân vận-Chủ tịch Ủy ban Mặt trận Têz qơưk huyện Trấn Yên puz pâuz:

“Tiv iz zos tror paz trâu cxuô thax tsav qơư cxiv tsa, uô truôx đuô têx luôs hâux lưv lok jêx jok yiêz, tiv zix zos kho đuô têx jêx jok cov jông; hlôngr yiêz sôr; gra siêz đuô cêr uô nênhx shir phaz; paz thiêz muôx tsưr ziv huôv tsar uô nox trâu chor chuôz zis pluôs…”

Txix tsưr ziv dân vận txơưx nhoz huyện Mù Cang Chải, txos nhiv no, “Hnuz kaz ciêz đros pêx xênhv thiêz doanh nghiệp” nhoz Yên Bái tưz zos yênhx tsưr ziv uô dân vận jông, tâu uô đêz đar, taz por tâu uô truôx jông, tâu chôngz pêx xênhv thôngx ziv đros. No zos iz hâur têx hâux lưv uô tsênhv tsênhz paz uô cov tâu tiêr Nghị quyết Đại hội Đảng bộ tỉnh Yên Bái jiês tiv 9, ntu 2020-2025 lok gra siêz cêr uô nênhx shir phaz trâu pêx xênhv cov tsar ndê muôx 15% pir li shông 2020./.

(Thừa Xuân-Lik Thox cxêik nhênhv)

Vân Hồ txo grêk zax zênhz nhoz têx lênhx hluôk nhênh

Lóng Luông tưz muôx jiês tâu seiz zos xã cuz nxor, phiv liv lok chor nênhs uô cxâuv chei, zuôr muôs, uô luôv zax zênhz tsi trơưk chei nhoz huyện Vân Hồ, tỉnh Sơn La; hâur co, 2 luz jok Lũng Xá, Tà Dê tưz tâu seiz zos qơư cuz nxor đuô hur si, khênhr muôx lênhx nênhs zuôr muôs, thâux gra zax zênhz tsi trơưk chei lok six phiv liv.

Xênhz thiêz hloz lox nhoz suôv qơư muôx cuz nxor li heik sâuv, ntâu lênhx hluôk nênhs hâur jok Lũng Xã tưz seiz njiê pov ntâu têx tsi jông, uô ruôr hiêv txos luz nênhx nox nhoz, chuôz zis viv zax zênhz. Txuz 2 lênhx hluôk nênhs hâur jok trâul ntêk cxov zos viv đros luôs lưv tus thâux gra zax zênhz tsi trơưk chei hâur têx shông uô ntêx, tưz yênhx iz kro uô trâu chi đoanx hâur jok yax kriê chei têz qơưk txos trâu têx tuz nxeik, cxênhx hluôk pâuz thiêz tsi uô trơưk. 2 shông tror lok no, têx li heik co tưz txo grêk tsơưs, tsi pov muôx, taz sik hâux lưv phax tar zax zênhz hâur têx lênhx hluôk nênhs Lũng Xá cux tsênhv yuôr ntâu phiv liv. Tix lâus Phá Xênhv Zax, Bí thư chi đoanx jok Lũng Xá, xã Lóng Luông, huyện Vân Hồ heik pâuz:

“Phiv liv, txov nhêv zos pêx xênhv, têx lênhx hluôk nênhs hâur jok tsi yuô tâu muôx tsưr ziv jênhv pâuz. Tsuôk xar cov têx hluôk nênhs hâur jok đros zuk thôngx siêz, yax kriê zax zênhz li têx tsi jông trâu sơưr đơưk đros pâuz txos. Thiêz xar cov cxuô cấp đros fuô uô têx hâux lưv yax kriê lok phax tar zax zênhz, zuôr muôx nzir ntâu hâux lưv, nuv uô siz cxơưz paz chiê tsôngv niêv txir cưr tix nênhx tsa sơưr đơưk hâur jok sik tưr huôv tsar uô nox, txo grêk tsơưs jux juk tsi cor txos têx zax zênhz”.

Chiê phax tir thêir têx lênhx hluôk tsi đros luôs lưv tus cor, zuôr muôs têx zax zênhz, chi đoanx cxuô jêx jok nhoz Lóng Luông cux tsi so muk yênhx chuôz zis hluôk nênhs chiê yax kriê lok zax zênhz li têx tsi jông; heik lơưr sir jos đros cxaz chuôz têx hâux lưv, phôngz yaox hâur đoanx hluôk nênhs, nox nhoz, xênhz huôx truôx tuk, siz paz huôv tsar uô nox uô hnar, tsi đros luôs lưv tus cor, uô luôv zax zênhz tsi trơưk chei. Tix lâus Xanh Xênhv Zax, Bí thư chi đoanx jok Co Lóng, xã Lóng Luông, huyện Vân Hồ heik:

“Thâuv ntêx muôx iz cxiê lênhx hluôk nênhs tsi tâu pâuz txos zax zênhz li têx tsi jông, tưz đros luôs lưv tus thâux gra, cor txos têx zax zênhz thiêz trâul muôx zênhk zax zênhz, tsuv nhoz chiv zênhk zênhz. Hâur ntu jê lok no, têx hluôk nênhs lơưr pâuz tsênhz txos têx tsi jông heik sâuv, jux juk txar đêz, tsi đros luôs lưv tus uô têx nuv tsi trơưk chei”.

Lóng Luông zos xã muôx chor hluôk heir nênhs Hmôngz tsav ntâu đuô hur si, luz nênhx nox nhoz tsênhv yuôr ntâu txov nhêv. Tix lâus Xênhz Xênhv Shôngx, Bí thư đoanx xã Lóng Luông heik pâuz, taz viv tưz bax tsưr ziv heik trâu cấp ủy, hux jos đros cxuô ngênhx muôx vax huôv chiê yax kriê cêr nênhx jông, tsiv txiêx trâu trâu chor hluôk nênhs hâur xã, lar heik zos, moz siêz txos têx lênhx hluôk đhâu chiv zênhk zax zênhz tror lok:

“Iz cxiê lênhx hluôk trâul muôx zênhk zax zênhz đhâu thâuv chiv tâu zênhk zax zênhz tror lok, tưz uô jông lơưr chei têz qơưk têx cui tinhv, đros cxaz chuôz têx phôngz yaox hâur đoanx, đros cxiv tsa, huôv tsar kinh tế xã hội. Hok lol sâuv chor hluôk co li chuôz zis, txix têx tsi jông viv zax zênhz uô ruôr hiêv, chuôz zis cux pâuz tsênhz txos têx li heik ntơư, lơưr cux đros heik, choz kriê têx mê tuz mê nhuôv cov tror cơưv shâuv cêr uô nênhx jông, tsiv txiêx, sir jos đros luôs lưv tus siz tưr huôv tsar uô nox uô hâuk”.

Tsi tiêk nhoz Lóng Luông, hâur thax tsav huyện Vân Hồ tsênhv muôx chor xã cuz nxor li: Chiềng Xuân, Vân Hồ….muôx ntâu lênhx hluôk nênhs uô cxâuv chei têz qơưk lol zax zênhz thiêz. Xưk li thâuv ntêx, tas nro huyện muôx nhos 20% lênhx hluôk nênhs thiêz chuôz zis cik txos têx zax zênhz, mak chor shông jê lok no têx li heik co tưz txo grêk tsơưs; chor hluôk neenhs sir zôngv, đros luôs lưv tus zuôr muôs, thâux gra zax zênhz tsi trowuk chei tưz txo grêk ntâu. Niêv lâul Meir Xênhv Zax, Bí thư Huyện đoanx Vân Hồ, tỉnh Sơn La heik pâuz:

“Pêz yax kriê, vênhv tôngv hâur têx jiês xênhz huôx đoanx; phuôx tôngv uô têx hâux lưv hluôk nênhs chiv chir seiz car, tsi muôx zax zênhz; hâux lưv “hluôk nênhs heik tsi đros luôs lưv tus cor, sir zôngv zax zênhz”, lok sik “jok tsi muôx zax zênhz”.

Luôs hâux lưv sơưr tơưv txênhz, phax tar zax zênhz nhoz Vân Hồ hâur six hơưv đhâu tâu cxuô lưv lươngv muôx vax huôv thiêz hâu nov ntơưv qơư sir jos fuô uô, tưz gra lok ntâu kror jông, hâur co tsôngv box cxuô heir nênhs li txux chi tsưr ziv jênhv pâuz tưz jux juk tâu gra siêz. Taz sik chiê phax tir thêir, txo grêk tsơưs têx zax zênhz co nhoz têx lênhx hluôk nênhs, đros trâu lưv lươngv muôx vax huôv thiêz hâu nov ntơưv qơư têx sir jos, lok six zuôr trâul txos cxuô ziv chuôz zis moz siêz txos đuô thiêz, tas nro côngv thôngx sơưr đơưk sik đros paz./.

(Lê Hạnh-Riê Lâux cxeik, nhênhv)