Tsôngv box Hmôngz li phongx cxưx uô đaz trôngs

Chiê bax uô đaz trôngs, uô ntêx tsưr tsês tsuv bax pêz tuk tâux kêiz, iz luz vaz trâu chor tâux thiêz iz zar tư tơưl tsênhv chis, iz tuk đêr lok sik tuk buô muôx 10-12 cir thiêz khơưz iz luz kror toz muôx iz thiêr ciês ntơưv kror trôngx tas saz puôz trâu tsưr tsêr luz txax chiê nquôr cxuô zav trâu hâur luz kror co thâuv uô chêi đaz kruôk no. Thâuv tưz bax tâu têx li hêik co, txos thâuv tsâuk ntux, tsưr tsêr lok sik lênhx nênhs uô đaz kruôk zuôr chox tuk đêx lok sik tuk buô zôngv uô đaz kruôk lok trâu ntơưv kror trôngx tas lok sik kror trôngx txuôk thiêz piz hu xưk li zơưv Yuôk Lik Xênhv Vưx li têx luk hu đrav kaz no:

Thâuv hu tiêr, tuk tsiêx zôngv uô đaz trôngs no zuôr  tâu muôz trâu chor hluôk nênhs hâur tsêr chox muk tuô, tuk tsiêx tsuv tâu hâur tsêr xưz tsik tâu chox muk tuô saz đrâuv jôngr. Đhâu thâuv tuô fêik tâu mak muôz tuk tsiêx co têx plaz hnhur chox lok hâu chiê uô txiv, zos têx kror zâu hênhr nyêi tsav lax nriêr mak muôz ndâu qoz uô cê chox muk hâu cov thiêx tsik lax nriêr thâuv hâu tâu siêr. Pêz tuk tâux tâu chox muk tsês trâu hâur tsưr têr luz txax pư. Bax 5 luz ntiv lox chiê trâu txiv đros 5 luz piz (muôx chuôz xênhv mak 9 txiv).

Thâuv cxôngr thiêz trâu txiv tiêr mak hêik cov iz lênhx nênhs muôz luz yoz hêik iz yoz cuô grêix lok trâu trâu hâur chor piz thiêz tsưr tsêr piz ntuôk hâur luz txax. Zos 5 txiv mak zuôr tsuv ntuôk 5 jiês, iz jiês ntuôk tas mak muôz chor khoz cuô grêix co trâu sơưr đơưk lok sik muôz trâu chor mê nhuôv zâu hâuk. Hâuk tas ho tror trâu cuô grêix trâu chor piz thiêz tror ntuôk nzir. Thâuv ntuôk thor tas mak chor txiv zuôr tâu nyêis lok trâu trâu sơưr đơưk nox uô ntêx, nox tas mak mav li trâu mor trâu cxuô lênhx nênhs đros chuôz zis nox thiêz muôx luk phôngv trâu chuôz zis cov tsik muôx moz gênhs, tu tsiêx cxu hloz lox jông thiêz huôv tsar. Nox tas mak cxuô lênhx nênhs tsuv nzuôr têk ntơưv luz fiêz đêx tưz tâu bax uô ntêx txơưz ntơưv iz saz luz kror khơưz ntơưv kror trôngx tas uô ntêx thâuv zuôr tơưv đrâuv jôngr thiêz lok muk tsêr cov hur si tso. Thâuv nox hâuk tiêr, sơưr đơưk tưz muk tsêr tas mak tsưr tsêr mav li muôz pêz tuk tâux câur thiêz muôz rêik trâu pêv faz nja sâuv grênhz tsê qar tsưr tsêr luz txax, thâuv no cux zos tưz uô tiêr phôngx cxưx, chêi đaz trôngs lơưv.

Pêz tsôngv box Hmôngz li chêi uô đaz trôngs zos chiê thor cov têx tsiêx cxu hâur chuôz zis hloz lox, tsik muôx moz gênhs thiêz huôv tsar, paz trâu chuôz zis muôx tâu luz nênhx tsâu sor thiêz shir phaz./.

(Lik Thox cxiv sâu thiêz cxêik nhênhv)

Lênhx nênhs K’ho huôv tsar qơư ndis uô si hâur thax tsav tơư trôngz Langbiang

Đhâu ciês uô trơưk cxuô faz tsưr ziv tir thêir caz moz Covid-19 huv đros, tsôngv px hêir nênhs K’ho nhoz thax tsav tơư trôngz Langbiangđrôngl Lạc Dương, huyện Lạc Dương, tỉnh Lâm Đồng têx đruôk tôngx, cxêz tôngxtưz tror bax cxix cxuô chiê nthuôr uô cêr lov jêv tok tsôngv kruô ndis shuôk têz qơưs. Zơưv Krajan Plin shir phaz lul hêik pâuz:“So đhâu iz ntu ntêr, viv caz moz Covid-19 uô ruôr hiêv, tsôngv px cxuô chuôz zis hâur thax tsav  tưz bax tâu cxix cxuô zav nox hâuk, đruôk tôngx, cxêz tôngx chiê tok tsôngv kruô tuôx ndis shuôk têz qơưs”

          Đros trâu têx txux chi, vênhx huôv đruôk tôngx, cxêz tôngx thiêz cxuô zav nox hâuk, côngv thôngx hêir nênhs K’ho nhoz đrôngl Lạc Dương tsênhv huôv tsar luôs hâux lưv ntok ntâuz, uô chơưr xơưk chiê tok thiêz muôs trâu tsôngv kruô.Trơưk li zơưvPăng Ting K’Rè, nhoz Bon Dơng 1, đrôngl Lạc Dương, luôs hâux lưv tsôngv px hâur thax tsav huôv tsar tâu truôx têx txux chi, vênhx huôv đruôk tôngx cxêz tôngx thiêz tâu UNEC Si CO côngknhav chiê huôv tsar qơư uô si, sêiz shuôk têz qơưs, zos iz kro muôx liv lox trâu tsôngv px hâur thax tsav. Txix cxuô luôs hâux lưv uô muôx liv ntơư, ntâu chuôz zis tưz hla đhâu cêr yêiz pluôs, muôx luz nênhx bluô nux: “Ntơư zos hêir nênhs K’ho thiêz côngv thôngx cxuô hêir nênhs nhoz faz Tây Nguyên iz luôs hâux lưv uô muôx liv trâu sđ. Zuk tsuv nthuôr uô cêr lov jêv khoz đruôk tôngx cxêz tôngx tok tsôngv kruô, cov muôx phênhv sâu tâu nhiêx txiêx trâu sđ. Txix ntơư, chôngz lênhx ntâu tus hâur thax tsav qơư nhoz tưz muôx hâux lưv uô, muôx luz nênhx tsâu sor, jêx jos ziv hnuz ziv huôv tsar jông”

          Trơưk lizơưv Trần Xuân Đường, Chủ tịch uỷ ban đrôngl Lạc Dương, huyện Lạc Dương, luôs hâux lưv huôv tsar cxuô zav qơư uô si, sêiz shuôk têz qơưs, tsôngv px hêir nênhs tsơưs hâur thax tsav tưz muôx phênhv sâu tâu nhiêx txiêx. Đros trâu cxuô ngênhx kinh tế txơưr, huôv tsar qơư uô si côngv thôngx, tưz paz tâu trâu tsôngv px hâur thax tsav txo grêk tâu yêiz pluôs truôx đrênhk; nhiv no tsuôk yuôr 16 chuôz zis pluôs, chor chuôz zis bluô nux ziv hnuz ziv tsar ndê. Zơưv Trần Xuân Đường, shir phaz lul hêik pâuz:“Pêz tưz yax kriê huôv tsar qơư uô si côngv thôngx đros trâu cxuô hêir nênhs sđ têx txux chi, vênhx huôv jông; lar hêik zos đruôk tôngx, cxêz tôngx thiêz hêir nênhs tsơưs cxuô zav hax huv li: ntâuz ntok, chơưr xơưk…uô tơưv ntơưv qơư chiê muôs trâu tsôngv kruô. Co zos têx hax huv tsôngv kruô nhiêv zuôr cơưs”

          Chênhr zos pâuz huôv tsar truôx zuk hêir nênhs têx txux chi, vênhx huôv jông, tsôngv px hêir nênhs K’ho hâur thax tsav tơư trôngz Langbiang, đrôngl Lạc Dương, huyện Lạc Dương, tỉnh Lâm Đồng, tưz kriz huôv tsar uô tâu ntâu zav qơư uô si, ndis shuôk têz qơưs, cê huôv tsar truôx cêr uô nox, cê tuôr truôx zuk hêir nênhs têx txux chi, vênhx huôv jông cxôngx nzor, tsôngv px sđ ziv hnuz ziv muôx luz nênhx tsâu sor./.

Tsu cxêik nhênhv-Quang Sáng, CQTT Tây nguyên