Câu lạc bôv mnôngs Đaix jok Cá-qơư paz txuôk txux chi thiêz pêx xênhv luz nênhx

Thâuv ntêx, niêv tix Quàng Thị Hạnh nhiz jok Cá, phường Chiềng An, tỉnh Sơn La 1 héc ta ar têz tsuôk zos chiê chos poz cưk, uô tas ntâu đas jos ho sâu tsik tâu ntâu luôx tưs.

Têx shông jê lok no, thâuv cxaz chuôz Câu lạc bôv mnôngs Đaix jok Cá, txix têx xor mông hêik pâuz lok kôngz nuv thiêz muôx chor nênhs hâur Câu lạc bôv sir jos đros kriê, niêv tix Hạnh tưz hlôngr đuô chor ar têz chos poz cưk ntơưr chiê chos cà phê sâuv ar tox nxaz; đros co muôz trâu HTX hâur jok ntiêr muôx 1.000 ntâu thiêr ndis ar têz chiê chos pax buôs.

Niêv tix Hạnh hêik: Txix muôz ntiêr ar, chuôz zis muôx nzir nhiêx txiêx chiê zuôr zuz nôngz, qir zuôv chiê chos chor cà phê; txos nhiv no, chor cà phê huôv tsar jông, zuôr txi txir chiê sâu đê tâu hâur chiv zuôr txos, chuôz zis lok six shir phaz: “Đhâu Đaix nta suôz Việt Nam chor tsaz yênhx thiêz cơưv shâuv sơưr đơưk, pêz tưz hlôngr chiê chos cà phê thiêz ntông nox txir, paz muôx tâu phênhv sâu siêz đuô pir li thâuv ntêx; blêx mak pêz cux hlôngr chiê chos pax viv li phênhv sâu cux truôx tuk đuô… đhâu Đaix chor tsaz yênhx, pêz tưz cơưv nzir tâu ntâu kror muôx liv trâu chuôz zis”.

Đros đrêiv Câu lạc bôv mnôngs Đaix jok Cá txix chor shông xuz thơưx nhiv kruôr yênhx lix, xar muôx 15 shông lok no, suôz Đaix sưv jê cux tâu tso tsik so hâur pos Trương Thị Việt nhoz jok cá, phường Chiềng An luz tsêr.

Pos Việt puz pâuz: Txix têx xor mông, xor xưv, chinhr triv, kinh têr, vênhx huôv, xar hôiv txos chor tsaz yênhx lov jêv, thôngz mông đối ngoại… tiv zix zos têx chủ trương, tsênhv chêi trâu chor canr bôv so lâul cik txos ciês pos puôr lênhx tâu pos mnôngs thiêz nriêr pâuz đhâu luz đaix zâu co: “Cur cux li chuôz zis lok six nhiêv txos Đaix nta suôz Việt Nam. Chuôs li têis cik tưs cur chuôz zis cux kriz mnôngs thiêz pâuz tâu txos têx chế độ, tsênhv chêi, Đảng, têz qơưk têx cêr chêi; cux li chor nênhs lâul li pêz tâu sơưv lok six ntâu kror paz, li tsoz phưz đas jos; chor nênhs tsik muôx nhiêx hli so lâul cux tâu tsoz phưz yênhx hli, muôx nhiêx paz njuôk kho moz”.

Piz txix nhiêv mnôngs đaix, nhiêv chor suôz gâux, kaz shông 2012, tâu Đaix nta suôz Việt Nam paz cxiv tsa qơư nta suôz tsik zôngv hluôk đros iz cxiê luz đaix, jok cá tưz yênhx lix câu lạc bôv nhiêv mnôngs đaix muôx 18 lênhx nênhs, phênhv ntâu zos chor nênhs lâul. Txos nhiv no, Câu lạc bôv tưz huôv tsar muôx 40 ntâu lênhx nênhs, hâur co nênhs lâul tiv zix muôx 90 shông, nênhs hluôk tiv zix muôx 35 shông.

Xar muôx 15 shông huôx tôngv, Câu lạc bôv phênhv ntâu zos xa têx xor mông, jax sâu nus, têz, xor xưv tso sâuv Đaix nta suôz Việt Nam; kriz chor suôz gâux lok cách mạng hâur têx hnuz ntênhk, tsiêz, hnuz cxôngx nzor; đros co, thôngz xor mông sêi txos trâu pêx xênhv pâuz têx hâux lưv muôx hâur jêx jok… tưz paz gra siêz pêx xênhv li jênhv pâuz, cxơưz cxiz txos têx tsưr ziv uô yiêz jông, chor nênhs uô tâu hâux lưv jông, hêik txos têx kror uô tsik tâu jông, têx phongx cxưx pôngz kaz…

Lơưr tix lâus Lò Minh Dương, Phưv Chủ nhiệm Câu lạc bôv nhiêv mnôngs Đaix jok Cá, Câu lạc bôv tưz tsik zos qơư xa têx xor mông, mak tsênhv zos qơư pox nhuôs sik côngv, sik đros nriêr pâuz têx tsưr ziv uô nox yiêz, cxiv tsa luz nênhx yiêz: “Ndax chiv nhênhv 80 shông Quốc khánh 2/9 thiêz Hnuz yênhx lix Đaix nta suôz Việt Nam, pêz tror tso tơưv tsưr ziv cxiv uô chor xor mông chiê xa txos trâu tsôngv pox nhuôs sơưr đơưk nriêr pâuz tâu têx qênhx shênhx jênhv vưv chinhr triv, kinh têr, xar hôiv ntơưv thax tsav qơư; tiv oz zos tror yax kriê, cxaz nzir chor thành viên câu lạc bôv cov muôx chôngz đuô, chiê câu lạc bôv mnôngs đaix jok Cá ziv hnuz ziv uô tâu jông đuô”.

Txix luz đaix zâu thiêz câu lạc bôv nhiêv mnôngs đaix li chor jiês xênhz huôx, têx txux chi tưz tâu phêiz kênhz, cêr shir phaz muôx ntâu đuô, thiêz tưz paz pox nhuôs sâu tâu chor kôngz lôngk ntâu đuô. Jok Cá muôx 150 ziv chuôz zis, 600 ntâu lênhx nênhs, txos nhiv no tưz tsik yuôr ziv chuôz zis pluôs tưs, tsuôk yuôr 2 ziv zuôr xar pluôs, pox nhuôs hâur jok tsi so njênhs njôngr trâu Đảng li chox car, tso siêz khưr uô nox, sik đros cxiv tsa luz nênhx yiêz ziv hnuz ziv vav mênhx, jông jav thiêz shir phaz đuô./.

Trấn Long-Lik Thox cxêik nhênhv