Festival txir ntông Sơn La, hêik tơưv tâu kror jông nhoz tỉnh tsưr tsix

Festival txir ntông thiêz hax huv OCOP Việt Nam shông 2022 tâu tsưr tsix ntơưv tỉnh Sơn La tưz zos yênhx chor nênhs chos ntông nox txir li hnuz hôiv; zos jiês muôx ntâu zav hax huv jông nhoz ntâu thax tsav qơư lok uô cê; zos jiês chiê piêr pâuz, siz txuôk têx txir ntông, hax huv OCOP… Hnuz hôiv tâu uô yênhx côngz jông zos muôx tỉnh Sơn La li têx gôngr côngv tsik tsơưs txix bax uô tâu jông, sưv đros thiêz siêz nhiêv kruô. Zơưv Nguyễn Hồng Sơn, Phưv Chủ tịch Hôiv Nôngx mênhx  tỉnh Nghệ An, Phưv trưởng đoanx tỉnh Nghệ An cxaz chuôz Festival txir ntông ntơưv Sơn La jiês no hêik pâuz:

“Kror pêz pov tâu xuz thơưx zos lênhx nênhs nhoz Sơn La lok six sưv jê, lo six sir jos paz trâu sơưr đơưk. Hâur têx hnuz nhoz ntơưv no, cán bộ, nhân viên tâu tỉnh phêiz nênhs tok, chox muk lok lok six jông. Cur cux sêiz pov tâu tỉnh li têx tsaz yênhx vênhx nghệ jông hêik tơưv tâu têx vênhx huôv ntơưv tỉnh. Cux vav tiêk hâur ntu zuôr txos, vênhx huôv Sơn La zuôr tâu kriz uô đêz đar txos cxuô thax tsa qơư hâur têz qơưk pâuz”.

Têx xor xưv, huôx tôngv hâur hnuz hôiv tâu tỉnh Sơn La tsưr tsix li: Cxuô zav nox kaz, tsưr ziv uô kôngz nuv, hnuz hôiv hax huv Việt ntơưv Tây Bắc, sik tưr uô cxuô kror jông txix têx pax thiêz txir ntông; sik tưr uô zav nox kaz txix txir ntông… cux zaz zâuv thiêz tsês chiê ntâu kror jông hâur tsôngv kruô đêz jê li siêz xar tsik plox. Tix lâus Phạm Văn Phong, Giám đốc Công ty TNHH Quý Thịnh, tỉnh Nam Định hêik:

“Cur tưz cxaz chuôz lok six ntâu xor xưv, hôiv ciêz thương mại. Jiês no tuôx trâu thành phố Sơn La, tỉnh Sơn La, cur pov tsưr tsix lok six jông, côngz xưv taz por ngaz tuk cux lok six jông. Iz zav li pêz kror qơư muôs, piêr pâuz lok hax huv no mak tâu chor bôv đôiv paz chiê gra thiêz xa cxuô zav lok ntơưv no hur si”.

Fôngx zưs nhoz cxuô qơư hâur têz qơưk tsênhv pâuz txos Sơn La đros muôx cxuô thax tsav jông jav, chor qơư du lịch nto bê thiêz tiv zix zos têx hax huv jông ntơưv thax tsav qơư muôx ntâu zav txir ntông nhoz Tây Bắc no. Pos Phạm Lệ Lam, Chủ tịch Hôiv Nôngx mênhx tỉnh Sóc Trăng, Trưởng đoàn tỉnh Sóc Trăng cxaz chuôz Festival shông 2022 ntơưv Sơn La puz pâuz:

“Txơưv tiêk hnor sâuv têx chuôz zênhx thôngz xor mông ntâu lơưv, taz sik thâuv tuôx txos ntơưv no mak pêz pov tâu tsênhz đuô têx kror jông jav, tox trôngz hâur pêk muôx ntơưv no. Đoanx cux muk ndis shuôk têx qơư li Tsêr tux Sơn La, tox siêz Mộc Châu… Lok kôngz nuv Sơn La mak muôx lok six ntâu zav, tiv zix, Txir khơưz đuz Sơn La tưz tâu chox muk muôs trâu ntơưv faz tây hêik cxuô thiêz tỉnh Sóc Trăng hêik taz, nênhs nhoz Sóc Trăng cux lok six nhiêv nox têx zav txir ntông co. Đoanx thâuv tror muk Sóc Trăng mak cux zuôr muk uô huv muôz puz trâu sơưr đơưk nox”.

Festival txir ntông thiêz hax huv OCOP Việt Nam shông 2022 li yênhx côngz cux paz hêik tơưv tâu txos tỉnh Sơn La li cxuô kror liv-thax tsav tox siêz zuôr tsưr tsix tâu têx xor xưv lox têz qơưk, thiêz tsês chiê trâu sơưr đơưk siêz lok iz thax tsav qơư sưv đros, ngaz tuk thiêz siêz nhiêv kruô./.

(Lê Hạnh-Lik Thox cxêik nhênhv)

PHÊNHV ĐÊX HUR

Tsôngv box…! Phênhv đêx hur ciêz no, pêz thor xa txos sơưr đơưk mnôngs lok bê hu têx đêx thiêz têz qơưk li cui tinhv lok hâur đêx, cxuô zav đêx, đhâu ntơư sơưr đơưk pâuz sir zôngv zav đêx tưs zos đêx huv vêv xênhz thiêz taz por đas jos.

Nus: Đêx huv vêv xênhz zos li chas?

Têz: Đêx huv vêv xênhz zos đêx tâu sir zôngv ciês lok sik đhâu thâuv liv tas trơưk li đrav kaz no: Nyiêz hur, tsik tsư nxiêz (lơưr Bộ Kôngz nuv thiêz huôv tsar tox siêz li Quyết tinhv sôr 2570/QĐ-BNN-TCTL hnuz 22/10/2012 lok sâuv thôngz đhâu têx cui tinhv thiêz cxeix laov kriê fuô uô luôs hâux lưv sox seiz, ntâuk grê đêx hur thiêz vêv xênhz tênhx qơư nôngx cxênhz).

Nus: Đêx huv vêv xênhz pok zôngv tâu chiê uô jâuz mor nox, hâuk?

Têz: Đêx huv vêv xênhz tsuôk zos hêik tơưv trơưk li nhênhz chowuv, nriêr pâuz xưz, tsi tâu khov tas hur si trơưk li têx njuôk shuôk.

Chiê sir zôngv trâu xênhz huôx, têx đêx tsuv zos đêx hur trơưk li Bộ y tế cui tinhv 02:2009.

Chiê hâuk, sir zôngv uô jâuz mor nox, chor đêx co tsuv nyiêz hur trơưk li Bộ Y tế cui tinhv 01:2009.

Nus: Đêx hur thiêz đêx huv vêv xênhz, zav đêx tưs jông đuô?

Têz: Đêx huv vêv xênhz tsuôk ntâuk grê khov lok têx seiz njiê pov, tsi đhâu seiz njuôk shuôs. Chênhr viv li, đêx huv vêv xênhz tsuv seiz njuôk shuôs nzir chiê xav tinhv sir zôngv (uô jâuz mor nox, hâuk lol sik xênhz huôx).

Đêx hur zos chor đêx muôx cxix cxuô hur si têx trơưk li cui tinhv hâur Thông tư 05/2009/TT-BYT tso tơưv 02:2009. Chênhr zos li heik co, chiê ntâuk grê chor đêx ntơư zos đêx hur tsuv đhâu seiz njuôk shuôs li pâuz tâu.

Li ntơư, đêx hur jông đuô viv muôx qơư chiê ntâuk grê taz por jông zôngv hâur xênhz huôx niêx hnuz.

Nus: Tsuv uô li chas chiê por hưv têx  đêx nhoz toz hâur ar?

Têz: Tsi lav tâuk lav khơưz uô ruôr hiêv, ntor têx shôngz ntông nhoz jê hâur đêx tsi trơưk chei, tsưx phưv jông hâur đêx, tsi chiê trâul xưz poz, kơưx tsi jông tiv tsi muôx đêx.

Muôx tsưr ziv por hưv jông iz ndis thax tsav hâur đêx: Muôz, khơưk sâu têx kiêk nênhs, vuôz tsuôz por tsês trâu ntơưv têx qơư trâu têx vuô tsuôz trơưk cui tinhv; tsi uô kiêk nênhs vuôz tsuôz ntơưv têx; tsi muôz têx yuôx tsuôs tuô đrox, caz hmoz uz no…. nquôr, tso trơưk đêx, por tsês ntơưv têx tsi trơưk cui tinhv….

Nus: Cur chuôz zis tưz tâu côngz đêx hur. Taz sik, chiê cxênhx txuôs nhiêx txiêx, cur puôk zôngv tâu chor đêx hâur kror đêx khơưz chiê xênhz huôx?

Têz: Zôngv têx đêx hâur kror đêx khơưz chiê xênhz huôx, zos chuôz zis luz kror đêx co tưz tâu xưv lik nyiêz hur trơưk li cui tinhv đêx hur xênhz huôx.

Taz sik, hâur ntu nhiv no, ngênhx y tế heik tsôngv box sơưr đơưk tsuv zôngv chor đêx hur tâu cơ quan muôx vax huôv qênhz njuôk shuôs jông, cê taz por đas jos trâu pêx xênhv, cê por hưv tênhx qơư, por hưv têx đêx hâur kror ar tsênhv ziz hnuz ziv trâul kruôr jux juk./.

(Tuyết Lan-Riê Lâux cxeik, nhênhv)