Pox niêv Pà Thẻn tsôngs tiêz, tsôngk yo jông jav

          Txix cxôngx nzor lok, hêir nênhs Pà Thẻn tưz pâuz chos tsoz chos pax ntok ntâuz. Tiv zix, pox niêv txix ciês thâuv nhiv kruôr hloz tiêr nênhs tưz tâu têx niêv pos, têx niêv kriê ntok ntâuz, xơưk tsôngk tiêz, tsôngk yo. Viv li, tsôngv pox niêv vir ndâuk Pà Thẻn phênhv ntâu lênhx tưs cux txơưx xơưk tsôngk tiêz, tsôngk yo.

          Têx tsôngv tiêz, tsôngk yo, tưz tâu tsôngv pox niêv vir ndâuk hêir nênhs Pà Thẻn xơưk lok six jông, phênhv ntâu zos liêz, đuz thiêz đơưz…Chiê uô tâu iz chêr tsôngk yo li tiêz, yo, fuôv tsuv pôngz 3 luz hlik, txix ntok ntâuz, tsâuk gax, xơưk pax ntâuz….Yo muôx 2 zav zos yo ntêr thiêz yo lur. Yo lur khênhr hnar ntâu hâur têx hnuz fênhx yax đros tiêz. Niêv lâuk Phù Thị Sẽ nhoz jos Thượng Minh, xã Hồng Quang, huyện Lâm Bình, tỉnh Tuyên Quang puz pâuz: “Pox niêv Pà Thẻn li tsôngs yo muôx ntâu zav pax txeix jông. Cur lok six txưv haox thiêz nhiêv zuk mênhx cxưx li tsôngs yo chax chês jông no”.

          Pox niêv Pà Thẻn siê sêr sâuv hâur siêz cov ntov thiêz jông đuô. Sêr tâu xơưk ntâu pax ntâuz liêz, bax lok six jông. Têx pax co phênhv ntâu zos chiv chir xơưk. Đros co zos txox hlaz siê đuôr, paz chêr tsôngs yo ziv jông đuô. Đrâuv yo, tiêz tsuv muôx đros chêr tsôngs yo zos fuôv ntông sâuv tâuz hâu, lơưr muôz kuôr uô ntâu vongx jông li luz mov đros co têx pox niêv tsênhv chox pâus, sơưk thiêz. Lơưr niêv pâuk Phù Thị Thiên nhoz jos Mỹ Bắc, xã Tân Bắc, huyện Quang Bình, tỉnh Hà Giang, pox niêv muôx chuôz zis mak plâuz hâu tâu kuôr siêz thiêz ntông fuôv đuz, têx hluôk nxeik mak ntông fuôv liêz, oz saz đei têx tâur xor đax, liêz lok six jông. “Fênhx yax têx hnuz ntênhs, hnuz tsiêz, nox yôngz, pox niêv Pà Thẻn zuôr ntông fuôv liêz thiêz khi hluô đơưz”

          Seiz cxuô, pox niêv Pà Thẻn li tsôngs yo tso pov têx tsưr ziv uô lok six jông. Txix xeir pax ntâuz uô txos têx zav maux tas nro puôr lênhx uô pox niêv Pà Thẻn li chêr tsôngs yo lok six jông jav. Niêv lâuk Phù Thị Thiện nhoz jos Mỹ Bắc, xã Tân Bắc, huyện Quang Bình, tỉnh Hà Giang puz pâuz cxaz: “Nênhs Pà Thẻn li tsôngs yo mak cux lok six ntâu zav, xơưk têx zav pax ntâuz tsi xưk li têx mênhx cxưx txơưr. Ntok ntâuz, xơưk pax ntâuz, txiêr ntâuz chiê uô tâu iz chêr tsôngs yo, fuôv ntông. Chiê uô tâu mak cux tas iz luz hlik”.

          Txix ntâu cxênhx nênhs lok no, pox niêv Pà Thẻn li chêr tsôngs yo tưz tâu pox niêv niêv khênhr hnhar lok têx hnuz coaz tsôngv li: hnuz ntênhs, hnuz tsiêz, hnuz ntênhs vênhx huôv mênhx cxưx theiez têx hnuz ciêz. Đros zuk li siêz gruôs thiêz txơưx xơưk pax ntâu, thâuv têx pox niêv nênhs Pà Thẻn hnhar zuk mênhx cxưx li chêr tsôngs yo cux pov lok six jông gâux thiêz muôx têx kror jông txơưr tsuôk zuk mênhx cxưx thiêx li muôx hâur vênhx huôv chax chês jông./.

Lường Hạnh-Txâur Vax cxeik nhênhv

Huyện pluôs huôv tsar qơư ndis uô si, sêiz shuôk têz qơưs

       Nzaz nzơưv muôx tus đêx sor huv đros tênhx qơư, zôngx ziv trâu cxuô lênhx sđ muk  nzuôr chêr hâur thax tsav qơư ndis uô si, sêiz shuôk têz qơưs, zos Cường Hải cxiv uô, tưz yênhx iz qơư jông trâu tsôngv kruô hâur têz qơưs thiêz sâuv ntiêx têz tuôx ndis uô si. Pos Nguyễn Thị Ngọc Yến, iz lênhx kruô nhoz Hà Nội tuôx ndis uô si, sêiz shuôk têz qơưs shir phaz lul hêik pâuz: “Nhiv no cur thiêx muôx six hơưv hnuz nhôngs tuôx trâu ntơưv no, cur sêiz pov thax tsav qơư no muôx tox trôngz câuv har jông jav thiêz muôx tus đêx sor huv đros tsôngv kruô sđ siêz nhiêv”

Nhoz siêz 1 cxênhz thiêr pir li niêv đêx hiêr, thax tsav qơư ndis uô si, sêiz shuôk têz qơưs Lau Camping nhoz xã Phình Hồ, huyện Trạm Tấu cux zos iz hâur thax tsav qơư jông jav, muôx chôngz lênhx kruô tuôx ndis uô si, sêiz shuôk. Thâuv têis cik sơưr nzor, hâur thax tsav qơư co, tsôngv kruô cux tâu sêiz pov cxuô tâur huôz jông jav đros trâu têx chuô lax nziês huv đros tsôngv kruô sđ siêz nhiêv. Iz chas co, cxuô qơư so, qơư muôs hax huv, muôs cxuô zav nox hâuk, chêix câuk za ndiss uô si, sêiz shuôk têx tox trôngz câuv har, cxêik đuôz, zos iz kro uô trâu tsôngv kruô nhiêv tuôx sêiz shuôk. Zơưv Nu x Shôngx, Giám đốc Công ty Tabala, zos tus kriz uô qơư ndis uô si, sêiz shuôk têz qơưs hâur thax tsav qơư no shir phaz lul hêik pâuz: “Ntơư zos Trạm Tấu qơư yiêz ndis uô si, sêiz shuôk têz qơưs, tsôngv tuz nxêik hluôk tuôx ndis uô si trâu nthax tsav qơư no, txơưv lênhx tưs cuix nhiêv thiêz shir phaz lul, chênhr zos sêiz pov cxuô luz trôngz, har lox zâu jông jav”

Pâuz tâu tsôngv kruô nhiêv ndis uô si trâu têx trôngz siêz 3.000 thiêr pir li niêv đêx hiêr hâur thax tsav huyện zos Tà Chỉ Nhù thiêz trôngz Tà Xùa; huyện Trạm Tấu tưz cxiv tsa cxuô HTX qơư ndis uô si, chiê tsôngv kruô tuôx sêiz shuôk. Pos Vũ Thị Thu Hằng, Phưv Giám đốc HTX qơư ndis uô si Trạm Tấu shir phaz lul hêik pâuz: “HTX tưz kriz tâu iz cxiê qơư ndis uô si, qơư uô cxuô zav nox hâuk, qơư nhoz so; lar hêik zos muôx chor tuz hluôk bax yêz máy thâux xa kruô muk lok sêiz shuôk têz qơưs”

Chiê uô cov tâu trơưk luôs hâux lưv huôv tsar qơư ndis uô si, sêiz shuôk têz qơưs txuôk đros tsưx phưv truôx tênhx qơư jông jav thiêz khơưk tsês cxuô hêir nênhs têx txux chi, vênhx huôv jông nxôngx nzor; hâu nov huyện Trạm Tấu tưz fuô uô truôx jông luôs hâux lưv huôv tsar cxuô qơư ndis uô si côngv thôngx, tsôngv px muôx phênhv sâu tâu nhiêx txiêx chox lok cxiv kho chuôz zis, muôx luz nênhx tsâu sor. Trơưk li thôngz sâu 10 luz hli hâur shông no, tsênhv qơư co tưz muôx iz cxênhz ntâu jiês kruô tuôx ndis shuôk, tsôngv kruô tsar ndê chôngz đuô shông uô ntêx; tsênhv qơư co muôx phênhv sâu tâu 70 tỷ ntâu nhiêx. Zơưv Khang A Chua, Phưv Chủ tịch uỷ ban huyện Trạm Tấu shir phaz lul hêik pâuz: “Tsênhz tiês,Trạm Tấu muôx tus đêx sor huv đros tênhx qơư, zôngx ziv trâu cxuô lênhx sđ muk nzuôr chêr hâur chêix ntux lax nhoz thax tsav qơư ndis uô si thiêz muôx huôz nzôngr têx trôngz har jông jav, zôngx ziv trâu tsôngv kruô cxêik đuôz”.

Huyện Trạm Tấu luôs hâux lưv tso tơưv txos shông 2025, zuôr tok cov tâu 120 cxênhz jiês kruô tuôx ndis uô si hâur iz shông; hâur ntơư 30 cxênhz jiês zos tsôngv kruô oz chas têz qơưs; muôx phênhv sâu tâu nhiêx txiêx zos 200 tỷ đêiv. Thiêz xav txos shông 2030, tok cov tâu 240 cxênhz jiês kruô tuôx ndis uô si, hâur ntơư 60 cxênhz jiês zos kruô sâuv ntiêx têz, hur si têx nhiêx sâu tax tâu 660 tỷ đêiv. ./.

                                         Tsu cxêik nhênhv-Khắc Kiên- VOV Tây Bắc