Nziês đas đhâu mạng nhoz Yên Bái: Tsưr ziv uô kuz taz sik nênhs trâus nziês đas ho yiêz

Hli 6 nhiv kruôr đhâu, niêv lâuk Hoàng Thị Y, nhoz xã Tân Lĩnh (huyện Lục Yên, Yên Bái) jênhv tâu iz lênhx nênhs heik tiêk zos fôngx zưs nhoz Đài Loan (Trung Quốc) li luk thix ziv xar heik niêv lâuk sơưr paz jênhv iz chor nhiêx txiêx lênhx nênhs no xa lok trâu niêv txir, viv lênhx nênhs no niêv txir tsi pâuz ntơưr chiê uô têx ntâuz ntơưr zuôr trâus. Niêv lâuk qênhz yuôx têx xor mông sâuv Facebook pov đuôz shav thiêz iz cxiê njiêz luv tso sâuv facebook zos lênhx fôngx zưs thâuv ntêx sik đros cơưv ntơưr nhiv no tsênhv nhoz Đài Loan; chiê tsênhz mênhx đuô, niêv lâuk nus cxaz lênhx fôngx zưs co niêv txir cux tâu pâuz tiêk mê nhuôk heik tiêk zuôr xa nhiêx txiêx lok, yuôr zos thâuv tưs xa mak tsi heik tsênhz mênhx.

          2,3 hnuz tov kaz, niêv lâuk Y li fôngx zưs tror hu tênhv heik tiêk zuôr xa nhiêx txiêx lok, mnôngs suôz thav tsi xưk li niêx jiês, niêv lâuk heik tiêk hu cxeik đuôz chiê niêv lâuk seiz, taz sik fôngx zưs heik tiêk nhoz qơư uô xưv hu tsi cxeik đuôz. Viv cux 2 shôngk ntâu tsi njiz, viv li niêv lâuk xar tiêk fôngx zưs li suôz thav cux muôx têx txơưr, viv li tưz cungz xor mông lênhx nênhs lơưr tos hu tuôx li zoz qơưx. 2,3 hnuz tov kaz muôx lênhx nênhs hu tuôx heik tiêk zos nhân viên Hải quan thôngz pov trâu niêv lâuk tiêk muôx chor nhiêx txiêx thiêz phênhv huv tâu xa txix saz đrâuv têz qơưk lok; chiê uô tsênhz mênhx chor nhiêx txiêx no zos huv cêr chei niêv lâuk tsuv khiêz nhiêx taz por uô ntêx: “Jiês xuz thơưx lơưr heik xa 5 tsov, cưr xar tiêk zos fôngx zưs mak sik paz max xưz, tsi xar tiêk trâus nziês đas. Xa tas lơưv lơưr ho heik tiêk qênhz yuôx pov chor nhiêx txiêx lok six ntâu, tsi zos 2,3 puôk tsov li qir thơưx, tsuv khiêz cxaz nhiêx txiêx taz por thiêz. Cur cux njênhs thiêz tror xa. Lơưr co lơưr thôngz pov tiêk đhâu Hải quan qênhz yuôx pov muôx ntâu chuôz zênhx tsiv grê, tsuv khiêz cxaz nhiêx txiêx, thâuv co cur thiêx li xar tiêk trâus đas viv li tưz pov trâu công an thiêz thâuv co cur tưz xa nhiêx txiêx 3 jiês trâu lơưr lơưv”.

          Đhâu 3 jiês xa nhiêx txiêx trâu têx lênhx nênhs heik tiêk lơưr zos nhân viên Hải quan co, niêv lâuk Y trâus đas pôngz lơưv 25 tsov đeiv, no zos chor nhiêx txiêx niêv lâuk chuôz zis cxênhx txuôk hâur ntâu shông đhâu.

          Yuôr nhoz xã Tân Phượng (huyện Lục Yên, Yên Bái)- qơư muôx phênhv ntâu zos tsôngv box mênhx cxưx Cho nhoz uô nênhx, ntu đhâu, ntâu lênhx tsôngv box cux trâus nênhs fêv nziês đas, lơưr heik riêk zos tsưr tsix, lênhx nênhs yưv pênhr…nhắn tin, hu tênhv tuôx thôngz pov, hêv muôx lênhx coaz txos pháp lý lok sik hu gôngr nhiêx txiêx yưv pênhr đhâu không gian số đros têx phênhv liv siêz. Thiêz tưz muôx têx lênhx nênhs trâus nziês đas, trâus pôngz nhiêx txiêx txix 2,3 tsov txos 2,3 châuv tsov. Trung tá Phùng Văn Hạnh, Tsar công an xã Tân Phượng puz pâuz: “Hâur ntu nhiv kruôr đhâu, đhâu côngz xưv pâuz tâu qênhx shênhx, pêz cux pâuz tâu tsôngv box trâus nziês đas đhâu mạng. Têx nênhs fêv li tsưr ziv zos xa hôx thôngx đros phênhv liv siêz chiê nziês đas tsôngv box yưv pênhr lok hệ thống 6 tsov mak sâu liv tâu 4 tsov đeiv; thâuv trâus đas xa nhiêx txiêx mak muôx nênhs thôngz pov heik tiêk xa tsi tâu, tsuv tror xa đuô ntâu jiês thiêz đhâu co hu tsi tâu trâu lơưr lơưv thiêz”

          Chiê tơưv txênhz muôx chêx cuk đros zav nênhs phamv cxâuv no, đrâuv chuôz tsar yax mông zaoz zux cêr chei, Ban chox kriê 138 huyện, đros lưx lươngv công an zos tsênhv tưz tsưr tsix njiz têx quản trị viên 20 trang mạng xã hội, 100 Hội nhóm đros yênhx puôk cxênhz lênhx nênhs sâuv thax tsav chiê heik kriê, đăng tải têx xor mông. Đros co zos nriêr pâuz nênhs fêv li têx tsưr ziv nziês đas yiêz sâuv mạng chiê hội, nhóm canhv pov txos têx thành viên, uô uô cê hâux lưv canhv pov thôngz đhâu têx jiês khiêz phêv nhoz tas nro 195 jêx jos, tuêv dân phố sâuv thax tsav… “Têx cấp chính quyênx cux xưk li lưx lươngv Công an puôr lênhx cxiv tsa têx trang fanpage chiê yax mông lok pháp luật, lok Đangv li chủ trương, chính sách. Thôngx cxix cux yax mông lok nênhs fêv nziês đas sâuv mạng chiê tsôngv box sđ pâuz”

          Lơưr lưx lươngv muôx txơưx jênhv, chiê phax tar trâus nziês đas sâuv mạng, tsôngv box tsuv tsov cưv txos hâux lưv canhv pov, heik kriê, tsi njênhs, tsi mnôngs lơưr têx nênhs tsi shưv jê li luk heik sâuv mạng, têx xor mông tsi pâuz tsênhz tsuv uô cov tsênhz mênhx, tsi cungz zuk li xor mông trâu lênhx nênhs tsi muôx txơưx jênhv; tsi nriêr pâuz têx trang mạng luôk têx xa tuôx…Thâuv pov muôx têx njuôs xav zos nziês đas, tsuv pov ciês trâu lưx lươngv muôx txơưx jênhv chiê sik côngv phax tar muôx chêx cuk./.

Thừa Xuân-Txâur Vax cxeik nhênhv

Tix lâus Car Xênhv hơưx-Iz lênhx hluôk nênhs uô nox uô hâuk coz

Trơưk li Bí thư Đoanx xã Har Tsor, huyện Bắc Yên heik kriê, txix tsênhv qơư xã pêz muk xar muôx 30 cêik cêr đaz tuôs thiêx txos trâu lênhx hluôk tuz Hmôngz-Car Xênhv Hơưx nhoz jok Suối Lềnh, xã Har Tsor lơưr jok. Tuôx txos no, li pov tâu tix lâus Car thiêz chuôz zis têx sir jos huôv tsar uô nox, hla đhâu cêr txov. Tsi xar cov trâul yeiz pluôs, tix lâus tưz zok nriêr cxuô faz tsưr ziv chiê huôv tsar kinh tế chuôz zis. Đros pêz thav, tix lâus Car heik: Đhâu cơưv tas ntơưr cxênhx 3, thâuv phênhv ntâu chor hluôk nênhs hâur xã puôr lênhx muk uô nox đêz vax tsêr mak tix lâus Car ho xeir nhoz hâur thax tsav qơư chiê huôv tsar uô nox uô hnar. Shông 2018, đhâu seiz pov luôs hâux lưv tu zus yis gra lok phênhv sâu tâu truôx tuk, tix lâus Car quyết tinhv huôv tsar zus zav tsiêx co. Txix 10 tus yis xuz thơưx, txos nhiv no tix lâus paz yis tưz vav muôx 100 ntâu tus. Shông 2022, tix lâus muôs muôx 50 ntâu tus yis grêix, lơưr chor tuz luôv tuôx zuôr ciês ntơưv qơư, gri txix 100 cxênhz txos 120 cxênhz đeiv iz cir. Iz chas tu zus yis, tix lâus Car tsênhv zus nzir 8 tus tưv sha mê nhuôv thiêz”.

Txix têx tsưr ziv cơưv tâu hâur tsênhv tsênhz thiêz xar huôv tsar uô bluô nux, tix lâus tưz muôz iz cxiê zav zuz nôngz tsoz chos, tsiêx tu zus muôx grik kinh tế lok tsêz chos thiêz tu zus. Krêz uô iz ha ntâu liêx đêx, chos nzir poz cưk, kok ntông chiê muôs, iz shông tix lâus Car Xênhv Hơưx muôx phênhv sâu tâu 100 tsov đeiv ntâu.

Txix têx tsưr ziv pâuz tâu hâur huôv tsar uô nox uô hâuk, tix lâus Car thâuv tưs tưz jông siêz hlo sik pheiz kênh, paz chor hluôk nênhs xar huôv tsar uô bluô nux sâuv chênhr zuk li qơư nhoz. Tix lâus Thạnh Xênhv Lâux heik pâuz: “Đhâu tâu muk shuôs tix lâus Car Xênhv Hơưx trâur nuv tu zus yis, cur tưz pâuz tâu lok six ntâu zav thiêz cur tưz muk zuôr yis lok zus chiê huôv tsar kinh tế chuôz zis”.

Đros thiêz tsưr ziv car xar car uô, sir jos huôv tsar uô bluô nux sâuv chênhr zuk li qơư nhoz, tix lâus Car Xênhv Hơưx zos tsov iêr chi cax trâu chor hluôk nênhs cơưv shâuv thiêz uô trơưk.

Tix lâus Hlâu Xênhv Shôngx, Bí thư đoanx xã Har Tsor heik: “Seiz thiêz ntâuk grê lok trâur nuv tu zus yis cux zos tsưr ziv nhiv no tix lâus Car Xênhv Hơưx tsênhv huôv tsar uô ntơư, tsuv piêr kriê, nthuôr đar chiê huôv tsar uô tâu jông đuô cov muôx yis muôs trâu ciêz đrôngs thiêz têx qơư huôv tsar tu zus ntâu yis”.

Đros trâu tsưr ziv jông, uô tâu trơưk têk, tix lâus Car Xênhv Hơưx tsênhv jux juk kriê tsưr ziv, hu zâuv ntâu tus chôngz lênhx hluôk nênhs đros cơưv shâuv, uô trơưk. Thiêz txix hluôk nênhs li têx sir jos, xar huôv tsar uô bluô nux, hâur ntu zuôr txos, tix lâus zuôr tror paz chor hluôk nênhs Hmôngz nhoz tox siêz Har Tsor, huyện Bắc Yên, tỉnh Sơn La tsênhv yuôr ntâu tsov nhêv hlôngr yiêz tsưr ziv, siêz xar huôv tsar uô nox, jux juk uô bluô nux, sik đros cxiv tsa têz qơưk ziv hnuz ziv hlôngr yiêz.

Phênhv “Nôngx mênhx zuôr tsuv pâuz” hnuz no tsuôk muôx li no xưz. Phênhv no zos Đeix nta suôz Việt Nam nhoz iz suôv faz Tây Bắc hux jos đros Tsênhv qơư cxiz kôngz têz qơưk uô./.

Tsu Vưx BT–Riê Lâux cxeik, nhênhv