Lai Châu muôz siêz xiv huv kôngz nuv li qơư sơưr 

Shông 2018, tâu chiz coaz muôx txơưx jênhv thiêz chính quyênx tiv phaz paz txưv lok pênhr puz txeik, têx ntâu ntơưr hành chính, HTX kôngz nuv jix vuv Bình Lư, ntơưv xã Bình Lư, huyện Tam Đường (Lai Châu) tưz truôx siêz sik côgnv têx ziv chuôz zis chos thiêz uô xiv huv cuz thaz kok blôngx njê. Yênhx châuv ziv chuôz zis uô cuz thaz kok blôngx njê tưz sik đros uô lơưr tsưr ziv VietGap thiêz sir jos cxiv tsa yênhx xiv huv OCOP.

          Đhâu 4 shông krêz uô, txos nhiv no iz shông HTX kôngz nuv jix vuv Bình Lư tsiv uô tâu 250-300 tênhr cuz thaz kok blôngx njê thiêz xiv huv tax OCOP jông. Khov zos iz HTX huv cêr chei, xiv huv cuz thaz kok blôngx njê Bình Lư tâu gra muk heik kriê ntơưv ntâu ntênhs ciêz hâur têz qơưk thiêz sâuv ntiêx têz, yênhx trus tâu tsôngv box sir zôngv njênhs njôngr. Zơưv Nguyễn Ngọc Ánh, Giám đốc HTX kôngz nuv jix vuv Bình Lư puz pâuz:

          “HTX tsi so tâu têx chiz coaz, chính quyênx txix xã txos huyện, têx ban nganhx, đoanx thêv paz max lok six ntâu. Thâuv nhiv kruôr huôx tôngv, HTX muôx ntâu têx kror tsi tâu pâuz thiêz uô jông, viv HTX zos trâur nuv têx ziv chuôz zis sik côngv uô. Taz sik hâur ntu tsêz chos, tsiv uô sâu tâu ntâu yênhx tix jông, têx xiv huv uô tâu tâu tsôngv kruô hâur têz qơưk tsov cưv ntâu; thiêz shông 2020 tâu ntâuk grê zos xiv huv OCOP, shông 2021 tax giải cungz kôngz nuv tas nro têz qơưk, hâur shôngk shông 2022 tax giải 1 hâur 5 xiv huv jông nhoz tỉnh Lai Châu”. 

          Chiê HTX sâuv thax tsav chêx chôngk tâu chôngz têx ziv chuôz zis sik đros uô, têx shôngk đhâu huyện Tam Đường tưz sik côngv đros chiz coaz muôx txơưx jênhv, chính quyênx ntơưv qơư chuôz tsar yax mông, heik kriê Đảng, têz qơưk li chủ trương, cêr chei lok huôv tsar kinh têr chôngz lênhx nênhs. Đros co, chiz coaz chuyên môn yax six seiz shuôk cơ chế, chính sách lok paz txưv huôv tsar kinh têr chôngz lênhx nênhs, HTX, thix ziv đros cấp muôx vax huôv hlôngr yiêz, kho đuô, cxaz nzir cov huv đros tiv phaz li qênhx shênhx. Zơưv Nguyễn Cao Nguyên, Tsar phongx tài chính-tsưr ziv huyện Tam Đường puz pâuz:

          “Hâur 2 shông nhiv kruôr đhâu txơưv moz Covid-19 huôv xênhz phêv liv, taz sik phongx tưz heik trâu UB huyện iz shông tý]rr tsix 2 jiês njiz lênhs tov huyện thiêz têx phòng, ban chuyên môn đros têx HTX sâuv thax tsav chiê car chêx têx phêv liv njiz trâus”.

          Txos nhiv no tỉnh Lai Châu muôx 100 ntâu HTX kôngz, jôngr nuv huôx tôngv muôx chêx cuk, hâur co huyện Tam Đường muôx zuôr xar 50 HTX. Têx HTX tưz paz trâu kinh têr ziv chuôz zis huôv tsar thôngz đhâu têx huôx tôngv tsêz chos, sâu zuôr, heik kriê têx chuôz zis zôngv KHKT yiêz lok tsêz chos, tsiv uô, hlôngr yiêz tsoz chos, tsiêx tu zus lơưr saz hax huv, gôngr phênhv hlôngr yiêz kinh têr kôngz nuv, nôngx cxênhz. Zơưv Shôngx Lử Páo, Chủ tịch UB huyện Tam Đường puz pâuz: Têx HTX sâuv thax tsav tưz chêx chôngk tâu zuôr xar 500 lênhx nênhs, niêx shông muôz hâux lưv uô thiêz phênhv sâu ngaz tul trâu 1 cxênhz ntâu nênhs lox tôngv. Đros co , têx HTX cux tưz cxiv tsa tâu zuôr xar 10 xiv huv OCOP muôx tsiv grê sâuv niêv ciêz li: cuz thaz kok blôngx njê, txir tuz ziz, yuôx zêx, cxur tsư ha....Khov huôv tsar kinh têr HTX, ntâu ziv chuôz zis nôngx mênhx tsi taz hla đhâu cêr pluôk mak tsênhv sir jos uô bluô nux txix chuôz zis li têx hâux lưv:
          “Huyện Tam Đường tưz yênhx lix iz cxiê thax tsav tsêz chos tsiv uô hax huv chêx chôngk li yuôx zêx, thax tsav chos blêx tsơưr lươngv siêz, iz cxiê thax tsav chos ntông nox txir thiêz yuôx njuôz. Thiêz txos nhiv no tsiv uô kôngz, jôngr nuv hâur huyện cux muôx chêx cuk, paz chuôz cxaz phênhv sâu trâu tsôngv box; fênhx pheiz shông 2022 zos 38 tsov đeiv iz lênhx nênhs iz shông”.

          Trâur nuv huôv tsar kinh têr chôngz lênhx nênhs-HTX huôx tôngv hâur vênhv thix kôngz jôngr nuv sâuv thax tsav tỉnh Lai Châu zos tsưr ziv uô jông, huv đros qênhx shênhx ntơưv tiv phaz. Têx HTX huôx tôngv muôx chêx cuk tưz paz muôz hâux lưv uô thiêz chuôz cxaz phênhv sâu trâu pox nhuôs nôngx mênhx; gôngr phênhv muôz siêz qơư sơưr thiêz tsiv grê xiv huv kôngz nuv sâuv niêv ciêz; paz tiv phaz uô jông têx ploz tsênhr hâur tsaz yênhx têz qơưk li qơư tsov txos lok cxiv tsa nôngx cxênhz yiêz./.

(Khắc Kiên-Txâur Vax cxeik nhênhv)